جـ ـيـ ـ ـتك حـ ـبـ ـيـبـ ـي

[N o R a]

جيتك على خيل الأمل فارس ولكني جريح
مطعون قلبي بالغدر أشكي من آلام وجراح

جيتك بعد موت الهوى أبكي على الماضي وأصيح
و أسأل زماني ودنيتي ليش انتهى حلمي وراح

جيتك مثل دمعة حزن تكشف عن السر وتبيح
من حزنها .. في حزنها ما عانقت نور الصباح

جيتك مواني ضايعة وأحلام ودها تستريح
صبري كره معنى الصبر بين الحقيقة والمزاح

جيتك بقايا من وله في وقتٍ له طبعٍ شحيح
ما عاد بي حيل انتظر و أسهر على وهم ونواح

جيتك ولحظات اللقا فيها الأمل أصبح نزيح
مسكين قلبي اللي حمل ذكرى ليالينا الملاح

جيتك وكان القصد اني من عنا الوقت استريح
وألقاك يا عمر الهنا في دنيتي أجمل وشاح

اتمنى تعجبكم اول مشاركة لي و ياليت تقولون لي رايكم بكل صراحة وما تقصرون اختكم نورا
:p

[عيون الليل]

جيتك بقايا من وله في وقتٍ له طبعٍ شحيح
ما عاد بي حيل انتظر و أسهر على وهم ونواح

تسلم هاانامل والله صح لسانج حبوبه

[المستبدة]

جيتك على خيل الأمل فارس ولكني جريح
مطعون قلبي بالغدر أشكي من آلام وجراح

صح لساااانج اختي N o R a على الأبيات الرائعه

[N o R a]

تسلمون والله عيون الليل والمستبدة شكرا على مروركم على قصيدتي والله يعافيكم حلوين

[قطــرة نــدى]

قصيدة رائعة ..


تسلمين حبوبة .. .

[Dam3aT_QaTaR]

جيتك بعد موت الهوى أبكي على الماضي وأصيح
و أسأل زماني ودنيتي ليش انتهى حلمي وراح

الله الله ..

لاهنتي نوره على هالقصيده ..

وصح السانج ..

تحياتي :o

[N o R a]

احم احم شكل راسي بيكبر خخخخخخخخخخخ مشكورين وايد على ردودكم وما قصرتوا ابد عسى ربي لا يحرمنا من مروركم على رعاياكم المتواضعين امثالي احم

[عيون الليل]

الله يسلمج حبوبه

[يــتيم الــحزن]

جيتك على خيل الأمل فارس ولكني جريح
مطعون قلبي بالغدر أشكي من آلام وجراح

جيتك بعد موت الهوى أبكي على الماضي وأصيح
و أسأل زماني ودنيتي ليش انتهى حلمي وراح


الله الله الله علي الكلام الجميل تحياتي لج علي القصيده الجميله


وصح لسان من قال الكلام الجيل


تحياتي يتيم الحزن

[N o R a]

الله يعافيكم وردودكم احلى والله