ريم الدلوعة
02-08-03, 12:36 PM
تبي تضحك تعال اقره معاي...
ادري فيكم الكل يبي يضحك والكل يبي يفرفش ويستانس ..
فلهاي السبب انا حطيت هاي المشاركة ...
كلام... مشاركتي عبارة عن كلام راودني وانا اشارك بالمنتدى...شلون انا باقول لكم
الله يسلمكم... شاركت في كم موضوع... الا فجاة ..جذبني موضوع في قسم الصحة والجمال
عاد خبركم الوحده فينا ذبحتها هاي الشغلات الحريمة ... المهم وفي طريجي لعيون الصحة ..
صادفت عند الدوار...(الاخت عبالها في شارع..المهم..) ذاك الريال اللي طوله طول السقف ...
وانا في البداية ..كان عبالي ليت من ليتات الشارع..الا اكتشفت ان الشارع من اصله مافي ليتات ...يله شنسوي بعد...مب الشارع الوحيد اللي مافيه ليتات ...وقال لي هاي الريال ... ترا هاي الطريج محد يقدر يطلع منه اللي يدخله بس بيتم من الوناسه فيه.. عطيته الاذن الصمخه ومشيت ..المهم حسيت بعدها بذاك الشي اللي رنني على راسي يوم التفت الا اشوفه مرتكز
في مكانه كان ماسوه شي ... عاد انا مني ..نو وي اسكت رحت نطيت صوبه وسحبته من ابة ثوبه.. وقلت له صحيح انك قليل الادب ..الا قال لي بصوت مختنق : واللي يسلمج مو انا انا قلت لج ان مب بس انتي مني في الف غيرج..وهاي واحد من اعيالهم ..انا اعرف اسمه اكيد هاذي ..طير بن مطيور..روحي شوفيه..بيته اللي ورا الزباله..اللي داخلها علبة بيبسي..(خوش
والله تدلاية..ليش باروح انبش داخل كل زباله ادور بيبسي ..) المهم سريت في طريجي لين وصلت هاي القسم الحلو الصحة والجمال..الكلمة الاولى طبعا قاطتها بالبحر من زمان اما الثانية هي اللي تعوضني عن الاولى وزود... جان القى فيها ذيلات الاشيه الحلوة اللي
ماتتصورونها.. عاد انا نطيت على طول صوب الموديلات وفساتين العرايس..(تدرون كل بنيه تنط اول شي عند هاي الفساتين...تنطر متى يجي دورها عشان تلبس مثله..حريمة بوزها
اصلا... تو الناس على خرابيطها... ) عاد انا وقفت عند ذاك الفستان اللي ما اقدر اوصف لكم شكله .. تدورن فيني ذويقه وما اروح الا للي يجاري الموضه.. جان اشوف ذاك الفستان الابيض اللي عليه زري اخضر وفصوص حمرة في اطراف الفستان وتطريز على كم الفستان..
ولون التطريز بنفسجي... كان الفستان رهيب ..واللي ذبحني بعد طرحة الفستان ..في قمة الروعه .. بيضة طبعا وهي من قطعه تور وعليها مخمر وردي منقط بنقط برتقالية فاتحة... والورود الصفرة الفسفورية..ياعيني يهبل ...يهبل الفستان.. كنت لحظتها اتمنى اني جايه
اشتري فستان لعرسي عشان اخذه على طول .. لان حلو... المهم رحت من ورا المراة اللي جابتني السوق ..مادري من هي بس رحت قلص وراها .. وجيت عند صاحب المحل اكاسر سعر الفستان..(خبركم المكاسر اللي في الحريم..وتضارب الاسعار..) قعدت اكاسر معاه مني
...مناك... وصل سعر الفستان لين... 45 الف..سعر جيد لفستان روعه مثل هاي.. فتحت البوك عشان اطلع الفلوس الا شكتني المراة وقالت لي تعالي وين رايحه..امشي خلنا نروح نشتري عطر لاختج ...صقعة... الا انا اقول في خاطري..صقعه...اختي..سبحان الله وانا اللي عبالي ان
