فنياااات

[المــــــــــوج]

مرحباااا ( شله ) لووول

انشالله رايقين النهار ده ....... مثلي

الصراحه وحشتني طلتي وخاطري اشوف اسمي في موظوع جديد من حقي طبعا ..... :)


المهم

بما ان ماعندي سالفه ..... نفس كل مره ...... خلوني اقولكم عن شي تذكرته .... طبعا ليس القصد منه السخريه ..

شرايكم ..؟؟ كل واحد فيكم يفتح التلفزيون ويدور على مسلسل بدوي ..... وش بيشووف ؟؟؟ اكيد راح يشوف صحراء وبيوت شعر وغنم وخيل ومطاياوالخير والزبد والبن كله في كيس واحد .... :) . الى هنا وكل شي تمام ...... ولكن اللي مش تمام انك لازم تشوف راعي غنمم اهيل في كل مسلسل !! ليش ؟؟ مادري ... المهم غزوه المسكين شيسوي الحين ...؟؟ لازم يروح حق ( الشيخ ) .. راح الاخ متحزم وحالته حاله ... يركض وعاض الثوب ... ويمر على الف واحد من ( فرسان القبيله ) ماينطق ؟؟؟ لازم الشيخ ....!! اللي يقول عنده غرفه عمليات في الشق ... المهم الشيخ قاعد ومشاهد المقهوي في هالحر ... والقهر لابس بشت .. نزين حر موت ... لا لازم ... قلنا مب مشكله بس يرقد فيه بعد !! ليش ؟؟!! والله ندري انك شيخ ....!!! المهم شيخنا توه قايم من الرقاد ومتفطر فطور ( كونتننتال ) ,, :) ,, قام المقهوي وزين له القهوه وقدمها له باليسار !!!! مسكين وده يحط الفنجال على الارض ويقول ماشرب قهوتك الا لما تلبي طلبي .. لكن محد عنده ... المؤلف مانع عنه الزيارات لشيوخ غيره في هالمسلسل :) .... ولا بصياح الراعي .. : يا شيخ يا شيخ الحقني يا شيخ الحراميه طخو مادري من وسرقوا الغنم .:) ... وقوم انت يا الشيخ اللي مادري على كم بيت شعر راز نفسك واضرب وكفخ هالمسكين ؟؟ عااااد الحين الشيخ عصب ولا تعصيبة ياسر عرفات .. لووول .. طخ الطبنجه :) مدري شيسمونها واركب خيلك طبعا خمس دقايق وهو يعابل عشان يركب .. هههههه .. وكله فارس العرب ..!! وهناك الطيور طارت برزاقها ..... المهم راح الاخ ومصورينه من بعيد عشان مانعرفه ... والبشت يهف في الهوا .... ماخذ بشتك ليش ؟؟ :) مالقاهم ورجع ... وطلب اجتماع عاجل لرجال العشيره .... كلهم سته مدري سبعه.... اللي معصقل واللي مكرش !! طبعا كلهم فرسان ...!!! واغلبهم لابسين بشوت ... ليش نزين كل يوم مع بعض .. واثناء الاجتماع الطارىء طلت بنت الشيخ من الشق عشان تشوف حبيبها وتدور عليها الكاميرا ولا ذيك المزيونه اللي حاطه كريم اساس اللي ماعقبه وذاك الروج الخشن والحواجب رسم تقول عايشه في روما مب في البر ... مابي اطول عليكم اكثر ... وخلصنا الدرس

مناقشه

استنتجنا من الدرس ان للمخرج فكر فلسفسي مغبر مثل البيئه اللي كان فيها وهو يخرج هذا المسلسل .. .. واللي عرفناه بعد ان صوره البدو تشوهت منن حيث المظهر يعني مافيها من الواقع شي يذكر غير القصه اللي طلعت عويه بعد .. بفضل لابس البنطال ... والشي الثاني حرام فصخ ( البشت ) !! واخيرا ممنوع تغير الملابس ..!! ولا مايصير مسلسل بدوي ..!!!
مساكين مايقدرون يسوين شي متعوب عليه ...!!

الاساله
1- متى شفت الشيخ بدون بشت ؟؟
2- كم مره غيروا ملابسهم ؟؟
3- في اي صالون تمكيجوا البنات ؟؟
4- لماذا زوجه الشيخ دايما تطبخ ماي خالي ؟؟ وشلون عقب يتحول هذا الماء الى اكله دسمه ؟؟
5- المعروف ان البدو دايما يسون شي طازج .. اذن ليش يتريقون خبز يابس ؟؟ :)
الصراحه الاساله مالها نهايه

وشكرا

ودامت دياركم عامره بالافراح
يرجى عدم اصطحاب الاطفال والخدم :)

السموحه
اخوكم
المــــــــوج
,, :) ,,