اتعبني الحلــــــــــــــــــــــــــــم..........

[الرامي]

قصيدة / اتعبني الحلم





اتعبني الحلم لين الواقع انكــــــــرني** كني مسكت الفرج بيدي وهديته


مافي داعي على فرقاك تجبــــــرني **حتى الجفا منك ولعني وحبــيته


الجـــــــــــرح عدا زمانه لاتذكــــــــرني **هــــذاك وقت تعذرته وجافـــيته


لوشفت دمع القصايد كان تعـــــــذرني ** تصور ان الشعر يضحك وبكـيته


ماغيروني ياكود الله يغــــــــــــــــــيرني **كم واحد عنك يبعــدني ورديته


وفيت وادري وفايه مايصغـــــــــــــــرني **صوبت يم الهدف لاكني اخطيته


من طار سرب الغلا والشوق طيرني **شف ماعلىالارض واحد ماتعديته


خذني على صدرك الدافي وسيرني **بعض الولع ياخذ الرجال من بيته


ابنشغل في عيونك لاتــــــــــــدورني **ودي بشي اشوفه مابعد جــيته


خليت قلبي معك والله يصـــــــــبرني **مبطي وانا اقول قلبي وين خليته


اشتقت لك مابغيتك عاد تشكــــرني **تغيب والشوق ماعمري تباطــيته


ماخذ على خاطري والبعد قاهــــرني **مدري شسوي وانا كل شي سويته


العام يوم الوعد تسبق وتنطرني ** مستغرب شلون هالموعد تناسيته


وين انت رايح ولا كنك معــــبرني **ماكني الي على العالم تمنـــــــيته


لاصار هذي علومك راح تخسرني **ماعمر احد راح من كــــــيفه وناديته


عند الكرامه ابيعك وانت خابرني **الله وكيلك ترى كل شــــي مــــريته


وكانه هجر بالسلامه روح واهجرني **اخوي لاصـــــد عني ماترجـــــيته




اتمنى ان تحوز على الاعجاب


الرااااااااااااااااااااااامي,.

[عيون الليل]

صح لسانك اخوي الرامي

كلمات جميله ولاهنت

[الرامي]

عيون الليل مشكوووووووووووره على مروركي الكريم


بقيتي لنا عيون

الرااااااااااااااامي,.

[عيون الليل]

العفووو اخوي الرامي