تفضلوا

[صريح]

السلام عليكم ورحمة الله وبركاته:

كل العافية والصحة لكم ... هذه امنية مني شخصيا .... اليوم جايب لكم صرعة جديدة ... بسوي روحي طباخ ... خخخخخ ... اقول عن الطنازة ... ، ايه عشان الحريم مايعتقدون ان بس هم فاهمين في الطباخ ... حتى الرجال عندهم الخبرة الكافية في هذا المجال ... ماندرى بعد يمكن في المستقبل القريب هذا اذا ما صار الحين ... الرجال يقعد في البيت والمرة تروح الشغل ... والله مشكلة .. انا يتراوالي ان الامور يمكن تسير بصورة زينة ... بس عاد اذا فيه عنده ياهل وسواها على نفسه ... ولا الامم المتحدة تفكه من هالحصار النووي ... اقول خلنا نرجع حق الطبخ احسن ...

بس شوفوا ... خصوصا العضوات الكريمات .. كلمات مثل (يع ، وع ، وما احبه) تراها ماخوذ خيرها ، كلنا عيال قرية وكل واحد يعرف اخيه ، لاحد يسوى روحه فوق وانه مايطبخ ، ومتعود على الهمبرقر والبتزا ... وباقي الاكلات الى مالها طعم ، ترا انا اعرف البير وغطاه ... يوم الوحدة تقول لها امها هاتي بيض من الثلاجة ... تروج تجيب لومي اسود ... السالفة مكشوفة ، او انها تقوم بسرعة من النوم ... واذا تأخرت جاها صندل 747 بسرعة 120 كيلومتر في الساعة على الويه ، خلاصة الكلام ... خلونا حبايب احسن.

انا مرة سويت روحي ... ويجيني ذاك الكف ... الله وكيلكم من باب الشارع لين الصالة ... بسرعة البرق ... كنت اضحك على الرسوم المتحركة لما تطلع نجوم على راس الواحد ، والله اني شفتها بعز الظهر ، اححممم ... عن الفضايح ... اوه سوري ...

طبعا الاكلة الاولى هي عبارة عن فاصوليا بالبيض ، شفتوا انها سهلة ، بس لااحد يحكم عليها الا بعد ما يتذوقها ... ويعطينا رايه بكرة ... ايه ، السالفة كلها ... قوطي على قولة (سارونة) فاصوليا حطة في مقلى على النار مع شوية زيت ... يعني غرشة كاملة ... امزح مو تسونها ... وكسري عليه بيضتين ... حركيها لما يختلطون مع بعض ... وبعدين لما تستوي تاكلونها مع خبز او في سندويش وبالهنا والعافية ... على فكرة هذه الاكلة مفيدة للى يبي يسمن ... حده اسبوع واحد ... والله يعنيه يدش على جنب اذا دخل باب بيتهم ... طبعا انا مش مسؤوووووول عن النتائج. وهذه الاكلة الاولى خلصنا منها.

اما الاكلة الثانية ... يالله سدوا اذانكم ... وبطلوا عيونكم ... الاكلة الثانية هي ... بيض بالطماط ... خخخخخخخخخ ... الحين بيقولون سهلة ... صج الى مايعرف الصقر يسويه بالبشاميل ... صبروا شوى ، عندنا نوعين ... ناشف وسايل ... وكل واحد منهم له مذاقه الخاص ... ايه ... خلكم جذيه ... تسمعون الكلام ... الطريقة اولا تقطعون الطماط ويكون احمر ... الاحمر المخلوط .. يصلح بس طعمه يتغير شوى ... وتحطونه على النار ... لما يذوب ويصبح مثل المعجون ... بعدها تحطون عليه البيض وشووووووووية فلفل حار .. حق الى يحبونه حار... تحركونه لما يختلط مع بعضه ... وبعدها ... عليكم بالعافية .... على فكرة ... عشان يكون ناشف بس شيلوا ماي الطماط ... وخلوه فترة اكبر على النار حتى يتبخر ... بس مو تحرقونه ... الملح حسب الطلب.

اذا اعجبتكم الطبخات ... بافتح مطعم ... اووووه ... باقي الاكلة الثالثة وهي الفاصوليا مع التونة ... الحين بيقولون مايحبون الزفر ... ابتلشت انا في هالعالم الانيقة ، طريقة عملها ... تقطعون البصل قطع صغيرة وتخلونه على النار لما يموت ... يموووت .. يعني يصير اقرب الى السواد ... بعدها تحطون التونة وتحركونه لما يختلط مع البصل .. مطلوب شوية زيت ... بعدها تحطون الفاصوليا وتخلون الخليط على النار لما يبدأ يوصل لدرجة الغليان .. يرفع عن النار ... وايضا بالهناء والشفاء.