راس مالي ام السعف والليف اختي سبجوه... يله اشورانا خلهم حتى يصيرون الف اخت وانا اشعلي... وصلنا محل العطورات ...جان اشم ذيك الريحة الفضيعة..حلووووووة لدرجة ماتتخيلونها... سالت راعي المحل عنها الا قال لي ان هي خليط من عدة روايح...لزمت عليه يقول لي مكونات العطر..طبعا هو مسويه بنفسه وهاي سر المهمة عنده..المهم قال لي مكوناته وانا استانست لان كل مكوناته حلوة واحب ريحتها ..كانت ...ريحة ليمون محمض على ريحة
بيضتين وحدة نية والثانية مسلوقة ... وموز معفن.. وفوطة منقعه في ماي شهرين... والشي الاخير اللي هو لعبتي ..ومن مضماري... ادلاغ ملبوس اسبوعين من غير غسال في منطقه حارة ..يتم مب مغسول لمدة سبعه ايام زود وينحط في مكان رطب وحار... واااااو
حلو..تصوروا هاي الروايح كلها اجتمعت في عطر واحد...وهاي العطر رهيب ..حلو وعجبني وقررت اني اخذه عشان اتعطر منه يوم عرسي عشان ريلي يستانس من ريحتي... (واااو على الريحة) ... المهم سايمته على السعر ..مني مناك..رضى اخذه بــ350ريال يعني هو يستاهل
اكثر صراحة بس يلة معلي ..عطيته الفلوس وتحركت مع ذيك المراة اللي مادري وش سالفتها ... واحنا بالطريج طبعا طلعت من ذاك القسم ..الجمال والصحة ... واتجهت للعامة والحرة ..طبعا في ذاك المكان كل شي اقدر احصله وكل شي يوفره.. جان اشوف ذيلاك الثلاثه اللي
قاعدين مع بعض..رحت للوسطية لانها الوحيدة اللي بنت من بينهم.. سالتها عن حاجة الا اشوفها تطالعني بطريقة مادري شاقول لكم ..المهم قالت لي بلهجة غريبة وعجيبة ..مزيجة من ..من ..والله ماني عارفة بس المهم ان لهجتها اعجبتني ... وودتني عن مكان كل اللي نفس
ك فيه تلاقيه..طالعتني وشافت وناستي عند هاي المكان ...ابتسمت وطلعت...الا فجاة ..بذاك الصوت القوي ..اللي زلزل المكان وصرقعني ..وخلاني انط من مكاني ..والتفت والا اتريله مسرع وجاي عندي..ويهرن...ياربي شنو هاي ..صرخت بصوت عالي ابي حد يساعدني لان
تجمدت في مكاني م الصدمة.. وبعدها جان بيد صغيرة بس فيها من القوة مايكفي انها تسحبني من اتجاه الاتريله ..ويوم التفت عليها جان القاها ذيك الحرمة اللي كنت معاها ..هي اختفت يوم دلتني ذيك البنت اللي اسمها الدانه والحين طلعت ... وما اشوف الا هاذي السحبة اللي
سحبتني الياها.. وتزاعق لين دخلنا السيارة وبعدين قالت..تغربل شرج ..انا ماتصورت انج بتسببين لي كل هاي الازعاج يا بنت ..سمعيني عدل يا ريم الدلوعه انا كنت جايبتج معاي
عشان تساعديني نكمل اغراض اختج حق عرسها.. وانتي مادري ايش كنتي تخربطين... اهاااااااااااااا عقلي نطق بهاي الكلمة بس ماطلعها ..الحين فهمت ريم الدلوعه كل شي..ع
رفت انها كانت سرحانه وان كل اللي كانت تسويه مو لها حق اختها ..وانها كانت متاثرة بمواضيع المنتدى ... والمشاركات ..خصوصا انها تدور موضوع ممتاز للمنتدى...
(يا سلام عليج ياريم الدلوعه ..)
هههههههههههههههه تحياتي
انشاللــــــــه تعجبكـــــــم قصتـــــــي000
لوووووووووووول00
سلمــــــــــلـــــــــم00:D
___________________
تحيــــــــــــــاتي
رمرووووووووووووومة:o
file://C:/My Documents/اغاني Wav/rashed-almajed..el-3eyoon(iraqi).ram
ادري فيكم الكل يبي يضحك والكل يبي يفرفش ويستانس ..
