بنت الدار
14-07-03, 02:41 PM
اخواني اخواتي
بالنسبة للعنوان يمكن يتبادر لذهنكم انه الموضوع والخفايا هي "خفايا الصدر"!!!!!! وبمعنى انه الموضوع متعلق بالحب وخفاياه وبلاويه"علشان الصدر يعني"!!!!!!لكن يؤسفني ان اقول لكم انه الخفايا اللي هنيه هي خفايا داخلنا وكلنا نعرفها ويمكن بعضنا يسويها للاسف بس ان نتكلم عنها فيها شوية خوف ولانه نعتقد بان الحديث عنها يسبب مصيبة!!!!
اما الحب وبلاويه فمالي انا بالحب وأهواله وع قولتة بو خليفة الله يطول بعمره( تبع الهوا والحب فناً وزاغور** ماينّقله إلا شميمي ومغوار) وحتى الكلام عن الحب المفروض ما يتكلم فيه الا اللي يروم له و"مرمستكم ومحدثتكم" حليلها ماتروم له ولا هي شميمية ولا مغوارة "في الحب بس طبعا";)
بصراحة كبيرة (((بعض))) شبابنا للاسف يعتمدون على الوالد ماديا بشكل غير معقول!!!!!!فالوالد هو اللي يبدلهم السيارة كل فترة والوالد هو المسؤول عن مصاريف العرس "عرس الشاب والشايب اللي بيدفع" وحتى عقب العرس الوالد هو اللي بيدفع علشان يبني الشاب للعروس واولادها "عقب ماتييب اولاد ويضيق عليهم بيت الشايب" كل هذي المصاريف ع الوالد !!!!!وحتى ان كان الشاب يشتغل وعنده راتبه فآخر شي يفكر فيه هو راتبه !!!!!وراتبه يالله يالله يسده ويسد طلبات العروس!!!!!!لكن المفروض انه الشباب يفكرون في هذا الانسان اللي بيدفع وبصراحة لو واحد فيهم سأل والده من وين ياب هالخير اللي هم يعيشون فيه اللحين لكان حس بقيمة الخير وصرف بقدر وفي اشياء معقولة وضرورية جدا!!!!!!لكن للاسف شبابنا يصرفون بدون مايفكرون من وين هالخير؟؟؟؟ وكم تحملوا آبائنا من ذل وتعب لين ما قدروا يعيشونا في هذا المستوى!!!!!ويصرفون وكأنه هالخير ما بينتهي وكأنهم عيال "آل فلان" وانه مقاليد الحكم بتمي لهم ع طول الازمان!!!!!!!,وانه الخير ماينقص ولا بيقل وانه الانسان لازم يمتع عمره لانه "آخرة الحياة الا المماتي"سبحااااان الله!!!!!!!!ومب الا الشباب اللي يصرفون بدون تفكير حتى بناتنا للاسف انا ما اقول انه المفروض الانسان يكون مثالي ولا يبذر ولا يتلبس ولا يكشخ ولا يعيش حياته!!!!!!لا ابدا بس الموضوع بحاجة انه شوية نفكر, فحرام والله انه مثلا بنت تشتري ميك اب بثلاثة الالاف درهم "للعيد بس" وتخيط كنادير بالفين وتشتري نعال"الله يعزكم" وشنطة وشيلة وعباة بالفين بعد( يعني المجوع 7000درهم يعني معاش ريال!!!!) مب حرام؟؟؟؟؟؟حتى ان كان الخير موجود والحمدلله والفلوس متوفرة , ماتفكر هالبنت انه باكر يمكن سبحان الله تتزوج ريال ماعنده غير معاشه وهو بعد ريال "خو شما صدق" ومايبا يطلب ابوه ولا امه ولا اخوانه أي مساعدات مادية, ما تتصور عمرها ؟؟ كيف بتعيش ؟؟ كيف بتتأقلم؟؟ يمكن الوحدة تقول اللحينه : اصلا اهليه مابيوزونيه واحد مايروم ع مصاريفي؟؟ لكن الجواب يا اعزيزتي انه بيوزونج اياه لانه هالايام والحمدلله كثير من الناس مايهمهم الفلوس ولكن همهم النفوس واخلاق الريال و"اذا جاءكم من ترضون دينه فزوجوه" وبعد علشان سبب ثاني مهم واااايد هو انه البنات هلايام زادن عن الشباب وتأخرن كثيرات في الزواج فأصبح شي عادي انه يوافق الاهل على زوج عادي مايناسبهم في "المستوى المادي" علشان يخففون من عدد البنات "المتأخرات عن الزواج", يعني خلونا وسط في الصرف {ولا تكن يدك مغلولة الى عنقك ولا تبسطها كل البسط}
بعض الخفايا بعد هي وجود الحسد والحقد في نفوس "البعض" منا , فإذا وحدة جمالها متوسط ومطلقة بعد وكبيرة في السن خطبها واحد شاب ممتاز في كل شئ "فول اوبشن يعني كامل المواصفات" تبدأ الغيرة والحقد في نفوس اقرب الناس منها "سبحااان الله" ويحسدنها قريباتها الحلوات الاصغر عنها اللي ماسبق لهن الزواج!!!!!!!!وكأنهن ما يؤمن بانه كل شي في هالدنيا مقدر ومكتوب "مكتوب قلبي بحبك يذوب** ويصير بيني وبينك اعجاب"بس لازم يشتغل عامل الغيرة في نفوسنا ولا مانكون بشر!!!!!!!وبالنسبة للشباب الحسد وعدم حب الخير للغير موجود بعد, فاذا تم قبول الشاب اللي نسبته في الثانوية عادية في كلية الشرطة مثلا والطالب الشاطر اللي ياب في التسعينات ما قبلوه يبدأ الحسد في نفسه!!!!!!!بس ليش؟؟؟؟؟ مايعرفون انه الدنيا ارزاق وكل واحد له رزق وانه الله مايكتب للانسان الا الخير, وكل قضاء يقضيه الله هو خير حتى لو مارضينا به, وحتى المصايب اللي تصيبنا هي خير بعد( عجبا لامر المؤمن ,ان امره كله له خير, ان اصابته سراء شكر فكان خيرا له , وان اصابته ضراء صبر فكان خير له" سبحااااان الله, ليتنا نفكر شويه ونحاول ما نحسد غيرنا لانه حتى نحن في خير او يمكن الخير بيجينا بس مانحسد غيرنا.
من الخفايا بعد واللي يمكن ماتتقبلونها مني, ويمكن لو كنت ريال بتتقبلونها , فافترضوا اني ريال وحاولوا تتقبلونها بدون حساسيات, (((غض البصر))) مشكلة كبيرة كبيرة بالنسبة لشبابنا, وبصراحة لو شاف الشاب بنت كاشخة وسافرة وتتمخطر جدامه لازم بيطالع فيها اول شئ وعقب ((ممكن)) يدعي عليها وعلى من رباها و((ممكن)) يكتب عنها مقال او موضوع ويسب ويسب ويسب!!!!!!!بس يا خويه حتى وان كانت هي الغلطانة وطالعة من بيتها وتدعي الناس بكل صراحة وتقول "اللي مايشتري يتفرج"ياخويه المفروض عليك انك "تغض بصرك" ممكن الواحد يقول هي اصلا السبب وهي فيها وفيها , انا معاك ولكن فكر يا خويه شويه هل "هديتك في الجنة من الحور العين جاءت من فراااغ"؟؟؟؟؟؟؟؟غضك لبصرك "يمكن " هو سبب هديتك هذي العظيمة في الجنة" ياعل كل من يقرأ كلامي اللحينه يكون من اهل الجنة امين"وبعدين لازم تدعي لاختك لانها مسكينة جاهلة ماتعرف مصلحتها ولا تعرف انه اللي تسويه بيضرها في وقت مابينفعها فيه حد!! يعني بصراحة دعوتكم لاخواتكم احسن بكثير من التعليق عليهن او الدعاء عليهن وعلى تربيتهن!!!!!!!
