@)-- اجازة الجمعه والسبت .. مع او ضد مع ذكر السبب ؟! --(@

[Dam3aT_QaTaR]

السلام عليكم ..

موضوعنا اليوم هو عن : اجازه الجمعه والسبت ..

القرار صدر ..

والنظام بدأ ..

في دوله قطر بالذااات ..


ولو ابدينا راينا بالرفض او القبول ..

ماراح يغير من القضيه شي ..

اللي طالبته منكم ..

تعطوني رايكم في هالنظام ؟!

هل هو في صالحكم ..؟
او يتعارض مع مصالحكم ..؟

واذا كنتوا من الدول اللي ما طبقت هالنظام ..

هل تتمنوون انه يتطبق عندكم ؟!

والا ...؟!;)




وبصراحه انا عندي مداخله صغيره على هالموضوع ..

هل هذا النظام من احد الانظمه اللي تساند الجاليه الغربيه المسيحيه عندنااا ؟!

او انه ترضيه للي يشتغلون في البنوك !!

واذا يغيتوا تشوفوون رايي ..

بصراحه انا ضد هالاجازة ..

ان شاءالله اشوف ارااااائكم ..

بعدها اقول لكم ليش انا ضد هالفكررره ..
وهالنظااام ..


تحياتي ..
:o

[النادر الشرقي]

السلام عليكم ورحمه الله وبركاته

بصراحه اختي دمعه قطر انا مادري وش الظروف اللي خلتهم ياخذون القرار هذا بالضبط حسب ما سمعت في البدايه انه علشان يرافق عطله البنوك الاجنبيه في الخارج علشان ما تتعطل المصالح ولكن ما اشوف انه مبرر كافي وانا اتصور بعد انه مو في صالح المواطن القطري اجتماعيا لانه المواطن القطري جزء من المجتمع الخليجي بفعل الارتباط العائلي والاسري ولما كانت معظم المناسابات العائليه بشكل عام تجري يوم الخميس فاتصور من العسير والصعب عليه انه يلحق عليها او يشارك فيها . نفس الشي للمواطنين اللي عندهم مناسابات كبيره او التزامات عائليه راح يصير فيه نوع من الصعوبه للتجهيز او المشاركه فيها على اعتبار انه داوم يوم الخميس

اما راينا فيها اذا بغوا يسوون نفس الشي عندنا فمرفوض لنفس الاسباب اللي قلتها عن المواطن القطري تنطبق على كل مواطن خليجي


اقبلي تحياتي

[Dam3aT_QaTaR]

هلا اخوي يالنادر الشرقي ..
بصراحه صدقت ..

وللأسف الظاهر هذه خطه جديده للقضاء على العلاقات الاجتماعيه ..
والدينيه اولا ..

وان شاءالله مايقررونه في كل الدول الخليجيه ..

لانه بصراحه احنا متبهدليييين ..


تسلم على تعليقك يالطيب ..

تحياتي ..
:o

[الــغ ــالي]

عليكم السلام ورحمة الله وبركاته

يعطيك العافيه يادمعه قطر على طرح مثل هذا الموضوع الاجتماعي السياسي في نفس الوقت

ومن دون ادنى شك بان هذا النظام الجديد على المجتمع الخليجي له مضاره الاجتماعيه والدينيه
على الاجيال القادمه .. نسبه كبير ترفض هذا الوضع لاننا عشان الوضع السليم كمجتمع قطري
كبقيه البلاد الخليجيه .. ولكن الاجيال القادمه سوف تألف هذا الوضع لانها فتحت عيونها على
نظام منتهي لايقبل النقاش .. ولكن المجتمع الحالي مازال يعاني من هذا التغيير الذي ليس
له مصلحه واضحه للمجتمع نفسه والتفكير كدوله ديمقراطيه ان يتم اتخاذ مثل هذه القرارات
على مبدا التشاور والاقتراح ... واذا السبب المصالح الخاصه للبنوك فليس يعني ذلك الاضرار
بالافراد والمجتمعات على حساب مصالح اقتصاديه يمكن تعويضها باي طرق اخرى كبقيه
الدول الخليجه والعربيه في تعاملها في معاملاتها الاجنبيه ..

وبالطبع هذه مرفوض بالنسبه لي لو يتم الاقتراح على التفكير في طرح مثل هذا القرار الغير مريح
ابدا والمخالف للي تعودنا عليه منذ زمن بعيد ...

