بنت الدار
29-06-03, 12:19 AM
قصة حب إمارتيه
:clap"حالة خاصة":clap
هذي القصة حقيقية وواقعية وتقريبا كل آهل الإمارات يعرفونها بس ولا واحد فيهم عارضها أو حاول يمنعها لانها قصة حب شريفة وصادقة بين اثنين "سبحان الله" خلقوا لبعض وللي ما يعرفها كتبت قصتي اليوم وعلشان بعد نتعلم من حب هالاثنين لان حبهم مااظني ينوجد مثله مرة ثانية يعني باختصار "حالة خاصة"
البداية بنتكلم عنه , هو ريال فارس وشاعر ومعروف عند الناس كلهم وبداية حبه لها كان بعده في العشرينات وكانوا أهله يعتقدون انه طيش شباب وبينساها عقب فترة, وبيرد لبنت العم اللي لازم يتزوجها لكنه مانسيها لحظة, اخلص في حبه لها وفي كل المحافل والتجمعات كان يعلن حبه لها بدون ما يخاف من حد لان الحب لاهو عيب ولا حرام أصلا الحب"سنة عند الاشرافي" وكان فارسنا يحبها ويعلن حبه لها دوم ولكن هي الأميرة الجميلة "صدقوني في حياتي ما شفت وحدة بحلاتها "كانت تحبه ويمكن اكثر من حبه لها بس كانت تستحي تقول له ولاقد مرة قالت له انها تحبه يمكن مثل ما أتوقع لانها تستحي ويمكن لانه "بالرغم من أن الحب سنة عند الاشرافي" يمكن لانها تخاف من هلها , وتخاف انها تجاهر وتعلن حبها؟؟!!يمكن!!
وكان فارسنا شاعر وعد في "محبوبته" احلى القصايد واللي تغنى بها اكبر مطربين الإمارات والخليج , كان يحبها صدق ومن يقرا قصايده بيفهم معنى الحب (نصيحة للي يكتبون قصايد وقصص عن الحب نصيحة تعلموا من هذا الريال معنى الحب قبل لا تكتبون قصصكم لأنكم لالا ماتفهمون الحب لاماتفهمونه لالا فوق الخيال وعنكم الله سترها)
وهي بعد كانت ولازالت اكبر شاعرة معاصرة بس للأسف مارامت تعد فيه أي قصيدة مع انها تحبه لدرجة الجنون بس يمكن للظروف اللي ذكرناها فوق ماقدرت تعد فيه قصيدة ويمكن لظروف ثانية نحن مانعرفها !!بس الاكيد والمعروف انها تحبه ويمكن تكون تكتب له قصايد باسم مستعار يمكن!!!
واستمرت قصة حبهم سنين وسنين وكان أهلها يعرفون بهذا الحب بس ما حاولوا يمنعونه وفي السايد الثاني كان فارسنا يعلن حبه ولا يبالي , وكانوا يحتفلون بعيد حبهم الخاص "مب في 14/2" لا في تاريخ هم حددوه يناسبهم هم الاثنين ,كانوا يحبون بعض ويخلصون في حبهم وفي يوم من الأيام تعب فارسنا "سبحان الله اللحظات السعيدة دائما عمرها قصير" تعب فارسنا وقرروا أهله يودونه للخارج للعلاج ويوم سمعت الأميرة بخبر مرضه حزنت حزن شديد لدرجة انها أصبحت مثل البيت المهجور المظلم وفي فترة علاجه كانت تعاني وكل من حولها يحس بمعاناتها ويصبرها وبعد فترة أراح الله سبحانه وتعالى قلبها بأنه رد حبيبها عليها وفرحت فرحة كبيرة حتى لدرجة انه أهلها كلهم شاركوها فرحتها بعودته وسلامته.
واليوم بعد مرور سنوات لازالت قصة الحب مستمرة والكل يعرفها ويقدرها ويضرب بها الوصف ومثل ماقلت لكم ما اعتقد بنلقى حب مثل حبهم ولكن اختم كلامي للجنسين الشباب والبنات بكلمات أتمنى تتقبلونها...................
الشباب: تعلموا من حب هذا الريال وحاولوا تكونون مثله "مع انه صعب" بس مب مستحيل حاولوا والحب ما ينتقص من رجولتكم شي بالعكس الريال الصدق هو من يخلص في حبه ولا يعتبر الحب تسلية ولعب ببنات خلق الله.
البنات : ادعي الله أن يرزقكن بواحد مثل هذا الفارس الشاعر ومع انه صعب مثل ماقلت, بس يلا يمكن, ولكن بصراحة شديدة أتصور صعب يكون هناك واحد مثل هذا الريال لانه في الإمارات كلها ماحد غيره ولا حد غير "زايد" واحد ولا واحدة غيرها غير"الإمارات" هي وحدة بس ماحد غيرها وهذي هي قصة الحب بين زايد والإمارات فلا يذكر زايد دون الإمارات ولا تذكر الإمارات دون زايد وادعوا الله يحفظ لنا زايد والإمارات ولاعدمنا هذا الثنائي الرائع ربي يحفظهم لنا قولوا آمين.
