من قديم النهار

[النهار]

وضحي الموقف و فسري لي الأمور

حطي فوق الحرف تعبير و نقط

هذا صد منك لو لعب و غرور

ما ني غشيم على وجهه سقط

مو معنى إن كوني هادي ما أثور

و لا لأني سكت أرضى الغلط

أنا بطبعي أحب أمشي بنور

سكة حياتي أسج و انضبط

أنا أحبك .. نعم .. لكن صبور

و أبوابي ما هي بمفتوحة و فقط

و إذا انت تبغي تبادلني الشعور

إعشق هواي .. ثم التزم و ارتبط

[نوفه]

مبدع كالعادة ..

لا عدمنا جديدك ..

دمت بخير .. ( :

[الــغ ــالي]

رائع اخوي النهار كعادتك

مشاركه شموخ وعزه

في انتظار القديم والجديد

الغالي

[الدانه]

ما ني غشيم على وجهه سقط

مو معنى إن كوني هادي ما أثور

و لا لأني سكت أرضى الغلط

أنا بطبعي أحب أمشي بنور



لاتظن أن قلبي لك سقط

أي أحبك لكن ماني بجهور..


اصبر على قلبي لامن غلط

وبنثر لك الارض ورد وزهور


انت الحياة والحب بك ارتبط

لك مني كل السعادة والسرور




صح لسانك اخوي
النهار

وتسلم على هالابيات الحلوة

واسمح لي اضافتي البسيطة والركيكة لكن احاول ارد عالابيات ^_^

يعطيك العافية شاعرنا :)

تحياتي
دانة الدانات

[النهار]

و لا عدمنا ردودك يا النوفة

ولست أعلم أيها الشامخ و أيها الغالي ... ردودك أم القصيدة؟

و تسلمييييييين الدانة و أتمنى تقبلين تكون القصيدة اللي فوق هي الإضافة للي تحت .. ^-^

[الدانه]

الله يسلمك
النهار..

اذا بقبل فبتكون كلماتي المتواضعة هي اضافة الى ابداعك :)

وتسلم عالكلام الطيب

تحياتي
دانة قطر