اكيد الحين عصافير بطنكم بزأزأ ... يالله ... التجربة خير برهان .... والى اللقاء في الاكلات الجاية ... عاد احنا نسوي عصيد وخبيص وبلاليط وخنفرووووش وثريد ... الله يارمضان ... الله يبلغنا ...وياكم ايام الخير واوقات الاجابة.

صريح

[قطرية وافتخر]

خوووووووووووووووووووووش
طبخه
المراد
نبي
فتووووووش وباجله ونخي

معليه غلطة مطبعية
نبي خنفروش وباجله ونخي
وهله هله بالطبخة الزينه

[صريح]

بشري بالخير ... ابي اشوف كتاب (ابلة النزيرة) وانقل لج منه كل الاكلات

خنفرووش ... فتوششش ... مشي الحال

صريح

[سارونة]

هههههههههههههههههههههههههههههههههههههههههههههههههه ههههههههههههههههههههههههههه

هههههههههههههههههههههههههههههههههههههههههههههههههه هههههههههههه

صريح ارحمنا لو بنتبع طبخاتك عز الله زدنا كل يوم كيلوو !!!!:confused1:

هههههههههههههههههههههههههههههه بس صرااحه صعععععععععععبه شلوووووون بنسوويها :wink: خصوصا البيض بالطماط الناشف

خخخخخخخخخخخخخخخخخ اصعب شي :tongue:

يعطيك العافيه اكلات لذيذه

بس نبي شي اسهل المرة الجايه يعني مندي مفطح :shade:خخخخخخخ

تسلم وربي يعطيك العافيه

موضوع ممتع

سارونة

[صريح]

سارونة

دووووم هالضحكة ... خلاص المرة الياية بسوى لج جمل محشي ... خخخخخخخ

المقادير سهلة يعني هي ... جمل من الحجم المتوسط ... خشتين عيش ... 30 خيشة بصل ... اربع قواطي ملح ... 27ونص صندوق طماط

نضع المقادير كلها في الجدر ونخليه على النار ثلاثة ايام ... وبعدها بالهناء والشفاء الى المستشفاء

خخخخخخخخخ

صريح

[سارونة]

هههههههههههههههههههههههههههههههههههههههههههههههههه هههههههههههههههههههههههههههههههههههههه

هذا توونا رابع طبخه وبنتسدح بالمستشفيات

الله يستر من الجاااااااي

خخخخخخخخخخخخخخخخ

احلى شي ان نخليه 3 ايام هههههههههههههههههههههههههههههههه والله لو فيل كان ذابت عظامه

يعطيك العافيه صريح

ضحكتني من قلب

سارونة

[~البـ ـ ـ ـاروونهـ ~]

دخيلك يا صريح ما نبي أكلات ثانية كفاية خخخخخ

الأكلة الأولى والثانية ممكن تنبلع بس الثالثة لاااااااااااااااااااااااااااا

يسلمو صريح

[صريح]

مشكلتكم ... ماتقدرون المواهب

انتظرووووووووووووا الموهبة الجاااااااااااااااااااية

الله يكون في عونكم

صريح

[(( امبراطور كندا ))]

هههههههههههههههه
مشكور اخوي وجزاك الله خير

[صريح]

أسير ... دوووم الابتسامة

مرحبابك في صفحتي المتواضعة

صريح

[ريوووووماااااا]

يوم الوحدة تقول لها امها هاتي بيض من الثلاجة ... تروج تجيب لومي اسود ..<<-- وين ما اتوقع توصل لـ هـ الدرجه صريح باشا ..اكيد تعرفت على شكل البيض من كتاب العلوم في أولى ابتدائي هههههههههههه

الله يعطيكـ الف عافيه شيف صريح ننتظرابدااعات يدينكـ <<--- عشان نقول تسلم ايدكـ هههههههه

بس للأسف ماقد سويت ولا آكله من آكلاتكـ ...:smile:

ريوووماااا

[حـلا]

http://www.roud-algalb.com/vb/images/icons/561.gif

خخخخخخخخخخخخخخ

هههههههههههههههههه

خخخخخخخخخخخخخخخخخخخخخخخ



خوش والله.. ممكن تعلمني..

ولا تعطيني كتا ب ابلة نزيرة..


^_^

http://www.roud-algalb.com/vb/images/icons/561.gif

[خجوول الورد]

هههههههههههههههههههههههههههههههههههه الله على الاكلات الرووعه وخصوصا الاكله الاوله اللي هي فاصووليا بالبيض ولاكله الثالثه فاصووليه بالتوونه

صرااحه اكلات عجيبه

خخخخخخخخخخخخخخخخخخخخخخخخخخخخخخخ اول مره اسمع فيها بس بنجرب ونشووف النتاج

بس ان صار في بطني شي انت المسؤوول

و عقباال ما نشووفك تطبخ جريش بتوونه شي عجيب

ونلقااك في طبخاات ثاانيه ان شاء الله

تحياتي لك

BnOoOota