بنت الدار
:clap"حالة خاصة":clap
هذي القصة حقيقية وواقعية وتقريبا كل آهل الإمارات يعرفونها بس ولا واحد فيهم عارضها أو حاول يمنعها لانها قصة حب شريفة وصادقة بين اثنين "سبحان الله" خلقوا لبعض وللي ما يعرفها كتبت قصتي اليوم وعلشان بعد نتعلم من حب هالاثنين لان حبهم مااظني ينوجد مثله مرة ثانية يعني باختصار "حالة خاصة"
البداية بنتكلم عنه , هو ريال فارس وشاعر ومعروف عند الناس كلهم وبداية حبه لها كان بعده في العشرينات وكانوا أهله يعتقدون انه طيش شباب وبينساها عقب فترة, وبيرد لبنت العم اللي لازم يتزوجها لكنه مانسيها لحظة, اخلص في حبه لها وفي كل المحافل والتجمعات كان يعلن حبه لها بدون ما يخاف من حد لان الحب لاهو عيب ولا حرام أصلا الحب"سنة عند الاشرافي" وكان فارسنا يحبها ويعلن حبه لها دوم ولكن هي الأميرة الجميلة "صدقوني في حياتي ما شفت وحدة بحلاتها "كانت تحبه ويمكن اكثر من حبه لها بس كانت تستحي تقول له ولاقد مرة قالت له انها تحبه يمكن مثل ما أتوقع لانها تستحي ويمكن لانه "بالرغم من أن الحب سنة عند الاشرافي" يمكن لانها تخاف من هلها , وتخاف انها تجاهر وتعلن حبها؟؟!!يمكن!!
وكان فارسنا شاعر وعد في "محبوبته" احلى القصايد واللي تغنى بها اكبر مطربين الإمارات والخليج , كان يحبها صدق ومن يقرا قصايده بيفهم معنى الحب (نصيحة للي يكتبون قصايد وقصص عن الحب نصيحة تعلموا من هذا الريال معنى الحب قبل لا تكتبون قصصكم لأنكم لالا ماتفهمون الحب لاماتفهمونه لالا فوق الخيال وعنكم الله سترها)
وهي بعد كانت ولازالت اكبر شاعرة معاصرة بس للأسف مارامت تعد فيه أي قصيدة مع انها تحبه لدرجة الجنون بس يمكن للظروف اللي ذكرناها فوق ماقدرت تعد فيه قصيدة ويمكن لظروف ثانية نحن مانعرفها !!بس الاكيد والمعروف انها تحبه ويمكن تكون تكتب له قصايد باسم مستعار يمكن!!!
واستمرت قصة حبهم سنين وسنين وكان أهلها يعرفون بهذا الحب بس ما حاولوا يمنعونه وفي السايد الثاني كان فارسنا يعلن حبه ولا يبالي , وكانوا يحتفلون بعيد حبهم الخاص "مب في 14/2" لا في تاريخ هم حددوه يناسبهم هم الاثنين ,كانوا يحبون بعض ويخلصون في حبهم وفي يوم من الأيام تعب فارسنا "سبحان الله اللحظات السعيدة دائما عمرها قصير" تعب فارسنا وقرروا أهله يودونه للخارج للعلاج ويوم سمعت الأميرة بخبر مرضه حزنت حزن شديد لدرجة انها أصبحت مثل البيت المهجور المظلم وفي فترة علاجه كانت تعاني وكل من حولها يحس بمعاناتها ويصبرها وبعد فترة أراح الله سبحانه وتعالى قلبها بأنه رد حبيبها عليها وفرحت فرحة كبيرة حتى لدرجة انه أهلها كلهم شاركوها فرحتها بعودته وسلامته.
واليوم بعد مرور سنوات لازالت قصة الحب مستمرة والكل يعرفها ويقدرها ويضرب بها الوصف ومثل ماقلت لكم ما اعتقد بنلقى حب مثل حبهم ولكن اختم كلامي للجنسين الشباب والبنات بكلمات أتمنى تتقبلونها...................
الشباب: تعلموا من حب هذا الريال وحاولوا تكونون مثله "مع انه صعب" بس مب مستحيل حاولوا والحب ما ينتقص من رجولتكم شي بالعكس الريال الصدق هو من يخلص في حبه ولا يعتبر الحب تسلية ولعب ببنات خلق الله.
البنات : ادعي الله أن يرزقكن بواحد مثل هذا الفارس الشاعر ومع انه صعب مثل ماقلت, بس يلا يمكن, ولكن بصراحة شديدة أتصور صعب يكون هناك واحد مثل هذا الريال لانه في الإمارات كلها ماحد غيره ولا حد غير "زايد" واحد ولا واحدة غيرها غير"الإمارات" هي وحدة بس ماحد غيرها وهذي هي قصة الحب بين زايد والإمارات فلا يذكر زايد دون الإمارات ولا تذكر الإمارات دون زايد وادعوا الله يحفظ لنا زايد والإمارات ولاعدمنا هذا الثنائي الرائع ربي يحفظهم لنا قولوا آمين.
بنت الدار