مشاهدة النسخة كاملة : قصة راائعه و طويييييله مستعدييين لها ؟؟؟؟
زهرة_الآلام
17-04-05, 07:05 PM
السلام عليكم ...
عندي لكم قصة شاهدتها في منتدى الم الامارات....من الكاتبة (( هوى داري))
وايد حلوه ^___^ (( قصه اماراتيه))
وايد حلوة و وايد طويله .
لدرجة انهم فتحولها موقع خاص....
مستعدين ....؟؟؟؟
العابر77
18-04-05, 12:45 AM
وين القصة :rolleyes:
ماشوف شي ..... :g10
زهرة_الآلام
20-04-05, 11:15 AM
السلام عيك اخوي العابر...
صح مافي قصة ... لاني كنت اريد الكل يستعد لها
وااايد طوييييله ...
المهم بنزل الجزء الاول ^_^
زهرة_الآلام
20-04-05, 11:19 AM
السلام عليكم ...
حبيت اشارك بقصتي .. الي هي عباره عن مسلسل قصص ...
و ان شاء الله تستانسون ويايه .. بس قبل ابا اعرفكم بأبطال المسلسل ..
اصدقائنا هم سلطان, فهد, سيف, سارة, العنود, و غاية .. سأكتفي الآن بإخباركم نبذه بسيطه عن كل واحد و سوف تتعرفون عليهم اكثر من خلال القصص لاحقا ..
سلطان هو طالب هندسه .. في الثانية والعشرين من عمره ... شخصيته منطلقه .. يحب المزاح واللعب ... وسباقات السيارات .. و الرياضه ..
ساره شقيقة سلطان .. وهي طالبة في كلية ادارة الاعمال ... عمرها واحد و عشرين ... ولها نفس شخصية سلطان بالظبط ..
فهد زميل سلطان في الكليه و ابن عمه .. عمره 22 و هو خجول نوعا ما .. محافظ قليلا .. لكنه يحب الرياضه ايضا ... وهو كما يطلق عليه اصدقاءه [دحيح] .. لشطارته
غايه .. كتكوتة الشله .. ودلوعتهم ..عمرها 19 عاما وهي شقيقة فهد.. تدرس في كليه الاعلام, تتميز بالهدوء .. لكن احيانا تشارك في المشاغبه مع سارة و العنود ..
العنود .. هي اقرب انسانه الى ساره .. وهي ابنة خالتها ايضا ... عمرها 21 و تدرس ادارة الاعمال كذلك ... لها شخصيه مرحه و لكنها تفشل في السيطره على اعصابها في كثير من الاحيان ....
وأخيرا سيف .. شيبة الشله .. عمره 24 .. افكاره متفتحه كثيرا نظرا لدراسته في الخارج ... شخصيته جدا مرحه و يغلب عليها التهور احيانا ...
يبقى القول انه عم لفهد و سلطان ..
زهرة_الآلام
20-04-05, 11:19 AM
المكان : كوفي شوب الجامعة
الزمان : 11 صباحا
على كورنر من الكافيه يالسات البنات يتقهوين, و غايه كانت تاكل كيكه كاكاو..... اطالعتها ساره بنظرة حقد :
ساره: افففف ليتني شراتج آكل اللي اباه بدون ما امتن !!
توها مخلصة جملتها جان تغص غاية .....!! وتمت تسعل .... ناولتها العنود كوب ماي بسرعه ...
غايه وهي تكح : اااااااااالللللللللله واكبر عليج يا ساروووووووووه ....... مب عين عليج !!
العنود: بغيتي تجتلين البنية !!!
سارووه تضحك : هههههههههههههههههههههههههههههههههههههههههههههههههه هههههههه ...... خيبه تخيب ابليس .. شو السالفة عيوني مستويه ظو هالايام ..........
غايه : البسي نظارة شمسيه .... عنبووج بغيت اموت .... جان الكيكه في خاطرج حلال عليج!!
ساره : هيي في خاطري ... بس ممنوع آكل هالاكل انا ..... شووو تبيني انتفخ ؟؟ خلاف منو يباني ؟؟
العنود : هيه هذا الي هامنج انتي ... ههههههههه
بعد شوي دخلوا فهد و سلطان .. سلموا و يلسوا ..
سلطان : شحالكن يا بنيات ...؟
ساره : الحمدلله بخير .... انتو شحالكم ؟
فهد : والله بخير الله يسلمج .... شو ليش ماحظرتوا كلاساتكم ؟؟
العنود : انا و سارووه دكتورنا اعتذر .. وغايووه خلصت كويزها و ظهرت ... وانتو ليش ماشي كلاسات ؟
سلطان : ههههههههههههه .... اليوم الاحد ماشي الا كلاس واحد .. احم احم .. مدلعينا ..
غاية : يا حظكم ..... مب احنا جدولنا تعبان ..
فهد : تعبان ؟؟ اوديه العياده ... هههههههههههههههههههههه
سلطان : حلووووووووه منك على اد سنك ههههههههههههههههههههههههههههه
البنات تمن يطالعن بعض ((( الله يعطيكم العقل )))
فهد : المهم يا بنات ... ترا في شغله ... (( وطلع ورقة اعلان كان حاطنها في الكتاب وناولها غاية ))
قرت الورقه و البنات يقرون وياها ...
كانت ورقة اعلان عن رحلة أمريكا في اجازة الربيع ...
تحمسن البنات : اللللله ........ حلوة الرحله ......
سلطان : هيه عشان جذيه احنا فكرنا فيها ..
العنود : فكرتوو بدون ماتشاورون ؟؟؟ هاي عليها عقوبه ترا ههههههههههههههه
سلطان : هي هي هي ... عقوبة في عينج ... منو الرياييل هنييه هااااااااه (( اونه مسوي عمره معصب ))
سكتت العنود و بعد هي سوت عمرها زعلانه ... !
ساره سألت سلطان : انزين تتوقع ماما توافق ؟؟؟ ترا تحيد من ثلاث سنوات يوم بغيت اسافر ويا المدرسه ؟ شلت الدنيا على راسها !!!
سطان : هذيج الايام كنا يهال !! احين احنا في الجامعه يا ماما !! يعني عادي و بتشوفين .... بنسير كلنا اوكي ؟
غايه شافت اخوها ...... قاللها : هيه انا وانتي بعد .....
استانست ....
والعنود قالت ... اخاف بابا يقول لأ
سلطان : وشحقه يقول لأ ..... بتكونين ويا ولد خالتج !!!!
العنود : ممممم .. ان شاء الله يوافق ...
فهد :يصير خير ..... ركزوا في امتحانات الفاينل الحينه .. و احجزوا اوراق الرحله من الحين ... لأنه وايدين سمعت انهم بيشاركون .... ويبون توقيع ولي الأمر ...
قامت ساره وقالت حق العنود : يالله انا مروحه اوصلج في دربي ولا حد بيوصلج ؟؟
العنود : لا بسير وياج .... ابويه مشغول مساعه مطرشلي مسج يقول مابيروم يمر علي .. و ماما سايرة دبي عند عموتي ...
سلطان : لازم هالمعلقه كلها قولي بسير وياج بس !! كيييع
العنود اطالعته بنظرة حقد : بس انته ما عندك شي الا الطنازة !!
نقع سلطان من الضحك وفهد وياه ... شافن البنات ماشي فايده وياهم و روحوا ....
--------
بعد اسبوعين
مرت فترة الامتحانات و نجحوا كلهم في السمستر الاول ...... ومشت امور الرحله من تصريحات الاهل و كل باقي المواضيع .. بس العنود كان موقفها صعب اشوي ... لانه اخوها ناصر وامها بيعارضون سالفة سفرها ويا بنت خالتها حتى لوكان ولد خالتها سلطان وياهم...ماشي الا تقنع اخوها ناصر لانه البجر وامها مابتردله طلب..لكن وين تحصله هذا!! لاهي ويا حرمته وعياله..
اليوم الثاني ..عزمت العنود تمر على أخوها ناصر في بيته...منه زياره ومنه علشان يتوسطلها...وصلت بيت اخوها وشافت عيال اخوها يلعبون وحموود الذكي تذاكرله امه..
دقت العنود الباب: هووووووووووووووود .. هووووووود
عليا حرمت ناصر: هدااااااااا ...إقربي...محد غريب
دشت العنود وسلمت على عليا و يلست على القنفه... وتموا يسولفن..
عليا: حياالله من يانا .. اشحالج العنود عساج بخير .. اشحال اهلج... كلهم ابخير..
العنود: يسرج حالهم ... اشحالج انتي .. واشحال العيال ... اكيد مطفرينج ..ههههههههههه
عليا: صخي ... لاتتخبرين .. والله مشاكل هالصغاريه ... ههههههه خبريني شو مسويه ويا الامتحانات..؟ طلعت النتايج..؟
العنود: الحمدالله كويييييييييس .. ماشي الحال ... افتكينا من هالكورس .. عقبال الباجين هههههههههه
عليا: هههههههههه بالتوفيق انشاءالله ..
العنود: عيل وين اخويه ناصر ... ماله حس ..
عليا: ظهر قبل نص ساعه... سار عند اربيعه بييب شغله و بيرد...
ماوحالها خلصت الجمله دش ناصر ..
ناصر: سلام عليكم ...
عليا والعنود: عليكم السلام ..
عليا: مشاءالله ... تونا نرمس عنك... جبنا سيرت الأوط قا ينوط ههههههههههههه
ناصر: كيف يعني ينط؟؟ جي ..... ((وتم يناقز لين وصل عندهم )) العنود وعليا يضحكن ..
نشت العنود وسارت توايه اخوها ..
العنود: مرحبااااااا والله .. حي هالصووووت .. الناعم .. الحلوو.. الـ..........
ماعطاها فرصه تكلم ..وقاطعها...: هاتي من الآخــــر ..ههههههههههههه
العنود: افااااااا ..الحين انا ...يايه متعنيه عشان اشوفك ...ومارقدت العصر عشان ازورك ..اتقولي هاتي من الاخر..صدق مب ويه حد يزورك ... هههههههههههه
ناصر: ياللــــــــــــــه..!! اللي يسمع مب راقده العصر يقول الشيخه صارلها يومين هب راقده ... هههههههههههه
العنود: ههههههههه والله وقمت تقفط بعد.. هههههههههه
ناصر: من زمان .. هههههههه
وصد صوب حرمته عليا وغمزلها... وعليا تضحك...والعنود تطالعهم وهي منصدمه وتقول في خاطرها جنه السالفه بتتكنسل ..شكله موول مايساعد...ياهي حاله !!
العنود: احممممم...عن المغازل ... انزين ماعلينا.. شوالدوام وياك..؟
ناصر: وانتي من متى يهمج شو مسوي في دوامي.. هههههههههه
العنود: يااااااااهي حاله !! شو بلاك انته ..محد يروم يقولك شي..!!
وناصر ميت من الضحك... وهي مطنجره ..وتفكر كيف تفتح الموضوع وياه..ماشي الا تقردنه..
العنود: مشاءالله محلوووو ... شوالسالفه؟ مسوي حمام مغربي؟ هههههههه
ناصر: لافديتني جميل من بوني .. مايحتاي اسوي شي بعمري..
العنود: هيه اكيد...لانك تشبهني.. (ورفعت راسها بغرور وهي تبتسم).
ناصر: سييييييييييري لااااااااااااااا..اونه تشبهني..انا احلى عنج ههههههههه
العنود: مجاملة لحرمتك عشان ماأحطم مشاعرها...بقولك اوكي ..هههههههههه
وعليا تضحك..
ناصر: لا عليا مابتغير رايها...عارفه اللي عندها.. (( ويرفع كندورته اونه شخصيه ))
العنود: حليلك قاص على عمرك والله ... بس يالله شو بنسوي ..اخويه العوود لازم اسايرك..ههههههههه
ناصر: اعنبووووووووو هالويه لج.... مكاره ...انزين شو عندج.. فكينا
العنود: اباك في سالفه شخصيه اشوي..
عليا: احين انا اسير بعد والا عادي؟؟
العنود: لالا انتي عادي لج تصريح... بس خلج ايجابيه وسانديني اوكي
عليا: فالج طيب...
العنود: فديتها انا ...فالج مايخيب... تصدق ناصر احسن شي سويته في حياتك ..انك خذت عليا..
عليا: هههههههه فديت روحج...ههههههههه
ناصر: يوم اقولج مكاره...غسلت مخج بسهوله
العنود: اخي العزيز ناصر.......
ناصر بسخريه وهو مبتسم: ..... نعم
العنود: نتقدم لك برجاااء خاص وتقديم خدمة بسيطه جدا باسم الاخوة لأختك اللي في كوسوفو..
ناصر:...اهااااااااا السالفه فيها طلبات...واللي هي..؟؟؟
العنود: ههههههههه ((تجربت تصاصره)).. يقولك مسوين رحله في الجامعه ومحتاجين توصيات سعادتك عشان يرخصونا ..هههههههههه
ناصر: يوووووم أقول مب من الله يايه ..اختي واعرفج..
العنود: لافديت ويهك..والله يايه اشوفك.. ((وتجربت منه عشان تبوسه على خده...وناصردزها مايداني يوم تسوي هالحركه بس تعاند وتخسس به ))... وبعدين يايه عشان الرحله .. ههههههههههه
ناصر: والله ويهج لووووح تقولها كااااش بعد..هههههههههه
العنود: هيه عيل تباني أجذب عليك؟؟ الجذب خيبه يابووك... هههههههههههههه
ناصر وعليا يضحكون على عبط العنود...
ناصر: انزين ..وين هالرحله؟؟ حديقة الممزر؟
العنود: والله دمك خفيف ههههههههههههه
ناصر مستغرب..: وين عيل ..
العنود: امريكا
ناصر: شوووووووووو؟؟؟؟ أمريكا؟؟؟
العنود: كشخه صح؟ هااا ..بتي؟؟ هههههههههه
ناصر: والله انتي اللي دمج خفيف ... جلبي ويهج عني..
العنود: انشاءالله بجلبه وبرد لك... ههههههههههه
نشت العنود وسارت سوت عصير حقها وحق اخوها وحرمته ...وردت ..
العنود: تفضل اشرب العصير ... برد على قلبك يا بو قلب حديد انته .. هههههههههههه
ناصر: الله واكبر!!! قولي مشاءالله
العنود: انزين ماقلنا شي...يالله كيف يخاف على عمره.. هههههههههه
ناصر شل العصير ويلس يشرب مطنش...نشت وناولت عليا حرمة اخوها: فديت حرمة اخويه انا.... عاد تدري انها تحبك بس لاني انا مثلك
ناصر: حشى عليه انتي مب مثلي لا تتلصقين..( ويدزها )
عليا: ههههههههه ناصر ماجنك شرشحتها اليوم...حرام عليك خف عليها
تلوم ناصر اشوي بس بعده مب مقتنع بسالفة السفره هذي..
العنود: ابراااااايه خله يدزني اهم شي يوم تعارض الوالده يي يدزني بعد ههههههه يعني يكون سبورتينج هههههههههه
ناصر: يالله خلصينا شو وراج انتي يابنت الشيبه ..
العنود: انزين...انزين.. الله يسلمك يا اخي العزيز... الجامعه مسويه رحله في عطلت الربيع لامريكا..وعيال خالتي و عيال عمهم بيسرون و.........
قطع رمستها: ماااااااااااااااااااااشي!!!!!!
عليا: انزين اسمع السالفه كلها بعدين قوول رايك.
ناصر: ماتسمعين تقول تبا تسير امريكا ويا البنات... شو فوضه هي !!
العنود: سبحان الله .. حتى نفس الاسلوب...متسرع ويفهم السالفه غلط... صدق انك اخوي ..ههههههههههه
ناصر: إجلبي ويهج انزين... يالله شو وراج ..كملي..
العنود: الله يسلمك بنت خالتي ساره وبنت عمها غايه بيسيرن الرحله .. وانا اعرف انه مايصير شلة بنات يسافرن رواحهن ولازم يكون ويانا ريال يدير باله علينا... وعشان جي ولد خالوه سلطان بيسافر ويانا..
ناصر: ياسلااااااااااام...!! الحين تبين تسافرين انتي ويابنت خالتج واخوها؟؟
العنود: ياللـــــه!! بلاك تجلب الرمسه..يا خويه ... الرحله هذي مسوايه حق طالبات وطلاب الجامعه.. مايصير اشلك انته ويايه ..ولا انا ودي الصراحه.. يمدحون الامريكيات هههههههههههه
ناصر: سباااااااااااااااااله ... ههههههههههه
العنود: اخويه ..اعرف تفكيرك.. ههههههههه
ناصر: بس جب جب ..
عليا: جني سمعت شي عن البنات..
العنود: منو طرا البنات انتي بعد الله يهديج ... نحن نرمس عن الامريكيات.. هههههههههه
ناصر: والامريكيات مب بنات ههههههه..
العنود: لا ههههههههههههههه
وتموا يضحكون ... حست العنود انه هالموضوع شكله انحل ... على الاقل مبدئيا...
ناصر: انزين ... والمطلوب
العنود: ابدا ...سلامت راسك... بس تتوسط للوالده .. ههههههههه
ناصر: وابويه عنده خبر..؟
العنود: هيه ..بابا فديته مايعارض... بس هالعيوز شو اللي يقنهعا..
ناصر: خلاص يصير خير..
العنود: يعني موافق؟؟
ناصر: على شوووو؟؟
العنود مستغربه ومبطله حلجها : شو على شو بعد؟؟ على السفره؟؟
ناصر: اكييييييييييييييد لا ..
العنود: نصوووووووووووووووووور؟؟؟؟
ناصر: وطهف يشلج ...
العنود: ومن ناحية يشلني بيشلني ...خفيفه .. هههههههههههه
ناصر: خلاص انزين .. برمسها..
العنود: قووووووول والله !!
ناصر: شو اجذب عليج يعني؟؟
العنود: لا بس ابا اتأكد .. ههههههههه
ناصر: اجلبي ويهج انزين ...
العنود: فدييييييييييييييييييييييييت هالخشم انا ... صدق انه اسم على مسمى .. (اتنش و تبوسه على خده بوسه قويه)
ناصر: الله يلعن بليييييييييسج ...قووووومي عني ..((ويدزهاا )) ههههههههه
العنود: أحمد ربك العنود تبوسك ... ههههههههههه
العنود: ها شو قلت..؟؟؟ يعني اعتمد عليك..؟؟
ناصر:لا اله الا الله..
العنود: عاده انا منو لي غيرك..؟ ((ونزلت راسها عشان تكسر خاطره))
ناصر: خلااااااااص لاتسويلنا فلم هندي... برمسها العيوز اليوم..
العنود: يعلنييييييييي ماخلا منك ((نشت تبى تبوسه ))
ناصر: والله ان ييتي صوبي بكنسل السالفه..!
العنود: حشى ...اول مره اشوف واحد مايحب ينباس ..
يلست العنود عند أخوها ناصر وحرمته لين العشا...تعشت عندهم وسارت البيت وناصر هو اللي وصلها البيت علشان يرمس الوالده بخصوص الرحله..مايبى يكسر بخاطره اخته...وفعلا كلم الوالده... وحاول معاها هو بصوب والوالد بصوب لين اقتنعت..واشترطت انه سلطان يسير وياهن ولا ماشي سفر.. سارت العنود الغرفه وهي مرتاحه...أخيرا!!! بتسير وياهم..وبتستانس..
-------
قبل السفر بيومين..
مابقى الا يومين على السفر... والبنات مطيحات في الاسواق..يتشرن بدل حق السفر، بناطلين، قمصان، جاكيتات، سكارفات، شنط، جواتي، وبجامات...والشباب يتشرون من صوب
عاده شرا البنات غير..تيمعن البنات في ستاربكس في صحارا مول..ويلسن يسولفن وكل وحده تقرا اللست اللي في ايدها وتشوف شو ناقصنها..كلكن خلصن تقريبا..الا غايه..لستتها طويله وبعدها يالسه تحسب وتشطب..
الشباب عقب ماخلصوا احتياجاتهم تواعدوا انه يتلاقون في ستاربكس بعد.. سلطان دفع الحساب وشل اكياسه وطلع من المحل وعلى طوول دش استاربكس..شاف ثلاث بنات وعدالهن اكياس لاتحصى ولا تعد...قال في خاطره: خييييييييييييييييييييبه !!! ماخلن شي في السوق!! خمن السوق!!
دش سلطان وسار صوبهن..ساره والعنود يشربن فرابشينو ولا على بالهن...اما غايه..ماسكه اللسته في ايدها القلم وتشطب عشان تشوف شو اللي بقى ماخذته..محد حس بدخلة سلطان لانه كل وحده فيهن كانت لاهيه بشي وهن مش من النوع اللي يصدن ويطالعن..وماحطن في بالهن انه سلطان..تقرب سلطان ووقف ورا غايه يطالع اللسته..في يقول في خاطره هالبنات مشاكل..
بحركه سريعه سحب اللسته من ايد غايه...ويلس يقراها..البنات انصدمن..غايه حاولت تسحب الورقه من ايده بس مامدالها..وساره تترجى اخوها انه مايقراها ويبها...بس هو مطنش ويالس يقرا
سلطان: شامبو...صابون نيتروجينا..فرشة اسنان..معجون سجنل..كريم فير أند لفلي.......... شو الاخت سيلانيه هههههههههههه
غايه: سلطان لو سمحت هاااات الورقه !!!!!!!!!!
ساره: سلطان عن هالحركات...عطها الورقه عيب عليك..!!
سلطان مطنش: دوف بودي كريم...معقم ديتول...كلينكس...و.......... ((وقف ماكمل..واعتفس ويهه وعطاها الورقه))
غايه كانت منحرجه وااااااايد وفي نفس الوقت معصبه على الحركه السخيفه اللي سواها سلطان... ومن شده الانحراج شلت بعمرها وطلعت من ستاربكس..
العنود شلت اكياسها ولحقت غايه ...وساره نشت من مكانها وشلت الاكياس وقالت: ماتوقعت هالحركه منك ياسلطان!! حركه وايد سخيفه !! (( وعطته ظهرها وسارت ورا البنات ))
--------
شو بيصير بين غايه و سلطان ؟؟ هل تتطور المشكله الى زعله او بتنتهي و لا كأنه شي صار ....
ترقبوا part2 من الحلقة الآولي ...........
ودمتم سالمين ..
تسلمين أختي و ناطرين البقيه
خوووووووووووش شي
ترا راح أتابعها
مو تكشتين فينا عاد
زهرة_الآلام
21-04-05, 11:35 AM
مشكووورة على المرووور ...
حسيت ان الكل بارد لول عشان جي قلت مابنزل بعد جزء
بش علشانج بنزل الباقي..و ماراح تندمين قصه وايد كشخه ههه
زهرة_الآلام
21-04-05, 11:37 AM
Part 2
سلطان تم متلوم..ويأنب عمره..ليش سويت جي! صدقهن..الحركه سخيفه ..يعني بنت وشاله ورقه في ايدها اكيد فيها اشياء خاصه .. اوووووووفففففف شو اسوي...كيف أعتذر !!! والله مالي ويه..
دش فهد ستاربكس..ويلس عدال سلطان وهو يرمس ويشرح ويمدح ذوقه.. لكن سلطان ابداً ماكان وياه ...باله مشغول في غايه..ومتلوم فيها..
فهد: ايييييييييه !!! ارمسك انا!!
سلطان: اووه سوري فهد ..ماكنت منتبه ..
فهد: شو يالس تعد فلوسك .. ههههههههههه
سلطان: لا ..شو ...المهم..بتطلبلك شي؟؟
فهد: هيه بسير اطلبلي..تبى شي..؟؟
سلطان: هاتلي دبل شوت وذ فانيلا...
فهد: انشاءالله ...
ونش يطلب ... سلطان ماكان مرتاح في هالمكان حاس بضيج، شربوا الكوفي وعلى طول نشوا...سلطان كان ياي بسيارته...وصل فهد بيته...وماكان له نفس يتعشى، فرد البيت وسار صوب حجرته.. وهو طايف شاف حجرته اخته مقفوله والليتات مبنده...قال اكيد عند غايه...ورد تضايق مره ثانيه..
اليوم الثاني ...
ساره ناشه من غبشه ونزلت تحت تتريق ويا أهلها..حصلت الشواب يالسين ويسولفون ويتريقون، يت وحبت راس ابوها و ايده وعقب سارت صوب امها حبت راسها ويلست وياهم تتريق.
ساره: صبحكم الله بالخير
بوسلطان + ام سلطان: صبحج الله بالخير والنور
ام سلطان: ماشاءالله مغبشه..شو السالفه!! ولا هاكله عشان السفر ؟؟
ساره: لا وين امايه...راقده من وقت البارحه عشان جي نشيت من وقت
ام سلطان: جذووووب ...ها كله عشان سفرة امريكا...والله لو ادري سالفة السفر جي بتسوي فيكم...جان سفرناكم من زمان
بوسلطان: ههههههههه لا ام سلطان ماظن عشان السفر.. البنيه رقدة من وقت وانا اشهد
ام سلطان: انته دومك جي!!! دومك تدافع
ساره: اووووووووه ....نقع البكس ... هههههههههههههه
بوسلطان: انتي كلي وانتي ساكته
ام سلطان: لا والله الحين تقوللها اسكتي
بو سلطان: فديتج انا شو بلاج مرررره وحده عصبتي
ام سلطان: ماشي ماشي ..
ساره تطالعهم بطرف عينها: بعد تتدلع والله مب سهله
ام سلطان تشل علبة الكلينكس و تفرها على ساره: انطبي انتي
بو سلطان وساره: هههههههههههههههههههههه
ساره بحزن: حشى مايسوى عليه ييت وتريقت وياكم ... لو سلطان كان مكاني ماظن بتسوون ها كله
ام سلطان: تعالي وينه اخوج؟؟؟ مانش؟
ساره: هيه لازم ... بتسأل عن دلوعها...وانا طز فيه اتريق ولا ما اتريق
ام سلطان: اندوووووووووووووووووووووكم هذي !! شقايل تجلب الرمسه!!
ساره: ما ادري عنج...من الصبح تتضاربين وتفلعينا هههههههههههههه
بو سلطان: سيري امي زقري على أخوج...انا من البارحه ماشفته...اول ما رد من خاري دش حجرته وقفل على عمره الباب...ضاري يي غرفتنا يسلم...بس البارحه مايا..
ساره: انزين خلوني اكل !
ام سلطان: لاحقه على الاكل....قومي نشي ابوج يقولج
ساره: انزين انزين.....
نشت ساره وهي تنافخ وسارت صوب غرفة اخوها سلطان....شافت الباب مقفول...اترددت تدق الباب ولا تخليه ينام...بعد التردد قررت انها تدق الباب كم من مره واذا مارد عليها بتنزل...دقت الباب ماشي جواب...ودقت مره ثانيه .بعد ماشي جواب قالت في خاطرها خلاص شكله تعبان ومن زود التعب مايسمع لفت وتوها بتنزل سمعة صوت القفل ردت صدت شافت سلطان و شكله مب راقد عدل
ساره: اسمحلي اخويه!!! وعيتك!!
سلطان: لا ماكنت راقد...
ساره وهي تطالع اخوها: واعي؟؟ من متى؟؟
سلطان: ما ادري...المهم شو بغيتي
ساره: ماشي ..ابويه و أمايه يسألون عنك...ظاري تتريق وياهم
سلطان: هيه فديتهم...قوليلهم مالي نفس....وصد ودش حجرته ولحقته ساره
ساره: اخووووويه... شو بلاك ؟؟؟
سلطان: ماشي ماشي...بس خليني
ساره مستغربه...شو صاير فيه...
ساره: انته مريض؟؟؟ شي مضايقنك؟؟؟
سلطان: اووووووووووووووووووووووف
ساره: خبرني...قولي شو اللي مكدرنك
سلطان: انا متضايق من عمري..
ساره: ليش؟؟؟؟ شو مسوي انته؟؟
سلطان وهو ينافخ: اووووووووف ... ما ادري ..ما ادري
ساره: سلطوووووون؟؟؟ والله روعتني!! شو مستوي؟؟ شو فيك!!
سلطان: غااااااايه .... غايه زعلانه مني
ساره وهي مستغربه: ليش؟؟ شو اللي زعلها!
سلطان: على سالفة الورقه... اووووووووف....والله اني ماكنت أقصد...بس ...... آآآآآآآآآه .. ما ادري والله اني متضايق من اللي سويته
ساره يلست عند أخوها على شبريته وحطت ايدها على جتفه: سلطان ...لاتزعل عمرك...غايه تدري بك ماتقصد وهي بس انحرجت من السالفه لكن خلاص نستها..صدقني
سلطان يطالع اخته: ماظن!! ونزل راسه في الارض
ساره: صدقني...على ضمانتي
سلطان رفع راسه و اطالع اخته...وحس انها صادقه في كلامها بس ماعلق...ساره لمحت نظرة رضا في عين اخوها و ابتسمت
ساره: يالله عاده انزل تريق ويانا....ريووووقي برد لا بركتن فيك ههههههههههه
سلطان: ههههههههههه اوكي خلاص ..اسبقيني
ساره: خلاص تم
طلعت ساره وتمت تتريا اخوها برع الغرفه...ويوم ظهر شافها ونزل وياها تحت عند الشواب ...وسلم عليهم و حبهم و يلس يتريق وياهم....تموا يسولفون كلهم مع بعض...الشيبه يرمس عن العزبه ...والام ترمس عن فلانه وعلانه...وسلطان وساره يسمعون و يعلقون عليهم..
عقب الريوق سلطان سار غرفته وحط راسه ورقد لانه هب راقد من البارحه...وساره طلعت وقالت بتمر على غايه..منه تشوفها وتسلم عليها ومنه تسألها عن موقفها مع اخوها سلطان...وهي في الدرب رن تلفونها..العنود المتصله
العنود: ســـــــــلاااااااااااااااامي عاليـــــــــــــكو
ساره: عاليــــــــــــــــكو السلاااااااااااااااااامي
العنود: كيـــفنكم يازوله
ساره: بخـــــــــــــــيركم ...اشحالكم انتو
العنود: منيحييييييييييييييييييين...تعالي...تحيدين القميص الوردي اللي خذناه من موتيفي! ياختي طلع وسيع ومبهدل علييه.
ساره: والله !! انا اوكي عليه مرتب...انزين سيري رديه
العنود: حلفي انتي بس؟؟؟ هههههههههه عيل ليش انا متصله بالله عليج؟ عشان اسولف وياج؟ عشان توصليني بعد اشووووو
ساره: دريــوليتج انا !! حشــى مايسوى عليه انا هالرابط الدم!!
العنود: فديييييتج انا...منو لي غيرج...انا وحيده...دلعوني هههه
ساره: خله ابووووج يدلعج انا شلي ..
وهن يسولفن... طاح التلفون من حضن ساره..نزلت راسها تدور عليه و فجأه السياره اللي جدامها وقفت...وبسرعه ساره ضربت برريييييييييييك قوووووووي.. .بس دعمت السياره اللي جدامها..كانت الدعمه بسيطه...يادوب لمست السياره اللي جدامها
ساره: وعمـــــــــــــــــــــــــــــــــى!!!!!!!!!!!!!
العنود سمعت صوت البريييك و ساره ياسه تزاعج..تمت تزاقر وترمس بس ماشي جواب...وساره نزلت من السياره ورقعت الباب بقوووووو وراهاا وسايره صوب السياره الثانيه وهي تباغم..نزل الريال من سيارته وتوه ياي يسألها اذا تعورت ولا شي...بس ماعطته فرصه
ساره: ماتشووووووووووووووف انته!!!
الريال يطالعها وهو مستغرب وساكت
ساره: اقوووووولك ماتشووووووووف انته!!!!!!!
الريال: انا اللي ما اشوف ولا انتي!
ساره: طبعا انته!! حد يوقف في نص الشااااااااارع!!!
الريال: هندي عبر جدامي...شو تبيني اسوي...ادعمه!
ساره: والله هاااي مشكلتك!! على الاقل أضرب دبل اشاره!!
الريال: والله انا مشغل الاشاير..
ساره: اكيييييييد مايشتغلن!! مرررررررره ثانيه جيك عليهن قبل لاتسووووق!!!
الريال مستغرب ورافع حياته: اسمحيلي الشيخه
ساره: اووووووووووووووف...الحين زين جي عطلتني عن أشغالي!!
عقد ايده على صدره وصد يطالعها وهو متعجب من اسلوبها: اوووووه اسمحيلي والله
لبسته ساره وهي ياسه تتحرطم: مااااااا أعرف كيف خذوووووا اللياسن!!! حتى لياسنهم ماخذينها بواسطات!!!!
سارت صوب سيارتها وركبت وربطت حزام الامان وتعدل المنظره...الريال واقف مكانه مبهت!! غلطانه ويايه وتتضارب بعد!!! لكن ماعليه انا اللي بأدبها...مشى وسار صوب السياره..شافها حركة السياره...وقف جدامها ودق على الجامه الجداميه...وقفت ساره السياره..
الريال: نزلي الجامه!
ساره: هااااااااااااه!!
الريال: اقولج نزلي الجامه!
ساره: خييييييييييييييييييييير ....شو عندك بعد!!
الريال: شو ...دعمتيني و بتشردين!!
ساره وهي مصدومه: أ أ أ شرد!! لا ..ليش أشرد
الريال: عيل وقفي مكانج...أتصلت في الشرطه...وهم يايين في الدرب
ساره: هاا؟؟؟ شرطه؟ ليش؟؟ الله يهديك ...ما استوى شي بسيارتك
الريال: لا ماعليه...خله يوون و يجيكون أحسن..
ساره: والله صدقني ما يحتاي..انا شفت السياره..مافيها شي...ولا جني دعمتها
الريال ميود عمره عشان مايضحك على شكلها: لا اسمحيلي الشيخه انا سيارتي يديده...هالقانون...صبري لين إيون الشرطه احسن..لانه اذا شردتي مابيكون في صالحج و الافضل ماتيبين مشاكل حق عمرج..
ساره: بــــــــــــــــــسسسسسسسسس........
لف وسار صوب سياته ويلس ولا عبرها..وهي معصبه عليه وعلى حركاته..انتبهت انه تلفونها يرن ردت وشافت العنود متصله 8 مرات..ردت عليها
العنود: ميثوووووووووووو شو صار!!!
ساره: صخي عني سويت حادث
العنود: شوووووووووووووه!!! حادث؟!!! اتعورتي!!
ساره: لااااااااا لااااااااا ماتعورت...حادث بسيط
العنود: و شو دعمتي!
ساره: وااااااحد غبي موقف سيارته في نص الشارع..كفخته..بس دعمه بسيطه و سيارته مافيها أي شي
العنود: اتعوووووووووووووور!!
ساره: انتي بس هذا اللي يهمج!!!!!
العنود: بللللللل ..انزين بس نسأل
ساره: اسميج متفيجه ....الحين نتريا الشرطه يوون
العنود: الشرطه؟؟؟؟؟ اشحقه!! قلتي بسيط!!
ساره: انزين بسيط بس هالكبش مسونها سالفه...اونه خااايف على العروس
العنود: اوييييييييييه ... بعد حرمـــــــــته وياااه!!! تعورت !!!!!!
ساره: عندووووووووووووووه!!! والله بييج كف الحين !!! لاتستهبلين!! اطري سيارته!!!
