ماضي الفتاة..!! هل يهمك..؟؟ جاوبوا يا شبااااب

[سيدة من هذا الزمان]

لو حبيت تخطب بنت علشان معجب باخلاقها ..
وفيها وفي نظرك انها زينه..
وهي هذي البنت اللي تتمناها تكون زوجتك..

لكن عرفت انها كانت تحب واحد وانتهى هذا الحب..
ياترى تتزوجها؟
والا عشان كانت لها قصه غراميه من قبل ما راح تقبلها وتتراجع عن الزواج.و تغير رايك فيها..
والا تنسى ماضيها وتبدا معها قصه حب جديده ..

هااا ما نبي مجامله نبي الحقيقه و النقاش جاد


تحياتي

[~¤®بوسلوم®¤~]

شي اكيد طبعا يهمني ولازم اهتم فيه


قبل لاخطي اي خطوه

اعرف في البدايه اذا حصل شي في هالعلاقه ولا لا

واتأكد منه

لكن اذا انها ماخطت في اي شي اخلاقي

طبعا ماراح اتردد في اني اختار هالبنت

وفوق هذا كله الاخلاق

[~¤®بوسلوم®¤~]

بس على فكره ياحلوين نسيت اقولكم انه


الـــحـــــب يعمي القلوب

[المتمرد]

بالنسبه لي انا

اذا اعترفت بالعلاقه والا ما اعترفت يعني انا عرفت

بطريقه ثانيه ....


لا لا لا لا لا لا

ما بتزوجها

من شب على شي شاب عليه

[~¤®بوسلوم®¤~]

المتمرد كلامك صحيح


لازم هي تعترف

واذا ماعترفت ولا قالت عن هالعلاقه والرجل اكتشف هالعلاقه بأي طريقه من الطرق

هني شي اكيد راح ارفض اني اتزوجها


لانها في البدايه اكتمت الشي وماصارحتني فيه عيل شلون بعدين في الحياه الزوجيه اكيد ماراح اتصارحني في كل شي

وهاي اكبر غلط في الحياه الزوجيه

اهم شي المصارحه والصدق

[النادر الشرقي]

اخواني اخواتي الكرام

السلام عليكم ورحمه الله وبركاته

اما الاخت لامبرغيني طرحت موضوع ولو انه نادر لكم ممكن الحدوث لانه معروف في المجتمع الخليجي الزواج يتم على الطريقه التقليديه المعروفه ولا فيه مجال للبنت تكلم الرجال الا بعد عقد القران ذا في الغالب ....

اما مسأله مضيها او ماضيه على حد سواء ما تصير هاالاعترافات الا عن طريق التلفون بين الاثنين ويمكن العلاقه اصلا غلط من اساسها حيث تاخذهم العاطفه مع الايام للاتفاق على الزواج وفي غمره الاحداث والحبكه العاطفيه يضغط عليها ويقول لها اعترفي حبيتي احد غيري وتقول له كنت في السابق وهنا يصير تغيير جذري في العلاقه حتى لو كان نيته يخطب تطلع له المقوله المأثوره اللي كلمت فلان قبل الزواج يمكن تكلمه بعد الزواج ويبدا يبتعد عنها وتصير هي الخاسره الوحيده.

لكن نتكلم بصراحه اكثر

انا اتصور الاعتراف هذا نادر الحدوث وحتى البنات يتزوجون في الغالب شخص غير اللي يحبونه على قولتهم وهذا راجع الى ان البنت تدري في داخلها انه ماراح يتقدم لها ابد دام العلاقه تلفونيه او عن طريق الانترنت ويمكن يصحى تفكيرها وتفكر بشكل عقلاني ومنطقي


اما الماضي :

بالنسبه للشاب يطبق المثل اللي يقول الولد ينقل عيبه يعني هو شاب والعلاقه هذي عاديه ولا فيها شي طيش شباب فتره مرحليه وتنتهي يعني عنده حصانه من مسأله الماضي



بالنسبه للبنت
جريمه لا تغتفر وغلطه كبيره جدا تكلفها بعض المرات سمعتها وسمعه اهلها لان البنت بنت


هذي النظره العامه لكن نظره العقل تقول:

الاثنين غلطانين الاثنين مذنبين الاثنين عليهم التوبه الاثنين عليهم نفس المسؤليه الاثنين يتحملون النتايج


تحياتي

[ام عبدالله]

السلام عليكم - موضوع مثير واحب اني اشارك فيه
انا اظن ان من حق الشاب ان بتعرف على كل تفاصيل حياة البنت الماضية عشان اتكون حياتهم من البداية مبنية على الصدق والثقة. اما البنت الي اتفضل انها اتخبي ففي اعتقادي ان اخطاء حصلت في حياتها شبه لا تغتفر بس الشاب العاقل الي شاريها ما بوقف امام ماضيها ويتحسر ويعاقبها بلعكس بيحاول انه يداوي جروحها ويستغل هالفرصة انه يبني انسانه صالحه منها

ام عبدالله

[سيدة من هذا الزمان]

بأنتظار المزيد من المشاركات والردود .....