فلهاي السبب انا حطيت هاي المشاركة ...
كلام... مشاركتي عبارة عن كلام راودني وانا اشارك بالمنتدى...شلون انا باقول لكم
الله يسلمكم... شاركت في كم موضوع... الا فجاة ..جذبني موضوع في قسم الصحة والجمال
عاد خبركم الوحده فينا ذبحتها هاي الشغلات الحريمة ... المهم وفي طريجي لعيون الصحة ..
صادفت عند الدوار...(الاخت عبالها في شارع..المهم..) ذاك الريال اللي طوله طول السقف ...
وانا في البداية ..كان عبالي ليت من ليتات الشارع..الا اكتشفت ان الشارع من اصله مافي ليتات ...يله شنسوي بعد...مب الشارع الوحيد اللي مافيه ليتات ...وقال لي هاي الريال ... ترا هاي الطريج محد يقدر يطلع منه اللي يدخله بس بيتم من الوناسه فيه.. عطيته الاذن الصمخه ومشيت ..المهم حسيت بعدها بذاك الشي اللي رنني على راسي يوم التفت الا اشوفه مرتكز
في مكانه كان ماسوه شي ... عاد انا مني ..نو وي اسكت رحت نطيت صوبه وسحبته من ابة ثوبه.. وقلت له صحيح انك قليل الادب ..الا قال لي بصوت مختنق : واللي يسلمج مو انا انا قلت لج ان مب بس انتي مني في الف غيرج..وهاي واحد من اعيالهم ..انا اعرف اسمه اكيد هاذي ..طير بن مطيور..روحي شوفيه..بيته اللي ورا الزباله..اللي داخلها علبة بيبسي..(خوش
والله تدلاية..ليش باروح انبش داخل كل زباله ادور بيبسي ..) المهم سريت في طريجي لين وصلت هاي القسم الحلو الصحة والجمال..الكلمة الاولى طبعا قاطتها بالبحر من زمان اما الثانية هي اللي تعوضني عن الاولى وزود... جان القى فيها ذيلات الاشيه الحلوة اللي
ماتتصورونها.. عاد انا نطيت على طول صوب الموديلات وفساتين العرايس..(تدرون كل بنيه تنط اول شي عند هاي الفساتين...تنطر متى يجي دورها عشان تلبس مثله..حريمة بوزها
اصلا... تو الناس على خرابيطها... ) عاد انا وقفت عند ذاك الفستان اللي ما اقدر اوصف لكم شكله .. تدورن فيني ذويقه وما اروح الا للي يجاري الموضه.. جان اشوف ذاك الفستان الابيض اللي عليه زري اخضر وفصوص حمرة في اطراف الفستان وتطريز على كم الفستان..
ولون التطريز بنفسجي... كان الفستان رهيب ..واللي ذبحني بعد طرحة الفستان ..في قمة الروعه .. بيضة طبعا وهي من قطعه تور وعليها مخمر وردي منقط بنقط برتقالية فاتحة... والورود الصفرة الفسفورية..ياعيني يهبل ...يهبل الفستان.. كنت لحظتها اتمنى اني جايه
اشتري فستان لعرسي عشان اخذه على طول .. لان حلو... المهم رحت من ورا المراة اللي جابتني السوق ..مادري من هي بس رحت قلص وراها .. وجيت عند صاحب المحل اكاسر سعر الفستان..(خبركم المكاسر اللي في الحريم..وتضارب الاسعار..) قعدت اكاسر معاه مني
...مناك... وصل سعر الفستان لين... 45 الف..سعر جيد لفستان روعه مثل هاي.. فتحت البوك عشان اطلع الفلوس الا شكتني المراة وقالت لي تعالي وين رايحه..امشي خلنا نروح نشتري عطر لاختج ...صقعة... الا انا اقول في خاطري..صقعه...اختي..سبحان الله وانا اللي عبالي ان