العنود: ههههه شو فيج..انتي قلتي عروس..يعني لازم هالتشبيهات
ساره: واللـــــــــه ماعندي سالفه ارمسج...جلبي ويهج!!!! وصكت التلفون في ويه العنود...
يوو الشرطه ونزل الريال من سيارته ويلس يرمسهم وهي وساره يالسه في السياره تطالع اتقول في خاطرها اكييد بيتبلى عليه الحين...اشوي وصد الريال صوبها و يا صوب دريشتها ودق عليها
نزلت ساره الجامه وصدت صوب الريال تطالعه بنظرات حقد والشرار يتطاير من عيونها
الريال: الشيخه...الليسن والملكيه
ساره: شو تبابهم!!
الريال عقد حواجبه ورد يسألها: أقولج الليسن والملكيه لو سمحتي
ساره: انته اشلك!!!!!
الريال: ويااااج النقيب أحمد بن علي
ساره من سمعت كلمة نقيب حست انه الدنيا تدووور بها!!! نقيب !!! و انا من الصبح اكلمه بسلوب وقح و مب مسوتله سالفه!! يااااا ربي !!! اكيد معصب عليه.. أكييييييد بيحجزون سيارتي!! ولا بيسحبون عني الليسن !!! ياااااا اللـــــــــه شو سويت !! ليش جي
الريال يالس يطالعها ولمح الخووف في عيونها..ميود عمره عشان ماينفجر من الضحك على شكلها...حاس انها زايغه وميته...تستاهل!! عشان مره ثانيه تكلم الناس بأسلوب زين!!
أحمد: الشيخه....الليسن والملكيه
ساره بكل هدوء وصوتها مبحوح: ان شاءالله
ويلست دور على الملكيه في السده...وأحمد استغل الفرصه ويلس يتأمل في شكلها...مبين انها صغيره وعمرها بين ال 19-22 سنه، حنطيه، عيونها وسااع، والخشم مسلول و....
قطعت ساره حبل أفكاره: تفضل
يلس يطالعها...يالله شو سويت انا فيها.. البنت خايفه واايد!! شكلي الا زودتها وياها
أحمد: مشكوره الشيخه
وسار صوب الشرطي وهو ماسك الملكيه والليسن في ايده ويقرى الاسم: ساره محمد راشد...ناول الشرطي الليسن و الملكيه وخلص الاجراءات ورد وقف عند سيارة ساره وناولها الملكيه
ساره بصوت واطي: مشكوووووور ...
أحمد: العفووووو الشيخه... وصد عنها و سار
انتبهت ساره انه ما ردولها الليسن...نزلت الجامه وزقرت عليه
ساره: أخووووووووووووووووويه...لو سمحت
صد أحمد و طالعها
ساره: اممممممم ...
تجرب أحمد عشان يسمعها شو تقول
ساره: أخويه...ماعطيتني الليسن
حط أحمد ايديه في مخباه ويفكر شو اللي خلاني أحط ليسنها في مخباي! وابتسم ابتسامه سخريه
ساره حست بألم في بطنها من كثر ما تحاتي...وقالت في خاطرها لااااااااا!! ان شاءالله مب اللي في بالي!!
ساره حطت ايدها على قلبها: سحبوا الليسن عني!!!
نطقتها وكانت شوي وبتصيح ..الشي اللي هز أحمد وتأثر بنبرتها بس كان يحس بشعور غريب...شعوور الاستمتاع..نبرة ساره خلت افكاره مشوشه...أفكار تخليه يلعب بأعصابها عشان يسمع هالنبره مررره و مرتين و ثلاث...وأفكار تخليه يحن عليها ويوقف هالمسرحيه
أحمد: ليش!.. تبينه؟
ساره وهي منزله راسها: هيه ...والله انا أسفه بس صدقني والله انه سيارتك ما ياها أي شي..
أحمد: خلاص ... عيل خذي الليسن
طلع الليسن من مخباه و عطاها اياااااه ..
ساره وهي مستانسه: يعني ماسحبوووووه !!
أحمد: الموضوع مايستاهل
ساره وهي تبتسم: مشكوووور....يزاك الله خير...اسمحلي والله على الازعاج
أحمد: مسموووووووحه الشيخه...حفظج الرحمن...ديري بالج على عمرج
ساره: انشاءالله
أحمد ركب سيارته وسار...وساره رفعت الجامه ومشت عنه...اتصلت في العنود وقالتلها تتزهب لانها بتمر عليها عقب 10 دقايق...مرت على العنود و شلتها وساروا صوب صحارى مول
العنود: ايييييييييييه
ساره: شو بلاج !
العنود: انا اللي شو بلاي ولا انتي!!
ساره: انا مافيني شي!
العنود: هيه صح...واضح
ساره سكتت عنها..لانه تعرف العنود اذا دشت في موضوع مابتسكت..
العنود: اقووووول
ساره: ويعاااااااااااا
العنود: افاااااااااا
ساره: اذيتيني !! خليني أركز
العنود: في شو تركزين...داشه رالي ههههههههههه
ساره: بتصخين انتي ولا أردج البيت!!
حطت العنود ايدها على ثمها: هاااا صخينا
تموا ساكتين طول الدرب لين وصلوا صحارى...وطول الدرب ساره تفكر بالموقف اللي صار..وتقول في خاطرها زين انها يت على جي مب أكثر...تمت تسترجع الكلام اللي قالته والكلام اللي دار امبينهم...نظراته...صوته...ابتسامته..بس تلاشت الافكار من سمعت صوت العنود
العنود: دشي هالباركن...زين مجابل البوابه
يت وصفت السياره ونزلوا..دشن المووول وركبن الدري وسارن صوب المحل عشان يردن القميص اللي خذته العنود...طبعاً العنود من توصل السوق تتخبل...تاخذ اشياء هي مب محتاجتلها
العنود في غرفت القياس توايج على ساره وتأشرها وساره ولا على البال
العنود: بس بس ..حوووووووووه...سارووووه
ساره: هااا؟
العنود: تعالي محتاجين رايج
ساره: يا صبر ايووووووووووووووب !!
العنود: اقووول...شو رايج آخذ هذا ويا البوووت ولا الجاكيت ويا التنوره الزرقا..
ساره: بتخبرج ؟؟ انتي مب يايه تردين القميص الوردي؟؟
العنود: هييييه... انزين رديته..الحين انا اسألج عن هذيلا... ياختي ابا بدل حق السفر
ساره: انتي متى بتيوزين عن هالسوالف البطاليه!! تين لحايه وتسيرين تدورين على اشياء مالها داعي!! قللللة الثياب يعني! شارتلج اكثر من 10 بدل حق السفر!!! وبعدين كم شنطه ناويه تشلين وياج ..... والله فهد و سلطان مب نشادين يشلون عنج ..
العنود: اقووووول ...انتي فيج عرج خوال؟
ساره سكتت عنها
العنود: بلاج محتشره اليوم ...اييييه يالزرقا ...بلاج هههههههههه
ساره: هي هي هي... جب جب ...يالله خلصينا
العنود: فديتهم انااااااااا ....يعذبوني ههههههههههه
ساره: سييييييييييييييري لاااه
دشت العنود الغرفه وخذتلها كم من بدله وبوت أسود وطلعت تدور على ساره...شافتها سايره صوب ستاربكس...لحقتها
العنود: انتي شي فيج ...بلاج موول مالج بارض تسولفين
صدت ساره صوب العنود بترمسها وهي تمشي ومب منتبهه....وماحست بعمرها الا تصدم شي كان اكبر عنها..يوم صدت شهقة
أحمد: انتي دومج جي...سرحانه ومب منتبهه
العنود مستغربه منو هالشخص اللي يرمس ساره...شكله عود هب صغير..يعني آواخر العشرينات و ماتذكر انها شافت هالويه في الجامعه...بس منو يطلع! وكيف يعرف ساره!!
ساره: أ أ أ أ أ أ أ نــــــــــــــا آآآآآآآآآآآآآآآآآآآسفه مـــــــــــــــــــــــــــــاااا كان قصدي
أحمد: مسموحه الشيخه...بس أحيد اني قلتلج ديري بالج على عمرج...وشكلج الا مب خايفه على عمرج موول
ساره ساكته ومب عارفه شو تقوله
أحمد: على العموم...فرصه سعيده الشيخه...فمان الله ....وسار عنهم
العنود تسحب ساره من عباتها: ايه ايه ...امنووووووووو هااا؟؟
ساره: هذا اللي دعمته اليوم
العنود: حلــــــــــــــــــــــفي !!!!
ساره: والله
العنود: وانا اقووووووووووووووووول بلاها الاخت مشوطه ...ههههههههههههههههههه
ساره: قوووووووووومي عني انتي بعد..
العنود: والله فنان... شو اسمه الكريم؟ هههههههههههه
ساره وهي سرحانه: أحمـــــــــــد
العنود: احمـــــد (( وتقلد ساره)) مسكين حااااااالج بنت خالتي
ساره اطالعت العنود بنظره وتجدمت عنها وسارت صوب السياره..طبعا طول الدرب العنود تحاول تسحب الرمسه من ساره لكن كل البيبان مسدوده ماشي أمل....استسلمت وقالت أسكت وانطب أحسلي عن تشوتني برع السياره..
ردت البيت ودشت حجرتها وطاحت على الشبريه..تفكر في الحادث وفي الريال اللي شافته اليوم مرتين...شو هالصدف تدعمه مرتين!! وتقول في خاطرها اعنبووو وين عيوني !!! ادعمه مرتين!! شو هالحظ العاثر...بس ما ادري...اخبر ابويه عن الحادث؟؟ مممممم لا مافيه..اخاف يحط في باله اني ما أعرف اسوق ويبالي تدريب...شكلي الا بطب السالفه محد يدريبها وان شاءالله باجر نحن مسافرين...لا من شاف ولا من دري...حطت راسه ورقدت وما وعت الا على الساعه 6 الصبح ..نشت تصلي وقرتلها كم من آيه وردت حطت راسها ورقدت...
هل يكون أحمد مجرد شخص عابر ؟؟ ولا بتشوفه ساره مرة ثالثة ؟؟
او يمكن تنساه مع انشغالها بالسفر باجر ؟؟
انتظروا part 3 ..
بــــــه يفوق الوصف والطــــاري
وتحتصــــــن انفاســـه انفاسي
شروا ريـــــح المســـك والغاري
وبمـــــثيله احتـــــار مقـــياسي
أشهـــــد انه بس هـــــوى داري
يشغله قلـــــبي و احساســـي
-----
للتواصل والمزيد:
http://www.hawadary.com
زهرة_الآلام
21-04-05, 11:44 AM
قررت اني انزل بعد جزء لانه نحنه وايد متأخرين .. ^_^
و السايت هوى داري يعدلوون فيه الحينه... يمكن بيشتغل بعد كم اسبوووع ...
والحين بارت 3
زهرة_الآلام
21-04-05, 11:47 AM
المكان: بيت بو سلطان.
الزمان: يوم السفر.
الكل مرتبش في بيت بو سلطان، الام من صوب والابو من صوب والعيال من صوب..باقي وقت على السفر جدامهم أكثر عن 6 ساعات، بس مع هذا البيت صاير مثل خلية النحل..الكل يركض في صوب.. سلطان في غرفته ويا أمه يرتبون شنطته...وساره في غرفتها تزهب أغراضها وهي تغني
والله مايســوى أعيش الدنيــا دونك
لا ولا تســوى حيــاتي بهالوجــود
دامــك انته اللـي رحلت وكيــف بصبر
على البعــاد وكيــف بنثر هالـورود
أم سلطان: هالبنيه بتخبلبي !!
سلطان: هههههههه ليش شو فيها؟
أم سلطان: متصروعه على السفره!! ماتشوفها! شالنها الهوى!!
سلطان: يالله يا امااااايه!! حاسدتنها على هالسفره..
أم سلطان: وييه!! انا حاسدتنها !! على شو عاده!! لا لا .. انا ما أصبر عن دار زايــد
سلطان: يالله على الوطنيــه ههههههههههههه
أم سلطان تكفخه على جتفه: بس جب انته
سلطان: ههههههههههههههههه
ساره تزهب أغراضها وكل اشوي تفتح الشنطه وتفر فيها غرض وتصكها...وترد مره ثانيه تذكر شي وتفتحها..تمت على هالحال أكثر عن نص ساعه...لين طفرت وقفلت الشنطه
أم سلطان تزجر على ساره من غرفة سلطان: ساااااااااااااااره ياامي...مانسيتي شي؟؟؟
ساره في الغرفه: شوووووو؟؟ ما أسمعج أمايه!!
أم سلطان: أقولج مانسيتي شي!
ساره: شوووووووووو..لا لا فديتج مانسيت شي
أم سلطان ظهرت من غرفة ولدها وسارت غرفة ساره تتطمن عليها وتشوف جان قاصرنها شي
أم سلطان: شليتي البطاقه من عند ابوج؟
ساره: اوووووووووووه نسيت !!
أم سلطان: لا وتقولي بعد مانسيت شي!!! انتي متى بتشغلين مخج هذا!! (( وتدق على راسها )) لين متى بيتمين جي كييييييرلس (Careless)؟؟
ساره: هههههههههههههههههههههههههه...بللللللللللللللل عليج امايه !!! والله تعرف انجليزي بعد هالعيوووووز ههههههههههههههههههههههههههههه
أم سلطان: عيز حيييييييلج يالسبااااااله ...والله ماتستحين...شو تتحريني ما أعرف
ساره: لا والله ما جد سمعتج ترمسين انجليزي هههههههههه
أم سلطان: لا لا أعرف انا بس ماحب أرمس جدامكم..اسألي أبوووووووج
نزلوا تحت كلهم وتيمعوا في الصاله...بو سلطان ناول سلطان الجوازات والتذاكر ويلس يوصيه على أخته وعلى عمره ويقوله يحاسب لانه أمريكا وااايد مشاكل فيها...وعقب ناول ساره البطاقه في حال اذا أحتاجت شي تستخدمها..
ساره: ابوووووووووووووويه..سمعنا انه امايه تعرف ترمس انجليزي
سلطان وبوسلطان ضحكوا
بوسلطان: هههههههههههه منو قالج
ساره: أماااااااااايه تقول...اتقولي انتي كييييرلس ههههههههههههههه
الكل نقع من الضحك الا ام سلطان معصبه على بنتها: انتي محد يقوووووولج شي!! ماتعرفين تيودين لسانج!!!
سلطان: والله مب سهله امااااايه...انزين علمينا ..ومنكم نستفيد
ام سلطان: تتمصخر عليه هاااه..انزين سمعواااااا ((وتمت ترمسهم بالانجليزي)) ميييي ام سلطان...يو هاور يووووووو ...مي فاين...يو فاين؟ فيري نيييس..
كلهم نقعوا من الضحك على امهم...
بوسلطان: فديييييييييييييييييييييييييييييييييييييييييييييييي ييت أم سلطان والله ...تعيبيييني
ام سلطان: تراااااااا ها أي كلام...يوم بندمج برمس أحسن عن جي...الحين مالي مزاج
سلطان: ياااااااااا ويلي عليج ياااااااااا أمايه... مالج مزاج وماشاءالله جي تغردين..وين لو لج مزاااااج...بتفرينا كلنا على صوب..
أم سلطان: هيه لاتتحرون عماركم درستوا في الامريكيه خلاص استويتوا مايحتاي ... نحن نعرف أحسن عنكم
ساره وسلطان: أكيييييييييييييد أكيييييييييييييد ههههههههههههه
--------
المكان: بيت العنود.
في بيت العنود كان وضعها مختلف...هي الوحيده اللي شاله هم السفر محد بيسافر وياها، أخوانها معرسين وهي البنت الوحيده...وايد رومانسيه و من النوع الي تحب تحتفظ بالأشياء و ماتفرط بها ...امورها كانت أسهل عن عيال خالتها.. كانت يالسه في غرفتها على الشبريه وتجلب في الألبوم اللي في ايدها...صورها من هي صغيره رضيعه لين كبرت وصارت حرمه مسؤوله عن نفسها....كل صوره لها طابع خاص في حياتها..لها ذكرى مميزه..صورها مع أهلها...وصور عرس أخوها ناصر...وصور التخرج..وصورها مع أعز صديقاتها..وصورها مع عيال خالتها.. أحتارت شو تشل وشو تخلي
في البدايه قررت تشل الألبوم كله...بس خافت انها تضيعه ولا تنساه...فأصرت انها تشل صوره لها مع أبوها وأمها في حقلة تخرجها من الثانويه...كانت صورتها المفضله...وحست انها محتاجه هالصوره معاها في هالسفره...لانها أول مره بتسافر بعيد عن أهلها..
في هاللحظه...دقت أمها الباب ونشت العنود وفتحت لها الباب ويلست امها على الشبريه وحطت ايدها على الشبريه عشان تي العنود وتيلس عدالها
أم ناصر: ها حبيبتي ...مستعده للسفر
العنود: هيه امايه...الحمدالله
ام ناصر: الحمدالله ....عيال خالتج بيمرون عليج عقب نص ساعه وبيشلونج المطار
العنود: وانتي مابتين ويايه امايه!
أم ناصر: يامي انا مافيه شده حق المطار والزحمه
العنود: الله يعطيج العافيه امايه (( وباست امها على ايدها))
أم ناصر: ربي لاصغرج
لحظه صمت....العنود حاسه انه امها عندها شي تبا تقوله بس مب عارفه شو هو؟ فضلت انها تسكت وتتريا أمها تتكلم وتقول اللي في خاطرها
أم ناصر: العنود...انتي كبرتي وصرتي حرمه عاقله وتفهم اللي حواليها...وتميزين الصح من الغلط
العنود ساكته وتسمع
أم ناصر: انتي عارفه انج اول مره بتسافرين بدونا...وانا أعرف انه هذا الشي يديد عليج...انتي تعودتي على وجودنا معاج ومتى ماحسيتي انج محتاجه لنصيحه واستشاره يييتي عندي...لكن الحين لا انا ولا ابوج بنكون وياج...ونحن واثقين انج كبرتي وصرتي مسؤوله عن نفسج وقد أي مسؤليه تنعطى لج..
خذت نفس أم ناصر وردت تكمل: أمريكا بلاد مالها أول ولا آخر..والناس فيها متحررين واايد من ناحية التصرفات والتفكير واللبس..وانتو تأسستوا على سلك مختلف اختلاف كبير عن سلكنا.
يامي نحن نشوف الاشياء اللي تطلع في القنوات هالأيام...الناس اهناك يايره!! يلبسون على كيفهم ويرابعون حيالله حد وماوراهم الاالمشاكل...انتوا سايرين تغيرون جو...خلكم على قلب واحد...خليج ويا خواتج ساره وغايه...انصحن بعض وقفن مع بعض، لاتصادقن أي حد ولاتثقن في أي حد، اذا وحده منكن تأثرت بحد وحسيتن انها تمشي في درب ثاني..بصروها..قولولها انه هذا غلط ونوروها بالطريج الصح...انتن خوات واللي يمس وحده منكن يمسكن كلكن...خلكن متعاونات وعلى قلب واحد
العنود: انشاءالله امايه...لاتوصين
أم ناصر: أدري انج مب محتايه حد يوصيج على عمرج وعلى خواتج...لكن..
العنود: لا امايه...الذكرى زينه...انه الذكرى تنفع المؤمنون
أم ناصر نشت وباست بنتها على راسها ولوت عليها...حست براحه كبيره.. بنتي ماينخاف عليها وكلامها أكبر دليل على نضجها...يااااااااارب أحفظهم
--------
الزمن : قبل الرحله بساعتين
المكان: السياره, في الطريق الى المطار
طاف الوقت بسرعه...ومابقى الا دقايق ويوصلون مطار دبي، وهم في الدرب كل واحد فيهم يذكر الثاني بجوازه وتذكرته، كله ولا تتكنسل السفره
ساره: لاااااااااااااااااااااااااااااااااااا!!!
الدريول ارتبك وضرب بريك.. والعنود صدت صوبها!! وسلطان شهق !!
سلطان: شوووووووووو فييييييييج !!!
ساره: نسيت الكيمرا!
نش سلطان يدور على علبة كلينكس تحت اريوله وفلع ساره على راسها
ساره: اااااااااااااااااي!!! ليش
سلطان: لانج سبااااااااله!!! والله انه قلبي بغى يوقف!!! اللي يسمعج يقول ناسيه جوازها ولاشي!!
ساره: انزين الكيمرا بعد مهمه كيف بتتصورون!
العنود: عادي بنشتري من السوق الحره...هاي بسيطه
سلطان: مره ثانيه يوم بتذكرين شي تاااااااافه مثل هذا لا تزعجين!!!
ساره: خيييييبه! انزين (( و تحسس مكان الفلعه))
وصلوا المطار وحطوا أغراضهم في العربات ودشوا القاعه يدورون على فهد وغايه...وبعد 5 دقايق وصلوا وتيمعوا كلهم و بدوا يسلمون على بعض
فهد وغايه: سلاااااااام عليكم
أول ما طاحت عين سلطان على غايه حس برتباك..الكل رد السلام الا سلطان، تخادى وما رد وتم طول الوقت مرتبك ومب عارف شو يسوي...من جهه ثانيه غايه حاسه بتوتر وحاسه انه وجودها اهني، في هالمكان وفي هالسفره غلط!!
تقرب فهد من سلطان: اشحالك بن عمي...عساك بخير
سلطان يوايهه: بخير الله يسلمك...اشحالك انته
فهد: والله مستاااانس يا ريال...وبعدين شو هالخيانه !! من الحين جي تنقع فيه خيانات!!!
سلطان: بلللللل!! شو سويت!!
فهد: ماقلتلك اليوم بنطقم...بنلبس البنطلون البني مع القميص البيج وبنشل البالطو البني !! ليش لابس أسود!
سلطان: والله اسمحلي نسييييييت
فهد: نسااااااك الموووووووت بن عمي
سلطان: فديت روحك
فهد: استحي..تعال بوسني
البنات يطالعن وهن مصعوقات...شو هالمسرحيه اللي يسوونها...ويوم صدوا الشباب وشافوا نظرات التعجب على ويوهن نقعوا من الضحك وتجدموا علشان يخلصون الاجراءات..
بعد ما ردوا الشباب شافوا البنات يالسات على الكراسي ويترين على نار النداء عشان يركبن الطياره...سلطان وقف بعيد عنهم اشوي لانه كان مستحي وايد من غايه...وحس انه من الأفضل انه يكون بعيد...اما فهد ما يدري عن الموضوع ولا حس فيه...تجدم وسار عند البنات وقال في خاطره بيسوي سوالف عليهن..ووقف مجابلنهن
فهد: منو فيكن شنطها عنابيه؟ شنطه عووده عنابيه ووحده صغيره هاند باق؟؟
العنود: انااااااااا ... ليش؟؟
فهد: ماطاعوا يطوفونها ....شو حاطه فيها؟؟
العنود وهي مرتبكه: ماشي والله !
فهد: مب شاله شي كهربائي ولا شي فيه حديد؟؟
العنود تفكر ومخهه يضرب يمين ويسار عشان تتذكر شو حاطه في الشنطه: لاااااا!
فهد: ما أدري...يابوا جلاااااااب ...وبيفتشونها
شهقن البنات...غايه خافت من طاري الجلاب...وساره تحاتي السفره عن تتكنسل...والعنود خايفه انه حد خش شي في شنطتها وعن يسجنونها
العنود: واللللللللللللله مب شاله شي وياي!! والله
فهد: ما ادري عاده....الحين كل شي بيبين
العنود خلاص حست انه بيغمى عليها من الزيغه..تحس انه الدنيا قامت تدور بها ويودت يد ساره وضغطت عليها
يوم شاف فهد حالة العنود غمضته وفي نفس الوقت ماقدر ايود عمره من الضحك...اعنبووو على أي شي يخافن! مشكله البنات زيااغاات
فهد: هههههههههههههههههههههههههههههههههههههههههههههههههه هه ...اسوووووووووولف والله ..بس قالوا انه اكثر عن 40 كيلو ...بس مشوها بعدين
العنود: هي هي هي ... وايد عليك... انزين!!
فهد نقع من الضحك وسار عند سلطان يخبره السالفه...وضحك سلطان وصد صوب العنود يضحك عليها...وطاحت عينه بعين غايه..تلاشت الابتسامه وحل محلها الهدوء
ندااااااااااء لركاب طيران الامارات المتجهه إلى لنـدن على متن الرحله 007 التوجه إلى بوابه رقم 3
سمعوا النداء وهم في سوق الحره يتشرون..ساره خذتلها كيمرا وكمن فلم عشان يتصورون في الطياره وكمن صوره في المطار...محد يفوت هاليوم ومايندرى اذا الله بيكتب لهم لمه ثانيه مثل هذي مره ثانيه...الكل استانس...وبدا الدبييج ..العنود تسحب شنطه الحلويات.. فهد وسلطان مجدمين وكل واحد فيهم يدور على باقي الشله اللي مسجلين في الرحله..
وصلوا بوابه رقم 3 وشافوا مجموعه كبيره من طلاب وطالبات الأمريكيه..حد يعرفونه وحد مايعرفونه...بس الشي اللي ماقدروا يصدقونه انه يابوا أخبل مدرسيين يشرفون عليهم...استاذ زغلول ومستر جيمس و مس كارين...طبعا الاستاذ الأول مصري بس عنده الجنسيه الامريكيه والثاني كندي و الثالثه لبنانية.. البنات سارن عند مس كارين يقردنونها......اما سلطان وفهد على طول ساروا عند استاذ زغلول..
سلطان وفهد: استاذ زغلووووووووووووول!! استاذ زغلووووووووول!!
استاذ زغلول: نووووووووو أي كانت بليييف زس!! (( مشكله يوم مصري يرمس انجليزي ))
فهد وسلطان ميودين عمارهم عشان مايضحكون في ويه الاستاذ..عن يحطهم في البلاك ليست ومايرومون يقردنونه..
فهد: شووووو هالمفاجئه الحلوه يا أستاذ
استاذ زغلول: واللهي اعمل ايه يابني...دوول أصروا عليه أقي معاكم
سلطان: زين سوووا ...اسمينا بنستانس ههههههههههههه (( وغمز حق فهد...يدروبه هالاستاذ فيوزاته ضاربه ومال مقصه ))
استاذ زغلول: طبعاااااا...حتكون حتت رحله!!! محصلتش (( ويسوي بصبوعه شكل المسدس )) ديشوووووووووووووم ...
فهد وسلطان: ههههههههههههه
سلطان: هدي أعصابك استاذ من الحين مسدسات وعفسه...الله يستر من الياي ههههههههه
استاذ زغلول: بس كلام....صارلهم ساعه بينادوا علينا...يالله أوأفوو في اللا يييييييييين
فهد وسلطان ساروا صوب البنات وزقروا عليهم عشان يوقفن في الصف ويا باجي الطلاب...تجدم فهد وسحب سلطان من قميصه
سلطان: ياااا ريال ...اسمينا بنصيع صياعه ويا هالاستاذ ههههههههههههههه
فهد: اذكر الله...من الحين جي تفكر...عين خير من نوصل يصير خير
سلطان: والنعم بالله ماقلنا شي...بس والله من شفت هالمهابيل اتحمست للرحله...احسبها بتكون خياليه هههههههههههههههه
خطف استاذ زغلول عدالهم ويالس يمثل اونه يركض بس بحركه بطيئه و الشباب هب قادرين يستحملون حركاته اكثر عن جي ...من لف الصوب الثاني وسار عنهم انفجروا من الضحك وكل واحد فيهم اييود بطنه و يطيح على الثاني..
ركبوا الطياره الطلاب ومستر جيمس و مس كارين متجدمنهم، من دخل الطياره وشاف المضيفه تشقق ويلس يدق وياها سوالف ويأشر حق الطلاب كملوا دربكم...والكل مستغرب من الاساتذه اللي يشرفون عليهم في هالرحله..
الطلاب والطالبات وزعوهم على أماكنهم وكل واحد يلس في المكان المخصص له......فهد كان متجدم ووراه أخته غايه وبعدها ساره والعنود وسلطان وراهم..أشر فهد حق البنات ياخذن السيتات اللي في النص وهو وسلطان بيلسون عند الدريشه...البنات يلسن مكانهن وربطن حزام الأمان والشباب يتداززون...فهد مصر انه هو اللي ييلس عند الدريشه وسلطان يدزه مب طايع يعطيه درب..والبنات يضحكن عليهم...لين استسلم سلطان وعطى مجال حق فهد انه ييلس عدال الدريشه..
الرجااااااااااااااااء من حضرات الركاب التوجه إلى مقاعدهم وربط حزام الأمان....
من عقب هالنداء بدت رحلتهم إلى العالم الثاني...عالم الخيال والمتعه والاستكشاف...الكل متحمس..والكل يبى يعرف...كيف ممكن تكون أمريكااا....!!!
اي زين سويتي نزلتي الجزء الثالث
حلوا بلحيل و مشوقا بعد
أعجبتني
ومشكور على هل مبارده الحلوا
زهرة_الآلام
22-04-05, 04:32 PM
مشكوووورة يا نونوا على المتابعه...
و بنزلج الحينه بارت 4 و 5 ^__^
زهرة_الآلام
22-04-05, 04:37 PM
المكان: الطياره
الزمن: 12 الظهر
الطياره كانت هاديه وايد... تقريبا معضم الطلاب والطالبات رقدوا...اللي ناش من الساعه 4 الصبح واللي مب راقد من أمس واللي من التوتر رقد..الا واحد كان مصحصح ولا مفتكر في الدنيا ويالس يلعب فيديو جيم في الطياره
استاذ زغلول: أيواااااا...اديلو على أفااااااااه...يا متخلف...لاااااا أه! مش كده!!! يوووووو آر فيري ستيوووووبد...مش منك !! من موخك المعفن ياعفن!!
محد غيره محتشر ومندمج في اللعبه...الخلق رقود وسلطان من سمع الاستاذ يتحرطم فززز من ارقاده!! قال اكيد هالزعيج كله عليه...أكيد الجماعه وصلوا لندن ونزلوا الا انا راقد...
يلس سلطان يتصدد يمين ويسار..وهالشي لفت انتباه فهد ومسك ايده..
فهد: سلطوووون...ها زغلول بروحه مب صاحي...يالس يزاعج على اللعبه..ارقد ارقد
سلطان: الله ياخذه !! زغت!! تحريت شي مستوي...والله قلت يمكن الجماعه نزلوا من الطياره وانا بعدني نايم في العسل
فهد: هههههههههههههههههههه...حليلك والله...لا ابويه مابنخليك بروحك...بنوعيك
سلطان: يزاك الله خير....((ويتثاوب)) عيال نشوفكم بعد الفاصل
رقد سلطان وفهد ضحك عليه ويلس يقرا قصه تسليه لين يوصلون ...بعد نص ساعه مل من القرايه وصد صوب البنات يطمن على حالهن..شافهن متلحفات وفي عالم ثاني...بس اشكالهن تضحك...غايه راقده ومتغشيه بالسكارف، ساره راقده ويا نظارتها ومتلحفه بشال .. والعنود رافعه ريولها فوق الكرسي ومتكوره مثل القنفذ...
شاف اشكالهن جان يظحك ..وشاف انه حرام يفوت هالموقف..سار ياب الكيمرا وصورهن...وعقب سحب السكارف من ويه غايه اشوي اشوي وصورهن صوره ثانيه وهو كاتم ضحكته..ورد حط الكيمرا مكانها وفتح القصه مره ثانيه ويلس يقرا..
مر الوقت بسرعه... عقب ماتغدوا سمعوا الكابتن يعلن عن وصولهم لمطار هيثرو الدولي...الكل قام يصفق ويصفر من الوناسه..ربطوا حزام الامان...ويلسوا يدعون ويقرون آية الكرسي..كلها ثواني ونزلت الطياره على المدرج ..
وقف مستر جيمس: please, ladies and gentlemen..stay in the line
أستاذ زغلول: يس يس ..بليز...اوووول اف يو.. (yes yes please, all of you)
الكل وقف في الطابور يتريون المضيفين يفتحون الباب ويسمحولهم بالخروج..وقفوا 3 دقايق يتريون ولين الحين ماشي حركه في الطابور! شو السالفه! ثره مستر زغلول داق سوالف ويا المضيفه ... وماتحرك لين سارتله مس كارين و نبهته ..
طلعوا من الطياره ومشوا في المدرجات لين وصلوا مكان الترانزيت....حطوا أغراضهم وشنطهم يتريون ساعه لين يعلنون عن الرحلتهم الثانيه لأمريكا.....مر الوقت ببطء شديد والطلاب هلكانين..كل اشوي ينش واحد منهم ويسأل عن وقت الرحله اليايه..وفي كل مره يقولولهم عقب نص ساعه...ربع ساعه...الوقت مايمر!! قرروا الشله انهم يدشون سوق الحره اشوي ويطمشون..
البنات سارن صوب المكياج والعطور والشباب صوب النظارات..سلطان وفهد ومجموعه من الشباب يجربون النظارات وكل واحد فيهم يعلق على الثاني ويضحكون...فجأه يتهم ساره وأشرت على أخوها وفهد...تجدموا ويوا يشوفون شو سالفتها...
ساره: تدرووون!!! ماشي سفر اليوم!!!
فهد وسلطان انصدموا من الخبر!!!!
فهد: شووووووووو ماشي سفر انتي بعد!!
ساره: توه مستر جيمس يا وخبرنا...يقول ماشي رحله...ويالس يضاربهم
سلطان: ودري عنج!! تتمصخرين اكيد
ساره: والله ابرايكم...لا تقولون ماييت وخبرتكم!! ماعلى الرسول الا البلاغ المبين...وانا بلغتكم (( صدت عنهم ومشت))
فهد: هزرك تقول الصدق؟؟
سلطان: والله ما أدري...شكلها ماتتمصخر..قم انسير نشوف شو السالفه
ساروا وبلغوا الشباب عن الخبر اللي سمعوا والكل طبعا تفاجأ مثلهم...وتوجهوا كلهم عند الاساتذه يتأكدون من الخبر ويستفسرون...أول ما وصلوا قاعة الانتظار شافوا أستاذ زغلول يرمس بالتلفون ويضارب...قالوا لا شكلها السالفه صدق!!! محد عنده الجرأه يكلم أستاذ زغلول وهو معصب...الا واحد منهم اسمه خالد تشجع وقال بيسير يسأله شو مستوي؟؟
خالد: استاذ..؟؟
استاذ زغلول: أيواااا يابني
خالد: استاذ شو السالفه؟؟
أستاذ زغلول: المتخلفين دووووووول كنسيلوا الرحله علشان الجوو مايصلحش للطيران
خالد: وشو بنسوي الحين أستاذ!! بنرد الامارات!!
أستاذ زغلول عصب: أنرود دا اييييه !!! حيدونه سكن في لندن ويوصلونا لحد الفندق على حسابهم!! هما فاكرين نفسهم ايييه!!! واللهي لأطربأ الدنيا على دماغهم...
ولبس خالد وسار يكمل الضرابه...والشباب كلهم يتريون النتيجه على نار...يردون الامارات؟؟؟؟ كيف جي!! عقب ها كله نرد!!! ليش!!! حراااااااام الكل متحمس لهذي السفره وآخر شي نرد!!!
