ملاحظة الى جميع المشرفين والمشرفات والاعضاء الكبار والصغار....

[بنت البديد]

بسم الله الرحمن الرحيم

السلام عليكم اخوتي واخواني....:)

اسمحولي على هالموضوع الي منزلته الحين... بس الصراحة هاي في نظري ملاحظة هامة وضرورية لكل من في المنتدى سواء صغارية او كبارية .....:rolleyes:

الموضوع وبصراحة .... انه ملاحظة انه في بعض او اغلب المواضيع في جميع العيون تقريبا مكررة .. يعني احيانا اتصفح المنتدى عين عين موضوع موضوع .. سواء المواضيع القديمة او الجديدة واتفاجا بوجود عدد معقول من المواضيع المتكررة بس تكون لاعضاء مختلفين.... واظن انه السبب راجع لقلة المراقبة وعدم الانتباه للمواضيع ومحتواها ... وبعدين العناوين تتوه الوحد صراحة .... اسمحولي على الكلام الي قلته... بس اظن انه من قوانين المنتدى على حسب علمي وخبراتي السابقة في المنتديات الاخرى اظن انه ممنوع التكرار لا ي موضوع ... وبعدين ما شالله بدل المشرف او المشرفة الواحد او الوحدة عندنا وايد.. وغير جذي عندنا المسؤوولين والهوامير....بس للاسف وين الرقابة ؟ وين الانتباه والتركيز؟؟;)

انه بصراحة من زمان ملاحظة هالشي بس ما اقدر اسكت عن الغلط في منتدانا وانه ابغي منتدانا يطلع بحلة جديدة وبصورة تشد الحضور عشان لمن يكون في زوار ما يقولون اغلب المواضيع مكرر ووين المراقبين...:(


اتمنى هالموضوع ما ينمسح الين ما ياخذ الكل موقعه من الاعراب في المنتدى ... واسمحوا لي طولت .....:rolleyes:

مع انه ما اعرف ليش " كلام الصج يعور "... يعني في بعض الاعضاء مش مقتنعين بكلامي.... مع انه هاي الصج... على العموم قلت كل الي عندي واتمنى هالملاحظة تكون امام اعين الجميع ...


"وخير الكلام ما قل ودل":bb


والسموحة


سلامي

[بنت البديد]

اشوف محد رد علي؟؟:(


سلامي

[شـامـان]

بنت البديد

اعنبوا غيرج صبيري اشوي في ساعه الاربع تبغين ردون عليج كلهم




المشرفين والمشرفات جميعا مش مقصربن في عملهم من ناحيه الاشراف والمتابعه

لكن يحصل انه مايكون المشرف منتبه على موضوع انه متكرر او يكون في باله انه هم الموضوع السابق

هذا لا ادافع عن نفسي او على الاخوه والاخوات المشرفين والمشرفات وانا اول المقصرين من بينهم


لكن على اي عضو شاف امر مثل هذا المشرفين على اتم استعداد لاستقبال رسائلكم لتنبيههم

في مثل هذه الاشياء وانا اولهم جميعا .





بنت البديد

اشكرج على غيرتج على المنتدي وانشاء الله مافي حد مش عاجبه الكلام العدل

وكلنا هنا من اعضاء ومشرفين هما الاول المنتدي والرقى فيه والعمل للمصلحه العامه







تحياتي من جديد

[بنت البديد]

ههههههههههههههههههههههههههههههه ضحكتني:)

شسوي من زود ما انه مشتطة ابي اشوف ردود الباقي:(

علىكل مشكور على التعقيب وعلى روحك التعاونية وانشالله الكل يقوم بدوره بس انه ما قلت عن حد مقصر يعني لازم يشدون حيلهم شوية :(


سلامي

[مثل العسل]

الاخت بنت البديد ...



من وجه نظري انه السيطرة على المواضيع المتكررة صعب شو ... لسبب واحد انه كل واحد له اسلوبه في طرح الموضوع ... يعني واحد يغير العنوان وواحد يغير المقدمة فتختلف من شخص لشخص ..

اما جهود المشرفين واضحة وموجودين بإستمرار .. يعني .. بالنسبة لتكرار المواضيع ما لها الا حل واحد وهو انه اي واحد قبل ما ينزل موضوع يطلع على العين الي يبي ينزل فيها الموضوع وشوف اذا موجود او لا ... وانا اسف على الاطالة ...


وبنت البديد ارجو المعذرة للإختلاف بالرأي ...


تحياتي لج ....

[بنت البديد]

هلا اخوي مشكور على المرور والتعقيب...