اخر شي , ((البعض)) يعامل والديه معاملة ما تليق بمكانة الوالدين, ومايحتاي اكتب لكم الايات والاحاديث اللي جاءت في فضل الوالدين على الابناء لانه مااعتقد حد مايعرفها!!!!!! فضلهما علينا كبير و لابنوفيهم حقوقهم علينا مهما سوينا, للاسف البعض منا يعامل والديه معاملة مش حلوة , فالعيوز"الام" كبرت وتتشكوى وااايد وكل شي فيها يعورها وكل شوية تزقرنا وتطلب منا نسوي جيه ومانسوي جيه!!!!!!والشيبة "الوالد" طفر بنا يقوم من الفجر ويصايح يدور مدواخه!!!!!ويضرب الخدامات لانهن ما ينظفن غرفته زين!!!!! ويفلع الطباخ بالفنيال لانه قهوته بيضا!!!!!! ما عليه لازم الانسان يتحمل والديه, ويكون الواحد فينا مدرك انه الشيب له توابع وانه كل انسان بيكبر في السن وبتتحول قوته الى ضعف وشيب, ووالدينا حقهما علينا كبير حتى وان كان واحد فيهم او اثنيتهم كان يفرقون في معاملتهم لابنائهم او كان مثلا قاسيين في معاملتهم لاحد ابنائهم او مثلا حرموا واحد من الابناء من انسانة يحبها ويوزوه ع كيفهم او حتى البنت يوزوها بدون شورها!!!!!!تصير هذي الاشياء بس مهما صارت حق الوالدين يجبرنا ان نسامحهم ونحسن معاملتهم, واكيد مافيه اب او ام يبا يظلم او يعذب اولاده ولكن هم يشوفون الاشياء ويحكمون عليها من خلال سنهم وتجاربهم واكيد يكون تصرفهم على اساس انهم يبون الخير لاولادهم, فما عليه المفروض اننا نتجاوز ونعاملهم معامله زينة لانه فعلا(كما تدين تدان) وباكر عيالنا بيعاملونا بنفس المعاملة , لايقول واحد انه اصلا انا باحسن تربية عيالي ولا بعاملهم مثل ماعاملني اهلي وظلموني, لانه مثل ما تعامل اهلك بتكون معاملة اولادك لك حتى وان فضلتهم على روحك وسويت لهم المستحيل واسمحولي اقص عليكم هالقصة القصيرة من تراثنا واللي تبين لنا انه فعلا "كما تدين تدان"
كانت سيدة في الماضي وعندها ولد وامها العيوز كانت بعدها حية, وكان الولد يوم يرد من اللعب وقت الظهر تروح الام وتغرف له الغدا وتعرفون كيف كان اهلنا اول يعيشون في فقر, فالعيش شويه والقدر صغيره مش مثل قدورنا اليوم والعيوش اللي نكبهن كل يوم في الزبالة –استغفر الله- المهم كانت تغرف للولد ومايبقى شي في القدر الا العيش اللي التصق في القدر واللي نسميه بلهجتنا "القحارة" يعني اخر شي من العيش, وتحط لولدها فيقول الولد امايه زقري يدوه "جدته" تتغدى ويايه, فترد الام لا امايه برايها بتاكل بعدين من العيش الباقي!!!!!!!!!!!!ومرت الايام وتوفت اليدة وكبر الولد وعرس ويابت العروس عيال وكانت العروس يوم تحط الغدا لريلها تقوله بزقر عمتيه تتغدا وياك فكان يقول لها ,لا زقري عيالي اول وخليها امايه بتتغدى من الفضلة او اللي يبقى في القدر, فبكت الام يوم تكرر الموقف وكلمت ولدها وذكرته بانها كانت تحرم امها من العيش علشانه هو وعلشان يتغدى ويشبع فهل هذا يزاها؟؟!! قال له : انزين يا امايه تراني تعلمت منج تبدين عيالج على امج!!!!وانا بديت عيالي عليج!!!!!!!!!!!!!!!!!!!!!!!!!