ربع ساعه طافت والطلاب واقفين مكانهم يتريون خبر يرسيهم على بر...على أعصابهم وأفكارهم تتضارب يمين ويسار يتريون القرار الاخيراللي بيحدد مصير هالرحله!!
ياهم أستاذ زغلول وهو يرقص حاط يده فوق راسه والثانيه على خصره ويتمايل يمين ويسار ويغمز...الشباب والبنات يطالعونه وهم مبطلين حلوجهم!! شو بلاه !!
استاذ زغلول: حد فيكم يرؤص معايا...يالله بينا...(وشل شنطته على جتفه وتجدم)... أيواا أيواا هز يا وز...
ياهم مستر جيمس وقال : Ladies and Gentlemen, we are going to stay here in London for 2 days… so Lets go (( سيداتي وسادتي, سوف نجلس يومين في لندن .. هيا نذهب ))
الشباب هب مصدقين الخبر...وسأل فهد: آر وي جوينج تو أمريكا؟؟ ((بنسير امريكا؟))
مستر جيمس: يس...افتر 2 دييز (( نعم , بعد يومين ))
بدا التصفير والتصفيق البنات يلوون على بعض من الفرحه..والشباب تموا يناقزون ويلوون على بعض...ياهم استاذ زغلول وطلب منهم يتحركون بسرعه علشان يركبون الباص اللي بيوديهم للفندق...شلوا الشباب والبنات شنطهم وتبعوا الاساتذه وهم مستانسين.. ركبوا الباص وحطوا أغراضهم وتوزعوا على الكراسي ويلسوا...
أستاذ زغلول شالنه الهوا: يا جمااااعه...عاوزين أف أم..
الشباب: استااااذ...ماشي أف أم اهني
استاذ زغلول: يالله باءا...غنولنا شويه
الشباب: فالك طيب استاذ...شو تبى تسمع
استاذ زغلول: اي حاجه...
نشوا الشباب وتموا يدقون على جامة الباص والباجين يصفقون وخالد يغني
آآآه يا ليل ...آآآه يا ليل....
ايه يعني غرامك ودعني
ايه يعني فرئني ولا رقعلي
تحمس استاذ زغول وبدا يصفق ومستر جيمس مب فاهم شو السالفه بس تحمس وياهم ويصفق..ماقدر ايود عمره استاذ زغلول و نش يهز عن خاطره..
الشباب: أيواااااااااااا ... أديييييلووووووو ... أيواااااااااااااا ...كمـــــــــــــــان
واستاذ زغلول شله الهوى شلللل...قام يناقز ويصفق ويصفر...
مستر جيمس يشجع استاذ زغلول ويضحك والبنات يضحكن عليه ويحمسونه زياده...السواق يطالعهم بطرف عينه ويقول في خاطره شو هاي شلة المهابيل اللي طحت عليهم...
اشوي ونش فهد يغني انجليزي..وهو ماشاءالله عليه صوته قوي ويبدع في الغناء..
If you're not the one then why does my soul feel glad today
If you're not the one then why does my hand fit yours this way
If you are not mine then why does your heart return my call
If you are not mine would I have the strength to stand at all
I never know what the future brings
But I know you are here with me now
We'll make it through
And I hope you are the one I share my life with
I don't want to run away but I can't take it, I don't understand
If I'm not made for you then why does my heart tell me that I am
Is there any way that I can stay in your arms
مستر جيمس صفق من خاااااطره حق فهد والسواق يهز راسه مستانس والشباب يصفروله...استحى فهد وغطى ويهه بالكاب وسلطان يدق جتفه ويترجاه عشان يغني بعد وحده بس فهد كان منحرج وايد فرفض وماطاع يغني...
كلها دقايق ووصلوا فندق رويال جاردن هوتيل...أول مانزلوا من الباص شافوا انه كل شي قريب منهم، موقعه وايد استراتيجي واستانسوا وايد لانه الشركه عطتهم هالفندق..نزلوا شنطهم وكل واحد فيهم يساعد الثاني عشان ينزلون القشار كله..سلطان وفهد كانوا يعاونون الشباب، سحب فهد شنطه زرقا فاتحه وياها شنطتين صغار نفس اللون ونزلهن تحت
سلطان:عندووه...هذيلا شنطج؟؟
العنود: لا...شنط غايه..
من سمع سلطان اسم غايه ارتبك، سحب الشنط وقربهن للحمالي، يوم شافت غايه شنطها سارت تسحبهن بس سلطان يودها
سلطان: خليهن عنج
غايه: لاماعليه بسحبهن
سلطان: شو تتحرين عمرج قرندايزر هههههههههه بتتفشعين
غايه ابتسمت: انزين لاتتعب عمرك...الريال بيشلهن
سلطان: انا مابشلهن...بس بدزهن..ماروم الصراحه على الشل هههههه
ضحكت غايه..حس سلطان انه التوتر اللي مبينهم تلاشى...الحمدالله ولا مابيسامح عمره على الموقف اللي صار..بس الظاهر اخته ساره معاها حق...هز راسه يطرد السالفه من باله وسار لحق فهد داخل الفندق..
استاذ زغلول: شووووفو يا جمااااااااعه...بالنسبه للتوزيع كل اتنين في اووضه...
ساره: بس استاذ...انا ابا اكون ويا شلتي
استاذ زغلول: شللللللة ايي..انتي معاكي مافيا!! ها هاهاهاهاهاها
الكل يطالعونه ويقولون في خاطرهم وين النكته الحين؟؟ على شو يضحك!!
ساره: استاذ...نحن 9 بنات..انا والعنود وغايه في غرفه...والباجي 6 ..كل ثنتين في غرفه..
استاذ زغلول يحج راسه ويفكر: ممممممممم ...طيييييييب...ماشي
يالله خذوا المفاتيح...نصكوا حيكون في الطابق السادس وحد في الخامس
سلطان وفهد قرروا ياخذون الغرف اللي في الطابق السادس ويا البنات عشان يكونون جريبين منهن والاساتذه خذوا الغرف اللي عدالهم في نفس الطابق...اما الباجين توزعوا في الطابق الخامس..
دشوا غرفهم واتفقوا الاساتذه مع الطلاب انه عشاهم بيكون في مطعم الفندق الساعه 9...وبعد هذا راحوا غرفهم عشان يرتاحون من تعب السفر...
المكان: الفندق
الساعه: 7:00 المغرب
ترنننننننننننن ترنننننننننننننننننن.......ترنننننننننننننننن ترننننننننننننننن....التلفون يرن والبنات في سابع نومه ولا وحده منهن تنش وترد على التلفون، لين تنازلت غايه وردت على التلفون
غايه بصوت متكاسل: أأألووووووووو
فهد: بسسسسسسسم الله !!! اللهم سكنهم في مساكنهم!!
غايه ساكته مب متفيجه تعلق
فهد: ألووو؟؟
غايه: هااااااااااااااااا
فهد: ويعاااااااااااا
غايه: شووووووووووو تبى؟
فهد: ممممممم لا خلاص ماشي...كنت ابا اقوللكن جان فيكن شده حق أكسفورد...بس الظاهر مالكن بارض...فـ........
صحصحت غايه من سمعت طاري اكسفورد: قووووووول والله؟ نص ساعه ونحن جاهزين!!
فهد: ربع ساعه واحنا مروحين..
غايه: اوكي اوكي ..بااااااااااي
رقعت السماعه وعفدت على الشبريه توعي البنات
غايه: يالللللللللللله ...قووووووومن
محد مسولها سالفه
غايه: فهووود و سلطووووون بيطلعون....يالله عاده قوووووومن....ترا جدامنا بس ربع ساعه ان مانزلنا بيروحون!!! ياالله عااااااااده
ولا جنه حد يرمس...هاي غطت ويها والثانيه خشت راسها تحت الموسده
غايه: بيودرووووووووووووووونا!!! يالله قووووومن ((وتسحب الشرشف)) بيسيرون أكسفووووورد...قووووووومن
تناقزن البنات وكل وحده فيهن تبا تدش الحمام (الله يعزكم) قبل الثانيه...ساره والعنود يتداززون
ساره: قووووومي لا أرفسج في بطنج
العنود: سيييييييييري لا...انا يايه قبلج
ساره: شوووووفي...والله بعد لين 3 ان ماخزتي بسحبج من بجامتج وبفرج على الشبريه
العنود: اونه...زيغتيني...
ساره ماشاءالله عليها بنيتها قويه...ماتتفاهم..سحبت العنود من قميصها وفرتها على الشبريه وركضت صوب الحمام...حاولت العنود تسبقها بس ساره رقعت الباب في ويها وتمت العنود خاري تدق الباب وتتحرطم
العنود: جدامج 5 دقايق ان ماظهرتي والله بشل مفتاح الغرفه وبقفل عليج الباب وبنروح عنج
ساره تزاعج داخل الحمام: ياااااااااا غبيه...أروم أفتح الباب من داخل الغرفه بدون مفتااااح هههههههههههه
العنود معصبه: هي هي هي ...سخيييييفه... يالله خلصيييييييييييي!!
عقب خمس دقايق ظهرت ساره من الحمام وفرت الفوده على راس العنود وسارت جابلت المنظرة عشان تتجحل ... ساره تستانس على الجحال بس لأنه عيونها وايد حلوات ماشاء الله و الكل يمدحهن .. عشان جيه ماتحط الا جحال ...كانت تضحك على الحركه اللي سوتها في بنت خالتها .....اشوي وتيها العنود وتفلعها على راسها بالموسده وتشرد...ودشت بسرعه الحمام توضت وصللت..ومن عقبها سارت تتعدل ويا البنات..طبعا الشباب يتريونهم من الساعه 7:00 واستوت الساعه 7:15 والبنات ماشرفن...يلسوا في الكوفي شوب اللي عند الرسبشن وقالوا بيشربون كوفي لين يوصلن البنات..
سلطان: انته قلتلهن 7:15 ولا 8:15 ؟
فهد: والله قلتلهن ربع ساعه وبنلبسكن اذا ماييتن..
سلطان: انته غلطان الصراحه...بنات و تعطيهن ربع ساعه؟ خبرني شو بيسون فيها؟ هالكشه لين يسحونها يبالها ربع ساعه...
ضحك فهد وكمل شرب الكوفي...اول ماوصلن البنات دفعوا الحساب ونشوا...كل وحده فيهن كانت أكشخ عن الثانيه، ساره لابسه جينز ازرق مطرز بورود ورديه والقميص وردي فاتح طويل لين الركب ولابسه سكارف كريستين ديور وردي...والعنود لابسه بنطلون بني وقميص بيج طويل لين الركب وتحته قميص هاي نك بيج (رقبه طويله) وسكارف بيج مطرز عليه طاووس بالبني والبرتقالي والبيج...أما غايه كانت لابسه تنوره زرقا والقميص أبيض وعليه تموجات بالازرق وأختارت سكارف أزرق لانها تحب اللون الازرق وااااايد..
اول ماوقفوا سلطان وفهد عند البنات...ساره وغايه يطالعون اخوانهم ويفصفصون فيهم من راسهم لين اريولهم..سلطان لابس بنطلون أسود وقميص كم طويل اسود فيه سحاب من جدام وفيه كبوس...أما فهد كان لابس بنطلون رمادي وقميص أسود عليه تطريز هندي اشوي على الصدر والكم..
غايه سحبت فهد من ا يده: يلعن تاريييييخك!!! من وين شاري هالقميص!! روعه
فهد: بعد ربج..هههههههههه
العنود: ماشاءالله مسكتين في الكشخه..فريتونا صفر على الشمال..
سلطان: وين صفر على الشمال بنت خالتيه...مشاءالله عليج انيقه...جنج كويتيه ههههههههههههه
العنود حاست السانها تقلد الكويتيات: أي يوبا ...شكوا انته ...ليش داز بويهك ... ههههههههههههههه
نقعوا من الضحك على العنود لانه فعلا مبين عليها وحده كويتيه، وشكلها جاده وهي تتضارب ويا سلطان.. المهم طلعوا كلهم من الفندق وتمشوا لين كوينز ويي ( Queens Way)ومن اهناك نزلوا الاندر قراوند وخذوا القطار لين محطة أكسفورد ، أول ما وصلوا الجماعه شارع أكسفورد قرروا يدشون محل سلفرج اول شي يطمشون ومنه يتشرن البنات..دشوا المحل وتعجبوا من الزحمه!!
سلطان: يالللللللللللله شو هالزحمه!!
فهد: شو ليلاااااام!! ههههههههههههه
نقعوا من الضحك على تعليق فهد
سلطان: ههههههههههههههههههههههههههههههه...ااااااي بطني!!! والله حلوه يا ريااااااال ههههههههه
فهد: احيده محل غالي...اطالع العالم اللي يايينه!! تقول بلاش!!
غايه تسحب اخوها: فهوووود...نبى نسير نتشرى!!
فهد: حووووووووووووه!!! شو نتشرى!!! ما صارلكم ساعتين واصلين لندن!! على طوول بتتشرن!!! شو هالحاله!!
غايه: الله يخليك...اشوي...مابنطول!!
سلطان: كنتي ماشيه اوكي...(الله يخليك)... بس ( اشوي و مابنطول ) يت غلط....عيدي صياغة الجمله ههههههههههههههههه
ابتسمت غايه ابتسامه عبيطه: انزين يالله عاده...رخصونا!
سلطان: برايكن....بس لا تبطن
استانست غايه: والله انك جي ولد عمي (رفعت الابهام وغمزتله)
ضحكوا عليها وساروا الشباب الدور الثالث والبنات توزعن في الدور الأول يشوفن العطور والماركات...طاف الوقت طبعا هذا آخر شي ينتبهوله البنات وهن في السوق، مل سلطان من الحواطه اللي مالها معنى..فهد كان مندمج في القمصان والكابات اما سلطان مول ماكان متحمس للموضوع..فنزل الطابق الاول يدور على البنات عشان يسحبهن ويظهرهن برع المحل، وهو يمشي لفت انتباهه بوكس كبير وفيه مظلات، استانس سلطان على هالمظلات، يلس ينبش ويطالع الاشكال والألوان...يت وحده وقفت عداله وكانت تبى مظله من هالمظلات، حاولت تسحبها بس سلطان كان واقف جدامها ومخرب عليها
الحرمه: excuse me .. اكسيووووووووزمي
سلطان مندمج في المظله يحاول يفتحها بس مب قادر...ومب حاس بعمره
الحرمه: لو سمحت
وسلطان بعده يتعبث ويجلب المظله يمين ويسار يدور على الزر اللي يفتح المظله مب محصلنه..
الحرمه بصوت عالي: لووووووووووو سمحت اخوي!!
ارتبك سلطان يوم سمع صوت الحرمه...وبالغلط يا صبعه على الزر وتبطلت المظله في ويهه الحرمه وصب عينها
الحرمه: ايييييييي ...عيني
سلطان يحاول يصك المظله عشان يشوف ويهه الحرمه ويبعد المظله عن ويهها: أأأأأأ نا آآآآآآآسف!! والله آآآآآآسف ... اسمحيلي الشيخه!!!
والحرمه تفرك عيونها وهي منزله راسها، من رفعت راسها وطاحت عينها بعينه حس سلطان برعشه في جسمه...عيونها تذبح!! مب وساع بس ناعسه ولونهن بندقي (بني المخضر) وحنطيه وطويله وجسمها متناسق، مب متحجبه، السكارف على الجتف والشعر قصير لين الجتف مموج.....تم سلطان مبهت في الحرمه مب عارف شو يسوي ولا شو المفروض يقول، الحرمه تطالعه وهي مستغربه من نظراته، ليش جي يطالعها! و شو مشكلته!!
الحرمه: ممكن تقوم اشوي علشان اشووف
سلطان: اوووه...السموحه الشيخه..تفضلي
الحرمه: ماعليه..مو مشكله..
انتبه سلطان لطريقة كلامها ويلس يفكر في خاطره: ممممممم ثرها كويتيه!! بس...؟؟؟؟ شو اللي يايبنها اهني؟؟ تدرس؟ ولا يايه سياحه مثلنا؟؟؟ مممممممم ...اسـألها؟؟؟ لا لا لا ... انا اشلي !! شو بتقووول عني!! ملقووووووف!!
الحرمه مسويه عمرها مندمجه في المظلات بس منتبهه لحركات سلطان...شنو عنده هالريال؟؟؟ شنو يبي!!
في نفس اللحظه نزل فهد الطابق الاول يدور على سلطان...وشافه واقف على كورنر فتجدم وراح لصاحبه..وسحبه من دون ما ينتبه للبنت اللي كانت عاطيه ظهرها...
فهد: سلطوووووون!!! وينك بن عمي!! ادور عليك من الصبح!! يالله تعال البنات مللن من سلفرج يبن يمرن هايد بارك اشوي ويتمشن اهناك...الجو حلووو ...يالله جداااااامي
تم فهد يدز سلطان وماعطى سلطان فرصه يودع البنت اللي شافها...او حتى يسألها شو اسمها!! اوووووووووف اسميك خربت عليه يا فهووووووود!!
شو سالفة هالبنية الكويتيه ...........
زهرة_الآلام
22-04-05, 04:40 PM
المكان: حديقة هايد بارك
الزمان: 6:30 المساء
تعب سلطان من المشي.... جان يسحب فهد صوب الكرسي ...
سلطان: ياخي مليت من المشي ...... خل البنات يتمشن رواحهن .... الدنيا امان هنيه .... كلهم عرب ..
فهد: هييه يالشيبه انته ..... ماكملنا ربع ساعه من وصلنا ... .. .يالله ماعليه بنريح شوي عشانك ..
و أشر حق البنات انهم بيلسون و برايهم لو بيسيرن يتمشن ...
سلطان : آآآآآآآآآآآآ آآآآآآآآآه يا فهد ..
فهد استغرب من هالأه : شو بلاك بن عمي ... !!!! ما من شر .... ؟؟
سلطان : خلها على ربك يا فهد ..
فهد: ولللللللللللللللللللعثره.......... السالفه جايده شكلها !!
سلطان: هيه والله جايده و غاوية بعد ..
فهد : أاااااااااااهااااااااااااااااااا !!! قووول جيه سليطيييييييين !!!!!!! والله انك زيغتني .. قلت شي صاير
سلطان: و شو بيصير اكثر عن جيه بن عمي ......
فهد: منوو هاي ؟؟؟
سلطان: وحده
فهد: ادري وحده !! يعني واحد مثلا ((غاوية)) ههههههههه
سلطان: دمك خفيف ..
فهد : هههههههههه شكلك تعبان انته
سلطان : لا والله فهد .. لو شفتها بتتخبل
فهد : انا ما اتخبل على بنات طال عمرك .... وانته تعرف هالشي
سلطان: هاي تخبل اقولك
فهد: تخبلك و تخبل امثالك الي مافيهم مخ ( و اشر على راسه)
سلطان: عيونها جتاله
فهد: بسم الله عليك سلطان .. شو ياك ( و يتهيس يبهته ) مافيك حراره
سلطان دز ايد فهد : سيييييييير عني فهد ..... والله مالي خلق
فهد: مالي خللللللللق ؟؟؟ يا معود !!!!!! (( يسوي عمره كويتي))
سلطان: فديييييييييتها .... لاتعيب عليها انزين
فهد حج راسه مستغرب: اعيب عليها شو !! منو ياب طاريها ..
سلطان: تراك تعيب عالكويتيين !!
فهد: اوووووووووووه .. و بعد كويتيه ..... هيييييييين يا سلطان !!
سلطان: شو هين ...فهووووووود ...... لاتفظحنا عاد
فهد: ههههههههههههه حليلك والله
سلطان: حلك حلووول
فهد: تخيل انته بس ... وشو اسوي عقب مابظهر من الفندق .. هههههههههه
سلطان : ليش يعني ( مب مستوعب)
فهد: شو ليش يعني ... ماتعرف الحلول شو يسوي ...ههههههههههههه
سلطان : هييييييه ... خس الله هالويه .... هههههههههههههههه
فهد: وويهك بعد ... قوم انزين يالله مليت من اليلسه ,, بسير اخذ لي ايسكريم
سلطان: انا يعد خذلي وياك
فهد: انزين فز قوووم .... اسميني ماجذبت يوم قلت شيبه ...
و دحه على ظهره و نش هوو قبل ...
ساروا و خذوا ايسكريم ... وحصلوا هنتين بنات صغار انجليزيات يلسوا يسولفون وياهم ... عقب يو شلة بنات اكبر شوي شكلهن في الطعش بعد انجليزيات ... وعاد تخبلن على فهد و سلطان .. لأنهم كانوا كاشخين و متزجرتين .... وطلعوا البنيات الصغار خواتهن او يقربولهن ... فهنتين من البنات تجدمن صوب الشباب ..
فهد: سلطووون .... شوووف البنات يايييينا .... اخافهم يتحرونا بنصرق عيالهم ..
سلطان : شووو نصرق عيالهم انته بعد .... اشكالنا جيه ؟؟
فهد: احنا بنظرهم عرب .. وانته تعرف كيف نظرتهم للعرب !!
سلطان: يالغبي وهم شعرفهم انه احنا عرب ....... بيقولون ايطاليين ولا فرنسيين !!
فهد: هيه مايحتاي !!!! قال ايطاليين قال ...
سلطان : انزين اصبر و بتشوف ...
تقربو البنتين .. وحده جان تقول : هاااي
سلطان: هيللووو ...
البنيه تأشر على البنتين الصغار و سألتهم اذا ازعجوهم : did they bother you ؟؟
سلطان: no at all, They were so sweet ..
البنيه: I don't think so, but seems that u are the sweet
فهد يقول في خاطره بدا التقرديين .. بس مارمس ..
سلطان: thanx honey, are they your sisters ؟
البنيه ردت انه وحده اختها والثانيه اخت ربيعتها .... وبعدين سألته من وين هم ...
سلطان: what do u think ? u guess
البنيه وهي تتحيس : hmm, I can see that your accent is American, but u look like French
و أشرت على فهد : but I can tell that your friend is absolutely Italian
فهد يود راسه وابوووووووكم ... انا ايطالي .. و واثقه الاخت بعد .. لكنه مارمس .. مايبا يفشل سلطان .... جان يغمز له سلطان .. (( شفت ... شو قلتلك ))
سلطان: hahaha … yah you are right mon chere((babe)), am from paris
وتم يحيس لسانه اونه فرنسي ... واستخدم مواهبه في الفرنسي .... حمد ربه في هذيج اللحظة انه يعرف فرنسي ...
فهد: وي وي .... كومين سافا ....
دقه سلطان بكوعه عسب يسكت و مايفظحه .. لأنه لغة فهد الفرنسيه شوي منقعه . بس طلعن البنات مايعرفن فرنسي .... فجلبوا كلهم انجليزي .. وتموا يسولفون و جيه .... عقب البنات عطوا فهد و سلطان ارقامهم و تواعدوا انهم بيتشاوفون في الحديقه باجر بعد ..... عاد الشباب وافقوا لأنه ماشي شغل .... ويقزرون وقتهم لين يسيرون امريكا ....
--------
المكان: مطعم الفندق
الزمان: على الافطار الساعه 9 صباحا
فهد يالس يسويله سندويتش جبن و مربى ويتحرطم: والله انه هالبنات وايد وايد كسلانات ....... له حق ابويه يوم يقول مابسافر ويا الحريم !!
سلطان: هيه والله اتصدق ..... انا الحين اكتشفت هالشي .. ... الحين احنا من متى موعينهن ... من ساعه كامله ... و لين احين محد منهن نزل ...
ما خلص اخر كلمه الا ساره يايه ....
ساره: السلام عليكم
فهد&سلطان: و عليكم السلام يا هلا .... توج ؟؟!!
ساره : شو توج .... من ساعه الا ناشين احنا
فهد: و ساعه شوي ؟
ساره: هيه شوي ...... على الاقل انا خلصت و ييت ....... اختك و العنود بعدهن
سلطان يطنز: ههههههههههههههه .. اختي زعيمه .... اونها سبقتهم .. مالت عليج
ساره: عليك انته !! انته تعرفني .. ما احب اطلع وانا مب كاشخه
سلطان: هيه فديتج ... اكشخي ... اونكن تفرجون عن خاطركن برع البلاد ...
ساره: هيه والله ... في البلاد مضيجين علينا
فهد: الله واكبر ... مضيجيين عليكن ....... انتي لو تشوفين الناس شو يسون ببناتهن .... انتوا في خير و نعمه
ساره : هيه الحمدلله .... يوم ابويه و امييه واثقين منا و يعرفون عدل منو البنات الي يابوهم و ربوهم ..
فهد: والنعم ماقلنا شي .... بس شوفي غيرج و لاتقولين مضيجين علينا .. تراج في نعمه..
ساره : انزين الحمدلله .....
سلطان: وايد ترمسون انتو تراكم ... وين البنات .... ترا اليوم مستر زغلول واعدنا بطلعه حلوة ....و معظم شباب و بنات الرحله بيسيرون ....
ساره: ههههههههههه والله هالاستاذ صدق تحفه ...... كله كوم و يوم يقردن المضيفه في كوم .... اشلك يا بوويه
فهد: شو ماله رب ؟؟ و لا حرام عليه و حلال على غيره ...
و غمز لسلطان ..
ساره لاحظت الحركه : شووووووووووووه .. شوو شووو ... شو السالفه ؟؟
سلطان : هااا !! لا شو السالفه بعد ؟
فهد: ههههههههههههههههههههه من غير مايدري جكووووووووووه !!
سلطان دح فهد دحه قويه من الغيظ
فهد: اااااااااخخخخخخخخخخخخخ !!!! خيييييييبه ... ملااس مب ايد عليك !!!
ساره: قوول ماشاء الله !!! بتكسر ايد اخويه
فهد مبطل عيونه : لاا والله !!!!!!!!!! و انا عادي يروح ظهري ؟!؟!؟! بغى يجتلني هالكبش
سلطان: كبش انته يالكبش !!! شو قايللك البارحه انا ...
فهد: شوو قايل .. ماحيد قلتلي شي ..
سلطان يبا يفهمه لكن خلاص شكله بينفضح: حبيبي بن عمي ..... اذا خلصت ريوقك سير جيك على الجماعه متى بيطلعون ... وخبرنا لين البنات يخلصن ..
فهد: هممممممممم ..... انزين ....
و نش فهد و سار .. وتموا سلطان و اخته .. عقب 5 دقايق وصلن العنود و غايه .. سلمن و يلسن
سلطان: صراحه .. كان يبالكم اتمون ازيد ...
غايه : مممم قلت حق العنود انه من وقت نازلين .. قالت لي لا سلطان و فهد بيعصبون
سلطان: لاااا والله !!!!!!!!! وبعد تبون تتأخرون زياده !!! صدقه فهد فيكم والله
العنود: ليش شو قال فهد ؟؟
ساره تبا تلطف الجو : لا ماشي ..... يسولف سلطون ..
شوي و رن موبايل سلطان ... كان فهد يقول له انه الباص اللي بيحوطهم بيوصل في 5 دقايق ... و مستر زغلول و باقي الاساتذه والطلبه جاهزين في الهول ...
بند سلطان و تلفت حوالينه : هيه والله محد من شباب الرحله هنيه في المطعم .....
تفشلن غايه و العنود انهن اخر ناس ...
ساره: انتو ماتعرفون انه هنيه الناس تمشي بالثانية !! مب شرات البلاد !! تتأخرون ساعتين عادي ..!!
سلطان: هيه والله ..... احين يتريونا الجماعه في الهول مال الفندق .. قومو يالله .... اذا مرينا على دكان شي خذولكم ريوق ...
ساره: هههههههههههه .. دكان اونه
غايه : حليله اخوج .. يتحرى عمره في الفريج
سلطان : احلفوا انتو بس ........ شو تبوني اقول الشوب ؟ ولا الماركيت !! مب حايس لساني عشان تستانسن !!
ساره: اوهوو .. بلاك انته مستوي شراره .. احنا يايين نستانس مب تنظارب .....
سلطان : انزين عمووه .. يالله جدامي .. والله فشلتونا جدام العرب
قاموا و سارو عند جماعتهم ...
استاذ زغلول: اييييييييييه يا سلطان .... ايييه !!! ساعه لما تيجي ؟؟؟؟
سلطان صد صوب البنات و هو متلوم: اسمحلي استاذي ..... تعرف البنات و تأخيرهم ..
الاستاذ: معليش ... حصل خير ... يالله اركبو الباص .. كل الطلاب و الطالبات ركبوو و يستنوكم ..
ركبو كلهم .... و تم الباص يدوربهم في لندن ... كان في دليل سياحي يشرحلهم عن معالم لندن .... تم يدور ساعتين كاملات .... اول شي كانوا متحمسين .. لكن بعد شوي قل الحماس .. و زاد يوع غايه و العنود
غايه: كله منج عندووه ... لو نازلين من وقت جان كلنا
العنود: لا والله !!!! انتي اللي متأخره ......
ساره: كل وحده تحط على الثانيه .. .... ماشي فايده .... احين الساعه 11 ... و اظن عقب شوي بيردونا الفندق
العنود: مالت ... بس هيه هاي الرحله .. لو تمينا في الفندق اخير لنا ..
ساره : صدقج ...
بعد 10 دقايق وقف الباص جدام باب الفندق و نزلوا ....
على طول غايه و العنود سارن حجرتهم و طلعو التشبس و الحلويات و يلسن ياكلن .. و ساره خذتلها حلاوه و سارت عند الدريشه .. تطالع الساير والراد ..شافت شباب من الي وياهم في الجامعه .. وجان تذكر أحمد اللي دعمته
ساره: تعرفون ..... احس وايد متلومه فييه..
غايه: في منوه ؟
ساره: في أحمد
غايه: منو ها ؟
العنود: أحمد الي دعمتيه ؟
غايه: دعمتييييييه ؟؟؟؟؟ متى !!!
العنود: واحد دعمته االبارحتمس !
غايه: اويييه !! اكيد تكسر !!
ساره: لا فال الله ولا فالج !! بس دقيت سيارته دقه بسيطه... بس تعرفين عنادي ..... وايد متلومه من الاسلوب اللي رمسته به !! وايد وقحه كنت ..
غايه : ليش شو قلتيليه
ساره: ما ابا اذكر ..... اففف ماعرف شو بيقول عني الريال ...
العنود : قاال و خلص.. هههههههه .. بس خبريني .. شو اللي ذكرج به الحين ؟؟
ساره: مادري ..... تعرفين خالد ؟
العنود: منو خالد ؟؟؟
غايه : اللي كان يغني في الباص ؟
ساره : عليج نور ...
العنود: انزين شو بلاه ؟؟ توج ترمسين عن احمد و نقزتي على خالد
ساره: لا مادري ... شفته تحت ... فذكني بأحمد ... احس يشبهه !!
غايه: ههههههههههه (( ليه اشووفك ... في عيووني ... كل شي .. و كل حي ))
ساره: بس بس ....... عن الطنازه .. والله احس فيهم شبه
العنود: انتي شفتيه مرتين و جيه حافظه شكله؟
غايه: مرتيييين ؟؟؟؟؟ متى مرتين ؟؟ لايكون دعمتيه مرتين ..!
ساره: ههههههههههههههههههه هيه والله يبتيها صح بنت عمي .. لماحه
غايه بطلت حلجها : ومستانسه بعد ؟؟ داعمه الريال مرتين ....
ساره : هههه والله يحقلج تستغربين .. .. عنادي خبريها ..
العنود: بنت عمج الذكيه اول مره دعمته بالسياره .. وثاني مرة كنا في صحارى جان تدعمه جيه فيس تو فيس
غايه: اااااااااااااااااااااااااااي يالقفطه !!!!! انا ويهيي عورني انتي شقايل ...؟؟
ساره قفطت: والله اني قفطت وايد .... والحين قافطه ازيد و ازيد ....
العنود: الي يقول بتشوفينه مره ثانيه .......
ساره صدت صوب الدريشه مرة ثانيه و قالت في خاطرها ... يمكن ليش لأ ..
نوك نوك نوك .... سمعوا دق على الباب ..
غايه: منوو ؟؟
فهد: انا انا ... افتحوا ...
غايه: روحك ؟؟
فهد: هيه
قامت غايه عشان تفتح الباب ... و في طريجها تناولت سكارفات البنات و فرتهم عليهن عشان يتحجبن .. وفتحت الباب ... دخل فهد و يلس على الشبريه ..
فهد: ماشاء الله تاكلون ..
ساره: هيه يحليلهن ماتريقن ..
فهد: يستاهلن .... عشان باجر تنشون من وقت
غايه : شو باجر بعد ... باجر بنكون في الطياره الصبح ..
فهد: انزين ورا باجر .. ولا تزعلين ..
ساره: وين سلطان عنك عيل ؟
فهد: نزل سار ويا الشباب ....
غايه: منو ؟ خالد ؟
فهد اطالعها : لا والله تعرفين خالد بعد !
غايه: لا لا .... بس سمعت الشباب يزقرونه فعرفت ..
فهد : هههههه زين انزين ليش زايغه ماباكلج
ساره: مابنطلع ؟
فهد: بنسير الهايد بارك
ساره: هيه والله متواعدين ويا البنات
فهد: شوووو .. منو قالكم .. سلطون اونه يقول لي لاتخبر و هو يخبر !!!
البنات يطالعن بعض مستغربات
العنود: شو تخبر و مايخبر .... انتو شلكم ؟! احنا متواعدات ويا بنات البارحه تلاقينا وياهن ..
فهد: شو السالفه ؟ شكلي فاهم غلط ..
ساره:ههههههههههههههه جججججكككككككككككه !!!! متواعدين ويا بنات هاا !!!!! شخبار الدحه على ظهرك ولد عمي ؟؟؟ ههههههههههههههههه
غايه: أي دحه ...
وخبرتهم ساره السالفه .......
العنود: يا ويلك من سلطان .. ههههههههههه
فهد: مايخصني انا ....
ساره : صح مايخصك .... انا ماعرف من وين يايب ذكائك انته هههههههه
غايه: يالله عن الغلط على اخويه ...
ساره: انزين منو البنات ؟
فهد: انتي اشلج ؟؟ وبعدين انا مايخصني .. اخوج اللي مرتب كل شي .... انتو تعرفون انه مايخصني بهالسوالف..
غايه: هيه فديت اخويه ...
ساره: بلاج انتي ؟؟ جنج الا تبين شي من اخوج ؟؟
غايه: ليش يعني ... اخويه و احبه ... فيها شي ؟؟
ساره: لا مافيها شي هههههه
و شاف فهد ساعته : اووه .. الساعه 5 .... بخبركم انتو صليتو الظهر ؟
ساره: هيه صلينا الظهر والعصر جمع و قصر ...
فهد: زين بارك الله فيكم .. كيف عرفتوا الجبله ؟؟
غايه: سألنا سلطان ...
فهد: هيه ... زين زين .... انزين يالله الحمدلله انتو متلبسات .. يعني مافي داعي حق عفسه و تأخير .. يالله انا نازل الحين و بترياكم تحت اوكي ... بليز بسرعه ..
ساره: هيه مايبا يتأخر عليهن .. هههههههه
فهد تناول قوطي الكلينكس و فره عليها ..
ساره: ااااااااااااااه .. ليش كلهم يفرون قواطي الكلينكس علييييييييه ...
