اغاني ترقيص الاولاد (التنقيز )

[هجرس]

اغاني ترقيص الاولاد (التنقيز ):o

......

هذي مجموعه من اغاني الترقيص التي ترقص بها الامهات اطفالهم عندما يرغبن في ملاعبتهم و مداعبتهم و كثير ما تشابه اغاني الاولاد و البنات في المعاني و الاهداف خصوصا فيما يختص بتعليم التصفيق او الوقوف او المشي او النطق او الكلام و غير ذلك ...


اسم الله و ياسين :p

اسم الله و ياسين .... على اوليد المساكين
لا لمه إنخيلات .... ولا لبوه إدكيكين
ياعره طلعي بره
لا اله الا الله منشوره
عن الشيطان و حضوره
عن عدوتنا معثوره

....................

هلا و هلاوين :p

هلا و هلاوين هلا و الكحل بالعين
هلا بمطوع قاري و بيده اكتيباته
هلا و مهلي و الشر عنه يولي
هلا هلا هللي له و خذي الطبق يللي له
هلا هلا رشرشله عسى الخدم تفرشله

....................

عشت :clap

عشت و عشعشت
و دخلت الدار و نبشت
و لقيت افوير و نحشت
عشت و لبست البشت
في صنيديق امك نبشت
ومن المرايا حشت


....................

اغاني تعلم التصفيق ...:clap

صفاقه حق البابا
صفاقه جانا البابا
من طرشته ما خاب

.....

صفاقه صفاقه صفاقه
كيا البابا من طرشته ما خاب
جاب الدرر و الدانات
و السلف و لتبابه

....................

اغاني تعلم الوقوف :bb

بو اربع .....ربعوله
وان عيا صفقوا له
صفقوا برامة ادينه
نور ابوه علينا
وقف وقف طق راسه السقف
حيله بيده من وقف طال السقف
حيله بيده من مشا حبا و دبا

....................


اغاني تعلم المشي :w00t

هدا هدا جابوا الغدا
هدا هدا و الشر عنه غدا
هدا هدا حطو الغدا
تمر و ارويد امزهبا

و تقبلو تحياتي
اخوكم هجرس

[سارونة]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه


حلوووووووووووووووووووووووووووة هجرس


عجبتنيي

[همس الورد]

مشكور اخوي هجرس
ويعطيك العافيه
ذكرتني بالاغاني القديمه

(بس عاد انا مو كبيره وايد.... هذا جدتي كانت تغنيها لنا)

تحياتي...

[هجرس]

هلا هلا والله بـــ سارونه

اكيد كانو يغنون عليج ... عشان جذيه ضحكتي

الحمد الله انها اعجبتج

و مشكوره على مرورج

و تحياتي لج
اخوج هجرس

[هجرس]

هلا هلا والله بــــ همس الورد

العفو اختي

الله يعافيج و يسلمج ...
انشالله اتذكرين الشهاده ..

اكيد جدتج ؟؟ مب انتي
هههههههههه
اضحك معاج اختي

تحياااااااتي لج
اخوج هجرس

[بنت البديد]

هههههههههههههههههههههههههههههههههههههههههههههههههه ههههههههههههه

حلوة منك يا اخو هجرس :)

الصراحة ما شالله عليك انت متحف بكبرة انت ذهب الصراحة :)


وانه من اشد المعجبات في مواضيعك<<<<<< ممكن توقيع ( يه يه اشدعوه من قدك )



سلامي

[هجرس]

هلا هلا والله بـــ بنت البديد

والله مرورج احلى ...

الله الله امدحوني .... :) تشققت خلاص ...هههههههه

والله اذا تبين اوقعلج وقفي بالسيد .. خبرج المعجبين وايد والله امكثرهم ...اشعنده ميدو ...ههههههههه

والله من ذوقج اختي ..

و مشكوره على تشريفج

و تقبلي فائق احترامي
اخوج هجرس

[[ سري للغاية ]]

تسلم أخوي هجرس على الموضوع الحلو
واللي بصراحه يذكرنا بماضينا الجميل مو الحين
حليب نيدو ومربيه والكلام الله بالخير ههههههه

تسلم على المشاركة
والله يوليك العافية

[الملثـــمه]

ههههههههه
والله في بعض الاغاني لي الحين موجوده وامي تستخدمها بس فيه غلط في هذه الاغنيه بسييييييط
عشت و عشعشت
في البيت نبشت
و لقيت افوير و نحشت
عشت و لبست البشت
في صنيديق امك نبشت
ومن المرايا حشت

تحياتي :D
الملثـــمه

[هجرس]

هلا هلا والله بـــ غيرووووووك

الله يسلمك اخوي

من ذوقك ..
هههههههههه حليب نيدو ...

و اغاني الراب و و و و ...لخ
خلها على الله ..

و مشكور اخوي على الطله الحلوه

الله يعافيك اخوي

و تحياتي لك
اخوك هجرس

[هجرس]

هلا هلا والله بــــ الملثمه

هلا اختي .. و مشكوره على المرور ..

الله يسلمج هذي الاغاني احاول اجمعها من الخليج و مش مقصوره على دوله معينه .. و انا ماخذها من كتاب .. و ماعتقد انه فيها خطاء ... و هذي الاغنيه مصدرها الكويت ... و معضم الاغاني متشابهه في المعنا و متشابهه بعض الشي في الكلمات .. و انا ناقلها حرفيا من الكتاب .. يمكن فيه خطاء في طباعة الكتاب ؟؟.

مشكوره اختي على التوضيح ..

و تحياتي لج
اخوج هجرس

[خبله الوكره]

هلا هجرس.....ومشكور على كل ماهو قديم واصيل......بس انا عندي سوال؟؟.....الظاهر انك دايم قاعد عند العيايز وينقلونكك الاغاني و الاشيا القديمة ...هاااااااا صح ولا لا؟؟ههههههه على العموم اشكرك على الموضوع الرائع

اختك...خبيلة:)

[هجرس]

هلا هلا والله بخبلة الوكره

هلا بيج اختي ..
العفو .. والله تستاهلون كل خير ..

ههههههههههههههههههههههههههههههه
والله قعدة العيايز كلها خير و ابركه .. من يعوفها ..:)
العفو العفو اختي

و تحياتي لج
اخوج هجرس