والسموحة ان كنت اظهرت لكم بعض الخفايا اللي ليتها تختفي من حياتنا ونفوسنا
بالنسبة للعنوان يمكن يتبادر لذهنكم انه الموضوع والخفايا هي "خفايا الصدر"!!!!!! وبمعنى انه الموضوع متعلق بالحب وخفاياه وبلاويه"علشان الصدر يعني"!!!!!!لكن يؤسفني ان اقول لكم انه الخفايا اللي هنيه هي خفايا داخلنا وكلنا نعرفها ويمكن بعضنا يسويها للاسف بس ان نتكلم عنها فيها شوية خوف ولانه نعتقد بان الحديث عنها يسبب مصيبة!!!!
اما الحب وبلاويه فمالي انا بالحب وأهواله وع قولتة بو خليفة الله يطول بعمره( تبع الهوا والحب فناً وزاغور** ماينّقله إلا شميمي ومغوار) وحتى الكلام عن الحب المفروض ما يتكلم فيه الا اللي يروم له و"مرمستكم ومحدثتكم" حليلها ماتروم له ولا هي شميمية ولا مغوارة "في الحب بس طبعا";)
بصراحة كبيرة (((بعض))) شبابنا للاسف يعتمدون على الوالد ماديا بشكل غير معقول!!!!!!فالوالد هو اللي يبدلهم السيارة كل فترة والوالد هو المسؤول عن مصاريف العرس "عرس الشاب والشايب اللي بيدفع" وحتى عقب العرس الوالد هو اللي بيدفع علشان يبني الشاب للعروس واولادها "عقب ماتييب اولاد ويضيق عليهم بيت الشايب" كل هذي المصاريف ع الوالد !!!!!وحتى ان كان الشاب يشتغل وعنده راتبه فآخر شي يفكر فيه هو راتبه !!!!!وراتبه يالله يالله يسده ويسد طلبات العروس!!!!!!لكن المفروض انه الشباب يفكرون في هذا الانسان اللي بيدفع وبصراحة لو واحد فيهم سأل والده من وين ياب هالخير اللي هم يعيشون فيه اللحين لكان حس بقيمة الخير وصرف بقدر وفي اشياء معقولة وضرورية جدا!!!!!!لكن للاسف شبابنا يصرفون بدون مايفكرون من وين هالخير؟؟؟؟ وكم تحملوا آبائنا من ذل وتعب لين ما قدروا يعيشونا في هذا المستوى!!!!!ويصرفون وكأنه هالخير ما بينتهي وكأنهم عيال "آل فلان" وانه مقاليد الحكم بتمي لهم ع طول الازمان!!!!!!!,وانه الخير ماينقص ولا بيقل وانه الانسان لازم يمتع عمره لانه "آخرة الحياة الا المماتي"سبحااااان الله!!!!!!!!ومب الا الشباب اللي يصرفون بدون تفكير حتى بناتنا للاسف انا ما اقول انه المفروض الانسان يكون مثالي ولا يبذر ولا يتلبس ولا يكشخ ولا يعيش حياته!!!!!!لا ابدا بس الموضوع بحاجة انه شوية نفكر, فحرام والله انه مثلا بنت تشتري ميك اب بثلاثة الالاف درهم "للعيد بس" وتخيط كنادير بالفين وتشتري نعال"الله يعزكم" وشنطة وشيلة وعباة بالفين بعد( يعني المجوع 7000درهم يعني معاش ريال!!!!) مب حرام؟؟؟؟؟؟حتى ان كان الخير موجود والحمدلله والفلوس متوفرة , ماتفكر هالبنت انه باكر يمكن سبحان الله تتزوج ريال ماعنده غير معاشه وهو بعد ريال "خو شما صدق" ومايبا يطلب ابوه ولا امه ولا اخوانه أي مساعدات مادية, ما تتصور عمرها ؟؟ كيف بتعيش ؟؟ كيف بتتأقلم؟؟ يمكن الوحدة تقول اللحينه : اصلا اهليه مابيوزونيه واحد مايروم ع مصاريفي؟؟ لكن الجواب يا اعزيزتي انه بيوزونج اياه لانه هالايام والحمدلله كثير من الناس مايهمهم الفلوس ولكن همهم النفوس واخلاق الريال و"اذا جاءكم من ترضون دينه فزوجوه" وبعد علشان سبب ثاني مهم واااايد هو انه البنات هلايام زادن عن الشباب وتأخرن كثيرات في الزواج فأصبح شي عادي انه يوافق الاهل على زوج عادي مايناسبهم في "المستوى المادي" علشان يخففون من عدد البنات "المتأخرات عن الزواج", يعني خلونا وسط في الصرف {ولا تكن يدك مغلولة الى عنقك ولا تبسطها كل البسط}
بعض الخفايا بعد هي وجود الحسد والحقد في نفوس "البعض" منا , فإذا وحدة جمالها متوسط ومطلقة بعد وكبيرة في السن خطبها واحد شاب ممتاز في كل شئ "فول اوبشن يعني كامل المواصفات" تبدأ الغيرة والحقد في نفوس اقرب الناس منها "سبحااان الله" ويحسدنها قريباتها الحلوات الاصغر عنها اللي ماسبق لهن الزواج!!!!!!!!وكأنهن ما يؤمن بانه كل شي في هالدنيا مقدر ومكتوب "مكتوب قلبي بحبك يذوب** ويصير بيني وبينك اعجاب"بس لازم يشتغل عامل الغيرة في نفوسنا ولا مانكون بشر!!!!!!!وبالنسبة للشباب الحسد وعدم حب الخير للغير موجود بعد, فاذا تم قبول الشاب اللي نسبته في الثانوية عادية في كلية الشرطة مثلا والطالب الشاطر اللي ياب في التسعينات ما قبلوه يبدأ الحسد في نفسه!!!!!!!بس ليش؟؟؟؟؟ مايعرفون انه الدنيا ارزاق وكل واحد له رزق وانه الله مايكتب للانسان الا الخير, وكل قضاء يقضيه الله هو خير حتى لو مارضينا به, وحتى المصايب اللي تصيبنا هي خير بعد( عجبا لامر المؤمن ,ان امره كله له خير, ان اصابته سراء شكر فكان خيرا له , وان اصابته ضراء صبر فكان خير له" سبحااااان الله, ليتنا نفكر شويه ونحاول ما نحسد غيرنا لانه حتى نحن في خير او يمكن الخير بيجينا بس مانحسد غيرنا.
من الخفايا بعد واللي يمكن ماتتقبلونها مني, ويمكن لو كنت ريال بتتقبلونها , فافترضوا اني ريال وحاولوا تتقبلونها بدون حساسيات, (((غض البصر))) مشكلة كبيرة كبيرة بالنسبة لشبابنا, وبصراحة لو شاف الشاب بنت كاشخة وسافرة وتتمخطر جدامه لازم بيطالع فيها اول شئ وعقب ((ممكن)) يدعي عليها وعلى من رباها و((ممكن)) يكتب عنها مقال او موضوع ويسب ويسب ويسب!!!!!!!بس يا خويه حتى وان كانت هي الغلطانة وطالعة من بيتها وتدعي الناس بكل صراحة وتقول "اللي مايشتري يتفرج"ياخويه المفروض عليك انك "تغض بصرك" ممكن الواحد يقول هي اصلا السبب وهي فيها وفيها , انا معاك ولكن فكر يا خويه شويه هل "هديتك في الجنة من الحور العين جاءت من فراااغ"؟؟؟؟؟؟؟؟غضك لبصرك "يمكن " هو سبب هديتك هذي العظيمة في الجنة" ياعل كل من يقرأ كلامي اللحينه يكون من اهل الجنة امين"وبعدين لازم تدعي لاختك لانها مسكينة جاهلة ماتعرف مصلحتها ولا تعرف انه اللي تسويه بيضرها في وقت مابينفعها فيه حد!! يعني بصراحة دعوتكم لاخواتكم احسن بكثير من التعليق عليهن او الدعاء عليهن وعلى تربيتهن!!!!!!!