فهد: هههههههههههه .. ويا هالويه.... قلنالكم الف مره مب انا الي مواعد .. !! اخووج هذا ...
ساره بحزن: انزين ...
فهد : مدت البووز .. هههه .... اقولكم .... يالله بسرعه ... هكووه سلطان متصل اكيد يتريا تحت ..
شو المغامرات اللي بتصير في الهايد بارك اليوم بعد ؟؟
انتظروا part 6
بــــــه يفوق الوصف والطــــاري
وتحتصــــــن انفاســـه انفاسي
شروا ريـــــح المســـك والغاري
وبمـــــثيله احتـــــار مقـــياسي
أشهـــــد انه بس هـــــوى داري
يشغله قلـــــبي و احساســـي
-----
للتواصل والمزيد:
http://www.hawadary.com
فهد حج راسه مستغرب: اعيب عليها شو !! منو ياب طاريها ..
سلطان: تراك تعيب عالكويتيين !!
فهد: اوووووووووووه .. و بعد كويتيه ..... هيييييييين يا سلطان !!
لييييييييييش عاد أشفيهم الكويتيين و ترها
بس عجيبااااااااااااا و و أنا بتتظار الجزء اللي ياي
زهرة_الآلام
23-04-05, 08:25 PM
مشكووورة على المتابعه ختيه ...
فديت الكويتيين ما بالهم الا كل خير .. والله مب انا اللي كاتبه القصة لوول ^_^
انشاءاللهبنزل الاجزاء الثانية قريب..
و الله زرعتني
وين باقي القصه
يلا تشوقينا و تقطعين
زهرة_الآلام
25-04-05, 09:36 PM
ليــــشمحد يتلبع القصة :( .. تراها حلوة ...
المهم انا بنزل باقي الاجزاء حقج نونوا هههه
زهرة_الآلام
25-04-05, 09:39 PM
طلع فهد .... و البنات جيكوا على لبسهم و كشختهم .... و نزلوا بسرعه ....
استغربوا فهد و سلطان من السرعه .....وفي خاطرهم يقولون : عسى دوم ..
ساروا الحديقه ..... وبعد شوي رن تلفون ساره: هلا والله بشاير ...... انتي والبنات وصلتوا ؟؟ ماشاء الله عليكم على الوقت ..... خلاص احنا بني عندكم الحين .. باي ..
سلطان : منو بشاير بعد ؟
ساره: وحده ربيعتنا ..
سلطان : ربيعتكم ؟؟؟ ماقلتوا انه عندكم ربع هنيه
العنود: قصدها تونا متعرفين عليهم ..
سلطان : اها .. قولوا جيه .... من الشارجه ؟
ساره: لا كويتيات ..
يوم قالت كويتيات فز قلب سلطان ..... بس قال في خاطره معقول تكون هيه .... لا مستحيل ..
فهد: اعرف بشو تفكر ههههههه
سلطان: انزين قصر حسك ..... بيسمعون
فهد: شو يسمعون عرفوا كل شي هههههههه
سلطان: خسك الله ..محد يقولك شي انته ...
فهد: انزين تخيل البنيه تكون هذيج الي في بالك ؟
سلطان: تخيل !
فهد: اونه اتخيل !! صدقت انته .. شو فلم هندي هوو !! ههههه
سلطان: يمكن انزين ....
فهد يمشي وياه : هيه يمكن ...
سلطان يشوف البنيه جدامه يايه صوب اخته و البنات ...
سلطان : فههههههد !!!!!!!!!! مب يمكن ..!! هييه البنيه هييه نفسها !!
فهد استغرب: أي وحده فيهن ..
سلطان: هاي الطويله الي يالسه ترمس ساره احين ..
فهد : مالت عليك ياخي ... شو هاااااااااااا ..... طالع انته بس .... ماشي شيله ... و اللبس مرصص !! على شو عايبتنك !!
سلطان: حلوه ياخي
فهد: حلها حلوول !!! زينة البنيه بحجابها و لبسها المحتشم ... مب مرصص جيه !!
سلطان: انزين منو قال اني باخذها مثلا ....؟
فهد: هيه قصورك انته هههههههههه ...
الشباب و هم واقفين شافوا بشاير تسولف ويا البنات و تأشر عليهم ..... شكلها عرفت سلطان ... لكن عقب ثواني وصلن البنات الانجليزيات ... و ساروا يتمشون وياهم ..ونسو سالفة الكويتيات ...
فهد: تعرف ولد عمي ...... توني ادري انك عشاق ...
سلطان: اسكت عني فهود .... مادري شو فيي .... وبعدين ارمس انجليزي اخاف يعرفون انه احنا عرب
فهد: يعرفون !! شو فيها مستحي ؟
سلطان : مب سالفة مستحى ... بس خل نمشي اللعبه لين باجر ..
فهد: اوكي ...
وتموا يسولفون و عقب ودروهم و ردوا الفندق ...وهم في الدرب طافوا على هالجنود البريطانيين اللي يتمون واقفين بدون تحرك .. فحبوا انه يلعوزنهم .. ساروا عند واحد منهم و سووله حركات ... لكن منوووووو يقول ... مايتحرك موول .. و تموا يستهبلون عليه .. و يحاولون يظحكونه .. و هو حتى عيونه ماتتحرك .. فهد يقرقطه .. و البنات يصورن حذاله ... و سلطان يسويله حركات عبيطه .. لكن ماشي مجال ابدا .. لين لمعت في راس سلطان فكره جهنميه ..
سلطان: اطالعوو اطالعوو شو بسويبه ....انا اللي بحرك هالصخر ..
فهد: شوووو بتسوي ..... هههههههههههههههههه
سلطان : اصبر انته شويه .... سارووه عطيني ورقة كلينكس ....
و وخى على الارض يدور شي ... و كلهم تموا يطالعون بعض.. شوو ياه سلطون ...
العنود: شوو تدور انته ..؟
وفجأه زعجت : واااااااااااااااااااااااااع ..... عطيت عنك..
ساره: سلطووووووووووون شو هالطفاسه ..
كان سلطون يدور حشرة ... فحصل خنبسانه .. و مسكها بالكلينكس .. و سار صوب الجندي .. والكل يطالعونه و هم مبطلين عيونهم .. و يتريون شو بيستوي ..
فهد: سلطووون لا تتهور .. !!
سلطان: بنشوووف انا ولا هووو ... ههههههههههههههههههه سارووه .. صوري بكيمرة الفيديو..
حس الجندي انه شي ياينه ...... فبين من عيونه انه زايغ ... لين وصله سلطان .. و من بعيد يزجر على ربعه : اتزهبوووا حق الشرده انزين ....
غايه : شووو شردته ... شو بيسوي هذا .. !!
ساره : وييه .. السالفه فيها شرده .... عندووه انتي لابسه تنورة كيف بتركضين ..
فهد: هههههههههههه شكلها بتندبغ
العنود: ليييييش ... شو بيصير .....
غايه : اوييييييييييييييييييييه.. اطالعوووووووووووووووووووووووووووا سلطوون ...!!!!!!!
كانوا شوي بعاد عن سلطان ...كلهم صدوا صوبه ..
تجدم سلطان عند الجندي ... و قال له : اناااااااااا و لا انته !!!! نياهاهاهاهاهاههاهاهاهاههاها ...
و دخل له الخنبسانه في قميصه من صوب الظهر .......
سلطان دخلها من صوب .. و الجندي تخبل ... !!! و تم يناقز و يزاعج و ينفض القميص ... لكن ماشي امل .. سلطان يوم شاف الوضع جان يشغل التيربو ... و شل عمره و صارووووووخ ..... و هو طايف على ربعه زاعج لهم : الحقوووووووووووووووووووني .,,,, ....
و ماتشوفون الا غباااار وراه .. مايبين ... في ثواني وصل الفندق
و فهد والبنات كانوا ناقعين من الظحك عليه .... لكنهم سووا عمارهم مايعرفونه عشان مايتوهقون .. ويا الجنود .... و مشوا صوب الفندق ... شوي و يرن تلفون فهد
فهد: سلطوووووووووون يالمتخلف ... شو هالحركه الي سويتها ... بغينا نسير في ستين داهيه ...
سلطان مب رايم يرمس من التعب ... و ينااهي لكنه ميت من الظحك : انا في الفندق تراني ...
فهد: والعاااااااااااااااثرة ...... شقايل وصلت بهالسرعه انته !!
سلطان: قووول ماشاء الله ياخي ...... والله هلكان ... لكن شوو رايك بولد عمك ... زعييم هااا !!!
فهد: هههههههههههههه جان هاي الزعامه بظنك ........ تراك ازعم واحد ..
سلطان : ههههههههه ازعم واحد اونه .. شو هالمصطلحات ..
فهد: ههههههههه على قولة نورة اختي ..... المهم ... يالله احنا تحت ... احين بنركب اللفت بينقطع الارسال ..... اشوفك عقب شوي ..
و صعدوا .. و كل واحد سار غرفته ... ورتبوا اغراضهم في الشنط ..... و بعدين نزلوا تحت في مطعم الفندق عشان يتعشون و يا باقي الطلاب والطالبات و اساتذة الرحله ..
------
الزمان: السابعه صباحا
المكان: مطار هيثرو الدولي – لندن.
البنات يالسات على الكراسي يتريون اخوانهم ..
سارة تثاوب : يا الله كيف اكره رحلات الصبح .... عاد ماشي رحله الا هالوقت ,,, لا و بعد موعينا من 5 ....
غايه: انزين حطي ايدج على ثمج يوم بثاوبين ...
ساره: اسكتي عني مالي بارض حق شي ..
العنود تثاوب بعد : ابا قهوة !!! ما اروم جيه احس برقد اذا تميت زياده
ساره: انا شاقول ... مب رايمه ابطل عيوني ....
وفي هاللحظات تقربوا منهم ثلاث بنات من الي وياهم في الرحله .. سلمو عليهم ..وردوا عليهم السلام وبعدين ووحده رمست : ممكن نيلس وياكم ؟
ساره مالها نفس ترمس موول .. ولا العنود حتى فهزوا راسهم بس بالايجاب وهن يتثاوبن.... فتفشلت غايه من ردة فعل صاحباتها ردت عليهم :
غايه : اكيد ... تفضلوا ...
البنت: انا اسمي ميرة وهاي اختي حصه وبنت خالتي عهود.
العنود و ساره بعد هزن روسهن ... واشكالهن موووووووووووووليه مالهن بارض
غايه: اهلين والله ...... انا غايه .. و هاذيلا ساره و العنود ..
ميره : يايين رواحكم ؟
غايه : لا ويانا اخواننا ...وانتوا ؟
ميره : لا والله .. احنا يايين رواحنا ..
العنود ترمس بصوت واطي : احلى يا روااحكم انتو ..
ميرة : قلتي شي ؟؟
العنود: لا الغاليه ... اتثاوب بس ..
ساره تطالع ساعتها : مليت انا .... وينه سلطون قال بيسير و بيرد .. عنَادي تعالي باخذلي كوفي .. صراحه اذا تميت شوي اكثر برقد و بيضطرون يشلوني شل لين الطيارة ..
قامت العنود : يالله ... غايه بتمين ؟
افتشلت غايه انها تقوم عن البنات و هن توهن يايات .....
هزت غايه راسها: هيه بتم ....
ساره : ماتبين شي ؟
غايه : هيه ابا كوفي جان بتيبولي ...... ميره تبون شي ؟
ميرة هزت راسها بالنفي ... وراحن العنود و ساره ..
وتمت غايه ويا البنات ..
عهود: انتي في أي كليه ؟
غايه: كلية الاعلام ...
عهود: سنه أولي ؟
غايه: لا ثانية ..
ميرة: شراتنا ... احنا بعد اعلام لكن سنة رابعه ..
غايه: هيه ماشاء الله .. يعني خريجات السمستر الياي ان شاء الله
ميرة: لا .. وين .. بعدنا سنه و لا سنه و نص ....
غايه: ماعليه ... السنين تطوف بسرعه ..
وفي الكوفي شوب العنود و ساره طلبن و يالسات يترين الاوردر ..
العنود : شو يبن هالبنات ...
ساره: وانا اشدراني .....
العنود: دوم اشوفهن في الجامعه .. لكن مش من كليتنا .. تبين الصدق..ما ارتاحلهن .. ..
ساره: ولا انا والله ...
دخل عليهم صوت ثالث..
فهد: منوو هاللي ماترتاحولهن..؟؟
ساره: بسم الله الرحمن ... من وين ييت انته ..
وصدت الصوب الثاني كان سلطان بعد ..
سلطان : كنا طايفين و شفناكم .... وين غايه عيل ؟
العنود: يالسه ويا بنات من الجامعة
فهد: هاللي مارتحتولهن
العنود: هيه ....
فهد: اها ... انزين يالله اتزهبن .....ترا عقب شوي بتسمعون نداء الرحله ..
سلطان: على فكره .. اشكالكن مسطلات بالقو ..
سارة تثاوب : ادري
شلوا الطلبات و ساروا صوب غايه ... يلسوا الشباب بعيد عنهم ... و ساروا العنود و ساره عند البنات يشربن قهوتهن ..
ميرة : هذيلا اخوانكم ؟؟
غايه : هيه واحد اخويه و الثاني اخو ساره ..
ميرة : اكيد هذا اللي على اليمين اخوج غايه ...
غايه: هيه .. كيف عرفتي ..
قالت ساره بلهجة استهزاء: اكيد لأنه سلطون يشبهني فبيكون فهد اخوج ..
ميرة: هيه انتي و اخوج تتشابهون ..
العنود اطالعت سارة كأنها تقول : من اولها ...
Attention please , Would all the pesengers flying on American airlines to NYC Airport , flight number 333 kindly go to Gate number 12 ..
قاموا كلهم و شلوا اغراضهم ... و ساروا عشان يركبون الطيارة ..
يلسوا البنات بنفس الترتيب القبلاني ... والشباب سووا نفس المسرحيه .. منو بيركب حذال الدريشه
فهد: عشان انا اخلاقي عاليه ... بخليك تيلس حذال الدريشه
سلطان: لااااااااا والله !! احلف انته بس ... غصبن عنك اصلا ...
فهد: انزين انزين .. تفضل طال عمرك ..
وانصدم سلطان يوم يلس .. و شاف انه دريشته تطل على جناح الطياره ...
سلطان: يالسباااااااااااااااال .. !! و مسوي فيها اخلاق اونه ...
فهد: هههههههههههه.. مايخصني انا ..
سمعوا ضحك وراهم ... صد فهد جان يشوف ميرة و عهود .... لكن ماسوالهم سالفه رد على جدام ..
فهد :لا تصد .. هالبنات اللي كانوا ويا غايه .... يالسات ورانا ..
سلطان يبا يصد
فهد : لا تصصصصصد قلتلك ..
سلطان: انزين لااه
فهد : صراحه مااستلطفتهن ... احيد ساعات كنا نشوفهم في الجامعه ..
سلطان: اها .. مادري والله ماركزت ..
فهد : بسوي فيهن حركة خساس .. بسرعه رد الكرسي شرات مابسوي و سو عمرك راقد
ونزل الكرسي على وراااه ... وبعدين نزل الكاب على ويهه و رقد ..
قامت عهود و زقرت عليه : اخويه ...... بليز ارفع الكرسي ..
لكن فهد و سلطان ماردوا عليهن .... لأنهم يمثلون ... و التمثيل استوا صدق .. لأنهم صدق رقدوا والبنات تمن مضايقات حليلهن .. لكن مارامن يسون شي ....
----
المكان: الحافله المتوجهه الى الفندق.
الزمان: الساعه 3 ظهرا
ركبوا الطلاب و يلسوا ورا .. وبعدين ركبوا البنات يلسوا على الكراسي اللي جدام .. العنود و سارة يلسن حذال بعض و غايه يلست حذالها ميرة ...... اما الشباب ساروا و يلسوا ورا ويا خالد و ربعه,كلهم كانوا مدوخين و فيهم رقاد.. سطان يلس حذال فهد و رد راسه على ورا يسنده بالكرسي و نزل الكاب على ويهه و غفى, اما فهد فسند راسه على الجامه و رقد ... البنات نفس الشي ,, العنود مارامت اتبطل عيونها ... حطت راسها على جتف سارة و رقدت ... و سارة تمت تطالع مناظر نيويورك... اما غايه فبعد كانت سانده راسها على الجامه و غفت ... كان الباص وايد هادي ... ساره بروحها واعيه ... تسائلت في خاطرها منو بعد واعي ... تصددت شوي .... لقت انه حتى الاساتذه نايمين ....... بس لفت نظرها انه مس كارين واعيه وكانت تقرا كتاب صغير عندها ... مس كارين يالسه بروحها , فقررت سارة تسير تتسلى وياها لين يوصلون ... قامت شوي شوي عشان ماتظايج العنود ..و سكرت الستارة اللي عدالها و سارت يلست على الكرسي اللي جدامهم حذال المس مالتهم .. وتمت تسولف وياها .. وسألتها عن الرحله و الجدول وجيه ... قالتلها المس انهم بيعرفون كل شي اليوم العشا ...
بعد ساعه وصل الباص للفندق .. كل واحد وعى ربيعه .. و اول مانزلو .. انبهروا باللي شافوه ... كان الفندق اللي حاجزيلهم فيه شي خيالي ..... وايد فخم ... حتى تموا يجيكون على لبسهم .. وكل واحد مفتضخ يقول في خاطره احين الناس شو بيقولون عنه .. لأنه شكله وايد راقي ...
يوهم الخدم مال الفندق .. وكل واحج فيده العربه مالته عشان يشلون الاغراض والشنط ..
كل الطلاب والطالبات تعبانين و مرهقين فكل واحد يلس على اقرب كرسي لقاه يتريون المشرفين يخلصون اجراءات السكن ... بعد 10 دقايق مستر جيمس و مستر زغلول ساروا عند الشباب .. ومس كارين سارت عند البنات عسب يوزعون عليهم مفاتيح الغرف ..
مستر زغلول: يالله يا شباب ... دحنا هلكانيين اوي ....... كل واحد ياخذ مفتاحو و يروح يرتاح ...... الساعه كم دلوأتي ... (( ويشوف ساعته)) اوكي .... دلوئتي الساعه 4 و نص ...... ان شاء الله الساعه 9:30 حنشوفكم في المطعم على العشا ... و حنتكلم عن جدول الرحله وحنوزع عليكم الجداول ..
روحوا كلهم غرفهم .. وعلى طول الي دشوا الحمامات واللي عق عمره على السرير و رقد ... واللي شغلوا التلفزيونات و اللي فتحوا البلكونه و تموا يستكشفون .......
فهد و سلطان من الي رقدوا ... وغايه و سارة و العنود بعد ....غسلوا ويوهن رقدوا على طول ... طبعا اكيد بعد ما دزوا الشبريتين حذال بعض مثل المرة اللي فاتت ... لأنه غرفتهم مزدوجه ..
الزمان: الساعه 8:30
المكان: غرفة البنات
سارة ماياها رقاد ,, تمت تتجلب .. عقب قامت و فتحت البلكونه و تمت تتفرج على الساير والراد ,, بعد شوي ملت و سارت طلعت موبايلها من الشنطه ... كانت ناستنه على السايلنت .. شافت مسج وفتحته ... لقته من سلطان يقوللها انه هو وفهد بينزلون من وقت و بعدين بيتلاقون وياهم في المطعم الساعه 9 .... شافت الساعه ... لقتها انها تقريبا 8 و ربع فقالت بتوعي البنات عشان يتجهزن ... لكن منوو يوعي العنود و غايه... حاولت و حاولت لكن ماشي مجال ... اشكالهن تعبانات وايد ...... اخر شي العنود بطلت عيونها و قالت بالغصب : سارووه انتي سيري ويا سلطان وفهد ... وييبيلنا الجداول بعد وياج ... احنا مب رايمين صراحه ..
هزت راسها ساره ... قالت انا بعد مابنزل ... عقب قالت اذا كلهن مانزلن مابيعرفون شو تخطيط الرحله ... فلازم تنزل ... فتحت شنطة ثيابها ... طلعت بدلها و علقتهن في الكبت ... وتمت تتطالعهن .... اختارت تنورة جينز لونها ازرق فاتح ومطرزه عليها ورود صغار فيها خرز ... وعليها قميص ابيض على اكمامه و رقبته مطرز بالازرق بعد ..سارت صوب المرايه و جحلت عيونها ولبست سكارف بولغاري ازرق .... و اختارت شنطه جنز زرقا صغيره تنشل في اليد..... شافت الساعه لقتها بعدها ماوصت 9 الا ربع ... شغلت التلفزيون و تمت تجلب في القنوات, عقب شوي قامت قالت بتنزل بتطالع الوضع ...
كتبت note حق البنات .. و بعدين طلعت من الغرفه و سارت صوب غرفة اخوها ... دقت الباب .. مرة و مرتين .... وينهم .... شوي و تشوف باب الغرفه اللي حذالها ينفتح ... كان خالد ..
خالد : السلام عليكم
ساره نزلت راسها : عليكم السلام
خالد قال و هو ساير صوب المصعد : اختي .. ترا فهد و سلطان نزلوا من ساعه تقريبا ..
قالت ساره في خاطرها .. اوووووووه اسميني نسايه .....
ساره: اوه .. اوكي ..
انفتح باب المصعد دش خالد و دق على الزر اللي يخلي الباب مفتوح وسأل ساره : نازله ؟
ساره افتشلت ... وترددت انها تركب ... شو بيقولون عنها الباقيين اذا شافوها نازله ويا خالد ؟؟!!
رد خالد عليها السؤال : اختيي نازله ؟؟
فتداركت ساره الموقف: اوه .. لا لا نسيت شي في الغرفه .. برايك اخويه .. سوري عطلتك ..
هز خالد راسه و ابتسم : مافي عطل ...
انصك باب المصعد .... واتريت ساره شوي عشان تدق على الزر مرة ثانية ..
اول مانزلت تحت تمت تتصدد تدور حد تعرفه .. ماحصلت حد ... ياها مال الرسبشن يسألها اذا تبا أي مساعده .. قالت له يدليها على المطعم ... و وداها .. اول مادخلت وقفت تدور اخوها و ولد عمها لقت انه مافي وايدين نازلين .. ابتسمت ..اكيد صارت لهم نفس سالفه بنات عمها ...على اليمين كان في طاوله و عليها خالد و ثلاث شباب و بنات زلمات .. وطاولة ثانية عليها مستر جيمس و مستر زغلول و مس كارين و كانوا سلطان و فهد وياهم .. وعقب في طاولة عليها ميرة و شلتها .. ووياهم بنتين ....و في طاولة كانوا يالسين عليها شباب و بنات زلمات.... مشت و سارت صوب اخوها و لد عمها ..
ساره: السلام عليكم ..
ردوا عليها السلام ,, و أشر لها فهد على الكرسي الي بينه و بين سلطان : تفضلي ..
ساره: ميرسي .... شحالكم ..... شحالك مستر زغلول . شحالج مس كارين .. هاوار يو مستر جيمس ...
و تموا يسولفون .....
على الطاوله الثانيه دار هالحوار :
عهود: شفتوا شو لابسه ساره ؟؟؟ صراحه ما ادري هذيلا من وين اييبون لبسهم ....واااايد حلوو صراحه..
حصه: موجود في كل مكان عادي .. بس هن ماشاء الله عليهن ذويقات ... يعرفن يركبن اللبس و لو مب ماركه يبين وايد راقي ..
ميره: سيري لاه .... والله انا البس احلى .. شو ثره الي لابستنه .. الا تنورة جينز و قميص ابيض .... يعني احينه هذا احلى عن لبسي انا .. ((و اشرت على لبسها))
حصه: لا .. حلو لبسج ... بس انا كنت ارد على عهود ....
ميره شكلها مغيظه: لا انتو اطالعو الخقه .. اونهم يالسين ويا المشرفين .... دهان سير ..
بعد 10 دقايق قاوموا كلهم و كل واحد سار اييب عشاه من البوفيه ..و يلسوا يتعشون ..... بعد ماخلصوا قامت مس كارين و وزعت على كل واحد اوراق ...
مس كارين: هايدا جدول الرحله ... و في خريطه لمدينة نيويورك فيها كل المناطق السياحيه الي حابين تروحوا عليها من حدائق .. و شوبنج موولز .. ومطاعم و كافيهات .. اما في الورقه الي بعدها راح تلاقو الشركات و المنظمات الي راح نعمل زيارات لألهن ....
بعض الشباب مايدرون عن سالفه الزيارات فأنصدمو : زيارااات شووووه !!؟
مستر زغلول : زيارات شو دا ايه ياخويه ...... دي رحله اكاديميه مش رحلة صياعه ..
الشاب الي رمس جان يقفط وقال بصوت واطي: انزين كلتنا ..
ضحكوا ربعه .......
مستر زغلول حس انه الضحك عليه : بليييز يا جماعه .. هدووء احنا في مكان راقي .. كملي يا مس كارين ..
مس كارين: ميرسي مستر زغلول ..... و متل ما قلنا .. راح يكون جدول الرحله كالتالي : 12 ايام ... يومين رحلات اكاديمية .. لمصانع و مؤسسات و منظمات .... و اليوم الي بعدو بيكون مفتوح .. يعني عندكن الخرايط و عندكون الاماكن السياحيه و بتروحو محل مابدكن ......يعني بصفى معكن 3 ايام مفتوحه .. و اخر يومين بكونوا مفتوحين .. يعني 5 ايام فري و7 ايام على الجدول .... اوكي ؟؟
سارة حاست بوزها و وخت على اخوها ترمسه : مب جنه شويه؟
سلطان: تبين الصدق .. هيه .. لكن ماعندنا وقت نتم اكثر ..
ساره: لا احس وايد 7 ايام يودونا مؤسسات و مادري شو
سلطان : ماعليه .. بنشرد ساعات .. ((و غمز لها))
فهد يالس يطالع الاوراق و صد صوبهم: هيه انته خربها ... اقولكم .. اطالعوا اوراقكم احسلكم ... في وايد اماكن غاوية من الي بيودونا لها ...
ساره و سلطان مسكوا اوراقهم و يلسوا يطالعون .. واستانسوا على بعض الاماكن الي بيسيرونها .. بيودونهم البورصه ... وبيودونهم شركات كمبيوتر .. و شركات بزنس كبيره .. و بيودونهم مقرات تلفزيونات معروفه عالميا .... يعني كان الجدول حلو ..
وقف مستر زغلول وقال : يعني كده وضحنا كل حاجه .... في أي سؤال او استفسار يا جماعه؟
سلطان : استاذي .. باجر وين بنسير .. و أي ساعه لازم انقوم ؟
مستر زغلول دح سلطان على ظهره : اييييييييه يا بني ... أيه يا سلطان .. ده سؤال برضوو ؟؟ كل حاجه مكتوبه في الورقه الي في ايدك ..
ميس كارين : ايوه سلطان ... كل شي مكتوب .... لكن في شغله لازم اوضحها .. رحلة بكره راح تكون اول شي الصبح بدنا ناخذ جولة في انحاء المدينه الكبيره ... و بعد الظهر بدنا نروح على شركة ماليه ... يعني من اختصاص طلبه ادارة الاعمال ...... يعني طلبة البزنس لازم يروحوا على هالرحله .. اما الطلاب من الكليات الباقيه ممكن يبؤوا هون .. او يروحوا أي محل تاني .. او ممكن يشاركوا بالرحله ..
سارة: اهاااااااا .. جيه السالفه .. يعني كل واحد على حسب تخصصه
مس كارين: ايه .. عليكي نور ... يعني في الجدول الي عندكن .. في الاماكن الي بتروحولها .. و إدامها بتلاقوا هالرحله تابعه لأي كليه .... فهمتووو ...؟؟
هزوو الطلاب راسهم بالايجاب .... وحسوا انه الرحله بتكون ممتعه .. و مابيصكون عليهم .. لأنه يرومون اذا في رحله مش من تخصصهم انهم يكنسلونها و يروحون أي مكان ثاني ...
مستر زغلول : على كده .. بكره الساعه 8 موعدنا في الرسبشن ....جولة في انحاء المدينه الصبح ..... وبعديها رحله المؤسسه الماليه ... يعني ادارة اعمال ....... ميين هنا في البزنس ؟؟
رفعت ساره يدها ... و خالد و كمن بنيه و ولد ...
ساره : بنت خالتي بعد في البزنس استاذ..
زغلول : ايوه .... خلاص اتفقنا ...الصبح كل الطلبه والطالبات لازم يتواجدوا في الرسبشن... اما طلاب البزنس .. فمعادهم الساعه 4 العصر ... واللي عاوز ييجي .. اهلا و سهلا ... يالله انا ماشي .. سلام ..
و روح .. بعدين روحوا كلهم غرفهم عشان ينامون ..
في الطابق الخامس انفتح المصعد و طلع منه اول شي خالد و بعدين سلطان و فهد و عقبها ساره و بنت ثانية وياهم ..
خالد: يالله مع السلامه شباب .... (( وروح غرفته ))
فهد&سلطان: نشوفك باجر ...
ساره: اوووووه . انا شو فييي انسى ..... نسيت اخذ المفتاح .. منو بيبطل لي الباب الحين ..
فهد: دقي الباب .. عنبوه مب رقاد عليهن اذا مانشن لين احينه ... (( ويثاوب )) انا بسير ارقد.. سلطان تم ويا اختك انته ..
سلطان : انزين برايك .. لكن لاتسوي نفس السالفه .. خل الباب ملايم ...
فهد: اوكي ... تصبحين على خير ساره ...
ساره : وانته من اهله بن عمي ......
سلطان : هكوو التلفون اتصلي على رقم الغرفه .. صوت التلفون عالي اكيد بينشن ..
اتصلت و نشت العنود و بطلت لها الباب ... دخلت و سلطان سار غرفته عقب ماتمنالهم ليله طيبه ..
بعد جزء
بليز
الله يخليج
بعد جزء
زهرة_الآلام
25-04-05, 09:55 PM
المكان: رسبشن الفندق.
الزمان: اليوم الاول, 8 صباحا
الكل متيمع تحت عند الرسبشن .... كلهم كاشخين و مستعدين للجوله في نيويورك .. ركبوا الباص .. بالترتيب المعتاد ... شلت مس كارين المايك..
مس كارين : good morning شباب و صبايا ... اليوم مثل ما قلنا امبارح راح نروح في جولة في انحاء المدينه الكبيره ... و بيكون معانا مستر باتريك هيكرمان .... he going to be our guid in NYC
تموا يتحوطون في انحاء المدينه ... وكل مايمرون على شي كان مستر باتريك يأشر لهم و يشرحلهم شو سالفته .. مروا على ميادين .. وعلى مباني حكومية .. وعلى مراكز تسوق .. و حدايق ...... والكل كان مبهور باللي يشوفه ...... ومستانسين ...
العنود تكلم ساره: اقول .... والله هالاماكن وايد تجنن .. وخاصة الاسواق .... احفظي اماكنها عشان عقب انسيرلها ..
ساره: ههههههه اونه احفظي اماكنها ... وين تبيني احفظ .. انا في الشارجة اظيع .. هههههههههههه
العنود: انزين مامنج فايده .. اكيد سلطان وفهد حافظين ..
غايه : والله تضحكين عندووه .... ترانا بنركب تكسي .. وبنقول له المكان وبيودينا .. اشله نحفظ ... ههههه
العنود دقت يبهتها : هييييييييه صح !!! والله اني غبيه
بعد ساعه نزلوهم كوفي شوب عشان يتريقون ... و بعدين ركبوا الباص و كملوا الجولة .. وردوا الفندق الساعه 1:30 الظهر ..وفي الهول مال الفندق وقفوا كلهم و وقف مستر زغلول عند الشباب يفهمهم عن الرحله اليايه .. اما مس كارين تيمعت ويا البنات عشان تشرحلهم عنها ... بعدها كل واحد راح في طريجه
و في غرفة البنات فهد و سلطان كانوا يالسين وياهم ...
فهد : رحله البزنس والهندسه العصر ... الساعه 4 .... بيودونا شركة ماليه كبيرة وايد ......
ساره: تقول ماليه ... ليش مال الهندسه رازين بويوههم ؟
سلطان: يالغبيه .... يعني احنا ماتاخذ مساقات في البزنس ؟؟؟ وبعدين كيف بنودركم رواحم ؟؟
ساره: هيه صح .. بادي قارد .. هههههههه
غايه بحزن: يعني انا ما اسير ؟؟
ساره:افااا .... اذا غايه ماتسير كلنا مانسير ...
--------
المكان: غرفة البنات
الزمان: اليوم الثاني, 7 صباحا
غايه في الحمام و العنود مشغله التلفزيون تترياها تخلص أما ساره فواقفه عند الدريشه تطالع الناس تحت .. و تتريا لين يفظى الحمام
ساره: اليوم رحلة محطة NBC .... احس وناسه
العنود: هيه احس بعد انه بنستانس .. مع انه مايخصنا احنا .. حق طلبة الاعلام ..
ساره: ماعليه..بنشوف المذيعين مالهم و المخرجين وهالسوالف ... تعرفين اول ماسمعت NBC اذكرت مسلسل FRIENDS احس بشوفهم هناك ههههههههههههه ...
العنود: هيه هم دروا انه ساره يايتنهم قالوا بيستقبلونها هههههههههه
ساره : هههههههه غصبن عنهم ..... وبعدين تدرين لازم نسير هالرحله ... مانروم نخلي غايووه تسير بروحها ويا هالبنات الي متعرفه عليهن... والله العظيم بالمرة مب متوسمه فيهن الخير..
العنود: هيه !!!! تشوفين هاي ميرة كيف تطالع فهد ؟؟ من فوق لين تحت ... شو تباااا هاي!!!
ساره: يعني شو بتكون تبا مثلا .... و بعدين انتي ماتدرين ليش هيه تتلزق في غايه .. عسب فهد..
طلعت غايه من الحمام ... جان يسكتن البنات ..وقامت العنود دخلت ... وساره بعدها تتفرج على الي يتمشون برع...
غايه: شو تقولووون ؟؟
ساره : ماشي.. شو نقول ..
غايه: مادري ..أشوفكم سكتتو من دخلت الغرفه
ساره: لا ماشي .. بس كنا نرمس عن ربيعاتج
غايه رفعت حاجبها : ليش شو فيهن
ساره: تعرفين انه احنا مب مستسيغينهن ......
غايه: يا الللللللللله !! كم مره بنرمس بهالموضوع .... بس ساره خلاص .... انا كبيره بمافيه الكفايه اني اعرف مصلحتي ...
ساره: لكن احنا اكبر عنج ... و الي اكبر عنك بيوم .. ادري عنك بسنه !!
غايه : شو اكبر و ما اكبر .. سارووه .. ميرة و ربعها وايد اوكي .. حبوبات وايد ... حتى قالت لي ميره انهم كانوا يتحروني خقاقه قبل مايعرفوني .. والحين تغيرت فكرتهم عني ..
ساره: لازم ....... عشان يقصون عليج ...
غايه : سااروووه عاد !! شو تشوفيني لهالدرجه بقره جدامج ينقص علي بسهوله ..
طلعت العنود من الحمام و هي تسمع الزعيج ....... جان تقول حق ساره تدش عشان تهدي الامور ..
بعد نص ساعه كلهم نزلوا و تلاقوا ويا سلطان و فهد و راحوا المحطه الفضائية ...