عادي هاي رايي الشخصي وقلته وكل واحد حر في رايه



سلامي

[[ سري للغاية ]]

هلا بنت البديد

مشكورة على الأطراء
بخصوص المواضيع المكرره هذا أعتقد من أسباب العضو نفسه اللي يطرح المواضيع ومثل ماتفضل أخوي مثل العسل أنه يجب على كل عضو أو مشرف يريد تنزيل موضوع ما يجب عليه التأكد من العين اللي راح ينزل فيها الموضوع وبعد التأكد ينزله بطريقته الخاصة .

أما بخصوص المشرفين أشوفهم مو مقصرين بغض النظر عن بعض المشرفين الغايبين لأنشغالهم في شئونهم الخاصه والله يوفقهم لكن مو مسألت أن المشرفين هم اللي دايماً يسعون بس للمواضيع المتكررة لأن عندهم مسئوليات ثانية غير المواضيع المكررة .
فأرجوا من الجميع التأكد من الموضوع قبل طرحه بالمنتدى وذلك لتفادي عملية التكرار .

وشاكر لج أختي بنت البديد
على تواصلج وحرصج على المنتدى


تحيا111تي

[الشقيان]

في جميع المنتديات تحصل مثل هاذي الامور وهي التكرار ومافيه اي شي عادي تلقى في الموضوع كلمه تغير المعنى في الاخير .. وبعض الاعضاء يغير العنوان نفسه والوحد يصير يشوف كل المواضيع
واوقات العنوان شي والموضوع شي آخر مختلف بتاتا ...


ملاحظه
واذا فيه اعضاء صغار او مثل ماتكرمتي خبرينا عنهم علشان نعتني بهم ونداريهم بالنسبه لي ماعدني اي معلومه عن الاعضاء الصغاريه او ماشابه مثل ماتكرمتي لاني اتعامل مع ناس كبار في العقل والسن

[عـــلاوي]

مشكوره اختي بنت البديد ولاتعليق على كلامج لانج ماقصرتي كفيتي ووفيتي ولا غبار على كلامج



تحياتي عـــلاوي

[بنت البديد]

مشكور اخوي غيروووك على المرور والتعقيب.... وبعدين الله يهديك انه ما ظلمت المشرفين ولا شي بالعكس ابي يكون ادائهم للمنصب الي اهمه فيه يبين ما ينخش.. ماشالله عليهم ما عليهم زود كل واحد ووحدة منهم يقول الزود عندي من ابداعات وقدرات..على العموم... لا خلاف على كلامك:)

الشقيان... هلا اخوي.. مو معناة انه جميع المنتديات جذي يعني نخلي منتدانا مثلهم... لازم نراعي نطلعه بصورة افضل واحسن ... وبعدين موضوعي هاي مجرد للتنبيه يعني عشان ما يكون فيه نوع من الروتين للمواضيع المنزلة ....
وبعدين يا اخ الشقيان ملاحظتك هذي مو في محلها.. اولا اسلوبك احسه كان اسلوب تطنز.. ثانيا الصغارية اقصد فيهم الي توهم جدد او الى الحين ما صارو مشرفين.... فارجوك دامك ترد وتعلق على الموضوع يفضل تجنب اسلوب السخرية هاي لانه مو حلو..... مشكور على المرور والاطراء...:)

علاوي... هلا اخوي... مشكور على المرور والمشاركة ..:)



سلامي

[الــغ ــالي]

يعطيك العافيه يابنت البديد على حرصك لمصلحه المنتدى
بعدم وجود اي ثغره تعيق حركة سير المنتدى الى الامام

هذا شي ممكن حدوثه حتى من المشرفين انفسهم
وهي من اولويات ومسئوليات المشرف على العين التي
بها المواضيع المكرره بحكم اطلاعه على قسمه والتي
هي اولى مسئولياته لتفادي اي اشكال مشابه

اقتراحك جميل جدا وينصب في مصلحه المنتدى
وهو بحاجه الى اكثر متابعه تفاديا لحدوث ذلك
وهذا لايمنع بتنبيه المشرف المسئول في حالة تكرار
اي موضوع في قسمه ..

الغالي

[بنت البديد]

مرحبا اخوي الغالي....... اشكر لك حرصك على التواجد في جميع مواضيعي والردود عليها بحكمة وعقلانية...:)

ومشكور على التعقيب والاطراء...:)

وبعدين كوني كعضوة او مشرفة او ايا كنت لازم تكون فيني غيرة على المنتدى... واحاول انه يكون بافضل صورة:)

سلامي