تحياتي

[Dam3aT_QaTaR]

هلا الغالي ..

الله يعافيك يالطيب . .

وصدقت والله . .

يعني لو جينا نشوف ايجاابيات هالنظام . .
اقل من سلبيااته . .
اذا قارننااا بينهم !!

لكن مانقدر نقول شي !.؟
القرار نزل ..

والنظام تطبّق ..

وماظن راح يتغير دامه نزل !!

ومجتمعناا قبل لايكون خليجي . .
فهو مسلم . .

وعلى ماظن ان يوم الجمعه . . هو اليوم المقدس . .
اول شي تصير فيه كثير من العبادات . .
كفايه الصلاه تكون في المسجد ..
وثاني شي التجمعات العائليه تكون اكثرها في هاليوم !!

يعني له اثر ديني واجتماعي ..

والجيل القادم بيكون متعوود عليه . .

لكن راح يصيررر هدم لكثير من المبادئ ..

الله يستر !!!!!!!!!!!!!!!!!


تسلم على تعليقك ..

تحياتي ..
:o

[شـامـان]

السلام عليكم ورحمة الله وبركاته

جميعا

انا عندي مداخله لكن مداخلتي هذي ليست مع او ضد الموضوع لكن راح اتطرق له من الناحيتين

الجانب الاول

احنا في السابق لا نعرف غير يوم الجمعه كإجازة في الدوله وكانت البدايه اذا لم تخني الذاكره

1/10/99 بعدها تم تطبيق اجازة الخميس والجمعه يعني احنا اخر الدول الخليجيه في هذا النظام .

يعني احنا ماكنا معتمين بهذا الموضوع بتاتا وكنا نسافر ونروح ونجي بعد دوام الخميس ونرجع الجمعه

ونداوم السبت وكل الامور تمام التمام .

طبعا بعد هذا التاريخ اللى طبقوا فيه اليومين الاجازة فرفشوا الناس عندنا وبعد احتجوا على زيادة

عدد ساعات العمل عشان تغطيت ساعات يوم الخميس وكانت في جبهتين وحده مع الاجازه

والثانيه ضدها صبعا .

لكن بعد فتره تعودا على هذا النظام الجديد .


الجانب الثاني

حاليا تغيرة الاجازة وصارت الجمعة والسبت دوم المساس بيوم الجمعه كما في السابق وهذا امر طيب

لكن يبقي المبداء وهو اجازة يومين كانت خميس وجمعه او جمعه وسبت

لكن يبقي علينا التعود على هذا الوضوع الحالي وانا بكل صراحه لين احين صرت ماعرف الايام

والخبط فيهم لني لين احين ماتعوت على هذا الوضع .




يبقي في الاخير انا مع او ضد هذا الموضوع ويجب علينا ان نشوفه من جميع النواحي

ولا نغفل اي جانب منه بتاتا





لكن اختلاف في الرأي لا يفسد للود قضية

[أخــت القــمــر]

بالأول أنا مع أخووووي شامان 100 %


و كل اللي كنت بقوله هو قاله .. و يشكر على تعليقه


بس تبقى مسألة التعووود .. احنا للحين مامتعودين على مسألة ان يوم (( الخميس )) دوام و يوم (( السبت )) أجازة

وما متعودين أن الأسبووع يبدأ من يوم (( الأحد ))


بس مع الأيام انشالله بنتعووود


و اذا عن سالفة المناسبات الاجتماعية .. و أن الناس متعودين تكون مناسباتهم في يوم الخميس


فأنا أحب أقولكم أن يوم المناسبات الأجتماعية صار له (( شفت )) إلى يوم الجمعه

عند بعض الناس ..


و ما أدري هل هالخطوة زينة ولا لاء ؟!!


تسلمييين غاليتي دمووعة

تحياااااتي :)

[Dam3aT_QaTaR]

هلا اخوي شامان ..

تسلم يالطيب على التعليق اللي كفيت ووفيت فيييه ..

وصحيح ماقلت ..

هو الاعتياد على هالنظام هو اللي راح يصير ..

بس بعد يبيله وقت لين نتعود !!


ماقصررت يالطيب ..



تحياتي ..
:o

[Dam3aT_QaTaR]

هلا اخت القمر ..

الله يسلمج حبوبه ..


مشكوره على تعلييقج يالغاليه ..


وان شاءالله اكيد مسأله التعود داارجه ..


والله كريم ..


تحياتي ..
:o