-----
الزمان: 12 ظهرا, اليوم الثالث
المكان: كوفي شوب قريب من الفندق
البنات يالسات ياكلن كيك .. و يشربن كوفي ..............
ساره: شو ها ... توقعت اليوم نطلع نتحوط .. اول يوم يكون فري لنا .. و هذيلا الحبايب مالهم حس ولا خبر!!!
العنود: شوو السالفه .. ليش غالقين تلفوناتهم ..
غايه: يمكن ماشي ارسال ...
ساره: عنبووووه !! من نشينا ماشفناهم ....بس الا هالمسج اللي مطرشلي اياه سلطون .. اونه تريونا في هالكوفي شوب ...... شوالسالفه اختفوا مرة وحده ... والله اني بديت ازيغ .... والله هنيه ماشي امان!!
غايه: لا تمين تتخيلين افلام ..!! انا اعرفج شقايل خياليه وادري بأفكارج مادري وين سارت !!! استهدي بالله ماعليه عقب شوي بيون اكيد ... هم مب قايلين بيون الساعه 11:30 ... توها الساعه 12 ... حليلهم ياااااااااامااا تريوونا .. هههههههههه
العنود: هيه والله .. هدي ساره . ماشي الا الخير ان شاء الله .. اتصلي الحين شوفي...
قبل ماتشل ساره موبايلها .. انفتح باب الكوفي شوب .... و دش سلطان و عقبه فهد و واحد وياهم ...طويل .. اطول عن فهد و سلطان بشوي ... لابس و قميص صوفي لونه بيج مفتوح من عند الرقبه و فيه خيوط كحليه و بنطلون جينز ... لونه كحلي و عليه خطين بيج من الجوانب.. وشال البالطو على ايده.. و جوتي رياضي كحلي .. و كان شعره شوي طويل رادنه على ورا ... كان شكله كأنه واحد من الفرق الاجنبيه, البنات انصدمن ..اول ماشفهن نزل نظارته الBVLGARI و اتطالعهن بنظره جتااااااااااااااااااااااااااااااله.......... و بطلوووا عيووووووونهن .. من الصدمه .... نقزت ساره مرة وحده و سارت صوب الريال اللي وياهم .... و حطت ايدينها على ويهها وزعجت مرة وحده .. و هو بعد سوى نفس حركتها وزاعج..اونه يقلد ردة فعلها .... عقب لوت عليه ... و فهد وسلطان يتصددون متفشلين من حركاتهم... يت وراها غايه .. و وايهته ..... و يودته ساره من ايده و سحبته للطاولة الي كانوا يالسين عليها ..
كان هذا سيف ... عم فهد و سلطان و ساره و غايه ... بس ساره و سلطان كانوا اكثر شي وياه ..و ساره بالذات متعلقه فيه وايد ....... يوم سار امريكا من 5 سنوات عشان يدرس بزنس خفت العلاقه بينهم ... لأنه سيف ماكان ايي الامارات الا في السنه مرتين و ساعات مره وحده بس ..... في البدايه كانوا وايد يتصلون و هو يتصل .. بس بعدين بعد فتره اكتفوا بالماسنجر.....
تمت ساره يالسه حذال سيف و هارتنه من الاسئله ... و هو يسولف وياها ..ويا الجميع ... وايد يظحك و يتمصخر .. هو نفسه سيف .. طول عمره دمه خفيف و يشل الجو كله بخفة دمه ..
فهد: بسسسسسسسسج من الرمسه .... حليله الريال توه واصل ..
ساره: هييه والله !!! اسفه عمي ,,, والله من كثر الشوق لك والله ....وانتوا سبلان ماتخبرون انه بيي وياكم ...عمي انته ييت بالطياره؟؟
سيف: لا بالسياره .. قريب ..
ساره: سياااااااااره ؟؟!! احيدك في فلوريدا ....كيف جيه وايد بعيده .. من متى طالع؟!!
سيف: أي فلوريدا سارووه ... صحصحي ويايه .... انا في فيرجينيا..
ساره: فيرجينيا !!! والله كنت في فلوريدا .. كيف جيه ؟؟ انتقلت ؟
سيف: هيه .. خبرج عتيج ... انا اول سنه بس كنت مسجل في فلوريدا .... لكن عقب استوت لي سوالف في الجامعه و جيه .. فحولت فيرجينيا ...
دحه فهد على ظهره: هههههههههههههه سوالف هاااااااه ... اكيد رسبت
سيف : في عيينك رسبت .... انا ويه واحد راسب .. و رفع قميصه اونه خقاق ..
ساره: لا عمييي مايرسب ..... انزين سيف شو متى بتتخرج ....؟؟ هالسنه صح؟
سيف: هيه ... بالأحرى تخرجت ...بس يالس اتريا اخلص شوية اجراءات ويا الجامعه و السفاره و برد البلاد ... على فكره انتوا متى بتتخرجون؟؟
فهد بحزن: باقي لنا وايد والله ...
سيف: بنات انتو كلكم في البزنس صح ؟
غايه : لا عمي .. انا كميونكيشن ... ساره والعنود بزنس
سيف: ليش مادشيتي بزنس انتي ..... حلاته تسون شركه عقب هههههههههههههه
فهد يأشر على البنات : هذي ويووه شركات ؟؟ الله يهديك يا سيف ههههههههههههه ... هاي ساروه مايهمها الا السيايير و الرياضه ... و عندووه و غايوه هوايتهن الاسواق .... ههههههههه
سيف : هييييييه سارووه انتي بعدج على الرياضه ... احيدج تلعبين كاراتيه و سله .. بعدج ؟؟
ساره: ههههههههه هيه اكيد .... انا رياضيه للابد ...
العنود: بعدين انته اسكت فهوود .... اونه مب ويه بزنس .. انتو عيل ويه هندسه ...
سيف: هههههههههههههههههههه عنادي .. اخيرا طلع صوتج ..
العنود استحت و سكتت ........ لأنه العنود من يوم صغيره تستحي من سيف .... وماتاخذ راحتها وياه وايد ..
سيف: عاد بما انه العنود تحب الشوبنج .. ها معناته انه يابوها المكان الصح .... New York is the best place for Shopping و رفع ابهامه ...
ساره: اقووولك سيف .. انته بتم ويانا ؟؟
سيف: هيه ترا اقولج انا مخلص وفاضي ... بس اتريا اوراقي و بتوكل ... بيلس وياكم .. وبطلعكم في الايام الي تكونون فيها فري ...
استانسوا وايد ..... و تموا يسولفون لين الظهر ... و بعدين قال سيف بيوديهم شوبنج مول عشان يتسوقون ... و في في المول صالة بولنج بيلعبون .. يوم وصلوا المول اتفقوا انه غايه و العنود بيتسوقن شوي .. و ساره و الشباب بيسيرون يلعبون بولنج ...
ساروا فهد و سلطان يلعبون و سار سيف ويا ساره عشان ياخذون الجواتي مالت البولنج .....
سيف يطالع ساره من فوق لين تحت ورفع حاجبه اليمين : صراحة انتي خطيره سارووه .......هاللبس وايد حلو عليج... يعني انيق على سبورت ...
احمر ويه ساره: طوول عمري انيقه .. وبعدين لاتطالع جيه ماحب هالنظرات ,,,
سيف: هههههههههههه .. أي نظرات .. انا عمج يالعنز ..
ساره: اوكي .... حتى انته وايد انيق ....
سيف: من يومي ... هههههههههه يالله بسرعه .. خلصي عشان نسير نلعب .. ادريبج ماتعرفين تمسكين الكوره حتى ههههههههههه...
ساره ربطت خيوط الجوتي .... و سارت ويا عمها ياخذون الكور .. بعد ساعه .. وصلن غايه و العنود و كل وحده مب رايمه تشل عمرها من الاكياس الي شالينهن ... من شافوهن سلطان و فهد يودوا روسهم !!
فهد: والعااااااااااااثره شو ها كله !!!!!!!!
سلطان: ماتيوزوووووون انتو من المشترى !!! ساعه وحده بس خذتوا فيها كل هالقشار !!
غايه نزلت الاكياس و يلست على الكرسي .. و العنود سوت شراتها ...
غايه: صراحه كل ما اشوف شي اتخبل ...... و اسعارهم حلوه .... يعني شريت 4 بلايز على 150 دولار بس اتخيلوووا !!!!
العنود: هييه والله ... وانا بعد حصلت جوتي وشنطه .. وياهم قبعه ... كلهم طقم واحد بس على 200 دولار !!! ماتوقعت اسواقهم جي رخيصه ..
سلطان و فهد يتسمعون و مبطلين عيونهم ...
فهد: فدييييييييييييييييييييييييييتكم انا !!!!!!!!!!!!!!!!!!!
سلطان: الا قوول فققدتكم !!!
فهد: لا حرام عليك ياخي مايستاهلن..... لااااااااا صراحه اسواقهم رخييييييييصه ... حرام يعني جيه !!!!
سيف ميت من الضحك: هههههههههههههههههههههههههه .. خلوهن يتسوقن ... كم مره بيون امريكا !!
فهد: انا صراحه ما احاتي الا الكرديت كارد .. لاعنه بو خامسها اختي
ساره: لا لا ....... يالسه اشتري كاش ... بس شخطت مره وحده ... ماكان عندي خرده
فهد: ماشاء الله عليج ..صراحه اخاف احسدج على هالحرص.... وكم باقلج من الكاش .... لاتقووليين لا تقولين خليني اخمن ........ما اتوقع اكثر عن 10 دولار !!
تموا يضحكون كلهم على الموقف و على عبط هالبنات الي يتحرن عمارهن اشترن برخيص ...
سيف: هااااااااااه الحين وين تبون تسيرون ؟؟
سلطان: انته ادرى صراحه ... ودنا أي مكان غاوي ..
سيف شاف ساعته: اوكي ... بوديكم عند تمثال الحريه .. وبعدين بنسير على جسر بروكلين, جد سمعتوا به ؟؟
العنود: لا والله ما جد ... شو هالجسر ؟؟
سيف: هذا جسر وايد مشهور في نيويورك .... جديم وايد ... يعني من اكثر عن 100 سنه ... اكيد انتوا شايفينه في الافلام .. لأنه وايد من الافلام و المسلسلات مصورين مشاهد عليه .....
ساره: الللله ... 100 سنة .... اموت على الاشياء الجديمه ..
سيف: ماعليه بعد جان ماودوكم متاحف .. انا بوديج ... احيدج تحبين هالسوالف .. قوموا يالله بنسير ...... الحين الساعة 6 ... بنوصل يوم بتظلم الدنيا .... وايد بيعيبكم شكله في الليل .. الليتات الي فيه وايد حلوة في الظلام ..
سلطان : يا سلام عليك ... والله هالامكان ... مب مراكز تسوق ... صراحه صارلي تشبع من الاسواق..
غايه: حراااااااام عليك ... شو تشبع .... الا ثاني مرة نسير ...
فهد: واللللللللله انتوو البنات مووتكم هالسوق .......... يااااااااااا رب ان شاء الله تكرههم في الاسواق بس لمدة اسبوعين (( رافع ايدينه يدعي ))
سيف: والله انك تحفه فهوود .... ماتتغير موول .. دوم تذمر و تتشكى ... يالله قوموا انزين ,.. بوقفلكم تكسي عود شوي ... ولا شورايكم انسير بالباص ... احلى .. في البلاد ماتسيرون بالباصات .. جربوا اشيا يديده
وقفوا في محطة الباص .. و وداهم تمثال الحريه .... نزلوا و تموا يتحوطون شوي ... وتصوروا كمن صوره وعقب ركبوا تاكسي و ساروا على الجسر ... كلهم انبهروا بالمنظر على الجسر .. والماي و الليتات ....
ساره : وااااااااااااااو ....... وايد حلو المنظر هني
فهد: هيه والله .. يجنن ...
غايه : ما اصدق .. هالمكان الي اشوفه في افلام هوليوود !!
سلطان : ابا انزل ...... يستوي ننزل ؟؟
سيف: لا شو تنزل .. ايلس مكانك .. ههههههههههه
فهد: هيه تراها الساعه قربت تستوي 7 .... ومستر جيمس قايل لازم نكون كلنا في الفندق على الساعة 9 ...... يواحلينا نوصل سيف ؟؟
سيف: هيه عادي .... بنوصل ان شاء الله ..... باجر عندكم رحلة شو ؟
طلعت ساره الورقه من شنطتها : باجر عندنا رحله الصبح و رحله العصر ...... اماكن شوي ممله .. الصبح بيودونا مبني الامم المتحده الي في نيويورك ... والعصر بنسير مكتبه اسمها Morgan Library
ضاجوو كلهم من الرحلات ...
سلطان : اخيييييييييييج .... مبني الامم المتحده اوكي .. لكن هالمكتبه احس مالها داعي ..
ساره: انا اشليي .... رمس الاساتذه ..
فهد: هالجدول من ادارة الجامعه .. الاساتذه مايخصهم ..
سيف: انزين ليش انتوا كارهين المكتبه ...... هالمكتبه مش مكتبه عاديه ...... مكتبه لكنها معلم تاريخي ..... بتدشونها .. ووايد بتعيبكم ..... تصميمها وايد وايد حلو ...... وخاصه انتو الاثنين يا طلاب الهندسه..
و أشر على فهد و سلطان .. فابتسموا ...
سيف كمل كلامه: يعني باجر هالرحلات والي عقبه بتلاقى وياكم ؟؟؟
سلطان: لا سيف ... باجر و ورا باجر عندنا رحلات منظمه .. اللي عقبه بنتلاقى وياك ان شاء الله ..
ساره: لااا لااااااااا ... تروم ورا باجر تمر علينا انا و العنود..
سلطان : لاا والله !! وشحقه بس انتو الهنتين !!
ساره: لأنه الرحله لمحطة اقمار صناعيه.... بتكون خاصه بالهندسه و الكومينكيشن ...... مايخص مال البزنس ..فيعني عادي احنا مانسير ..
سيف: حاظريييييييييييين ...
حسوا الباقين بغيره ..
فهد : انا ابا اسير بعد
سلطان: انا بعد
غايه: انا بعد ..
ساره: ههههههههههههههههههههههههههه والله غيارين ..... انتوا لازم تسيرون رحلة الجامعه.... هييييييييك قوانين اللعبيييييييييي ... هههههههههه
سلطان : سباله لا تغايظين ..... احنا الغلطانين يبنالكم سيف
سيف: ههههههههههه الله واكبر ....يبنالكم اياه اونه .... ايه انته انا بروحي ياي ..
سلطان: اسكت انته بعد ... ماتصدق
ساره: انزين انتوا شلكم ... هو بيوديني متاحف... من متى انتوا تدانون تسيرون هالاماكن..؟؟
سيف&فهد: هيه والله .. سيروا.. بنسير مال الاقمار الصناعيه احسن..
بعدها مروا على مطعم فاست فود قريب من الفندق ... تعشوا وصلوا الفندق الساعه 9 و شوي ....... سلموا على سيف و نزلوا .... وعلى طول على شباريهم ... من الصبح واعيين و وراهم نشه من وقت ...
-----
الزمان :اليوم الرابع
نشوا من الصبح و ساروا مبنى الامم المتحده .... خذوا وايد معلومات و دونوها في دفاترهم ..... لكن ماراموا يصورون لأنه التصوير كان ممنوع ..... فاكتفوا بالملاحظات الي خذوها ...... عقبها ودوهم مطعم عشان يتغدون و العصر ودوهم مكتبة مورغان ....... اكثر وحده استانست عليها هي ساره ... وايد عيبتها المقتنيات من كتب و لوحات فنية .... ساره عندها حس فني راقي ..... اما فهد و سلطان فاهتموا بالتصميم اكثر... كان تصميمه كله زخارف ... يعني تتخيل نفسك عايش في العصور الوسطى ......... العنود و غايه ما ابدوا أي اهتمام .. لأنهم مول مايحبون هالسوالف...
-----
الزمان: الساعه 10:30 صباحا, اليوم الخامس
المكان: محطة الاقمار الصناعية.
غايه: ماعليه فهد .. انته وسلطان سيروا ويا الشباب .. و انا بسير ويا ميرة والبنات ..
فهد: اوكي .... اذا احتجتي أي شي اتصلي ..
ميره بصوت مبين انه مرفع و بدلع : غاااااااااايه ... يالله تعالي البنات يتريووناااااا ...
غايه : انزييييين يايه ....... يالله باي شباب ...
وراحت ...
سلطان: يالغبي .. انا مارمست جدام اختك .. بس ساروه محفده علينا مانخليها بروحها ويا هالشله التعبانه
فهد: هيه والله .. والله نسيت ..!!! ازقرها ؟؟
سلطان: لا شو تزقرها الحين ... بتفشلها جدام البنات ..
فهد: ماعليه .. خلاف بحاول اتصرف ...
وعند البنات:
غايه: صدق احس ملل بدون ساره والعنود ..
ميره: افااا عليج يا غايه .. واحنا وين سرنا !؟
غايه: والنعم فيكن والله ... لكن تعرفين متعوده علي بنات عمي ...
عهود: ليش هن وين سارن ؟؟؟
ميره: اكيد راقدات في الفندق ..
غايه: لا وين !! من غبشه نشن و مر عليهن سيف .. قال بيحوطهن ..
ميره رفعت حاجبها: منو سيف ؟
غايه: هههه والله يالسه ارمسكم جنه ربعي من زمان ... هذا عمي سيف .... يدرس هنيه .. والحين فاظي فمتفيج لنا .... يطلعنا و جيه ..
ميره: هيه !! ماشاء الله وايد اهاليكم مهتمين فيكم ..
غايه: هيه الحمدلله .. تدرين اخواننا و اهلنا يعني بشكل عام من النوع الي يخاف علينا ... لكن الحمدلله واثقين منا لأبعد حد ......
ماردت ميره ... كانت سرحانه تفكر انه هم اهاليهم مخلينهم على راحتهم .. يسيرون ويردون وين مايبون ..... كانت ام ميره انسانه وايد مهمله لعيالها ... فاطلقت من ابوها ...... وعاشوا مع الابو ..... طبعا الابو تزوج مرة ثانيه و لهى مع حياته اليديده و خلى ميره و اختها حصه يسوون الي يبونه في حياتهم .. المال والحريه متوفرين و ماشي اهتمام او رقابه .... حست بحسد تجاه غايه و البنات ......... تمنت يكون لها اخو مثل سلطان او فهد ..... فهد .. لا .. تمنت يكون فهد اكثر عن اخ ....
غايه : ميره وين سرتي ..؟؟؟ ميره
ميره : كنتي تكلميني ..؟؟
غايه: هههههههههههه اللي ماخذ عقلج ..
ابتسمت ميره ابتسامة سخريه و قالت في خاطرها .... فديته الي ماخذ عقلي ..
ميره: أي ماخذ عقلي ياختي ...
غايه: انزين بنات تعالوا بنسير عند المس .. نبا تكتب الريبورت عن هالرحله .. انا ماكتبت الا 3 ملاحظات لين احينه ....
ميره: ههههههههه انتي ارتاحي .... عندج اخوج وولد عمج بيخلصونه و انقليه منهم ..
غايه : لا شوو ... هم بيكتبونه على اساس دروسهم و نظرياتهم في الهندسه .. واحنا غير نظرياتنا و سوالفنا مال الكوميونكيشن..
بعد نص ساعه نادى مستر زغلول جميع الطلاب و عرفهم على المشرف الي بيعرفهم على المحطه ...
فكلهم تيمعوا مكان واحد ... وتقرب فهد من اخته عشان يسحبها صوبهم ....
فهد: غايه مابتين ويانا ؟
غايه: ليش ؟ اشتقتلي ؟؟ هههههههه
فهد: لا .. ماشتقتلج بس بغيت تونسينا ....... ملل بدون ساروه و عندوه ..
غايه: لا والله .. هههههههه .. تدري توني اقول هالرمسه حق ميره ...
فهد: انزين تعالي ويانا ... عشان نكتب ريبورتات متكامله .. فيها من الهندسه و فيها من الكومينكيشن ..
غايه غمضت عين وحده و تطالع فوق بالعين الثانيه اونها تفكر : اوكي ... بستأذن من البنات الي ويايه و بييكم ..
و سارت قالت حق البنات انها بتسير ويا اخوها ..... .... بعد الجولة و تدوين الملاحظات والتصوير .. ودوهم مطعم عشان الغدا ......وبعدها ردوهم الفندق ..
في هذه الاثناء ساره و العنود وااايد مستانسين و مستمتعين بوقتهم مع سيف .. وايد ينكت ويسولف .... ويتمصخر عليهن لكن مايزعلن منه ... لأنهم يدرون انه يسولف ...وداهم متاحف وايده .... ووداهم محلات عشان يشترون تذكارات للرحله لهم و لربعهم في البلاد .. بعدين وداهم china town و اختاروا مطعم ,, وتغدوا .... بعدين ردهم الفندق ..
ساره: تعال انزين انزل ويانا ..
العنود: هيه سيف ... تعال بنستانس ..
سيف: اخاف هذا استاذكم يظربني .. ههههههههه
ساره: ههههههههه شو يظربك انته بعد .. عادي بنيلس في حجرتنا ..
سيف: شو نيلس في حجرتكم .. الدنيا سايبه ....
ساره: ليش يعني... مب عمنا ؟
سيف: امبلا عمكم .... لكن منو يدري بهالشي ...... يوم الشباب ولا البنات بيشوفوني داش غرفتكم شو بيقولون ..
ساره: هيه والله .. مانتبهت لهالشي .. !!
العنود: ولا انا .. انزين بنيلس تحت في الكوفي شوب الي عدال الفندق ..
ساره: هييه اللي تلاقينا فيه اول شي ..
سيف: اوكي انزين بس اتصلوا بالباقين عشان ايونا هناك ..
شلت ساره تلفونها و اتصلت بسلطان ... ولقتهم في الفندق فقالت لهم ايون الكوفي شوب ..
يلسوا على طاوله برع الكوفي شوب .... يعني مطله على الشارع... ساره و سيف طلبوا كوفي لاتيه .. اما غايه و سلطان والعنود فطلبوا تشيز كيك و كابتشينو .... و فهد اكتفى بقهوه امريكيه سودا ...
غايه تكلم ساره والعنود: صراحه .. والله افتقدناك ويانا اليوم ...
ساندوها سلطان و فهد بالراي : هيه والله ... مب شي الطلعه بدونكم ..
سيف : من قدكم !! مب حلوة الطلعه بدونكم ههههههههههه
ساره: هيه .. ترا ماتحس بيجمة الشي لين تفقده ..
العنود: فديتنا .. ههههههه
فهد: ترا ماتنعطون ويه .. ههههههههههههه
سلطان : بس صراحه ... فاتكم اليوم شي مهم
العنود&ساره: شووووووه هو !!
سلطان: ماشفتوا نظرات فلانه لفلان ...
كلهم انرسمت على ويوهم علامات استفهام ..
ساره: منو فلانه .. ومنو فلان ...
سلطان : هههههههههههههههههههه ....... فلان هذا ... (( ويأشر على راس فهد))
ساره: اهاااااااا ,, خلاص .. بس ..عرفت منو فلانه ..
غايه انقهرت من هالرمسه : شو هالكلام سلطان ... عيب عليك ..
فهد يقلد اخته: هيه سلطان .. عيب عليك .. هههههههه
غايه: بليز فهد .. عن الطنازه ... ومافي داعي ترمسون عن البنيه بهالطريقه .... مابدر منها الا كل خير ..
كان سيف جنه اطرش في الزفه .. مب فاهم السالفه .. لكنه فضل انه يسكت و يسأل بعدين ..
ساره شافت فهد : وانا شو قايلتلكم ؟؟
سلطان : انا قلتله والله ... لكن هو اونه نسى او اتناسى ..
غايه عصبت ووقفت : شوو بعد قايلتلهم من ورايه .... لا شكلكم وايد تبون تتحكمون انتوا .... مب معنى اني اصغر وحده انه يكون من حقكم تتحكمون في صداقاتي....... على العموم .. انا سايره الفندق .. تعبانه وفيه رقاد ... باي ..
شلت شنطتها و راحت قبل مايقدرون يقولوها أي شي ..
سيف: منو هالبنيه الي ماتبونها ترابعها ؟
ساره: بنات .. مش بنيه وحده ..
سيف: اها .... يعني انتوا خايفين عليها منهن ؟
ساره: بالظبط ..
ساد الصمت لأقل من دقيقه ..... عقبها قام فهد: انا بسير اشوفها ..حاس انها مب مقتعه في رمستنا
ساره: هيه فهد .. رمسها ... اكيد بتسمع منك ..
وراح فهد .. وتموا سلطان و سيف .. مع ساره و العنود ..
ساره: والله اليلسه وياك ماتنمل عمي ..لكن فيني رقاد ... ابا اسير ارتاح شوي ... تعرف اذا مارقدت يطلع لي سواد حوالين عيوني .... وما ابا هالشي يستوي .. ههههههه
سيف: هيه ... عاد انتي راس مالج هالعيون .....ههههههههه
ساره: شو قصدك ؟؟؟ اني خسفه ؟؟
رفع سيف ايدينه علامة استسلام : انا ماقلت شي .. ههههههه
ساره: يالله ماعليه .. هالمره سماح ...
و قامت هي و العنود و ردوا الفندق يريحون .....
زهرة_الآلام
25-04-05, 09:59 PM
اليوم الثاني قامت غايه اول وحده وبدلت لبسها بسرعه و اتصلت بسيف ... لنها ما كانت تبا تحتك في أي حد من الشله .. وحمدت ربها انه سيف موجود ولا كانت بتم بروحها ... كلمته و تلاقت وياه في الكافتيريا ..
سيف يعرك عيونه: قومتيييييييني من عز رقادي عشان تتريقين ويايه ؟! انا قلت شي مهم !!
غايه: يالله يا عمي ... مستخسر علي يلسه وريوق ........ وانا مابقى لي غيرك ؟!
سيف رفع حاجبه: مابقى غيري ؟؟ ليش وين سار اخوج و ولد عمج و بنات عمج!
بعدين كمل بسخريه: اووه ! لا لا .. قصدي وين سارن ميره و ربعها !؟!
نزلت راسها غايه: حتى انته يا عمي !!
سيف: شو حتى انا !! انا مايخصني في شي !!
غايه: اقص ايدي اذا ماخبروك واتشكولك !!
سيف: هههههههه .. قصي ايدج عيل .. هاذي السجين (( وناولها السكين الي جدامه))
غايه: عميييييييييييييي !!! انا ماتمصخر انزين .. انا وايد ضايجه.. ابا ارد الشارجه!
سيف: بتردين ان شاء الله .. ماباقي الا كمن يوم؟ على فكره انا ترا برد وياكم ...
غايه تأففت و وتمت تطالع الطاوله جدامها ..
سيف: وين رباعتج عيل ؟
غايه: اظن بعدهن راقدات .... قالت لي ميره بتطرش لي مسج اول ماينشون
سيف: ماشاء الله ..... وخبرتيها باللي صاير بينج وبين ساره والعنود؟
غايه تمت صاخه و هزت راسها بالنفي ...
سيف: انتي ادرى بمصلحتج .... وعادي تمي وياهن ... بس حاسبي .... لاتخلينهن يأثرون فيج .... اشكالهن وايد فري ..
غايه بضيج: ماعليه .....
رنت نغمة المسج في موبايل غايه .. كانت ميره تبلغها انهم بيتريونها في الكافتيريا... وبعدها بدقيقه دخلوا الثلاث بنات ..... كانن لابسات جينز برمودا و قميص صوف ... وقحفية صوف بدون سكارف .. و بوت طويل لين الركب ...
ابتسم سيف على صوب ورافع حاجب واحد : هذيلا هن ؟!
غايه افتشلت وقامت بتسيرلهن : هيه هذيلا .... يالله مشكور على الريوق عمي ..... باي
تم سيف يفكر في الموضوع ..... يمكن هن بس جيه في لبسهن .. لكن مؤدبات عشان جيه غايه حابه صحبتهم .... وهو يفكر و سرحان كيف يحل الموضوع اللي وكلوه عيال اخوانه فيه .... يا فهد و سلطان والبنات و يلسوا وياه ....
فهد: سلاااااااااااااام عليك ... وين سرحان !! لايكون تحب !! هههههههه
سلطان: يمكن يحب امريكيه هههههههههه
ساره: لا يمكن لبنانيه .. ههههههه
العنود: شوو خليتوه يحب هذيلا كلهن !! يمكن يحب اماراتيه ههههههه
هز سيف راسه : الله يعطيكم العقل ..!! شو انتوا دوم يوم تنشون الصبح جيه مب صاحيين ؟!
فهد: ههههههههههههههههه نسولف وياك ياخي ...
سلطان: هي ياخي ...
سيف:انزين ياخي ... ماتبون تتريقون ؟؟
ساره: اشوفك خونت فينا و تريقت قبلنا ياخي
العنود: شووووووووووووو كله ياخي ههههههههههههههههه
سيف: انتي اسكتي ياخي .. ههههههههههههههههههههه
وتموا يضحكون وايد .. حتى غايه شافتهم من بعيد على وحده من الطاولات .. وقالت في خاطرها ولا هامنهم شي !!
قاموا طلبولهم ريوق و هم رادين طاولتهم مروا على غايه و رباعتها بس سلموا و هم طايفين ...
هالشي حير غايه اكثر و اكثر ............ معقول خلاص مايهتمون !!
عقب الريوق ساروا كلهم و خذولهم عدة التزلج ... و كان في مدربين ..ساروا يطلبون منهم انهم يدربونهم ..
كان سيف يمشي حاله ... لكن الباقين مووووووووول مايعرفون حتى يمشون نص خطوة بالمزلاج !! و كل شوي يفقدون توازنهم و يطيحون .......
العنود:انا مليييييييييت .. اشكثر اندبغت .... اقولكم انا بيلس اصور ... مابا اتزلج ..
سارت و ردت اغراض التزلج .. ومسكت الكيمره و تمت تصور ربعها ..
يلسووا طوول اليوم يتدربون على التزلج ..... ركبو على منحدرات مش وايد عاليه .. و بعدين راحوا عند بحيره متجمده ... خذوا احذية التزلج و يلسوا يتزلجون .... ساره قطعتهم كلهم .. لأنها متعوده على التزلج في النادي من يوم كانت صغيره .. كانت تسوي حركات حلوة و تدور و تمشي على ورى .....
بعدين سارلها سلطان و مسك ايدها و يلسوا يتزلجون ويا بعض ... و عقب سووا قطار و استانسوا كلهم ... كل هذا و غايه وايد ضايجه ......... صح انها هي اللي اختارت ميره و عهود و حصه .. وفضلتهم على اهلها !! لكن متضايجه انهم ماسوولها سالفه ..... عقب ردت و قالت ليش مب انا اللي اخترت هالشي... وحاولت تسوي عمرها مب مهتمه مثلهم ... و انشغلت ويا البنات ..
-------
اليوم العاشر من الرحله .. قاموا كلهم و رتبوا أغراضهم , و ردوا نيويورك سيتي .. كان في شوية تأخير في محطة الهيلوكبتر بسبب الزحمة والناس ,.. و اتريوا ايي دورهم تقريبا ساعتين ......فوصلوا نيويورك الساعه 6 المغرب و الكل تعبان وهلكان ..... طبعا ماتعشوا ولا شي .. على طول رقاد ..
-----
المكان: مطعم الفندق
الزمان: الساعه 3:30 الظهر
سلطان و فهد ويا العنود و ساره يالسن يتغدون ..... وكانت غايه يالسه على طاولة ميره و ربعها .. تتريق وياهن و مول ولا كأنها يايه ويا حد .... خلت كلامها جدا سطحي مع اخوها والباقين ... بس المهم والمفيد ...
ساره وهي تشرب الشاي : تعرفون !! هالرحله كانت روعه والله ... لكن الله يسامحها غايه خربتها علينا والله !!
العنود: صدقج والله .. كانت الرحله بتكون بيرفكت لولا حركاتها !! ليت هالبنات ماين ويانا .. اخيييه والله كريهات !!
سلطان : بس حلوات هههه
فهد: حلهن حلول ...
سلطان: انته ماعندك الا هالجمله ههههههههههه
ساره: فهد .... اصلا هالعنز ميرووه عينها عليك من اول الرحله !!! من يوم كنا في مطار هيثرو ..!! و العنز الثانيه عهودووه حاطه عينها على سلطون اخويه ... وانا والعنود ملاحظين هالشي وساكتات .... لا بعد يوم شافوا سيف ماهدوه !!! ياكلونه بعيونهن !! بس زين انه سيف ماتعيبه هالاشكال !!
فهد: هههههههههه قوولي والله حاطه عينها علي ... والله مالاحظت
العنود: هههههههههههه .. والله لو تقولها مالاحظت بتيها جلطه .. كل هالنظرات و المياعه .. واخر شي الاخ مالاحظ !! هههههههههههه
ساره: اوه ... هكي غايوه قامت ......... يايه صوبنا .. شو تبا !!
فهد: مادري والله بس انتوا استوا طبيعيين بليز ... شرات ماقالنا سيف ...
غايه تقربت و سلمت .. لكنها مايلست .. تمت واقفه ..و وجهت كلامها لأخوها
غايه : فهد اباك شوي ..
فهد: هلا .. خير غايه ؟؟
غايه: تعال ويايه شوي...
قام فهد و سار وياها ... طلعوا من باب المطعم ووقفوا في الممر ...
غايه وهي منزله راسها : فهد ابا اطلع ويا قوم ميره
فهد رفع حاجبه : وين بيسيرون؟
غايه: مول
فهد : انزين احنا بنسير عقب شوي تعالي ويانا
غايه تمت صاخه و قالت بصوت واطي: ابا اسير وياهم
فهد فكر و اذكر رمسة عمه .... خلوها على راحتها و هي بترد بروحها
فهد: اوكي برايج .. بس طمنيني عليج ..
ابتسمت غايه : مشكوور فهد ..
وردوا كل واحد لطاولته ..
سلطان: شو بغت ؟
فهد سكت لأنه يدري انه البنات بيعصبن ان درن انه رخصها ....
ساره: فهد ... شو بلاها غايه ؟؟ تعبانه ؟؟ فيها شي ؟؟؟؟
فهد: لا .. بس كانت تبا تطلع ويا هاي ميروه و رباعتها
ساره و العنود بطلووا عيونهن : شووووووووووووووووه!!! لاتقول انك وافقت !!
فهد تم صاخ
ساره دقت بيدها على الطاوله : لا اله الا الللللللللللللللله !!
فهد: ماكنت ابا اشد عليها ...
ساره: وين بيسيرون
فهد: شوبنج مول
ساره: احنا سايرين احينه !! ليش ماتي ويانا !!
فهد هز راسه دلاله على السأم : خليها ساره ... بشوفها لين وين توصل ... بس صدق لو استوا شي والله لاقطعها !!
سكتوا كلهم وكملوا اكلهم .... و بعد شوي قاموا و ساروا السوق ...........
في الجهه الثانيه كانت غايه مستانسه ويا ميره و خواتها !! يلسوا يدورون نص ساعه في المول .... ماحد منهم اشترا شي ........
ميره: غايوه لاتشترين شي... عقب بتمين تشلين و بتتعبين
غايه : ليش عادي عندي
ميره: لا ترانا بنطلع .. وبتمين اتالين باكياسج
غايه مستغربه: نطلع ؟؟؟ نطلع وين !
