لو بقول العمر من دونك هلاك..... لو بقول العشق نار العاشقين

[هيا]

هذه قصيده للشاعر
ابراهيم بن عبدالله بن عامر الفلاسي

عجبتني وحبيت اهديها لكم لتكون اول مشاركاتي في هذا المنتدى الرائع



لو بقول العمر من دونك هلاك = لو بقول العشق نار العاشقين
بتركك في ظنك وبتبع جفاك = بتركك والله على الفرقا يعين
واعرف ان الموت حق كيف جاك = واعرف ان الموت للمؤمن يقين
ولو يغرك كثر مالك واصدقاك = اعرف ان الله خير الرازقين
لا تبيع اللي من العالم شراك = لا تبدل بالرخص شي ثمين
معترف بخطاي وانت تعرف خطاك = اعتذر دامك لك بقلبي حنين
اعتذر دام المعاني في صداك = واحذر الابيات فيها تستهين
اشتعل يا هاجسي وافتح مداك = وانثر الأبيات فوق الجالسين
خلها تعبر على هذا وذاك = كود يبخص في معانيها الفطين
ليته اللي ماخذّني هو خذاك = كان تعرف وش خذت مني السنين
كان تعرف كيف مات اللي معاك = حي يمشي .. في وسط جوفه دفين
مات خلفك ما التفت انته وراك = الهتك دنياك وابليس اللعين
كلنا نخطي ولا فينا ملاك = كلنا نخطي وكلنا مذنبين
بس كم لك بتّمادى في خطاك = هذا ياللي مسهر قلبي الحزين

[الــغ ــالي]

ابيات رائعه اخت هيا

كلمات معبره من شاعر عجيب

اتمنى لك وقت ممتع في منتدى عيون الدوحه

اخوك الغالي

[الدانه]

احسنت الاختيار اختي

هيا

كلمات راااائعة وصياااغة اروع

وياهلا بج اخت عزيزة في منتدانا الرحب ^_^

منورة حبوبة وان شاءالله نشوف

جميل مشاركاتج :)

تحياتي
دانة الدانات

[ولـد الـحكـومـه]

مشكوره اختي هيا على هالكلمات الرائعه ولله لايحرمنا من مشاركاتك القيمه

:)