راس مالي ام السعف والليف اختي سبجوه... يله اشورانا خلهم حتى يصيرون الف اخت وانا اشعلي... وصلنا محل العطورات ...جان اشم ذيك الريحة الفضيعة..حلووووووة لدرجة ماتتخيلونها... سالت راعي المحل عنها الا قال لي ان هي خليط من عدة روايح...لزمت عليه يقول لي مكونات العطر..طبعا هو مسويه بنفسه وهاي سر المهمة عنده..المهم قال لي مكوناته وانا استانست لان كل مكوناته حلوة واحب ريحتها ..كانت ...ريحة ليمون محمض على ريحة
بيضتين وحدة نية والثانية مسلوقة ... وموز معفن.. وفوطة منقعه في ماي شهرين... والشي الاخير اللي هو لعبتي ..ومن مضماري... ادلاغ ملبوس اسبوعين من غير غسال في منطقه حارة ..يتم مب مغسول لمدة سبعه ايام زود وينحط في مكان رطب وحار... واااااو
حلو..تصوروا هاي الروايح كلها اجتمعت في عطر واحد...وهاي العطر رهيب ..حلو وعجبني وقررت اني اخذه عشان اتعطر منه يوم عرسي عشان ريلي يستانس من ريحتي... (واااو على الريحة) ... المهم سايمته على السعر ..مني مناك..رضى اخذه بــ350ريال يعني هو يستاهل
اكثر صراحة بس يلة معلي ..عطيته الفلوس وتحركت مع ذيك المراة اللي مادري وش سالفتها ... واحنا بالطريج طبعا طلعت من ذاك القسم ..الجمال والصحة ... واتجهت للعامة والحرة ..طبعا في ذاك المكان كل شي اقدر احصله وكل شي يوفره.. جان اشوف ذيلاك الثلاثه اللي
قاعدين مع بعض..رحت للوسطية لانها الوحيدة اللي بنت من بينهم.. سالتها عن حاجة الا اشوفها تطالعني بطريقة مادري شاقول لكم ..المهم قالت لي بلهجة غريبة وعجيبة ..مزيجة من ..من ..والله ماني عارفة بس المهم ان لهجتها اعجبتني ... وودتني عن مكان كل اللي نفس
ك فيه تلاقيه..طالعتني وشافت وناستي عند هاي المكان ...ابتسمت وطلعت...الا فجاة ..بذاك الصوت القوي ..اللي زلزل المكان وصرقعني ..وخلاني انط من مكاني ..والتفت والا اتريله مسرع وجاي عندي..ويهرن...ياربي شنو هاي ..صرخت بصوت عالي ابي حد يساعدني لان
تجمدت في مكاني م الصدمة.. وبعدها جان بيد صغيرة بس فيها من القوة مايكفي انها تسحبني من اتجاه الاتريله ..ويوم التفت عليها جان القاها ذيك الحرمة اللي كنت معاها ..هي اختفت يوم دلتني ذيك البنت اللي اسمها الدانه والحين طلعت ... وما اشوف الا هاذي السحبة اللي
سحبتني الياها.. وتزاعق لين دخلنا السيارة وبعدين قالت..تغربل شرج ..انا ماتصورت انج بتسببين لي كل هاي الازعاج يا بنت ..سمعيني عدل يا ريم الدلوعه انا كنت جايبتج معاي
عشان تساعديني نكمل اغراض اختج حق عرسها.. وانتي مادري ايش كنتي تخربطين... اهاااااااااااااا عقلي نطق بهاي الكلمة بس ماطلعها ..الحين فهمت ريم الدلوعه كل شي..ع
رفت انها كانت سرحانه وان كل اللي كانت تسويه مو لها حق اختها ..وانها كانت متاثرة بمواضيع المنتدى ... والمشاركات ..خصوصا انها تدور موضوع ممتاز للمنتدى...
(يا سلام عليج ياريم الدلوعه ..)
هههههههههههههههه تحياتي
انشاللــــــــه تعجبكـــــــم قصتـــــــي000
لوووووووووووول00
سلمــــــــــلـــــــــم00:D
___________________
تحيــــــــــــــاتي
رمرووووووووووووومة:o
file://C:/My Documents/اغاني Wav/rashed-almajed..el-3eyoon(iraqi).ram