حياكم شاركونا بهاللعبه التراثيه

[عيون السهارى]

لكم بعض من الأمثال الشعبيه المتداوله في دول

مجلس التعاون الخليجي واللي نشم منها عبق التراث

والماضي واشرايكم تشاركونا وكلاً يساهم معانا بأمثال

شعبيه من ديرته يعني تبادل خبرات :D ولكم تحياتي

http://www.almajedy.com/pics/images/house.gif

اللّي ما يعرفك ما يثمنك

البعد بعد القلوب مب بعد الدروب

غالي والطلب رخيص

من طول الغيبات ياب الغنايم

ما تفوته فايته ولا عصيدة بايته

إبليس ما يكسر مواعينه

اربط صبعك وكلٍ بينعت لك دوا

اللي ما يعرف الصقر يشويه

أختكم ... عيون السهارى :thumbup

[أخــت القــمــر]

يعطيييييج ألف عافيه

والله اللعبه حلوة وعجبتني

ببدأ فيها اول وحدة .. ونقوووول بسم الله الرحمن الرحيم :p


(( من سوا نفسه سبوس .. لعبت فيه الدياي ))


يعني من تساهل مع الناس بسذاجته و طيبته الزااايده اللي مالها داعي .. و خلا الجاي والرايح يستغله .. فهذا راح يكون مقصه من قبل الكل .. والكل راح يستغله و يقصوووون عليه ويهضمووون حقوقه.

وراح يكون مثل الخيووووط اللي تلعب فيها الدجاج :clap


تحيااااااتي :)

[عيون السهارى]

مشكوره أخت القمر على المشاركه وعساج ع القوه

وأن شاء الله يتفاعل معانا الأعضاء

مني للجميع هالمثل (( بيض الصعو ينسمع ولا ينشاف ))

وأذا بتشاركون بأكثر من مثل اووووووووكي :D

تحياتي .. أختكم عيون السهارى

[أخــت القــمــر]

انشالله


والله اللعبة حلوووة .. بس الظاهر العرب نايمين عنها :)


المهم مثلي هو

(( بو طبييييع ما يوووز عن طبعه ))


و طبعا معناته .. أن راعي الطبع واللي متعود أنه يسوووي شي .. راح يستمر يسوويه مهما كان ومهما حاول .


بس طبعا انا مو موافقه تماما مع هالمثل .. يعني الواحد ممكن بالصبر والأرادة أنها يتخلص من بعض الطبايع والعادات السيئة


تحياااااتي لج :)

[desire]

مرحبا
اشكرك اختي عيون السهارى على الموضوع المفيد والجميل !!

وعندي هنا مثل " لاأدري ربما يكون شائع بين العرب !!

( اشبر بشبر المولود وغير هذي المرّه لاتعود )

يعني انسان وقع في مشكلة بسبب عدم تفهمه للموضوع أو استشارة ذوي الخبرة في هذا المجال فيقال له هذا المثل كناية عن انه يجب عليه ان يحسب ويدرس ويقيس في كل شي ويجعل هذه المشكلة آخر شي من المشاكل )

أوووووووف ,,, تعبت حتى اشرح :D انشاء الله يكون احد فهم!

تحياتي لكم desire

[عيون السهارى]

مشكورين خواتي على المشاركه

بس الظاهر المساهمات كلها من عناصر نسائيه

والواضح ان الحريم يحفظون الامثال الشعبيه اكثر من لرجال

وتسلمون لي على مشاركتكم وانا بدوري اقول هالمثل

(( الطول طول نخله والعقل عقل صخله )) :D

ولكم شكري

[الدانه]

يامرحبا بج اختي عيون السهارى

ومشاركة حلوة منج

وتسلمين وماتقصرين

عل العموم انا مستعجلة الحين

راح امر عليكم بعدين اتحفكم باللي عندي

:D

تحياتي
دانتكم

[أخــت القــمــر]

:D


مثلي هووو


(( اللي ماله أول ماله تالي ))


يعني الإنسان اللي ماكان له ماضي .. والمقصود هنا عادات وتقاليد (( على ما أعتقد :) )) .. مراح يكون له أي أعتبار في المستقبل .. يعن الواحد لازم يحتفظ بجذووورة ويعتز بأصله و عاداته وعادات اهله القديمه ..


<<< ترى هالشرح كله تأليف من عندها .. لحد يصدقه :)



تحيااااااااااااتي :)

[الدانه]

هذاني رجعت

(الطرار يطر والفار يجر)


(من طق الطبله قال انا قبله)

(الكحل في عين الرمده خسارة )

وتحياتي
دانتكم

[عيون السهارى]

( اللي ما عنده عمل يكاري له جمل )

( مكسوره وتبرد )

( الثوب الطويل يتعك )

( أن طاعك الزمان ولا طيعه )

( يا من شرى له من حلاله عله )

ولكم تحياتي :clap

[الدانه]

يقول لكم الله يسلمكم

(اذا كان حبيبك عسل لا تلحسه كله )

(ومن طق الباب جاه الجواب )


وتحياتي لكم
دندونه الامورة

[عيون السهارى]

( يا ماشي درب الزلق لا تآمن الطيحه )

( مكسوره وتبرد )

( العين ما تعلى على الحاجب )

( بتعرس وقاصرها اليباب )

( أم ناصر لسان طويل والحيل قاصر )

( يبي يكحلها عماها )

( تلقى لدوى بأخس النخل )

( بعد ما شاب ودوه الكتاب )

وشكراً على مشاركتكم يا حلوين:o

[الدانه]

(نقول تيس يقول حلبوه)


( غالي والطلب رخيص )


تحياتي
دانتكم

[سارونة]

يسلموو عيون على هذا اللعبه الحلووه

ويقوولج :


طقني وبجا وسبقني وأشتكا

جهز الدووه قبل الفلعه

زلقه بطييحه

علمنهم الطراارة سبقونا على البيبان

صبه حقنه لبن

هذا سيفووه وهذا خلاقينه

ماطاح الا امبطح

مال عمك مايهمك

المال مال ابونا والغرب شاركونا

ردت حلييمه لعادتها القدييمه

وهذا الي في جعبتيي الحيين لي تذكرت شي جييد قلتلكم

[عيون السهارى]

مشكورين خواتي على المشاركه وما شاءالله عليكم

عيني عليكم بارده انتوا اللي مكتسحين كلها مشاركات

الجنس الناعم ,, عساكم ع القوه :o

وودي اضيف المزيد من اللي في جعبتي :-



اللي بالجـــــــدر يطلعــــه المـلاس

لا تسرف ولــــو من البحـــر تغــــرف

الشبعــــــــان مــــــا منـــــه أجــــر

الفقير محسود على موتة اليمعــــه

الخـال خلـــــــي والعـــــــم ولـــــي

نوخذاويـــــــــن طبعـــــــوا مركـــــب

خـذ علـــــوم الــــدار من يهالهـــــــا

لا يعجبه العجب ولا لصيام في رجب

لــي فــات الفــوت ما ينفـــع الصـوت

يعرســون اثنيـــن ويجنــــون الفيــــن


وتحيااااااااااااااااااتي