تحياتي ل أم عبدالله.النادر الشرقي.المتمرد,~¤®بوسلوم®¤~
على تواصلكم الملحوظ ممعاي



اختكم الريم

[][F][فتــا111ن][F][]

مثل ماتفضلتي اختي الريم تبين اجابااات صريحه على موضوووعك ورااح اقوولك بكل صراحه.

الفتاه الي كانت تحب قبل وصارت مقبله على الزواج واكتشفت انها تحب شخص ثاني بس فشلت العلاااقه لسبب معين .. هذا يدل على ان الفتاه هذي لاتنفع ان تكون زووجه الا لانساان لايفقه في الدنيا شي ..هل يقبل بالفتاه هذه بكل سهوله يكفي بانها احبت شخص وهذا يدل على اخلااق الفتاه التي انجرفت خلف الكلام المعسووول والحب الخرافي ..وحتى لو تم القبووول بالفتاه هذي هل سووف تراعي زوجهااا او او او او ... من وجهه نظري لاتنفع هذي الفتاه للزواج ابدااا.



واسف على الاطاااله .



تحيا111تي لك

[الملثـــمه]

اعجبتني صراحتكم ياالشباب ... وماتوقعت كل هذي الصراحه منكم .. لاني من قبل شايفه مثل هالموضوع في منتديات ثانيه وكان الجواب نعم اتزوج البنت لو عرفت ماضيها ولو تابت عن هذا الشيء .. وانا ابدا ماكنت اصدق فيهم هذا الكلام .. يقولون كلام من الخيال لكن بالفعل لا يطبقونه ..

أحيي فيكم هذه الصراحه :)

[أخــت القــمــر]

موضووع جميل جدا


ومن رأيي .. ممكن .. لأن بعض الشباب ما يهمهم الماضي .. خصوصا لو كانت البنت فعلا خلووقة

لأن العيب مو في الحب نفسه .. العيب في طريقة اظهار هالحب


يعني لو الوحدة كانت تحب (( حب صادق )) والله ماوفق لها انها ترتبط بالانسان اللي كانت تحبه .. خلاص ينحكم عليها بالإعدام !!


وايد في أزواج تزوجوا بنات كانوا يعرفون ماضيهم .. سواء كان هذا الماضي معاهم او مع غيرهم ..


الأخلاق هي الحكم .. والسمعة الجيدة

و ليس الوقوع في الحب .. لأن عمر الحب ماكان عيب .. ينفر الناس منه

و شيء ثاني ..

أن الوحدة لما تعترف بماضيها .. يكون من باب المصارحة .. وأعتقد أنها بتكبر في عين اللي بيتزوجها لأنها اختارت تصارحه قبل الإرتباط .. عشان مايحس نفسه مخدوع قبل .. رغم أني ما أشوف أي خدعة في الموضوع .. بس هذي وجهة بعض الشباب (( أنه انخدع )) !!


و بس

تحيااااااااتي :)

[سيدة من هذا الزمان]

سلامي لج **اخت القمر**


بس كلمه وحد ممكن الكل يفهمها للبنات طبعا
((الريال الخليجي يحب البنت تكون صندوق )) ما فهمتوا صح
يعني ما يبيها تكون صريحه نعاه, يبيها اتخلي ماضيها في صندوق وتقفل عليه سواء تزوجته عن حب او بدون حب...



تحياتي

[][F][فتــا111ن][F][]

السالفه مو ان الشااب الخليجي يحب ان البنت تكوون صندوووق مقفل ... العكس صحيح الشاااب يحب ان البنت تكون صريحه معااه لن اساااس كل زوااج هو التفااهم والصدق بين الطرفين ...بس الي نتكلم عنه هووو ان الفتااه الي كانت تحب وماانكتب للحب هذا بالنجااح ... وش رااح يصير لو تزوجت من شاااب اخر وحتى لو ماكانت تحبه ... فتاه اقدمت على الحب وش رااح تسوووي مع زوجهااا اكيد راح يكون بالها مع حبيبها الاول ويمكن مايكون .. وش راح يكون مستقبل الزواج هذااا ...



وكلامكم انتو يالعضوواااات دفااع عن الفكره هذي وانا بصراحه ماتوووقع ان الزواج هذا ينكتب له النجاح لن الفتااه لها ماضي وماضي مر بعد وهي نفسها مارااح تنساه فكيف راح يكون الحال وهي متزوجه من انساان ثاني .... فكروو بالموضووع بعقلاانيه كبيره شوووي .



اسف على الاطاااله .


تحيا111تي لكم

[عيون الليل]

يسلمووو اختي على الموضوع الحلو وانا ايد اخواني وبالذات اخوي فتااان

[سيدة من هذا الزمان]

لفتان___

ولو صارحته عاااااااااااااااااااااااادي يقول لها












































طـــــــــــــــــــــــــــــــــــــــــــالــــ ـــــــــــــــــــــــــــــــق

[عـــذب المعاني]

اشكر موضوعك اختي الريم ..
والصراحه نتكلم على اساس تقاليدنا ومثل ماقاله اخوي فتان

اشكرج اختي الريم ويسلموووووووووو ولك خالص تحياتي .. عذب المعاني