الياســـمين

[القنــــاص]

الياســـمين
يازين لاتبكى ولا تنــوح ......... دام الوقـــت وياك مـــــاراح

اغنم زمانك قبل ميروح ......... وقت مضى ميعود ياصـــاح

خل الكدر والهم والنوح .......... واسعد بيومك وانت مرتاح

واصبر على بلواك لتبوح ......... عقــب الصـــبر الهم ينزاح

قلبى تولع بك ومجروح ......... ودموع عينى بات نضــــاح

اتعبتنى يامتلف الروح .......... سهران ليلى والفــجر لاح

خليتنى ملهم مطروح ........... ارحم عساءايعود لى راح

وقت مضى بالفل يفوح ......... والــورد والياسمين فـواح


والسموحه

اخوكم

القناص
(( 21 / 4 / 2002 )

[مـهـب الـنـود]

احب اجاريك سيدي و اقوووووووووول

مرحبا مليون بأحبابــي ***** صاحبي لي حاله اصْعيبي

يوم يشكي تلع لرقابي ***** طالبنّي و ييتك آثيبي

ثره صابك سهم بانْشابي ***** سهم ريمٍ مول مايْخيبي

سالبنك صدر له لابي ***** من سبابه حالك امْشيبي

يالأخو ذا الريم عايابي ***** كيف أثيب وْ حالي امْصيبي ؟

في الحشى نيران تقلا بي ***** و الفكر ما عاد يجدي بي

من سبب غرشوب لعّابي ***** منيتي سيد الرعابيبي


و السموحه منك فانتظار ييديدك
قمر دبي

[القنــــاص]

مشكوره على تواصلك مع قصايدى وهذا من طيبك

واقول بدايه من قصيدتى التى ساضعها قريبا


وين الذى يشرح لى الحال ........ غيره انا مالى سنع فيه

هذاك لى يطرى على البال ......... بالعين والمهجه اراعيه


اكرر شكرى وامتنانى على مرورك الكريم وهذا يغمر النفس بسعاده

والفرح


تحياتى وتقديرى لكى

[N o R a]

يسلمووووو خيووو القناص وصح لسانك


وهم صح لسانج قموووورة


والله احيد الدوتو بالاغاني مو بالشعر هههههههههه ملقوفة شو اسوي

[مـهـب الـنـود]

هههههههههههه نورا دويتوا عاد .... لا هذي مجاراه بسيطه مع اخويه القناص وان شاء الله تستمر



>>>>>القناص تستاهل كل خير و الله الف شكر لك

[المستبدة]

خل الكدر والهم والنوح .......... واسعد بيومك وانت مرتاح




صح لساااانك اخوي القناص على الأبيات الرااائعه

[القنــــاص]

المستبدة

شكرا على مروك الكريم الذى اسعدنى


تحياتى واحترامى لكى