صباح المشاكل....

[تايه الخطوه]

يالله صباح خير.تصحى من النوم الصباح وأنت قلبك مقبوض وأنت عارف انك لو قريت جرايد راح ينقبض أكثر.صارت جرايدنا مليانه أخبار مجتمع ماتونس مدري هي ظاهره صحيه ولا من جنبها.عامل ذبح اخوياه وانتحر.مواطن يطيح هو وسيارته بحفره.مصنع يحترق ويحترق معاه خمسين مليون.مواطن يلهط كم مليون وينحاش.أخر شي قريته.يقول لك طفله تطيح من الدور الرابع مدري الخامس وتموت وأبوها مشتكي على راعي العماره.طبعا راعي العماره يقول.مال لي دخل.والكل يبي يتخلى عن مسؤوليته عن موت الطفله البريئه وكلها كم يوم كان راعي العماره راعي واسطه يطلع منها زي الشعره من العجين.أكيد راح تنحل هالمشكله بس راح يستمر الاطفال يطيحون:لان مجتمعنا مايعالج جذورالمشكله. واساسها ليه مانفتح ملف كل مشكله تطلع بمجتمعنا بحيث انها ماعاد تتكرر.مثلا.طيحه هالطفله بهالطريقه اللي تعور القلب ليش ماتخلينا نفتح ملف سقوط الاطفال.بس حطوا ملفات وصفوا النيه أنكم تبون تشتغلون بضمير علشان البلد مو علشان الانتدابات.صدقوني راح ربي يوفقكم وتطلعون بحل جذري.بس مو تلزمون صاحب العماره انه مايركب درايش بعمارته.او تلزمون اللي معاهم اطفال يسكنون الدور الارضي.هذي ماهي حلول.هذي تعقيد للمشكله.اكثر من حلها.مثل اللي جاء يبي يعالج مشكله هروب الخدامات وحط غرامه على كفيل الخدامه عشرين الف.هذا حل نكبه أكثر من نكبه المشكله نفسها.وربي اللي يشتغل لوجه الله سبحانه راح يوفقه ربي لحل لاقبله ولابعده.ترى الجرايد ماعاد تخبي اي خبر.تنشر ماطاح تحت يديها.ولاعاد ينفع معها الترقيع.صار ينشرون ماشافت عيونهم.الله المستعان بس