المساعد الشخصي الرقمي

مشاهدة النسخة كاملة : اللي ما يتزوجك ...مستحيل يحبك

سيدة من هذا الزمان
08-07-03, 11:43 AM
اللي ما يتزوجك ... مستحيل يكون يحبك

اللي ما يتزوجك ... مستحيل يكون يحبك
اللي ما يهديك اسمه ... ويتشرف بك حنانه
وياخذك عهد و أمانه ... ويمنحك بيت وحياه
ويقسم أيامه لقلبك ... مستحيل يكون يحبك
أي حب اللي تبينه ؟
أي رجل تصدقينه ؟
أي عمر تضيعينه ؟
وأي زهر تذبّلينه ؟
على حروة ... إنك لعهدك وفيه
يا حنونه .. يا رقيقه .. يا غبيه
بهالبساطه احسبيها .. وافهميها واعقليها
اللي ما يتزوجك ... مستحيل يكون يحبك
لعن أبو حيّك كفايه .. كل عشق وله نهايه
متى تخلص هالحكايه ..؟؟
يكفي العمر اللي ضاع .. يكفي الشمع اللي ماع
يكفي الصبر .. العذاب
يكفي الذل .. العتاب
مره اتخذي قرار ... ينقذك من هالضياع
فارقيه .. وعيشي عمرك
فارقيه .. وشوفي زهرك
فارقيه .. وامشي دربك
توبي عن ذُلّك وذنبك
وإن ضعفتي مره ولدّ الحنان .. للسنين اللي زمان
حطي في بالك حقيقه
قاسيه حيل ومريره
اللــي مــايـتـزوجــك .. مــســتـحــيـل يـكـون يحبك
بنت البديد
08-07-03, 11:58 AM
ايه والله صح لسانك وسلمت اناملك
الصراحة كفيت ووفيت وجبت الحقيقة كلها وانه احييك على هالكلمات الي طالعة من قلب والصراحة فعلا يوم قلت :

اللي ما يتزوجك مستحيل يكون يحبك

حتى لو كانت العشرة 5 او 10 سنين
وحتى لو كان الكلام الي بين الاثنين طالع من خاطر
وغير ايام الحلوة والمرة
وغير تبادل الاسرار والحكايات والمعلومات
ويا عوار القلب لو كان هالشخص الي عاد انه يحبك ما يصدقك على اقل كلمة
وكل شي كوم يوم ما يوثق فيك كوم
دامه هذا حبيبك ويحبك وما يثق فيك ولا يصدقك
اجل وين الحب الي يكنه لك
وين المشاعر الي يحملها لك
وين العشرة ؟؟ لهدرجة ما تهون؟؟
يا ريت الحب يتغير للاحسن
بس للاسف الحب هالايام غدا ماله طعم
غدا حب للمصلحة
وحب لاشباع الرغبة
ولا مبالاة للطرف الثاني
حرام الهجر
حرام الصد
حرام الظلم
وبالفعل شي يكسر القلب ويعم الحزن والغم دام الي يحبك
يتركك بكل سهولة وبساطة
وما يتزوجك
وبالاخير يتزوج حد ثاني
وللاسف ...............................................
:(


السموحة ............ طولت وايد

بس هاي الصج( والله يكون في العون ويسامح الي في بالي)
سلامي
همس الورد
10-07-03, 12:59 AM
red_lamborghini
تسلم يمناج كلامات رائعه
صح لسانج
اللي ما يتزوجك ... مستحيل يكون يحبك



تحياتي...
بررق القو1111في
10-07-03, 02:40 AM
صح لسانك عزيزي

على هالكلمااات الجميله

تحيا111تي

برووقه
بنت ابوي
11-07-03, 03:02 PM
صح لسانك ومشكور
يعطيك العافيه
وتستاهل المدح
تحياتي لك