ميره: اشوف الجو مايشجع هني .. ملل و ماشي حركه ... بنسير محل قريب ... هو كوفي شوب و فيه العاب .. بليارد و بولنج !! بنسير نتطمش..
غايه: انا ما احب العب هالالعاب .. خلونا هنيه .. مب احسن .. انا صراحه ماتشريت لين احين
ميره: ماعليه .. باقلنا باجر بعد قبل مانرد البلاد .. يالله قوموا
غايه: ممممممممممممم ميره خل نتم احسن ..... انا ماقلتلهم اني بطلع من المول ....
ميره: ههههههههه ... مب قايلتلهم شووو غايوه ... انتي عوده .. حرمه مب ياهل عشان حد يتحكم فيج!!
غايه انحرجت : مادري .. لازم اخبرهم ...
ميره: لا مب لازم .... تراها نفس المده الي بتيلسين فيها هنيه وهناك...
غايه حست بإحراج ... ماتحب حد يرص عليها في شي... فوافقت على مضض ...
اول مادخلو المكان اللي يبونه انصدمت غايه و على طول راودها شعور غريب بعدم راحه.. اول ماتدخل المحل تحصل كورنر في مجموعة طاولات .. عباره عن كافيه صغير .. او بالاحرى بار !! و بعدها مساحه في النص يلسه .. عباره عن قنفات .. كان المكان متروس شباب ....... و كل شله شباب وياهم بنات ... يعني ماشي بس بنات ياين رواحهم .. كان منظرهم شبهه ......بعدها تلقى صالة البليارد على اليسار و كان في 4 شباب و بنتين وياهم لابسات لبس فاضح ..... و على اليمين شوي جدام كانت صالة البولنج ... انصدت غايه من اللي تشوفه !! ماتوقعت في يوم من الايام ريولها تطيح مكان مثل هذا !!! مكان خايس .... تمنت لو فهد او ساره وياها عشان ينقذونها من هالموقف ... بس كيف الحين !! مب هي الي فضلت ميره عليهم!!؟؟!؟ يلست تلعن عمرها على الي سوته ........ لكنها حاولت ماتبين انها متوتره !!!
ميره: ها شو رايج في المكان!! اربش عن المول صح ؟؟!!.... قوموا بنسير نلعب بولنج ..
غايه: انا مااعرف العب هاللعبه ..
عهود : افا عليج ... بنعلمج .... ولا بنخلي حد يعلمج
ميره: هييه حد بيعلمج .. هههههههههههههه
غايه: حد ؟؟ حد مثل منوه !!؟؟
في هي اللحظة كان واحد سعودي طايف .. فنادته ميره : فييصل ..... افااا تطووف ولا تسلم ..
فيصل: اوووووووه ميره .. كيفك شو اخبارك ؟؟؟ عساكي مرتاحه ....
ميره: الحمدلل بخير و سهاله .. انته شحالك؟؟
فيصل: والله بخير دامك بخير ...... شلونكم بنات ...؟؟
عهود&حصه : الحمدلله بخير ..
كانت غايه مصدومه من الموقف ...و تمت صاخه
فيصل : من هااذي الحلوه ؟؟ (( وأشر على غايه ))
ميره: هاي ربيعتنا .... اسمها غايه ... غايه هذا فيصل ... صديق قديم ..
تمت غايه ساكته و ما ترد..
فيصل : شكلها البنت مستحيه مررره ..
ميره : هيه هي خجوله حليلها ...... المهم عن الكلام الزايد ... فيصل ترا غايه ماتعرف تلعب بولنج .. تباك تعلمها ...
غايه بطلت عيونها !!!!! شوو يعلمني !!!
غايه : شوو يعلمني .. لا لا انا ما احب البولنج ...
فيصل: اخيرا تكلمت !!! وش ذا الصوت الناعم ... حرام تحرمينا من سماعه ....
غايه تمت ساكته مب عارفه شو ترد !! معصبه و متفشله و مصدومه في نفس الوقت ..
ميره: تعالوا بناخذ جواتي .... و انته فيصل تريانا عشان تعلم ربيعتنا الصغيرونه اصول اللعبه ..
وساروا ييبون جواتي ...
غايه: ميره شو هالحركات ... مابا حد يعلمني انا !!
ميره : سيري لا !! والله ممتعه هاللعبه ..و فيصل الله يخليه مابيقصر .
غايه ماتبا تبين انها مستحيه او منحرجه عشان مايضحكن عليها: انزين ماعليه انتي علميني ..... مب لازم هذا السعودي يعلمني ..
ميره: انتي تراج هبله ....... هذا محترف ..... بيعلمج اللعبه على اصولها .. وجان تبين بنيبلج غيره .... تشوفين فيصل وين واقف ؟؟ (( تأشر عليه )) شوفي حذاله .. هذا اللي يرمسه .. هذا سعودي بعد واسمه تركي .... هذا بعد يلعب وايد اوكي .... و ماعليه لو انج ماتدانين السعوديين في 3 كويتيين دوم نشوفهم هنيه ... مادري اذا موجودين ولا لا (( وتتصدد تدور عليهم)) ...((بعدين صدت تسأل بنت خالتها)) عهود ... مالمحتي راشد و لا ناصر ؟؟؟
عهود: منو؟؟ الكويتيين ؟؟ لا شكلهم تأخروا الليله...
ردت ميره تكلم غايه: يمكن تشوفينهم عقب اذا يو ....... مممممم بعد منو لعيبه ..... في واحد من بوظبي اسمه سعيد .. بعد لعيب جان تبينه يعلمج ..
ميره مصدومه بالقو : مييييروووووووووه!!! شو سعيد و شو راشد و شوو كويتي و سعودي !!!! ميرووه مب انا الي ارابع والعب ويا شباب !!
ميره كأنها متوقعه رد غايه .. ردت ببرودة اعصاب : ماعليه بتتعودين...... هاه احين اللي موجودين بس فيصل السعودي و سعيد راعي بوظبي ... (( وغمزتلها)) ترا سعيد غاوي .. ههههههه
غايه موول مب عارفه كيف تتصرف سرحت تفكر في وضعها ..... دقيقه بس و تلفتت حوالينها... حصلت فيصل واقف حذالها و قال : تدورين على ايش ؟؟ ميره و خواتها راحوا يلعبون هناك ((وأشر عليهم))
كانوا واقفين يسولفون و يتضحكون مع مجموعة شباب .. مبين انهم خليجيين ....!!! حست غايه انها ضايعه ... تمنت انه الارض تبلعها ..... تمنت الوقت يرد ورا .. ماتبا وايد .. بس نص ساعه ... بس ساعه .. عشان ترفض انها تطلع من المول... وعشان ماتي هني . هالمكان الشنيع !!!
فيصل: غااايه .. وين رحتي ..... جبتلك الكوره عشان تتعلمي ..... والله راح اخليكي لعيبه .. (( ورفع لها ابهامه)) ...
تمت غايه ساكته .... تفكر تفر الكره في ويهه و تشرد .... بس تشرد تسير وين ..... ولا مره يت نيويورك .. ولا مره طلعت بروحها !!! حتى في الشارجه ما جد طلعت بروحها ...... كل مره ويا اخوها او ابوها و امها .. او بنات عمها !!!!! كيف بتدل الفندق ....
فيصل: شوووفي ...... هذي الكوره ... امسكيها باصابعك الثلاثه ... كذا ... ((وتقرب وايد منها )))
وفي هالاثناء كانوا الباقين مخلصين الشوبنج و شالين اكياسهم و مروحين الفندق ... قرروا انهم يتمشون لين الفندق .. واذا تعبوا بياخذون تاكسي .......
ساره و تحس انها بتطيح من التعب: ااااااااااااه !! تعبت .. أي يا ريوولي ..... والله هالجوتي بيقطع لي ريولي..
سلطان: تمرني تمرني ...... المشي وايد مفيد ترا و ينقص الوزن ..!!
ساره: منوووووو قال اني دبه عشان انقص وزني ...... ااااه والله ابا ايلس...
فهد : انا بعد تعبت الصراحه ..
العنود : انزين خل ندخل كوفي شوب نرتاح .... بعدها الساعه 6 .... قوموا يالله بندش أي كافيه !! بليز والله انا بعد حاسه اني مب رايمه اكمل .. وصبوعي بعد تقطعت من الاكياس ...
سلطان : ههههههههههههههههه .. دواكم والله !! حد قالكم تاخذون هالكثر اغراض ؟؟؟؟؟!!!
ساره: بس بس انزين .. الي يقول انتو ماخذتوا !!
سلطان: انا كيسين و فهود كيسين !!!! انتوا اللي كل وحده مادري كم كيس !!
فهد: انزين بس !!! هكووه كوفي شوب هناك ......... بندش بنرتاح شوي ... عقب بنطلع بناخذ تكسي و بنرد الفندق ....
وافقوا كلهم و اتجهوا للكوفي شوب .. اللي كان مكتوب عليه من برع انه بعد فيه بولنج و بليارد!! اول مادخلوا و شافوا الجو الخايس و البنات الي شبه مب لابسات شي ... بغوا يردون يطلعون .....
ساره: اخخخخخخخ شو هالمكان !!!! ماتنقيتوا الا هالمكان الخايس !!
فهد: واااع .. شو هالاشكال !!! صدق امريكا !!
سلطان : ههههههههههههه ... صدق انهم عايشين حياتهم !!!!!
العنود: عايشين حياتهم غلط هههههه .. مالت عليها من حياه خايسه ..
ساره: تدرين ... اول ماقلتي خايسه جان تطيح عيوني على وحده ذكرتني بميرووه !!
العنود: ميرووه ميرووه ؟؟؟هاذيج مال غايوه ؟؟
ساره: ما غيرها !!
العنود تتصدد : وين ؟!
ساره أشرت على البنيه ... وكلهم صدوا !!
العنود: هاي ميرووه مب وحده تشبهها!!
سلطان: هيه هاي الخسفه ...
فهد منصدم : شوووووو !!! ميرووه !!! اختي وياها كيف ودرتها في المول !
الكل انتبه انه صح !! كيف ميره .. و بعد حصه و عهود و ياها !!! وين غايه عيل .... فهد تخبل !! و يلس يطالع يمين و يسار يدور على اخته !! و فجأه يشوف غايه وفيصل السعودي لاصق فيها !! حس انه الدنيا اسودت في ويهه !! مايشوف جدامه الا فيصل و اخته !!
--------------------------------------------------------------------------------------------------------
ههههه عرفتوا ليش احبه...لحيد انا بعد تميت عللى اعصابي ^________^....
ترى اذا القصة مب عايبتنكم قولولي..عادي والله بوقف؟؟!لا تجاملووون! عادي مب انا اللي كاتبتنها لوول
و الله إذا وقفتيها بجيلك الإمارات و أزنطج
ليش توقفين شنو أنا مو عاجبتج
كملي و لا يهمج أفا عليج
يعطيج ألف عافيه
الــغ ــالي
26-04-05, 02:12 PM
كملي طرح بقيه الاجزاء يااخت الالام
هنا متابعين لتسلسل القصه الجميله
في انتظار البقيه
يعطيك العافيه
الغالي
زهرة_الآلام
26-04-05, 09:00 PM
هههههه :redface2 اسفييييييييييين يا نونوا ..والله كان لازم اطلع... و اهلن وسهلن بلمتابع الجديييد الغالي :clap ...
تفضلوا و اتمنى يعيبكم^_______ :) _____^>>>>>
الدنيا اسودت في ويهه !! مايشوف جدامه الا فيصل و اخته !! و ركض بسرعة صوبهم .... قبل ما أي حد يستوعب أي شي ...... مسك فيصل من مقدمة قميصه .. و عطاااه بووووكس على ويهه خلاه يطيح على الارض و هو متألم .... وسحبه فهد مره ثانيه من قميصه ورفعه من الارض اشوي..
فهد: يالحقيييييير!!!! واللـــــــــــــــــــــــه لأييب آخرتك يالجلب!!!
قبل ما أي حد يستوعب أي شي ...... مسك فيصل من مقدمة قميصه .. و عطاااه بووووكس على ويهه خلاه يطيح على الارض و هو متألم .... وسحبه فهد مره ثانيه من قميصه ورفعه من الارض اشوي..
فهد: يالحقيييييير!!!!
وعطاه بووكس ثاني على خشمه وطااح فيصل على الأرض من قوة الضربه!! فقد التوازن...
وبدا فهد يرفسه في بطنه رفسات متتاليه وفيصل يتألم من الضرب ويترجى فهد ويستسمح منه..بس فهد كان الموقف حارقنه وماكان يشوف شي جدامه الا صورة أخته غايه مع هالحقييييييير وهو لاصق فيها ويغازلها!!!
سلطان اللي تقرب منه عشان يمنعه من أي تصرف متهور !! يحاول يسحب فهد ويبعده قبل ما يجتل الريال من الضرب و غايه مسكت ويهها و تصيح: والللللللللله انا ماسويت شي!! والللللللله فهد والله مب انا اللي ييت هنيه !! انا قلتلهم ما ابا أي بس غصبوني! بس قبل ماتروم تبرر موقفها ياها كف محترم من اخوها اللي كان ممكن يسوي أي شي في هذي اللحظه !! عشان جيه مسكه سلطان و حاول يهديه ...
فهد يزاعج و هو معصب: شلوووووووووها من جدامي !!!! والله بجتلها !!!!
غايه تصيح وتصيح ........ بسرعة تقربن منها العنود و ساره و و خذوها عشان يطلعونها برع هالمكان ... اما سلطان فسحب فهد عشان يطلعون .. !!
فهد: اصبر !! انا ما خلصت شغلي ...........
وتصدد حوالينه ... توه ينتبه انه سوى فضيحه و الناس كلهم يطالعون و يتفرجون ..
فهد بصوت عالي : WHAT THE HELL U ARE LOOKKING AT !!!!!!!!!!
و ساار على طول صوب ميره و خواتها .... سلطان حس انه بيسوي مصيبه عشان جيه لحقه عشان يمنعه عن أي شي غلط .....
وقف جدامهن و رمس بصوت عالي وكان الكلام موجه بالتحديد لميره : شوووووفي !! احنا ناس محترمين !! عيال عرب و عارفين ربنا !!!!! مب مهيتين و لوووث نسير ونرد بدون رقيب و لا حسيب !!
ميره تحاول الدفاع عن نفسها : اسمع اخوي .......
فهد قاطعها: اخووج في عيييينج !!!! تخسين اكون اخوج ..... ما اخاوي شرات هالاشكال انا !!!
واطالعها من فوق لين تحت وكمل رمسته: شووفي انتي و هذيلا اللي وياج .. والله العظيم حلفت برب العالمين ... لو شفتج تقربتي من اختي ولا قلتيلها كلمه وحده و الله العظيم ماتشوفين خير في حياتج ..... بفضحج فظيحه و بوديج في ستين داهيه !!! تفووووو عليج و على امثالج ...(( وصد صوب ولد عمه)) سلطان قوم بنطلع ..
و طلع برع ... و سلطان لحقه لكنه سمع صوت يناديه .. التفت و شاف حصه اللي كانت تزقره فأشر على نفسه يسألها : تزقريني ؟؟
حصه : هيه بس ابا اقولك كلمه وحده ..
سطان عقد حواجبه : شوو بعد !!!!
حصه تقربت منه عشان ترمسه : بس بغيت اقولك انه غايه ماسوت شي غلط !! و فهد ظلمها باللي سواه بها !! لأنه كل هذا من تخطيط ميره اختي ... تبا تورطها وياها في هالسوالف مثل ما يرتنا انا و عهود وياها من قبل ........... قول حق فهد انه غايه مايخصها في شي ولا سوت شي موول ...... هذا كان مدبر .. ميره اللي خلت فيصل يتقرب من غايه ........... لأنها معجبه في فهد و تخطط انها تكسبه من خلال اخته !! ادري انه اللي سوته حقير و بغيض !! بليز خبر فهد انه غايه مالها خص الله يخليك .
سلطان حاس بوزه و هز راسه : ادري انه بنت عمي ماتسوي هالسوالف ...... غايه بنت عرب و قبايل !! و بنات العرب مايسون هالسوايا !!
عهود ردت بحزن و هي منزلة راسها: على فكره .. ترانا احنا بعد بنات عرب ... لكن الاخلاق مب عند العرب بس ... الاخلاق بالتربية .... واحمدوا الله انكم حصلتوا تربيه زينه ..
سلطان لمس الحزن في صوتها و غمضته .. قال في خاطره هيه والله .... اكيد هم ماعندهم حد يهتم فيهم و يوجههم للصح .... رد بسرعه و هو يلحق ولد عمه : الحمدلله على كل حال .. عالعموم شكرا على التوضيح .... باي
في الفندق كانت غايه طايحه على الشبريه و متلحفه باللحاف لين راسها و تصيح و تصيح ... وساره و العنود يحاولون يهدونها !! ومب رايمين يسكتونها ...
غايه تتكلم و مب رايمه ترمس و تناشغ : كييف تبوني اهدى !!! هاي اول مره حد يمد ايده عليه !!! ولامره حد ظربني ..!! واخرتها في مكان عام انظرب !!! حرام واللله فهد لازم كان يسمع دفاعي عن نفسي .... والله انا ماسويت شي ... هالكلبه الحقيره اللي ماتتسمى يرتني وراها !!
ساره يايه بتبطل حلجها عشان تقول تستاهلين .. لكنها صكته قبل ماتطلع الكلمه ... لنها ماتبا تزيد على بنت عمها اللي هي فيه لكنها تكلمت ..
ساره: غايه حبيبتي .. والله انه فهد خايف عليج ... ولو هو مب خايف عليج جان ماسوى اللي سواه ,, و جان خلاج تسوين اللي تسوينه !! تراج تشوفين هذيلا اللوث اللي رابعتيهن ....ماوراهن حد يحاسبهن ... عشان جيه ضايعات ... ويضيعن بنات الناس وياهن ..
نوك نوك نوك ... سمعوا الباب يدق ....
العنود: منوووه؟؟؟
سلطان من ورا الباب: انا سلطان ... افتحي ..
حطت السكارف على راسها و سارت تبطل الباب ... كلمها سلطان من عند الباب
سلطان: شو حالها ؟
العنود: والله وايد تصيح .. مب رايمين نهديها ...
سلطان: والله هي اللي جنت على عمرها !
العنود: حليلها والله ..... كانت ضحيه لبنات مايخافن ربهن .. شو عن فهد ؟؟
سلطان: فهد معصب وايد ...... مب رايمين نرمسه ... يفاتن على أي كلمه ..
العنود: لاحول ولا قوة الا بالله ....
سلطان: عالعموم انا ييت اخبركم اني اتصلت بسيف .. و قلت له ايي يتولى الموضوع .. لأنه هالموضوع اكبر مني و منج و منا كلنا !!! مممممم انا خذت تصريح من المشرفين .. و اتأكدوا انه سيف عم غايه و عادي يدش غرفتها .... فيوم بيوصل انتو خلوها بروحها وياه !! انزين ؟
العنود: والله زين سويت اتصلت به ... احس الليله مابتعدي .... اتمنى انه نوصل الشارجه على خير ...
سلطان: ماعليه بنوصل ان شاء الله .. بنزل اخبره عشان ايي ... يالله باي ..
و راح ...... بعد شوي دق الباب .. كان سيف ياي
سيف: السلام عليكم .... شحالكم ؟؟
العنود & ساره : الحمدلله .. شحالك انته ؟
سيف: بخير الحمدلله .. شحالها غايه ؟
ساره: والله مادري شاقولك ......... دش انته شوفها ... احنا بننزل الكافيه اللي تحت بنتريا.. طمننا بليز .. وشوي شوي عليها ...
سيف: افا عليج ساره ... ماعليج .. اطمني .. بتيج اخبار تسرج ان شاء الله ..
تم سيف بروحه ويا غايه .. اللي كانت ميته من الخوف انه عمها ايي يظربها بعد ... كانت مشاعرها مختلطه بين الخوف من الظرب .. والخوف من الفضيحه ... و بشعور الذل اللي عاشته اليوم ...
كان سيف من النوع الحنون .... من يوم كان صغير كان مهتم بعيال اخوانه .. لأنه كان اكبر منهم بشوي فهو اللي كان يعتني بهم في أي مكان يسيروله .. و بالرغم من الفارق العمري البسيط بينهم 4 او 5 سنوات .. لكن اخوانه الكبار كانوا وايد يثقون فيه ... و بعد عيال اخوانه كانوا يثقون بآرائه و قراراته في كل شي .. و مع انه وايد مرح و خريش و يحب المقالب .. لكن وقت الجد يعرف يتصرف و يمسك زمام الامور ...
يا سيف و يلس عدالها و حط ايده على جتفها ..
سيف: شحالج حبوبتي ؟
غايه ماردت لانها مفتشله موت من عمها ...
سيف: غايه ... قومي اغسلي ويهج .. و تعالي ابا ارمس وياج ..
يلست غايه و استندت على السرير وراها ووضمت ريلها لجسمها و نزلت ويهها على ركبتها و ردت دموعها تنزل بدون توقف ...
غايه : عمي انته ماتدري شو اللي صار .. والله اني مظلومه والله ....أناااا...أأأناااا..........
سيف: لا يا غايه ... انا بلغني كل اللي صار ... وكنت على علم بكل شي اول بأول ....
غايه : صدق؟؟؟؟؟؟؟؟؟؟؟
سيف: هيه صدق ....اعرف كل شي .....
نزلت راسها ومارامت ترفعه من الفشله ...
سيف: ارفعي راسج غايه و شوفيني .. حطي عينج بعيني و جاوبيني بصراحه على اللي اسألج عنه ..... شو رايج باللي صار ؟
غايه: انا قلت لك شو رايي ... انا مظلومه والله ............... هالسعودي هو اللي تم يتلزق فيني ... من بعد ماهذيج الخايسه اللي ما ابا اطري اسمها دزته علي .. والله ياعمي ماكنت ابا ادش هالمكان ولا طلبت منهم يعلموني...ماعطوني فرصه اتكلم!! والله ماعطوني فرصه عمي!!
سيف: احينه خايسه ؟؟؟ البارحه تتمدحين فيها و تدافعين عنها !
غايه: لاتذكرني عمي ... والله اني كل ما اذكر اتفشل...كيف وثقت فيهن!! كيف كنت مصدقه انهن محترمات وأخلاقهن زينه!!! كيف جذبتكم كلكم ووثقت فيهن!! .... آآآآآآآآه يا عمي ...( نزلت راسها ويودت راسها) قول لي احينه كيف بجابل اللي ويانا في الرحله ... كيف يوم بنرد البلاد و بنداوم .... الشباب اكيد بيرمسون و البنات بعد ... فهد هزأ ميرووه !! تستاهل الكلبه !!!!! عمي .. انا مابا ارد الجامعه .... بطلع .. بحول .. بيلس في البيت بس ما اقدر اجابل الناس عقب اللي صار ..!!!
سيف: انزين لاتصيحين بسج صياح ........ اقولج .. قومي اغسلي ويهج و قولي لا اله الله .. وان شاء الله بيصير كل خير ..
قالت غايه ان شاء الله .. و قامت تغسل ويهها ...و يوم ردت كانت تنشف ويهها بفوده صغيره و حطتها على الكرسي و يلست .... يا سيف و يلس وياها ..
سيف: شوفي غايه ... بالنسبه للفضيحه .. ترا ماصار شي ان شاء الله ...... فهد مب معصب .... ييت و رمسته و وايد هدا عن قبل ........ وعادي لاتقولين مابكمل و مادري شو لانه هذا مستقبلج ولاتدمرينه بديج ...وبعدين ماكان في حد من طلبة الجامعه اللي وياكم في هاك المكان اللي صارت فيه السالف .. مجرد هالبنات رباعتج !!
غايه : ربع بهم يني ان شاء الله .. لاتقول رباعتج عمي ..
سيف: ههههههههههه ... والله ضحكتيني .... ذكرتيني بابوج .... نفس الاسلوب ...
غايه مابتسمت و تمت منزله راسها ....
سيف: انزين اسمعي غايه .... هذا بيكون درس لج ..... الانسان طول عمره يغلط و يتعلم من اغلاطه ... ولو تم الانسان بدون تجارب مابيتعلم شي ...... انتي تعلمتي انه لازم الواحد يختار اصدقائه بعنايه ..... يختار الصاحب الخلوق المؤدب .... اللي سمعته طيبه بين الناس ... الناس توزن بعضها بأصحابها...والشخص يختار الصاحب اللي يرفعه اكثر واكثر .. مب اللي ينزله وياه للحضيض ..
غايه تمت حاطه ايديها في حضنها و منزله راسها تطالعهن ..والدمعه في عيونها
سيف: يا غايه الناس يوم تتنشد عن واحد .... يتنشدون عن ربعه !! اذا كانوا صالحين فهو صالح .. وان كانوا مب زينين .. فهو بعد مب زين .... (سكت...وشبك اصابعه جدامه ونزل راسه..ورد يكمل ) ... أنا ادري اني ابتعدت عنكم فتره طويله وعلاقتي فيكم يمكن مب قويه مثل قبل..ولها السبب مب عارف كيف ابدا معاج...
(رفع راسه وأطالعها في عيونها) كل اللي أقدر أعطيج اياه مجموعة دروب وانتي الحكم يا غايه...انتي اللي بيدج تختارين الدرب اللي يرضي ضميرج.....سمعي ....وأفهمي...وبعدين أختاري اللي يريحج...
بديت الشعر وبالمنطوق قلته .. واسمّع به امام السامعينا
سلامي لكم وبالاحسان خذته... بورد وفل وريح الياسمينا
دروب الخير في عمري سلكته .. وكفانا الله شر المبتلينا
انا المسلم كتابي قد سمعته .. وهديي في البشرمحمد نبينا
وخويي ان بغيت ف يوم شرته .. انا وياه ف الدنيا اجمعينا
صديقٍ وافيٍ ذا اليوم نلته .. ولا عشره اذا من الظالمينا
شهم وافي وضرغامٍ بصرته.. يلبّي لك في اوقات المحينا
اشاكي واشتكي همٍّ وصفته .. وهو زلّه وهو غصبٍ علينا
ضميت ومن السراب اربع شربته .. ضماي اشبه ضما صحرا سينا
ابكتب وعاجز الحرف ان كتبته .. وكم حرفٍ خطانا وناسيينا
واذا شفت اللئيم ادري عرفته .. نذل مسود وجهه من الجبينا
يحب الشر يقول للخير عفته .. يخرّب عقل اذا عقلٍ رزينا
دواه بسيف في عنقه ضربته .. وفي نارٍ جهنم هالكينا
فيا مسلم ابا نصح من نصحته .. وابا تختار من بين الثنينا
ابا تختار شخصٍ بك رفعته .. وبين اللي يردك سافلينا
وانت اللي مخير من صحبته .. وانا اخترت والله المعينا
غايه من سمعت القصيده منوو يسكتها ... ماقدرت توقف دموعها .... على طول سارت عند عمها و حضنته و تمت تصيح على صدره .... (( انا اسفه عمي .. سامحني .. والله اني غلطانه ))
مسح على شعرها : مب انا اللي اسامحج حبوبتي ... استسمحي من اخوج و ولد عمج و خواتج ... ترا هم اللي غلطتي في حقهم و فضلتي ناس مايسوون عليهم ....
رد لوى عليها وحضنها قووو: كنت حاس انج بتتخذين الدرب اللي يناسب التربيه اللي تربيتي عليها...تذكري انه ساروه والعنود خواتج...والخوات عمرهن مابيتمنن الشر لأختهن..وهن الود ودهن يشلونج على كفوف الراحه ويحمونج من كل صوب...لكن سنة الحياة تلزم الانسان انه يمر في هالتجارب ولا كيف بيتعلم ياغايه...
تم سيف مع غايه في الحجره يهديها..وماطلع الا عقب ماتأكد انها هدت...انسحب من غرفتها وسار يطمن فهد وسلطان عن حالها...
---------
المكان: غرفة سلطان وفهد
الزمان: 9:30 فالليل
نوك نوك نوك
سلطان نش يشوف منو عند الباب...وكان حاس انه هذا عمه سيف ياي ويايب وياه أخبار عن غايه..فتحه الباب ودش سيف..
سيف: السلام عليكم..
سلطان: عليكم السلام هلا سيف..
سيف: وينه فهد..؟
سلطان: يالس يجلب في القنوات ومب حاس بعمره...أرمسه وهو مطنش ومايرد عليه.
سيف: اهااا...انا بسير برمسه ...وانته بعد تعال ويايه..
سلطان: ان شاءالله..
دشو على فهد...وحاله مثل ماهو، يالس يجلب في القنوات وسرحان في عالم ثاني..والعبوس بويهه ومبين انه يفكر بأشياء سوده....خذ نفس سيف ودق الطاوله..
سيف: هوووود
فهد: هلا ... هلا عمي...هدا ...تفضل استريح
سيف: دام فضلك...شو تطالع..؟
فهد: والله ماشي..يالس اجلب في القنوات مب عايبني شي..
سيف:اهاااا ...(وصد صوب سلطان)...اونه مسوي عمره منتبه حق التلفزيون ويعرف شو يطالع من الصبح
سلطان: ههههههههههه...لواته تراااا
فهد مطنش وماعلق على الموضوع..نش سيف ويلس عند فهد وحط ايده على جتف فهد...
سيف: يابوي هونها و تهون...احمد ربك انها يت على جي مب اكثر...
فهد : وشو بعد اكثر عن جي!!!! مهونين السالفه واااااايد !!
سلطان: لا ياخوك....لا مهونينها ولا شياته!! بس السالفه عدت على خير..واحمد ربك اختك موجوده بيننا الحين وتحت نظرنا..
فهد: قصوووووورها بعد تسيرمكان!!! حراااااام لا اقطعها تقطيع!!!
سيف: اذكر الله يا فهد!!! اذكر الله!
فهد: اووووووووووف!!! لا اله الا الله...
سيف: فهد...هاي صغيره..والبنت اغترت فيهن وهي مارابعتهن الا لانها كانت حاطه في بالها انه مايعيبعن شي وانهن زينات....لكن الحمدالله انه ربك كشفهن على حقيقتهن قبل لايسحبونها اكثر عن جي!
فهد: صغيره!!!!!!!!!!! لا ياعمي...محد صغير على هالسوالف!!!! حتى الصغير يعرف الصح من الغلط!!!
سيف: ماقلنا شي، لكن البنت ماشافت مساوءهن...ودوم الصديج الشين مايظهر عمره من اول مره لازم يتحايل لين يتمكن.....والحمدالله انه غايه انسانه فاهمه..ومن نفسها عرفت حقيقتهن....والانسان يا فهد مايتعلم من دنياه لين ينقرص...وهي تعلمت درس مابتنساه طوول حياتها..
نزل راسه فهد وملامح ويهه بدت اتلين اشوي: سيف كل ما اذكر الموقف اللي شفته احس بطعنه اهني (ويأشر على قلبه) والله اهني يا سيف...ودمعت اعيونه
سيف: فهد....والله اللي يعورك تراه يعورنا كلنا....والموقف هذا لاهو سهل عليك ولا عليها ولا علينا كلنا...لكن شي صار وانتهى..والواحد اذا بيتم يفكر في الماضي عمره مابيتجدم، والحياه تجارب ودروس..وهذا أول درس لها..خاضت تجربتها بروحها بدون شريك..وتعلمت من هالموقف بروحها..
فهد....اختك مالها غنى عنك، هي الحين محتاجتلك اكثر عن قبل، لاتتخلى عنها في الوقت، لانها بأشد الحاجه لك...ولخواتها..
هز راسه فهد وحاس انه العبره خانقتنه...يا سلطان يلس على طرف الكرسي عدال فهد ومسك ايده...
سلطان: هي محتاجتلنا ونحن محتاجيلها... كل اللي نباه منك الحين انك تنسى اللي صار...أو على الأقل تتناساه لفتره...ترا انتوا مالكم غنى عن بعض وكل واحد فيكم يكمل الثاني...
تموا يسولفون وياه لين اقتنع انه يحاول انه يكون طبيعي مع اخته...ويحاول ينسى اللي صار ويفتح صفحه يديده...ويحاول انه يشل الحواجز اللي حاطنها في قلبه...لانه مهما صار بتم أخته..ومحد معصوم من الغلط...اهم شي انها عرفت غلطتها...وعرفت انه أخوها وعيال عمها مايبوم الا مصلحتها..
المكان: غرفة البنات
الزمان: 8:30 المسا
تمت غايه طول اليوم في الغرفه ماطلعت مووول..ساروه والعنود كانوا ايوون بين فتره وفتره يوايجون عليها...ويشوفونها متلحفه ومغطيه ويهها من فتره طويله...مابغوا يزعجونها بس المشكله انها تمت فتره طويله على هالحال...والوقت تأخر وهن يواعى و يدروبها ماكلت شي من الظهر وحرام ترقد بيوعها..
تجدمت ساره من شبرية غايه وحاولت اتوعيها بس العنود اشرتلها انه اتخليها راقده..بس ساره اصرت انها توعي غايه...حرام مب ماكله شي وحالتها تكسر الخاطر..حتى لو مالها نفس تاكل على الاقل تكون ويانا...عشان تطلع من الجو الكئيب هذا!!
ساره هزت غايه: غايوووه...؟؟؟ غااااايه؟؟؟ فديتج قومي بنسير ناكل
غايه واعيه وعيونها تدمع مب قادره تنطق بحرف واحد!! معقول عقب ها كله يون ويكلموني!! ياااااااااا اللـــــه!!! كيف سويت فيهن جي!!! عضت الشرشف عشان تكتم شهقتها..
ساره ما استسلمت: غاااااايه..؟؟ قومي بنسير نتعشى...انتي مب ماكله شي موول!
غايه: مب يوعانه
ساره: بسسسسسسسسس...............
العنود سحبت ساره عشان ماتحن عليها اكثر من جي...الظاهر انه غايه بعدها متكدره وماتبى ترمس حد...
طلعن من الغرفه وفي نفس الوقت شافوا الشباب (سيف وسلطان وفهد) طالعين من غرفهم بينزلون يتعشون بعد... نزلوا كلهم وساروا المطعم عشان يتعشون..أول ماوصلوا المطعم شافوا شلة ميره...بس ميره مب وياهم.. فهد صد بسرعه صوب ساره وساره نفس الشي...كأنهم حسوا انه ميره فوق عند غايه!! بس سلطان يود يد فهد وقاله انه مافي داعي يحاتي وايد...البنت شكلها مفتشله عشان جي مانزلت...خذ فهد نفس عميق ويلس على أقرب طاوله ويوا يلسوا كلهم عداله وتعشوا...
عقب ماتعشوا...نشن البنات وزهبن صحن حق غايه لانه يدروبها بتنش آخر الليل يوعانه ومابتحصل شي تاكله..دفعن الحساب وتجدمن قبل الشباب وسارن غرفتهن، والشباب عقب 10 دقايق نشوا وساروا صوب الكوفي شوب ..دخلوا و يلسوا..
سيف: ااااااااااااح ... اسميني كلت من الخاطر!! ايي بطني يعورني
سلطان: محد قالك تاكل هالكثر!! شو كالفنك ههههههههههه
فهد: عليك بالعافيه عمي
سيف: ياويلي انا على المحترم...هاك اليوم تزجرني سواااااااف واليوم عمي...سوالف انته هههههههههه
سلطان: هيه تعالوا.... توني لاحظت ههههههههههههههههه
فهد صد الصوب الثاني ولبسهم..
سيف: الساعه كم الحين؟؟
سلطان: حدود 10:30 ...
سيف: والله ؟؟؟ ياااااااااااا اللــــه!! ملل
سلطان: هيه والله صدقت...حتى الكوفي ممل ...ماشي بنات هههههههههههههه
فهد اخيرا نطق: بس؟؟؟ هاللي فالح فيه؟؟ بنات؟
سلطان وسيف نقعوا من الضحك عليه: ههههههههههههههههههههههاااااااااااااااااي
سيف: الله يقطع شرك!! والله ضحكتني ..مساعه نرمسه مب مسولنا سالفه والحين من سمع طاري البنت نطق هههههههههههههههههه
سلطان: هيه والله الواحد ماييسر يقول شي جدامه هههههههه
فهد: عيل لاترمس مره ثانيه جدامي
سيف: حووو .. حوووه ... ايييييييه انته! بس غير هالموود شو هالحاله!
خذ نفس فهد وصد الصوب الثاني وكمل الكوفي اللي يشربه...تموا 3 دقايق ساكتين ومحد متجرأ يرمس ويقول شي....أو بالأصح مايعرفون شو يقولون...وفجأه !!!! نش سيف من مكانه ودز الكرسي
سيف: أووووووووووووووووووووووووووووووووووووووووه!!!!!!
وطلع بسرعه من الكوفي شوب وظهر من الفندق...الكل استغرب من حركة سيف!! وفهد كان متلوم واااااايد...ويعاتب نفسه يقول ليش جي قلت!! زعل سيف وظهر وهو متضايق!!! اووووووووف شو سويت !!!
فجأه رد سيف وهو يبتسم...وبتسامته شاقه البووووووز!! وخاش وراه شي...استغربوا شو بلاه!! توه ظهر وشكله متظايق ورد الحين يبتسم!! شو السالفه..
سيف: نياهاهاهااااااااااااااااااااااااااااااااي....خمنوا شو يبت ويايه؟؟؟
سلطان: ممممممممم سلاح؟
سيف: سلااح قاال !!! خبله انته .. ههههه والله انا الغلطان لاني ماخصصت السؤال لمنو ههههههههههه...
سلطان: هههههههههههههه..انزين فرصه ثانيه دخيلك؟؟
سيف: لا لا راحت عليك... فهد دورك... شو داس ورايه؟؟
فهد يتأمل في ويه سيف: مممممممممم ... يمكن تذاكر مباراه ؟!
سلطان: اتصدقون....والله انا التيس لاني سألت ناس حمير مثلكم هههههههههههههههه
سلطان وفهد: هههههههههههههههههههههههه
سلطان: انزين ترانا نخمن مب سحار نحن! شو عندك... خبرنا
طلع سيف اللي داسنه ورا ظهره ويلس يهزه جدامهم
part 11
طلع سيف اللي خاشنه ورا ظهره ويلس يهزه جدامهم
سيف: ترااااااااااااااااااا تااااااااااااااااااااااااااااا .....مونوبولي
نقزوا الشباب من على الكراسي ويحاولون يسحبون اللعبه من ايد سيف...
سيف: دفعوا الحساب ولحقوني فوووووووووووق ...شي يلسه فوق جدا غرفكم....بنلعب اهناك... يالله اتبعوني...وركض
والشباب بسرعه دفعوا الحساب ولحقوه....دش سيف اللفت ويا بيصكه قبل لايون الشباب عشان يسبقهم فوق لكن فهد دز بعمره وخش عمره غصب عقب ما أنصك باب اللفت على جتفه ودش عقبه سلطان و تموا يضحكون على أشكالهم وهم يلحقون سيف...
أول ما وصلوا الصاله...انسدحوا ثلاثتهم و فتحوا اللعبه
سيف: الجووووووووووووووووتي محجووووووووز!!!
فهد: انا ابا الكوايه!!
سلطان: لا لا دخيلك انا ابا الجوتي!! اتفائل به وااااايد والله ههههههههههههه
سيف: يالله منااااك مناااااااك...
فهد: خذ السفينه ...انا مجربنها حظها اوكي يا ريااال
سلطان: ماشي ابا الجووووووتي... سيف دخيلك عطني اياه بليييز بلييز
سيف: يالله اجلب ويهك... ها الجوتي ويايه من 15 سنه وانته الحين ياي اتشله عني بكل بساطه!!! والله لو تعطيني مليووووون ما ببيعه
سلطان: خيييييييييبه ثرك شيبه سواف...ابرايك...خل الجوتي ينفعك عيل ...انا باخذ السفينه...السفينه عمرها ماتغرق وبتشوف منو اللي بيفووووووز .. هييييييييييلي يا مااااااااااااال ...
بدا اللعب...وبدا الحماس...الشباب بادين اللعب بحماس، كل واحد فيهم يراوي عضلاته مسوي عمره زعيم اللعبه، أول دور غلبهم سيف ومن طوف البدايه قام يشتري أراضي...وبعده فهد والاخير سلطان..
فهد: راعي السفينه.... أووووووووو يا ماااااااااااااال ... ههههههههههههههههههههااااااااااااي
نقع من الضحك سيف، وسلطان مغيض عليهم لانهم بدوا يطيحون على أراضي استراتيجيه وهو من بدا اللعب مايطيح الا على محطات..
سلطان: ابراااااااااايه !! عيبواا عيبوا!!! ترا العيب بلا!!!
فهد وسيف مب قادرين ايودون عمارهم...شكله سلطان وهو معصب يجتل من الضحك، كل ما يشوفون ويهه يضحكون زياده وهاكي يتحرطم...
من جهه ثانيه... البنات في الغرفه مب عارفين كيف يتصرفون ويا غايه...يبونها تسولف وياهن بس ماشي..مازالت على نفس الحال..متلحفه وساكته...مايندرى راقده ولا تمثل..
ساره: ماكلت شي...الاكل برد...بسير انش اوعيها
العنود: يلسي انتي... انا بسير
سارت العنود صوب غايه...ويلست على طرف شبرييتها.. وزجرت عليها
العنود: غااااااااايه...غاااااااااايه...قومي فديتج...قومي كلي لج لقمه..
غايه: مب يوعانه
العنود: كيف مب يوعانه وانتي من الظهر على لحم بطنج..!! قومي الغاليه...قومي كلي
غايه: صدقيني مب يوعانه
العنود: انزين برايه...عن خاطري كلي...يالله ...قومي...كلي بلييييز
غايه نشت ويلست على الشبريه ويابت العنود الصحن جدامها وفرشت الكلينكس عشان ماتتوصخ..
من شلت العنود الغطا عن الاكل...سمعت صووووووت بطن غايه ((اييييييييييووووواي )) ضحكن ثنتيناتهن...
العنود: ياااااااااااالله...زين مارفعوا عليج قضيه...ضرابه مستويع في بطنج هههههههههههه
غايه ابتسمت وردتلها العنود الابتسامه ويلست تلقمها وتدلعها....لين حست انها قدرت تظهر غايه من الحزن اللي هي فيه...
دشت ساره وشافت الموقف جدامها حست بغبنه...فديتج غايووووووووه والله مانستغنى عنج يالغاليه!
يت ساره ويلست حذالهن...
ساروه: اقووووووووووول...(وتطالع غايه) هالسيلانيه بكم مأجرتنها ههههههههههه
ضحكت غايه و نشت العنود وكفخت ساروووووه على راسها..وتمن يتضاربن و غايه تحايز من بينهن...وهن يضحكن على عمارهن..
نشت غايه تغسلت ويلست ويا خواتها يطالعن التلفزيون...تموا فتره يطالعون الفلم وفجأه قالت ساره: اقووول؟؟؟ وين هالشباب؟ انا من عقب العشا ماشفتهم!!
العنود: ما ادري...اتصلي غرفتهم..
نشت ساره واتصلت الغرفه بس محد رد عليها...اتصلت على تلفون سلطان بعد ما رد عليها...
ساره: محد يرد!!!
العنود: يمكن يتسبح....اتصلي في عمج...
اتصلت ساره في عمها سيف...رن كم من رنه وماشي رد...توها يايه بتبند رد سيف...
سيف: مرحبا والله
(سلطان وفهد يتناجرون)
ساره: الله عمي.... وينكم انتو؟؟ شو هالحشره؟؟؟ شو مستوي؟
سيف: نحن اهني في الممر يالسين نلعب مونوبولي ههههههههههههههههههههههههههه
ساره مصدومه: شوووووووووووووه!!! من وين لكم!!
سيف يزاعج على فهد: (اييييييييييييه انته لا تغش والله اشوفك...رد الخمسميه في البنك أحسلك) ...هااا ... شو ؟؟ اقوووووووووول... تعالوا جانكن فاضيات هههههههههه باااااااي
بندت عنه ساره...وصدت صوب البنات...
ساره: يلعبون مونوبولي!!
العنود وغايه: شووووووووووه!!! قوووووولي والله!!
ساره: والله .... شكله الدور حامي اسمعهم يتضاربون... هههههههههه يالله نسيرلهم
العنود: يالله .... فوووووووقه!
غايه نزلت راسها و الكل حس بشو تفكر ...يت ساره ويودت اديها...
ساره: غااااااايه... بس عاااااااد...انسي اللي صار... يالله قومي ويانا...والله بتستانسين... قومي ..عشان خاطري..
نشن البنات...ولبسن الشيل البيضا وطلعن من الغرفه...
ساره: اعنبووووووالناس رقود وهالثلاثه يالسين في نص الطابق مسوين زوبعه جانهم يالسين في الميلس ههههههههههههههه
العنود: هيه محتشرين... يالله اربعن عشان نلحق على السالفه
وصلن البنات عند الشباب وسلمن.. أول مارفع راسه فهد بيرد على السلام شاف غايه...لا اراديا ابتسم و هي يوم شافت ردت فعل اخوها ابتسمت...
فهد: غايه...تعالي يلسي حذالي
نشت غايه ويلست ورا اخوها على القنفه...وساره تتحرقص تبى تلعب..
ساره: اقوووووووووول... عيدوا الدوووووور ابا ألعب وياكم..
سيف: اونه عيدوا الدووووووور!!! يالله مناااااااك مناااااااك...تبين امسكي البنك...تراني ما أامن على أخوج...هههههههههههه
سلطان: لا الصراحه عرفت تأمن البنك على منو الحين... هاي سارو أكبر غشاشه
سيف: اوووووووه... نسيت انها اختك... ههههههههههههههههههه عندوووووووووه... يلسي ورايه وشللي البنك عن سلطوووووون.... انتي محل ثقه
العنود: لا والله؟ اشكرك الصراحه ... هاتووووووووا الفلوس
لعبوا الجماعه وتبدلت الأوضاع...صار الغالب فهد والمغلوبين سيف وسلطان..وكل واحد فيهم يشتري ويبني بيوت عشان يعدلون ميزانيتهم...الشباب طووول اللعب يتضاربون ويكفخون بعض...والبنات يضحكن عليهم..
سلطان: والخييييييييبه تخيبك!!! ههههههههه شو ها!!! ميزانية الدوله كلها عندك!!
فهد: اللــــــــــــه وكبر!!! من شر حاسدن اذا حسد!! هههههههه
سيف: هيه والله!! هذا سلطوووووون مايذكر ربه حاسد الناس على الخير اللي عندهم...لين فلست
سلطان: كله منكم!! لو عطيتوني الجوتي جان غدا حالكم أحسن عن جي هههههههههههه
سيف: عدااااااااااااال يا راعي السفينه ... اونه السفينه عمرها ماتغرق ...سييييييييييير العب بعيد يا رياااااال ههههههههه
سلطان: انزين ماعليه سيييييييييف!!! ماعليه...ها ويهي جان مايلستك على الحديده...مب اسمي سلطان بن محمد
سيف: ههههههههههههههههههههههههههههههههههاااااااااااااي
فهد: اقووووول... بسير ابدل ثيابي...ضقت تراني...
سيف وسلطان: سييير سيييييييير ...برايك ههههههههههههههه
فهد: ثوووووووووووور قالولكم أودر اللعب وأخليكم تغشون على كيفكم...بننش ضربه...يالله
سيف: اوكي انته اسبقنا وانا وراك....ظهرلي كندوره لاني مب يايب الشنطه ويايه...
فهد: اوكي...يالله
نش فهد وسار حجرتهم عشان يبدل ثيابه ويلبس له جلابيه بدل هالبنطلون....ومن جهه ثانيه الشباب (سيف وسلطان والبنات) يلسوا في الاستراحه وماتحركوا..
سيف: اقووووووووول عندوووووووه....فررري خمسميه...
العنود: لا لا ...ماشي
سيف: شووووووو ماشي انتي بعد... هاتي هاتي خمسميه
العنود: لا ...ماشي غش...مابعطيك
سيف: طاااااااااااالع!!! والله انا الغلطان وظفتج اهني.... باااااجر ابا اشوف أوراق استقالتج على مكتبي...فاهمه!!!
العنود: هي هي هي...ماااااباااااا
فهد: سيف ...يالله بسير ابدل...تباني ايب لك جلابيه؟ ولا ...
سيف: بنش وياك...هييد
نشوا الشباب وتمن البنات يحرسن اللعبه...عقب 3 دقايق رجعوا كلهم وكل واحد فيهم يلس في مكانه وكملوا اللعب... هالمررره اللعبه تحولت جد...ناس تبيع وناس تدفع وناس مديونه...طبعا سيف من الاشخاص اللي يبيعون..وفهد يبني..وسلطان مديون...
العنود تتثاوب: اقوووول ....بسير ارقد...تصبحون على خير..
ساره وغايه: يالله نحن بعد بني وياج....تصبحون على خير شباب...
الشباب طنشوهن لانهم كانوا مندمجين في اللعب....فر سلطان الزهر وياب 3 ،3 ...لعب ووصل عند صندوق الجماعه...أول ماسحب الورقه أعتفس ويهه وقبل لايرد الورقه مكانها سحب الزهر وبغى يلعب...حس سيف انه سلطان شكله طلع له (تقدم الى خانت ترافلجار) وهالأرض كانت ملك سيف... توه ياي بيلعب سلطان بس سيف سبقه...
سيف: أأأأأأأأأأأأأأأدفععععععععععععععععععععععع!!!!!!!!!! !!
سلطان فر الزهر بسرعه: ماشي لعبت خلاص هههههههههههههههههههههههه
سيف: والله مايووووووز!!! غش ها...ادفع يالله !! ادفع!
فهد وسلطان يضحكون...وفهد سحب ورقة ارض سيف(ترافلجار اللي بنا عليها 3 بيوت)..
فهد: سلطووووون...أدفع 750
سلطان: والعاااااااااااااااثره!!!!!!!!! ماعندي الا ميتين...اصبر علي يا ريال!!
سيف: ماشي...ادفع يالله ..كااااااااااش ههههههههههه
سلطان: لابركتن فيها من سفينه.... طلع محمل تجميع مب تيتانك ههههههههههههههههه
سيف: لاتغير السالفه...ادفع يالله ..
سلطان: انزين خذ هالـ 200 وأصبر علي اشوي...الحين مره بطوف البدايه وبعطيك 200 ..وانته الحين انشاءالله بتطيح في ((بال مال)) وبتدفع 450 هههههههههههههههههه
سيف: فاااااااااااال الله ولا فالك يا السباااااال!! ما عليه!! بمشيلك اياها هالمره...
لعب سلطان مره ثانيه وطاح في أرض سيف مره ثانيه....سيف لبس القحفيه اللي ويا جلابيته المغربيه وحطها على راسه: أأأأأأأأأأأأأأأأأأدفعععععععععععععععععععععععععععععع ععععع!!! ههههههههههههههههههههههااااااااااي (و يهز راسه)
سلطان: والخييييييييبه تخيبك انته وأراضيك فوقك!! ههههههههههههههههه انزين سجل على الحساب رفيق ههههه
فهد: شو حساب ماشي يالله بييييييع .. ههههههههههه
سلطان: ماببيع!!! ادريبك حاط عينك على ماينفير!!! ماببيعها لو الموت...ماعندي غيرها حرام عليكم خلوني أترزق منها
سيف: سمعت الهامور شو يقولك..بيع ...يالله بيع .. ههههه
سلطان: خلاص برهنلك اياها...اذا طاف الدور وماسددت ديني...لك الأرض.. شوقلت؟
سيف يفكر وحاط صبعه على شفايفه: مممممممممممممممم ... اوكي ..تم
سلطان: مال مقصه انته عمي...ها ويهي جان ماظهرتك قبلي من اللعبه
سيف: والله انا براويك.... تراهن!!
سلطان: ههههههههههه على شو؟ ماعندي أرض ثانيه .. ه
سيف: اوكي..اذا انا ظهرت قبلك...عشاكم باجر على حسابي في مطعم ايطالي..واذا انته طلعت قبلي من نرد لبلاد تعطيني البورش أحوطبها اسبوع كاااامل... موافق؟؟
سلطان: شوووووو ها..على كيفك هوو...
سيف: هاااااااا... موافق؟؟
سلطان: انزين... موافق.... !!
لعبوا... وزاد الحماس من عقب الرهان...الشباب شادين حيلهم، خاصة سيف وسلطان لانه وضعهم كان محرج اشوي...نص الأراضي باعوها...والباجي مرهونات وفهد يمشي ولا مفتكر...اللعبه لعبته وهو الهامووووور العوود...شل أراضيهم كلهم وصار ملك اللعبه...والكل يدفع له...
فهد يرمس سيف: أدفعععععع يا حبيبي...
هههههههههههههااااااااااااااااااااااااي ....يالله برع القيم بررررررررع
سيف: اييييه!! شو برع ... حرام عليك فهوووود...انا عمك
فهد: عمي ...اسمحلي...بس اللعب لعب...
سيف: انزين برهن لك ..
فهد: شو عندك عشان ترهن لي اياه...مفلس انته يالحبيب ..
سيف: مممممممممم...تاخذ الجلابيه؟؟
فهد وسلطان نقعوا من الضحك على سيف...
فهد: والله من صدقك انته؟؟ ههههههه
سيف: هيه بعد شو... ماشي الا هالحل جدامي ههه
فهد: خلاص... افصخها ههههههه
عق سيف الجلابيه وتم بوزار وفانيله وكمل اللعب ولا على باله وهو متحلف لسلطان انه الدور الياي بيكون دوره...بس توقعاته كانت غلط...وانجبر يتنازل مره ثانيه..
سيف: فهوووووود....تقبل الفانيله؟؟
فهد: والله سوالف انتوا.... هات هاااااااااات... هههه
الدور اللي بعده.. طاح سلطان في أرض فهد ورهن جلابيته عشان يكمل اللعب..
فهد: لا تحلمون اني أردلكم ثيابكم ههههههه
سيف: والله انا عادي عندي...مب مالي .. ههههههه
سلطان: العب انته...العب... اونه مب مالي... هالدور آخر دور لك...ماتم شي ترا هههههههاااااااي
مابقى شي...مسك سيف الزهر وقربهن من شفايفه وقال التعويذه...
سيف: أبراااااااكا دبرااااااااااا .... ياللـــــــــــــــه 5 ،2 .... ياللــــــه السجن...
سلطان: ماشي بتطيح في أرضه...محاصر انته ههههههه
فر الزهر ودش السجن....وصرخ سيف من الفرحه!!
سيف: أشكرك يااااااااااااااااا رب!!!
سلطان مغيض: ماعليه..الحين بتيب دبل وبتظهر ... لا تتفائل وايد..
لعب فهد...وعقبه لعب سلطان ووصل لخانة الفرصه (تقدم ألى محطة مرلبورو)..فر الورقه وسار فصخ الفانيله وفرها على فهد
سلطان: هاااااا الدور الفاصل...يا انا...يا سيفووووووو
سيف: سيفوووووووووو مسجون حليله....هههههه
ويا الدور الفاصل...محد يلعب في الساحه الا فهد وسلطان....خسر سلطان اللعبه ونش يتحرطم عليهم..
فهد: عااااااادي.... اقبل ...اقبل... هاته ...هههههههههههاي
سلطان: جـــــــــــــــــــــــــــــــــب!!! الله ينطبك...مب لاعب وياكم مره ثانيه..
سيف وفهد ميتين من الضحك على سلطان....خسر اللعبه وخسر البورش...مسكين حالك يا سلطان..
بس كانت هاللعبه أحلى لعبه لعبوها في حياتهم...استمرت لين الساعه 4:30 الفجر....سيف لبس جلابيته وترخص منهم..
فهد: ياااااااااالس عمي...؟؟ وين ساير!!
سيف: بسير الشباب يتريوني...مايصير ابات اهني
سلطان: سيييييييييير ابويه سييييييييييير ابرايك.... (وصد الصوب الثاني)
سيف: ههههههههههههه حليله راعي السفينه... لو ماخذ القحفيه ابركلك ..هههههه
سلطان معصب: هذا اذا لعبت وياكم مره ثانيه ...
فهد: اقووووووول...بتمشي في الممر بوزار بس؟؟ ههههههههههههههه
سلطان: حلال عليك! ههههههههه بس بصراحه...ماجد لعبت هاللعبه بهالحماس!! والله القيم كان فضيع
تموا يسولفون اشوي وعقبها صلوا الفجر جماعه وترخص سيف وسار عند ربعه...
المكان: رسبشن الفندق
الزمان: 8:30 الصبح
البنات لأول مره يجهزن على الموعد وهالشي خلا الشباب يستغربون وايد...ويدرون مب من الله ناشين من وقت وجاهزين...هاكله عشان السوق لانه آخر يوم لهم في أمريكا...وشكلهن بيخمن السوق من الخاطر.. يلسوا كلهم يتريون سيف في الكوفي شوب...كلها دقايق ووصل سيف وطلعوا كلهم ووداهم أحد المولات الكبيرة في مدينة نيويورك..
البنات من دخلن المول...غبرن وانتشرن في المحلات والشباب يضحكون على اشكالهن، كأنهم مب شايفين مول قبل..
بين كل ساعتين يردن البنات وينزلت الاكياس عند الشباب في الكوفي شوب ويردن يكملن الشرى..وتمن في المول أكثر عن 7 ساعات...من الساعه 10 ليت 8 المسا، لوتم عندهن كم مب بيزه جان ماردن عند الشباب وطلبوا منهم يردون الفندق...
سيف: انقووول مبروووووووووووووووك؟؟؟ خلصت بيزاتكن ؟ هههههههههههه
فهد: هاذي آخر مره تطبون فيها السووووووووق!! هاللي خذتوا يسدكن حق 4 سنين جدام!
سلطان: هيه والله صدقك!!! منو بيشل كل هذا!!
سيف: براااااااايه... اهم شي استانستن (وبتسم) وأهم من هاكله...شو خذتولي؟ هههههههههههههههه
ساره: والله ابدا عمي ماييت على الباااااااال ههههههههههه
سيف: قليلة أدب والله !! صدق ماتستحين...ههههههههههه شيلي الاكياس روحج عيل ..
ساره: لا عمي فديتك...كله ولا زعلك...تنقى القميص اللي يعيبك...حلال عليك
سيف: شووووووووفوا السباله...تقص عليه هههههههههههههههههههههه اونه اختار!! شو أختار لي تنانير ولا سكارفات يالعنز!!
ساره: عمي اسمحلي أقولك ...مخك تبن.. هههههههههههه اشتريت قمصان رجاليه حق سلطان...وقلت براويك اياهن وانته أختار اللي يعيبك..
سيف: قوووووولي والله!! فديتهاااااا انا ... يالله عيل...سرييييييييينا؟؟
الجميع: يالله..
ردوا الفندق واكتشفن البنات انهن مكدسين الاكياس الأوليه في الغرفه...قضوا الليل كله يرتبون شنطهن ويحطون الأغراض اليديده في الشنط..وزين انهن خذن شنطتين زياده حق الأغراض اليديده...
المكان: مطار نيويورك الدولي
الزمان: اليوم الأخير، 8 صباحا
كل الطالبات والطلاب متيمعين في قاعة الانتظار، يتريون النداء عشان يتوجهون للطياره...نش سلطان يدور على عمه سيف، لانه سيف كان مقرر انه يرد وياهم، بس لين الحين مابيين!! خاف سلطان انه سيف ماحصل حجز، ولا انه دش في الزحمه ومب قادر يطلع منها..
انتبه له فهد، وشاف انه سلطان وايد متوتر..سار له ومسكه من ذراعه..
فهد: سلطوووووووون....بلاك؟
سلطان سرحان: هاااااه؟؟ لا ... ماشي..اتريا سيف
فهد: توه اتصل وقال انه في الباركنات ويا اربيعه...
سلطان: اهااااااا...خلاص عيل...خفت انه ماحصل حجز ولاشي..
فهد: لا ماعليك...ماينخاف عليه هذا....في بلاده ههههههههههههههههه
عقب 5 دقايق ياهم سيف..شكله كان متغير لانه حلق اللحيه وخلاها خفيفه ومسوي قفل (سكسوكه)، ماعرفوا الربع لأنه شكله كان متغير وااااايد، طالع سعودي بهالشكل اليديد واللبس...كان لابس بنطلون (مخمل) رمادي فاتح، والقميص ابيض ومخطط بعنابي ورمادي..وكان لابس نظارته الارماني وحاط شال على ارقبته...وكان شكله وااايد كييووت...
سيف: مرحباااا قايز وقايزات..ههههههههههههه
سلطان مبحلق في عمه: ياااااااااااااااااااااااااااااااااااااا ويلي عليك يا عمي!!
فهد: الله ... مرحب بااااااااااجي...هلا والله ..
سيف: اتحيرت عليكم؟
في هالأثناء ساره والعنود وغايه يالسين في الكوفي شوب يتريقن ويسولفن...وفجأ شهقت ساره
ساره: اوووووووووووووه!!! عمي سواااااااااف!!
ودرت الشله وسارت صوب عمها، وتمت تتمدح في لبسه وشكله وأخوها مغيض عليها لانها ماعلقت على لبسه ولا قالت شي..والحين يايه تتمدح في عمها سيف وماخلت كلمه مديح ماقلتها..
سيف: اشكرج والله.. الانيق يميز الأناقه..
سلطان: أيوااااااااااااااا .... حكمة اليوم هذي؟
فهد: هههههههههههههههههههههههههههههه ... اسميه مغيض الريال...ههههههههههه
سلطان: لا مغيض ولا شي...هاي أصلا ماعندها ذوووق... بمعنى أصح ذوقها ما أدري كيف...
ساره: لااااااااااااا والله!! انا اللي ذوقي ما أدري كيف؟؟ اللي بيعطيك القمصان يا سلطووووووون!!!!
لفت ساره وردت حق الشله تكمل عصيرها...عقب 3 دقايق توجهوا كلهم للطياره ويلسوا في أماكنهم...سلطان وفهد يتضاربون على الاماكن مره ثانيه...هالمره سلطان اللي فاز في الجوله عقب ماتموا يتكافخون ويتداززون بعنف...
البنات يلسن في النص...وسيف ماحصل مكان جريب من الشله فانجبر انه يرد ورا ويلس عند الدريشة...بس الكرسي اللي عنده كان فاضي... وتم سيف يلعن حظه ويقول في خاطره من بدايتها نحاسه!! عافانا الله!!!
طلبت المظيفه من الجميع ربط حزام الأمان، وفي هالأثناء يت وحده من لبسها مبين انها خليجية ويلست عند سيف....سيف تشقق وماقدر ايود عمره...أول مايلست عداله ابتسم لها..
البنت: هااااي...هور يو..؟
سيف: أووووفر ذا موون ... ثانكس فور أسكن ..
ابتسمت البنت وماشكت انه خليجي...لانه لغته الانجليزية قويه واايد بحكم كونه يدرس في أمريكا كم من سنه...
البنت تمت ساكته ساعه كامله...حس سيف انه البنت ماشكت انه خليجي...وتم يتحرقص كيف يبين لها انه اماراتي...مايصير جي مانستغل السالفه! ضغط على الزر وزجر المظيفه وطلب ببسي...يابت له المظيف الببسي...
شرب سيف يغمه منه وشرق: اااححح ... كح كح ... شيييييت!!! حار ..
تعمد سيف انه يتكلم بهالطريقه عشان يلفت انتباهها...وفعلا البنت صدت صوبه وكانت منصدمه انه طلع خليجي...بس ماعلقت..
طلب ثلج ويابت له المظيفه ويلس يشرب الببسي...وهو يشرب يقول في خاطره يالله رمسي...علقي...قوولي شي!! ماااااالت!
البنت: مممممممم ... انته خليجي؟
سيف ابتسم: هيه نعم ... من الامارات..
البنت: اهااا...تحريتك امريكي ..
سيف: لا وين بتحصلين امريكي غااااااوي ههههههههههههههههه
البنت ابتسمت وماعلقت...سيف قال في خاطره طاااااعوووا!! يالس اقردن عمري!!! شو هالمصخره!!
سيف: انتي تدرسين في الجامعه الامريكية؟
البنت: لا ....ليش؟
سيف: اهاا .. لا ماشي...بس لانه أغلب البنات اللي في الطياره هذي من الجامعه الامريكية...(تتدارك كلامه...شو اغلب البنات!! الحين بتقول عني مغازلجي!!).... اقصد يعني انه عيال أخويه يايين رحله لأمريكا ويدرسون في الجامعة الامريكية....قلت يمكن انتي وياهم...
البنت: لا لا ... انا يايه علاج مب دراسه؟
سيف: علاااااااااج؟؟؟ خير الشيخه!!
البنت: الوالد تعبان اشوي...وياي امريكا يسوي العمليه...والحمدالله نجحت العمليه وبإذن الله بيرد الشهر الياي..
سيف: تستاهلين سلامته الشيخه...الله يخليلج اياه ويعطيه طوولت العمر..
البنت: تسلم والله ...
تموا يسولفون لين وصلوا مطار هيثرو في لندن، ومن عقبها ردوا ركبوا الطياره المتوجهه لمطار دبي...بس هالمره النظام تغير، سيف مكانه صار ويا ربعه والبنت يالسه روحها ومحد وياها، تم سيف واقف مب طايع ييلس وفهد يسحبه يقوله مكانك اهني وسيف مطنش يطالع منو اللي بييلس عندها...سمع المظيفه ترمس واحد من طلاب الرحله..كان خالد ربيع سلطان وفهد، سحبه سيف من قميصه عشان يلتفت له خالد...
سيف: اقوووووووول خللوووود...تبادل؟
خالد مستغرب: اوكي...ماعندي مانع..
سيف: لانك غمضتني الصراحه ربعك اهني وانته ما ادري ويين بيفرونك...هات بطاقتك...انا بسير اييلس مكانك..
خالد ابتسم: لا عادي والله..ابرايك خللك وياهم
سيف: لا لا ......هات البطاقه يا خويه...عادي عندي والله ...
استسلم خالد وعطى بطاقته حق سيف وشكره على هالتضحيه...وسيف شاااق البوز ويدق خالد على جتفه ويقوله افااا عليك ماقمت الا بالواجب..
عطى سيف المظيف البطاقه وتبعه...وهو يمشي وراه يقول في خاطره نيايايهاااااااااااااي يايينج يا حلوه...
شل سيف الهاند باج مالته وحطها في المكان المخصص له، وهو مسوي عمره مب منتبه للبنت ولا حس بها..وأول ماصد شاف البنت تطالعه تبتسم...سوى عمره متفاجئ ، ابتسم ويلس عدالها..
سيف: شوووووو هالصدفه!!
البنت: ههههههههه ...صدفه حلوه صح..
سيف: وااااااايد والله ... (وفي خاطره يقول اسميني لوووووووتي...ما ادري طالع على منوو)
كان مبين على البنت انها وايد فري .. و سلطان قال بستغل السالفه و بجزر وقتي شوي ..
كانت الرحله حلوه وااااااايد وممتعه بالنسبه لسيف...ولا الباجين رقوووووود وخبر خييييير..طاف الوقت بسرعه ووصلوا مطار دبي ونزلوا كلهم...ساروا يختمون على الجوازات ومن عقبها ساروا يدورون على شنطهم...فهد وسلطان عينهم على سيف، يشوفونه يتلفت يمين ويسار يدور حد...
فهد: اقووووووووول
سلطان: قووول بن عمي..
فهد: عمك شي ورااااااااااه
سلطان: لاحظت انته بعد..؟
فهد: اعنبوووووووووووو الحمار بيلاحظ ..
شلوا الشباب أغراضهم وتوجهوا للبوابه..في هاللحظه لمح سيف البنت وترخص من فهد وسلطان وسااار...
سلطان وفهد يراقبونه بعيونهم والفضول مقطعنهم شو ورااه سواف؟؟؟ لين شافوه وقف عند وحده..
سيف: هااي
البنت: اووه ..هلا
سيف: محتاجه مساعده..؟؟
البنت: لا تسلم الشيخ...
سيف: الله يسلم غاليج...ممممممممم...في حد يترياج ولا...
البنت: هيه اعتقد خالتيه تترياني خاري..
سيف: اهااا...زين..زين ... خلاص عيل...انشوفج على خير الشيخه
البنت: ان شاء الله ...
سيف يتحرقص مب عارف شو يسوي...يرقمها؟؟ يخاف تهفه اب كففففففففف وتسويله فضيحه...انزين يسألها عن اسمها؟؟ يخاف تواجعه!! البنت حست انه سيف ياي عشان يسألها عن شي بس شكله مب عارف كيف يبتدي...وحبت تسهل له الأمور..
البنت: ماتعرفنا عليك؟
سيف ابتسامته غدت شبريييييين ونص: اسمي سيف بن راشد...من الشارجه
البنت: والنعم...انا شمسه..من دبي
سيف: عاشت الاسامي...
البنت: عاشت ايامك...
سيف: خلاص الشيخه....اقصد شمسه....انشوفج على خير ان شاءالله ..
البنت: بحفظ الله..
لف عنها وتجدم خطوتين...وعقب فكر في خاطره...دبي روحها بلاد...شو ظمن لي اني بشوفها مره ثانيه!! ماخلته يفكر وايد لأنها زقرته....
شمسه: على فكره..
سيف صد بسرعه: عوونج...
شمسه: هاي البزنس كارد مالي...اذا بغيت انتم اصدقاء...
سيف استانس وايد و قال في خاطره اوه هاي اسلوبها وايد امريكي : افا عليج الغاليه .. اصدقاء اصدقاء ؟؟ خلاص ان شاءالله بنكون على اتصال (مد ايدها وخذت الورقه)...
شمسه ابتسمت : يالله مع السلامه
سيف: حفظج الرحمن الشيخه..
سار صوب الشله وهو ميت من الوناسه..يا وقف وياهم ويلس يتريا اخوانه يوون يشلونهم...وطول الوقت يالس يصفر والابتسامه شاقه البووووووووز...طبع سلطان وفهد شافوه يسولف ويا البنت وبشكل عام فهموا السالفه بس يتريون التفاصيل..
فهد: هااااااا شو صاار و يا المزيونه
سيف بقق اعيونه واطالع فهد: والخيييييييييييييييييييبه!!
فهد: اتخيبك... اعنبوووووك ماكملت في لبلاد 5 دقايق على طوووووول رقمت؟؟؟
سيف نقع من الضحك: ههههههههههههههههههههههههههههههههههههههههههههههههه اسكتوا انزين هي اللي رقمتني ..
سلطان: اللهم لك الحمد والشكر...وانا اقول طالع على منوووووووو عشاااااااااق؟؟ ثرني طالع عليك عمي ههههههههههههههه
فهد: عيل على منووه !! الحمدلله اني انا ماورثت هالشي ...
سلطان: مالت عليك انته .. ههههههههه ..
تقربو البنات منهم و سألوهم ليش يضحكون .. و خبروهم ..
ساره: عمييييييييي ... ماتفوت انته .. ههههه ... مالت عليها هي ترقمك ..
سيف: حليلها شو ترقمني ... عطتني البزنس كارد مالها بس ..
ساره: اوكي اوكي .. ههههه .. انزين على فكره ترا ابويه و عمي بو فهد برع يتريونا في الباركنات يالله ..
وصلوا اخوان سيف (بو سلطان و بو فهد) وسلموا عليه وعلى عيالهم، وحملوا الاغراض في السياره ووصلوا البيت...
هاي السالفه اليديده من سوالف هوى داري و هاي السالفه بعنوان الموبايل المسروق
Enjoy
part-1
المكان: غرفة غايه
الزمان: 3:30 الظهر
غايه طايحه على السرير و تطالع السقف ... تفكر في السوالف اللي صارت في امريكا .... اووه ! مر اسبوع من ردينا البلاد و حاسه انه بس البارحه ... والله انه الرحله كانت شرات الكابوس !! اولها كان تمام و حلو .. لكن ليش يا ربي سرت ويا هالبنات !! ليش انخدعت فيهن .. ليتني سمعت رمسة بنات عمي .. الحمدلله انه السالفه عدت على خير بس بعدني بتم احاتي لين تمر فترة طويله على السالفه..
غمضت عيونها و ابتسمت .. و في خاطرها تتفدى اخوها فهد .... الحمدلله انه الله عطاني اخو متفهم شراته .. ولا غيره مابيسوي سالفه و بيجتلني حزتها ...
ردت كشرت يوم تذكرت انه بعد يومين بيداومون ... وين بودي ويهي من نظرات الطلاب !!! يارب انه محد عرف بالسالفه يااااااااااااااااارب ...
وتمت تدعي و تدعي في خاطرها انه محد يكون استخبر .. بعدين ردتلها الهواجس ...... يا ربييه والله لو حد عرف و لا نغز والله مابيلس في الجامعه .... بحول جامعه ثانيه او بيلس في البيت ابرك لي .... والله حرام مستقبلي على شفى الهاويه ... !! و السبب منووه !! هالبنات الله ياخذهن !! الله يجازيهن على اللي سووه فيي ... الله يجازيهن يا رب .... الحين عقب هالاحلام اللي بنيتها اني بستوي اعلاميه ناجحه و معروفه .. اخرتها تتحطم في غمضة عين ................
و هي غارقة في افكارها و هواجسها كانت نوره اختها الصغيره يالسه تزجرها .... و غايه في عالم ثاني ... لين يت و دقتها على جتفها .. هني فزت غايه من الزيغه ... و تمت نوره تضحك عليها ..
غايه و هي مكشره: بسسسسسسس انزين ويا هالويه !! مايضحك انزين؟؟؟؟؟؟؟؟؟؟
نوره و هي بعدها تضحك: ههههههههههههههههههههه .. والله يضحك .... انتي خفتي مني صح ؟؟ هههههههههههههههه ...
غايه يوم شافت اختها الصغيره جيه تضحك يلست تضحك وياها : ههههههه هيه زغت !! اشحقه جيه دقيتيني .. انزين ازجريني على الاقل؟؟
نوره بحزن : والله حلاااااااام ... انا تميت اصارخ غاايوووو غايوووه و انتي مادري ليش مارديتي علي ....
غايه يوم شافت هالنظره في عيون اختها عفدت عليها و رصتها و تمت تبوسها : فديييييييييييييييييييييييت هالويه انا .. ياعلني ماخلى منج يا ربي .....
نوره تضايجت من قوة الرص و دزتها عنها و هي مبوزه: سييييييييييييييييلي عني .... اول شي تصارخ على و بعدين تبوسني .. ..
تمت غايه تضحك على اختها: ههههه والله انج فلللللللللللللته نواري ... انزين ماقلتيلي شو تبين ؟؟
نوره حطت صبعها السبابه على يبهتها و تمت تطالع فوق و تذكر ليش هي كانت يايه....
غايه تريت شوي بس التفكير طال : هااا شوو كل هذا ؟؟ ايكوسان ؟؟
نوره: شوو ايكوسان ؟؟؟
غايه: ماشي ماشي .. ها رسوم مال اول مب مالكم ... انزين خبريني شو يايبنج يالله خلصيني عاد ..
نوره يوم لمحت التلفون تذكرت و حطت ايدها على ثمها: اوييييييييييييييييييه !!!! اوييه اويييه !!!!!!
كان الذعر باين على ملامحها !!! خوفت غايه : ايييه شوو السالفه ؟؟؟؟ زيغتيني !!
نوره: سااااااااااااالوووووووووووووووووووووووه !!!
غايه: بلاااااااااااااها سااروووووووه !!!!!!!!!!!!!!!
نوره : كانت في التلفون تباج !!!!
غايه ماتت من الضحك يوم عرفت سبب خوف نواري ..... لأنه ساره كانت وايد دفشه ويا اليهال ... و اكيد انها تكون مهددتنها انه اذا ما زجرت غايه بسرعه بييها شي !! عشان جيه كانت الصغيرونه ميته من الخوف ..
نوره هدتها: لا ماعليج حبيبتي .. انا بقول لها ماتسويلج شي ..... بس عطيني بوسه اول ..
يت نواري و باستها على خدها و روحت ......
غريبه ليش ساره متصله على تلفون البيت ... ليش مادقت عالموبايل ....
جيكت عالموبايل و شهقت .... 4 مكالمات ..... نست انه كانت حاطتنه على السايلنت .. اتصلت على طول بساره اللي كانت معصبه ..
غايه: اسمحييييييييييييلي سارووه !! والله كان على السايلنت ..
ساره: ويااا هالويه ..!!!! لو الوزير مابيذلني جي !!!
غايه: انزين قلنا اسفيين !! زين انج طرشتي نواري ..
ساره: هييه !! نواري .. هاي بعد بيبين منها يوم بشوفها !!
غايه: حرام عليج سارووه .. فديتها لو شفتيها شقايل كانت زايغه منج !! صدق بتموتين عليها ..
ساره: هههههههههههه ... اوه .. ماكنت ادري اني مسويتلها ارهاب جي !!
غايه: ارهاب !!! قوولي افلام رعب !!! ههههههههههه فديتها نواري شبيهتي ..
ساره: هيه مب من الله هالحب ... عسب شبيهتج ... ههههه
غايه: لا حليلها اختي الصغيرونه و دلوعة البيت .. انزين خبريني ... شكلج بغيتي مني شي ضروري .. صح ولا انا غلطانه ؟
ساره: لا عداج الغلط بنت عمي .. انا كنت بقولج تتزهبين لأنه سايرين شوبنج و سينما ..
غايه: شوووووو ..!! شوبنج شو بعد .....
ساره : انا مايخصني .. هاي عندوه اونه تبا تتسوق .......
غايه: حرااام !!! تبين الصدق انا والله اللي عندي من امريكا بيسدني لين الحول .. ماباخذ شي بصراحه ..
ساره: انا بعد انزين .... بس شو تقولين حق العنود ... هاي جان ماسوت فيضان ملابس في بيتهم ماترتاح ..
غايه: هههههههه .. والله بالغت صدق .... انزين أي فلم بتسيرون ؟؟
ساره: بنسير فلم كوميدي ... كان نازل و احنا في امريكا و الحين طايف عليه اسبوعين تقريبا .. سو مابيكون زحمة و بناخذ راحتنا ...
غايه: هههههههههههههههههههههههه ... هيه والله .. احلى بارت هذا .. انه ناخذ راحتنا ..
ساره: هيه اريح من الحشره .. انزين يالله ... نص ساعه و بمر عليج ..... خبري ماماتج و تزهبي .. باي ..
سكرو التلفون و كل وحده سارت تبدل ثيابها ..
و بعد ساعه كانوا كلهم نازلين صحارى مول .. صعدن السلم و سارن فوق ياخذن التذاكر .. و حصلن انه بعده باقي نص ساعه عن الفلم .. فقررن انهن ينزلن يشوفن المحلات شوي و يردن عقب فوق ..
العنود: اقووول ..... بنسير ماركس سبنسر شوي ... بنطالع شو يايبين يديد .....
غايه: اطالعي بس لا تشترين !! هههههههه
ساره: مايحتاي جان هي مابتشتري ... ههههههههه
سارن صوب ماركس سبنسر .. و دشوا يتفرجون لين يطوف الوقت ... اول مادخلوا شافوا بنت من اللي كانوا وياهم في الرحله ..كانت هالبنت لبنانيه و وايد حبوبه و طيبه .. من النوع اللي ينوثق منه وايد .. اول ماشافتهم البنيه يت صوبهم ...
غايه: اووه مييرنا !!!!! شحالج ؟؟
يت ميرنا و سلمت على البنات ...
ميرنا: اشنأتلكككككككن كتيير صبايا !!! كيفكن .. ان شاء الله مرتاحين
غايه: الحمدلله بخير .. اخبارج انتي ؟؟
ميرنا: والله عال العال .... كيفكن صبايا ؟؟
ساره & العنود: والله بخير الحمدلله ....
ميرنا دقت غايه على جتفها و غمزتلها: اييييييه والله نسيت .... عندي إلكوون خبر بمليون دولار ..... هو بالزات لغايه ..
غايه رفعت حاجبها: خبر و لي ؟؟ و بمليون دولار ........ خير ان شاء الله
ميرنا: خيير و الف خير كميينااا !! بس اول شي بدي المليون .. ههههههههه
العنود: قووووووووولي عاااد ...
ساره للعنود: انزين انتي اشلج ؟؟ قالت غايه ههههههههه اسميج فضوليه
ميرنا: ماعليييش ... اوكي ... اسمعوا منييح ...... بتتزكروا شلة الفساد ؟؟؟ مييره و عهود و حصه ؟؟؟
البنات من سمعن طاري هالشله انجلبت ويوههن . ..
ميرنا : هههههه ... والله كنت متأكده من ردة الفعل هاي ..... بس شو بدي اعمل .. مضطره خبركوون .. هالشلييي انفصلت من الجامعه !!!!
من سمعوا البنات هالخبر كلهن ويا بعض زاعجن: صــــــــــــــــــــــــــــــــــــــــــــــــد ق ؟؟؟؟؟؟؟؟؟؟؟!!!!!
ميرنا تمت تضحك على هالرد: اييه والله صدق !! اسمعوا السالفه (ترمس اماراتي) .. في شلة شباب مواطنين كانوا معنا بالرحلي .. اذا بتزكروا شاب اسمو خالد و معوو اتنين ...... ميره و شلتها عملوا معهن حركات .. و الشباب كتبوا تقرير و سلمووه لإداره الجامعه ... و توقع من الاساتذه المشرفين اللي لاحظوو الحركات ... ازا بتزكروا ماكانوا يروحو معنا الرحلات .. و دايما يتهربوا لأسباب واهيه ..... عشان هيك ..
غايه بعدها مش مصدقه: يعني انفصلوا نهائيا ؟؟ كيف .. اتوقع لازم عالاقل انذار او لفت انتباه !!
اطالعنها العنود و ساره باستغراب : شوووو لفت انتباه ويا ويهج !!! احمدي الله انه افتكينا من شرهن
غايه: مب جيه ... بس مادري ..
ميرنا : شوو بتفكري انتي ..... اصلا هالبنات عندون ريكورد اسود بالجامعه .... مافي داعي اصف لكن بلاويهن .. اول شي مابدي اكسب زنوب .. و تاني شي ( تطالع ساعتها) انا تأخرت .. صاحبتي تستناني بالكوفي شوب .... تفضلوا معنا ..
ساره: اووه !! صدق خذتنا السوالف و احنا بعد قاصيت تذاكر حق الفلم ... يالله خلاص نشوفج بعدين
ميرنا: ان شاء الله في الجامعه .. يالله باي صبايا ..
غايه و العنود و ساره: بااااي
طلعوا من ماركس سبنسر سايرين صوب السينما
العنود: والله هالخبر ... صدق انه يستاهل مليون دولار ......
غايه: والله ماتدرون اشكثر ارتحت ...... والله هم و انزاح
ساره: فديتج غايه والله حاسين بج ..
وصلوا فوق .. و بعده 10 دقايق .... مروا ستاربكس ياخذن فراب ..
كان في اثنين شباب يالسين داخل ... و اول مادشن البنات تموا مبحلقين فيهن .... حتى ساره انقهرت منهم و تهامست ويا البنات: وااااع ... والله ما اداني يوم خسوف يتمون يبحلقون فيي !!
غايه: ههههه اذا حلوين عادي هاا !!
ساره: مب عادي بس اقل عن الخسوف .. هههههه
العنود: اسكتوا انزين ينسمع صوتكم ..
تجدموا بيطلبون و شافوا الفلبيني ..
الفلبيني: heeey ma'ams, how are you today ?? long time no see u
ساره: مسكين حاله اتوله علينا ههههههه
العنود: we're fine thanx for asking, we were abroad
الفلبيني: ohhh….. nice .. what did u get for me ??
ساره: طاعوا هذا اونه شو يبتولي .. هههههههههههههه فقدتك ...
الفلبيني درا انه ساره تضحك عليه و سكت خذ الطلب : ok mam .. what for u ?
العنود: one frapeccino caramel with coffe
سمعوا تعليق من الشباب اللي وراهم : شييييييييييييت مانروم علإنجليزي !!!
ساره شوي و بتموت من الضحك .. الفلبيني من صوب و هالثور من صوب .... شو هالناس اللي ماعندهم سالفه..
صد الفلبيني صوبها و شكله مغيظ عليها: for you ma'am?
ساره و حلجها ماتروم تصكه من الضحك: mocha frapiccino with caramel
شلوا الطلب و ساروا السينما .... عطوا الريال التذاكر عشان يقصهن و دشن السينما اللي كانت فاضيه موول مافيها حد ... تمن يسولفن بصوت عالي و ضحك .... لين اكتشفن انه في اثنين يالسين ورا اخر شي .... كانوا ريال و بنيه .... و بدا التعليق الصدقي الحين !!!!
part-2
بعد 5 دقايق بدا الفلم .. والبنات يطالعن الفلم ... لكن كان عندهم فلم ثاني ورا ... كل شوي يطالعن ورا ....و ميتات من الضحك على حركات هالاثنين .....و بعد ماخلص الفلم قامن بسرعة عشان يطلعن اول شي و طافن جدام هالاثنين الصيع .... جان تقول ساره بصوت مسموع : اسسسسسسسسستغفر الله !!!!!!
و كلهن ميودات ظحكتهن !!! يوم طلعن من باب السينما انفجرن من الضحك ..
العنود: هههههههههههههههههههه والللللللللله العظيم انج زعيمه ..... احس افتشلوا
غايه: ويين افتشلوا هاذيلا .... مافيهم دم !!
ساره: هيه والله صدقج .. لو عندهم دم و يخافون الله جان ماسووا سواياهم ..
العنود: اقوولج .. كانت متغشيه يوم طفنا .. وقبل كان ظلام مارمت اشوف شكلها ..... بس صراحه مبين من لبسها انها كشيخه ..
ساره: هيه شفته ... عباتها مفتوحه بدون عقم حتى .... لابسه بنطلون و قميص نص بطن ..
غايه: وييييييييييييييييييع .. بليييز لاترمسون .. احس بزووع ..
ساره: الله ياخذها الخايسه ..
العنود: بس في خاطري اعرف شكلها .. اكييد خسفه ..
غايه: الله يخليكم اسكتووووا .. يالله بنروح ..
العنود: وين نروح ... بعدنا بنتسوق ..
غايه: انتي من صدقج ؟؟ سووق شوو بعد .. وين الثياب و البدل اللي يايبتنهن من امريكا
العنود: ياختي تعرفيني شكثر احب اتشرى ...
غايه: زين يالله ترا ابا ارد البيت من وقت... بيحطون فلم ابا اطالعه ..
ونزلوا تحت .. دشو كمن محل ... يطالعن ..
العنود: هالقميص وايد حلو ...... بسير اجربه ..تعالي ويايه سارووه
سارت العنود صوب غرفة القياس .. و لحقتها ساره ..
دشت تجرب القميص .. و زجرت على ساره عشان تي تطالع لكنها ما ردت عليها ...
العنود تتحرطم بروحها : اوهوو .. هذا وقته سارووه ....
و طلعت موبايلها بتتصل بها ... سمعت دق على الباب .. فنزلت الموبايل على الكرسي ..
العنود: ساره ؟؟
ساره: هيه انا .. سوري غايه في الغرفه الثانيه تقايس فسرت اطالع ..
فتحت العنود الباب شوي و راوتها القميص ..كان عنابي .. وعليه تطريز بخرز عنابي على على الصدر كامل ..كان وايد انيق
ساره: وااايد حلو والله ... انا بعد ابا شراته ..
العنود: خذي انزين ... ههههههههه
ساره: اوكي بسير اطالع ....
و روحت .... و العنود خلصت شغلها و طلعت من الغرفه .... سارت عند ساره و فجأه ..
العنود: اويييييييييه !! تلفوني مادري وينه ..
ساره: لايكون نسيتيه في السينما ..
العنود: لا لا ..... كان عندي واحنا ظاهرين .. ماشفتيني يوم رمست اميه ؟؟
ساره: هييه صدق .. وينووه عيل .. دوري عدل في الشنطه
العنود: دورت !!
و في هذه الاثناء طلعت غايه من غرفة القياس و شافت وحده من اللي يشتغلن في المحل تدخل تلم الثياب الطايحه على الارض في كل الغرف المفتوحه ..
سارت صوب البنات و شافتهن يدورن ..
ساره: اكيد عيل في غرفة القياس ..... طلعتيه من الشنطه ؟؟
العنود دقت يبهتها كأنها تذكرت : هييييييييييييييه !! صدق صدق ..... في غرفة القياس .... كنت بتصل بج و حطيته على الكرسي .. اقوول .. انا بسير اشوفه و انتي دقي عليه عشان اشوفه وين ..
وسارت على طول غرفة القياس .... دشت لكنها ماحصلت الموبايل ... قالت يمكن مغلطه في الغرفه دشت الثانيه والثالثه ... ماشي ...
ساره: هاا حصلتييييييييييه ؟؟
العنود: لا والله !!! ماشي ..
ساره: معقول .. وين بيسير ... انا اتصلت مغلق
العنود:شوووو !! مغلق !!؟؟ انا من 5 دقايق كنت بستعمله و كان شغال عادي ما غلقته!!
ساره: غريييييييييييييبه !!! يمكن ماشي ارسال ..
ودشت ساره تشيك .. بعد ماحصلته ..
العنود: معقوول يكون انسرق ؟؟!؟
غايه: اكيد هاذيج صرقته !!
العنود: منو هاذيج !!
غايه: مادري صراحه مابحط في ذمتي .. بس وحده من هاللي يشتغلن هنيه كانت اتدش الغرف تلم الثياب ... يمكن هي !!
ساره: أي وحده فيهن ..؟؟
غايه تمت تتلفت و تدور عليها .. حصلتها ترتب بعض الملابس : هااذيج اللي هناك عند البناطلين الزرق
العنود: مممممممم .... اخاف نظلمها
ساره: شو تظلمينها ... المحلات فيها كيمرات ... بنخليهم يجيكون ..
العنود: اووه !! بتستوي سالفه .. لا خلاص
غايه: شو خلاص ... تلفونج يديد ماكمل شهر !! و غالي بعد ... خلهم يدورون !
ساره: تعالوا بنرمس المديره ...
وساروا طلبوا المديره ...يتهم المديره و هي تبتسم ..
المديره: اهلين صبايا .. شوو في مشكلي ؟؟
ساره: هيه في مشكله مدام .... موبايل انسرق من عندنا في المحل
المديره بطلت عيونها : شوووووه !! موبايل مسروووء ؟؟!! كيف .. مابيصير
ساره: شو مابيصير ..... توه من 5 دقايق بس انسرق
المديره: لاا شو هالحكي ديموزيل ..... هون كل الستاف ثقه !!
ساره: انزين انتوا عندكم كيمرات .. نبا نشوف اللي مصورينه في المحل لأنه صراحه احنا شاكين في وحده ..
كانت مبين على المديره انها مرتبكه: والله ؟! لأ صبايا اكيد انتوا غلطانين .. بليز دوروا بالجزدان(الشنطه) او يمكن انتوا نسيتووه بشي محل تاني !!
العنود: لا !! كان عندي لين دشيت غرفة القياس .. و من عقبها اختفى !!
غايه: هيه و على طول اتصلنا حصلناه مغلق !! شو معناة هالكلام !!
ساره: اعنبوووووه خمس دقايق ما كملنا مودرينه !! على طول انسرق !!
المديره مرتبكه اكثر و اكثر و تمت تتحايل وياهم انهم مايكبرون السالفه عسب سمعة المحل ... لكن ساره و العنود كانوا مشتطات و إلا يوصلون الموضوع حق شرطة المركز...
المديره: اوكي .. بس حرام لا تتهموا البنت !! شوفوا التصوير بالأول .. و بعدين احكموا!!
غايه: اسمحيلي مدام ... لكن انا شفتها ساعة السالفه طالعه من نفس الغرفه اللي بنت خالتي كانت فيها!
المديره و هي فاقدة الامل: يعني مصريين ؟؟!! اوكي راح ناديها عشان تروح معكن..
و راحت تناديها .... البنات تمن يراقبون ردة فعل البنت .. لقوها مصدومه و شوي بتصيح .. يوم شافتها جذي العنود غمضتها : بنات !! حرام والله .. خلاص ماباه الموبايل باخذ غيره .. كله ولا اظلم البنيه حرام.. شوفوها شوي و بتصيح..
ساره: سييري لاه !!! هذيلا دوم جيه يمثلون .. شو بتسوي مثلا ؟ بتظارب؟؟
العنود: مادري ..بس والله كاسره خاطري .. انزين احين وين بنسير؟؟ غرفة الشرطه صح ؟؟
ساره: هيه .. اللي في الطابق الاول ..
غايه: يا سلاام !!! من زمان في خاطري ادش هالغرفه اراقب الناس ههههههههههه
العنود: ههههه حليلج والله .... بتتحقق امنيتج اخيرا !!
ساره: بس اسكتوا هكم يايين صوبنا .... الله يخليج عنادي قسي قلبج .. مانباج تصيحين وياها !! ههههههه
غايه: انا و عنادي بنصيح وياها ..
ساره: مالت عليكم انتو الهنتين ...... الموبايل موبايل عندووه .. و الشاهده الوحيده غايووه و انا ابروحي المشتطه هنيه يالسه ادافع و اطلع براهين و ادله !! تدرون ! انا غلطت يوم دشيت بزنس .. المفروض ادش كلية الحقوق .. ههههههه
وصلوا المديره و البنت اللي تشتغل ..
البنت كان اسمها ساندرا ..
ساندرا كانت صاخه و ماترمس بس مبين على ويهها انها مضايجه موت .. اتصلت بريلها عشان اييها ... ساروا كلهم فوق عند غرفة التلفزيونات مال الشرطه .. اول مادشوا سلموا على الشرطه ... كانوا اثنين .. اول ماشافوا ساره و العنود و غايه متجدمات ويا المديره نشوا من كراسيهم ...
الشرطي: هلا هلا وعليكم السلام .... خير ان شاء الله !! عسى مافي مشاكل ان شاء الله !!
البنات تمن صاخات .. لأنه اول مره يمرن بهالموقف ..
ساره تساسر العنود: اعع .. شو ها قبل 3 اسابيع شرطه و الحين بعد ... بستوي من اصحاب السوابق انا !!
العنود ميوده ضحكتها: بس انزين عن يسمعون !
المديره تكلم ساره: تفضلوا احكوا مع الشرطه !! انتوا اصحاب القضيه ..
ساره بصوت واطي للعنود: شفتي ..!! قضيه .. اقولج انا مكاني غلط في البزنس ..
العنود: اخويه انا انسرق عني موبايل في هالمحل مالهم ....
الشرطي: اوه سالفة موبايل بعد مره .. !! اوكي .. ان شاء الله خير.. تفضلوا بنات ...
و سحب لهم كراسي .. و خلى المديره و البياعه واقفات .... شكله متعود عليهن ..
الشرطي: ماعليه خواتي ... ان شاء الله مافي الا الخير..... معاكم العريف حسين.. و هذا زميلي العريف وليد ان شاء الله بنتعاون وياكم عشان نرد لكم حقكم ...
ساره شوي و بتنقع من الظحك على الاسامي ....
العنود: اسكتي حرام عليج !!
ساره: انزين اوكي .. اوف ...
العنود: انزين بنت خالتي شافت هالبياعه في المحل طالعه من ال(fitting room)غرفه القياس اللي انا كنت ناسيه موبايلي فيها .. و شاكه فيها ...
حسين: اها ..!! ساندرا .. !!
استغربوا البنات انه يعرفها ....
حسين: شو ردج على الموضوع ساندرا ؟
ساندرا: ماراح احكي تا ييجي زوجي ..
حسين: شو بيسووي زوجج ... انتي اللي بتطلعين عمرج ... مب هو ..
ساره: انزين اخوي .. بليز طلع لنا الفيديو اللي تصور ...
سار وليد عشان يظبط الفيديو ... و يعيد الشريط اللي مصورتنه الكاميرات اللي في المحل .. و قبل مايطالعون الفلم يلس حسين يسألهم كمن سؤال ..
حسين: منو منكم اللي انسرق موبايلها..؟؟
العنود: انا !
حسين: ممكن اسمج لو سمحتي ؟
العنود: العنود أحمد عبيد ..
حسين: عاشت الاسامي .. و العمر ؟
العنود: tweny one
حسين رفع حاجبه: يا عيني على الانجليزي ..
ساره بصوت واطي: بياكلونا هذيلا !!
غايه: ههههه شو ها ... لا ترمسن انجليزي بليز ..
حسين : اححم ... صف كم !! اقققققققصد المستوى التعليمي الشيخة ؟
ساره هالمره صدق بتموت ان ما ضحكت .... بس بعد مسكت نفسها ..
العنود: انا في الجامعه ..
اتدخل وليد في السالفه: أي جامعه اختي ؟
غايه بصوت واطي : انته اشلك ..
العنود: الامريكيه
وليد يكلم حسين: ههههههههههههههههه .. كنت حاس ياخي
ساره و البنات يطالعن بعض .. شو هالخبايل ..
حسين : احححححم ... عشان جيه الانجليزي اوكي .. المهم الشيخه .. رقم التلفون لو سمحتي
ساره بصوت واطي : اووه بدا شغل المغازل ..
وليد تدخل مرة ثانية : لا الغاليه احنا ماتغازل ... هذا شغلنا ..
قفطت ساره انه سمعها .. و عرفت انه سمع كل شي ...
العنود : أي رقم اخوي ؟؟ اللي في الموبايل المسروق ؟؟؟
حسين دق يبهته : اووووه .. نسيت انه مسروق .. انزين أي رقم ثاني .. رقم وحده من خواتج ( واشر على غايه و ساره)
ساره صخت ماتبا تعطيه رقمها ..و لا غايه ..
ساره: سجل رقم اخوي ..
حسين: اوكي ...كم ..؟؟
وليد: اخوج اللي هو اخوها ؟
العنود: لا ولد عمي ...
وليد: اوكي سجلته .... نبا رقمج بعد .. المسروق ..
عطته الرقم ......
ساره: مابنشوف الفيديو ؟؟
وليد: اوكي ثواني ..
و ياب الريموت و شغل الفيديو .... كان الفيديو مافيه شي مول .... الكيمرا اللي كانت برع غرفة القياس .... لأنه ممنوع يحطون كيمرات داخل الغرف ...... فشافوا انه ماشي فايده .. نفس الصوره على باب الغرف ...
طول هالوقت و ساندرا صاخه ... المديره استأذنت لأنهم طلبوها في المحل ..
حسين: ها ساندرا مابتعترفين ؟؟
في هاللحظه دخل زوج ساندرا البياعه .. و سارت ترمسه و هي تصيح .. و عقب دقيقتين الريال رمس ويا الشرطه يتفاهم وياهم و يدافع عن حرمته و في هاذي الاثناء اتصل ساره بسلطان
ساره: الوووه !! سلطان الحقنا والله متوهقين ..
خاف سلطان من نبرة صوت اخته : شووو السالفه خوفتييني !!!! ارمسي
ساره: هااااه ؟؟ شووو سلطوون ماسمع !! حشره عندك !
سلطان: هيه ترانا في الخيمه ويا الشباب .. نطالع مباراه..
ساره: اوييييييه !! المباراه !! منووو فااز !!
سلطان: بعدهم متعادلين !!! انتي خلي المباراه و خبريني !! شوووو صاير ؟؟!؟؟!
ساره: والله سالفه خايسه ياخويه ...
و عقب ماخبرته السالفه قال لها انه بييهم ...
الشرطي وليد يزجر ساره: اختيي لو سمحتي ؟؟
ساره: هلا اخويه ؟
وليد: انتي شاهده على السالفه .. .. و ساندرا مب طايعه تعترف ..... و هاي السالفه مب اول مرة تصير في المحل .. على فكره تراها ثالث حاله من نفس النوع في هالشهر !! هل بتخلون القضية مفتوحه و لا بتتنازلون ؟؟
ساره: العنود انتي شو رايج ؟؟
العنود: مادري .. انا بصراحه اشوف ماله داعي نتأخر اكثر عن جيه برع بدون فايده ... بسير اخذ موبايل ثاني بعدين ...
ساره: تعالي ويايه شوي برع .. لو سمحت اخ وليد دقيقتين ..
و سحبت العنود وغايه و ظهروا برع ..
ساره : يالغبيه يقولج الشرطي انه مب اول مرة ..!!! يعني عندهم سوابق !!
العنود: دام انها مش اول مرة .. ليش مايقبضون عليها !!؟؟
غايه: هيه والله ليش!!
ساره: بسيطه !! ماعندهم دليل !! رواحكم شفتوا انه ولا شي ظاهر في الفيديو !! يعني مايرومون يقبضون عليها !!
العنود: انزين شو نسوي احينه !! خلاص مابا شي انا ....ابا اسير ,,
غايه: هيه والله !! خذيلج موبايل ثاني !! تأخرنا وايد والله !!
ساره: ماشي !!! ماتسيرون !! انا اتصلت بسلطان و بيي احينه !!
العنود: و سلطان شو بيسوي ؟؟ساروووه نبا نروح .. والله لو اخواني يدرون اني عند الشرطه و الله ليشرشحوني!!
في داخل الغرفة ماكان موجود الا الشرطيين ... اما البنات كانوا بعدهم يتشاورون اذا بيتنازلون و لا بيتمون مواصلين في السالفه . . كانت العنود بين انها تتنازل و تروح البيت و بين اصرار ساره انهم يستمرون ! و بينما هم يتشاورون كان هالحوار يدور داخل الغرفة ..
وليد: يا سااااتر !! اسميها هالبنية لسانها طويل !!
حسين: هههههه ..اي وحده ؟؟ الطويله ؟؟
وليد: منو غيرها ؟؟ تقول لها كلمه ترد عليك بعشر !!!
حسين: ههههههههههه صدقك والله !! بس عليها عيوون ماشاء الله عليها !!
وليد: صدقك ... بس ماحبيتها !! الثانيه اللي وياهم حلوة !!
حسين: هييه مبين عليها صغيرونه هاذيج ماترمس ... واللي مسروق تلفونها بعد اوكي !! تعال انته !! احنا نرمس عنهم و هم برع اخافهم سمعونا !! هههههههه
وليد: و يسمعوون !! شو اسوي يعني ...
حسين: شكلك مغيظ وايد انته علي ام عيون !!
وليد: ام لسانين الا قول .. ههههههه
و في خارج الغرفة:
العنود: افففففف !!! سارووه خلاص سوي الي بتسوينه !!! عنبووه مب موبايل هذا !!! بقول حق ابويه و بياخذلي غيره !!
ساره: ردت لي على هالسالفه !! يا ماما السالفه مش سالفة بيزات !! السالفه سالفة مبدأ .. يعني لو خليناها جيه مابتوقف ... كل يوم بتسرق لها موبايل !!
غايه: انزين احنا مب متأكدين انها اللي سارقه سارووه !!
ساره: لين احينه 90% هيه اللي سارقه ... و بنتأكد بعدنا ... خلو سلطان ايي و احنا بنتصرف ..
العنود: مالت عليكم انتوا الاثنين ... كونان الامارات !! ههههههههههه
ساره: لو سمحتي عن الغلط .. سلطون كونان .. انا ران خخخخخخخخخخخ
غايه: هيه تشبهينها .. طويله و هبله .. خخخخ
العنود: بسكم انتووو من المناجر و خلونا ندش
غايه: لا مب داشه انا
ساره: لا لا واع مب داشه ..ريحة جقاره !! و بعدين بنتريا سلطان لين ايي ..
و في هاللحظة طلع لهم حسين:
حسين: ها شو اتفقتوا بنات ؟؟
نقزت العنود من سمعت الصوت وراها !!
حسين مسوي عمره جامد: اسمحيلي اختي مب قصدي ..
العنود احمر ويهها من القفطه: لا ماعليه اخويه ..
حسين: انزين تفضلوا داخل ؟؟ ليش واقفات هنيه ؟؟
ساره: ماعليه بنتريا لين ايي اخويه ...
حسين و هو راد يدخل الغرفه : برايكم .. و علي فكره بنرشلكم عطر لو الريحه مب عايبتنكم ..
ساره: اويييييه !! يالفشله ! سمعني !!
غايه: عشان تتعلمين تيودين لسانج ..
العنود و هي تشم عباتها: انزين صدق ..ريحة الجقاره الي داخل وايد قويه ... حتى احس انه الريحه عالقة في عبينا !!
عقب دقيقتين وصل سيف ...
استغربوا البنات !!
ساره: عمي سيف ؟؟!! ليش وين سلطان !؟؟
سيف: سلمي اول انزين !! ويا هالويه !!
ساره: اوه صح.. اسمحلي عمي بس استغربت انك ييت .
سيف : خييبه !! شو هالكثر مب مرغوب بي ؟؟؟ خلاص يالله فمان الله !!
و سوا عمره مروح !!
ساره: عمييييي !! وين ساير .. تعال عن الدلع ؟؟!!
سيف يمثل انه زعلان: دلع ؟ و بعد اهانه ثانيه !! الظاهر انه ماشي احترام بين الريال و بنات اخوانه هالايام !!
ساره حست انه السالفه صدق و انها ضايقت عمها .. و غايه حاولت تتدخل
غايه: عمي ساروه ماتقصد شي ... حتى احنا استغربنا انه سلطان مايا و انته اللي ييت بداله !!
سيف يمثل الصدمه: حتى انتي ