للي يبي يتعلم كلمات بدوية........

[بنت البديد]

قوة اشحالكم:)

هاي كلمات بدوية اتمنى انها تعجبكم ;) وانشالله تكون سهلة للتعلم:p

المهلي مايولي = أهلا" وسهلا"

أغولك =أخنقك

ياهملالي = من زمن بعيد

مبوبز = جالس على قدميه بانحناء

أزريت = لا أستطيع

مسط = سقط

سادّة = أحسن

إندس = إختبىء

افحز = ابتعد قليلا"

عانه = أنظر إليه

قلعك = للتوبيخ

واخزياه = زيادة في الخجل

وان = أين ؟؟

تعقب = تكذب

الخلا = تراجع للخلف

هماه = هل فهمت ؟؟

ييزي = يكفي

إظهروا = اخرجوا من المكان

هاو = للتعجب

غديك = من فضلك

أسعله = أسأله

نخيتك = استنجدت بك

إلفقها = أسكت

يا زينك زيناه = انك فعلا" رائع

يا جماعة الخار = يا أهل الخير

الماخوذ = ضمير مبتكر يطلق عند الرضا

أنود = أشعر بالنعاس

منتاز = ممتاز

وأنا أخو وضحى = جملة يرددها الرجل الشهم في المعارك

ارواح = هيا نذهب .....

أتمنى تكون أعجبتكم ...

والدعوة كلها ضحك مو أكثر فياليت محد ياخذ على خاطره ...

:bb تحياتي ... :bb

س ل ا م ي

[مـــوزان]

هلا بنت البديد. .

والله في كلمات مش بدويه
مثل هاو و ييزي.. بالعكس هالكلمات مايقولونها البدو;)

<<عندها خبره ترى :p

عالعموم تحياتي لج يا بنت البديييد
:o

[بنت البديد]

هلا اختي موزان :) مشكورة على المرور وشكرا على التعليق والتعقيب:)

وحبيت اقولج انه الكلمات انه متعلمتها من رفيجتي بدوية عشان جذي يمكن كلمات اول مرة تسمعينها وحتى انه بعد :)

س ل ا م ي

[عنـــــود الصيد]

حلوووووووووه مشاركتج بنت البديد عجبتني جديده من نوعها ....يعطيييج العافيه


عنـــــــــــــود الصيــــــــد

[بنت البديد]

العفو حبيبتي كل يوم تعالي:)

مشكورة على المرور والرد:)

س ل ا م ي

[Dam3aT_QaTaR]

:D

المصطلحات تجنن ,,
كلامهم روعه ,,

تحسين لهجتهم مميزه ,,

ومنهم نستفيد ليش لا ,,

وانا بعد عندي ربع ..
وبدو ..

وخذت منهم وايد .
( من عاشر القوم 40 يوم صار منهم )

هاي 40 يوم بس ..
شلون لو سنين وسنين :)

تسلمين بنت البديد ..وعساج عالقوةةة ..


تحياتي لج ..
:o

[بنت البديد]

هلا دموعة :)

نورتي موضوعي تسلمين على المرور والتعليق بعبارات حلوة وخفيفة مثلج:)

ايه والله صح لسانج :)

س ل ا م ي