اخر شي , ((البعض)) يعامل والديه معاملة ما تليق بمكانة الوالدين, ومايحتاي اكتب لكم الايات والاحاديث اللي جاءت في فضل الوالدين على الابناء لانه مااعتقد حد مايعرفها!!!!!! فضلهما علينا كبير و لابنوفيهم حقوقهم علينا مهما سوينا, للاسف البعض منا يعامل والديه معاملة مش حلوة , فالعيوز"الام" كبرت وتتشكوى وااايد وكل شي فيها يعورها وكل شوية تزقرنا وتطلب منا نسوي جيه ومانسوي جيه!!!!!!والشيبة "الوالد" طفر بنا يقوم من الفجر ويصايح يدور مدواخه!!!!!ويضرب الخدامات لانهن ما ينظفن غرفته زين!!!!! ويفلع الطباخ بالفنيال لانه قهوته بيضا!!!!!! ما عليه لازم الانسان يتحمل والديه, ويكون الواحد فينا مدرك انه الشيب له توابع وانه كل انسان بيكبر في السن وبتتحول قوته الى ضعف وشيب, ووالدينا حقهما علينا كبير حتى وان كان واحد فيهم او اثنيتهم كان يفرقون في معاملتهم لابنائهم او كان مثلا قاسيين في معاملتهم لاحد ابنائهم او مثلا حرموا واحد من الابناء من انسانة يحبها ويوزوه ع كيفهم او حتى البنت يوزوها بدون شورها!!!!!!تصير هذي الاشياء بس مهما صارت حق الوالدين يجبرنا ان نسامحهم ونحسن معاملتهم, واكيد مافيه اب او ام يبا يظلم او يعذب اولاده ولكن هم يشوفون الاشياء ويحكمون عليها من خلال سنهم وتجاربهم واكيد يكون تصرفهم على اساس انهم يبون الخير لاولادهم, فما عليه المفروض اننا نتجاوز ونعاملهم معامله زينة لانه فعلا(كما تدين تدان) وباكر عيالنا بيعاملونا بنفس المعاملة , لايقول واحد انه اصلا انا باحسن تربية عيالي ولا بعاملهم مثل ماعاملني اهلي وظلموني, لانه مثل ما تعامل اهلك بتكون معاملة اولادك لك حتى وان فضلتهم على روحك وسويت لهم المستحيل واسمحولي اقص عليكم هالقصة القصيرة من تراثنا واللي تبين لنا انه فعلا "كما تدين تدان"
كانت سيدة في الماضي وعندها ولد وامها العيوز كانت بعدها حية, وكان الولد يوم يرد من اللعب وقت الظهر تروح الام وتغرف له الغدا وتعرفون كيف كان اهلنا اول يعيشون في فقر, فالعيش شويه والقدر صغيره مش مثل قدورنا اليوم والعيوش اللي نكبهن كل يوم في الزبالة –استغفر الله- المهم كانت تغرف للولد ومايبقى شي في القدر الا العيش اللي التصق في القدر واللي نسميه بلهجتنا "القحارة" يعني اخر شي من العيش, وتحط لولدها فيقول الولد امايه زقري يدوه "جدته" تتغدى ويايه, فترد الام لا امايه برايها بتاكل بعدين من العيش الباقي!!!!!!!!!!!!ومرت الايام وتوفت اليدة وكبر الولد وعرس ويابت العروس عيال وكانت العروس يوم تحط الغدا لريلها تقوله بزقر عمتيه تتغدا وياك فكان يقول لها ,لا زقري عيالي اول وخليها امايه بتتغدى من الفضلة او اللي يبقى في القدر, فبكت الام يوم تكرر الموقف وكلمت ولدها وذكرته بانها كانت تحرم امها من العيش علشانه هو وعلشان يتغدى ويشبع فهل هذا يزاها؟؟!! قال له : انزين يا امايه تراني تعلمت منج تبدين عيالج على امج!!!!وانا بديت عيالي عليج!!!!!!!!!!!!!!!!!!!!!!!!!
والسموحة ان كنت اظهرت لكم بعض الخفايا اللي ليتها تختفي من حياتنا ونفوسنا