الــــبال الطــــgيـــل

[N o R a]

أنا البال الطويل اللي قصر واشتاق للغربة
وأنا الغيم الحبيس اللي ذرتني الريح بأعماقي

وأنا ذاك الغبار اللي دفن بالعاصفة تربه
بقايا ذا الفراف اللي كرهته يرفض افراقي

هنا وهناك..هناك وهنا وجوهٍ تفرق وتشبه
انا الاشياء انا اللاشيء انا المفقود والباقي


طحين العمر يذري هالزوابع يجلب الكربة
وأنا ما حمل هالهم العظيم إن شح به ساقي

أقول اني قدرت أدمل جروحي واطعن الحربة
واعزي ذا الفرح وابعث على جثمانه اوراقي


تخاوت ذي الظروف لبعضها.. واحلوت اللعبة
قبح وجه الحظوظ اللي تجيني تطلب عناقي

غريبة ذا الكثير اللي يقل ويبعد بقربه
وجميل القبح لما يختفي بعيون عشاقي

حسيت أن الزمن يثمر بدل الحنظلة ..عنبة
وانا ادري هذي المرارة في فمي من سكر احداقي

ورانا لا سقينا الورد لازم يرتوي عشبه
علامه لا كبر هالعشب صار الورد يا ساقي؟!

سوالف شمعها مات بعيوني قبل ما اشبه
وليل يحتضر لأجل النهار.. ويطلب افراقي

احبه هذا العدم في داخلي وان قلت .. ما احبه
سخافة لو كرهته ما تكون ابداً من اخلاقي

اموت بذا الفراغ اللي يجيب الهم ويصبه
على بعض الشتات اللي كبر من جفا ارفاقي

وانا ذاك الوحيد اللي يقبل وجهه بقلبه
واظن اني الوحيد اللي فقد نفسه وهو باقي....

[عيون الليل]

احبه هذا العدم في داخلي وان قلت .. ما احبه
سخافة لو كرهته ما تكون ابداً من اخلاقي

صح لسانج حبوبه

[N o R a]

عيون الليل من جد تسلمين وما قصرتي على متابعتج لكتابتي

[المستبدة]

وانا ذاك الوحيد اللي يقبل وجهه بقلبه
واظن اني الوحيد اللي فقد نفسه وهو باقي

صح لسانج اختي N o R a على الأبيات الرااائعه

[زي العسل]

كلمات روعة

صح لسانج N o R a

يعطيج العافية اختي

تحياتي
:)

[N o R a]

تسلمين حياتي ذوقج اروع وما قصرتي

[N o R a]

هلاااااااا مشرفنا الله يعافيك ما يصير طفت ولا علمتنا عالاقل نسوي معاكم الواجب

عالعموم ثانكس على الرد والله يعافيكم

[عيون الليل]

N o R a ولو تستاهلين حبووبه ولى الشرف امر موضووعج :)

[N o R a]

مشكوووورة عيون ما تقصرين والله حبوبه



بس احم سؤال من وحدة ملقوفة شو سالفة كلمة حبوبه وياج ؟؟؟
خخخخخخخخخخ قلت لج ملقوفة لا تزعلين اتغشمر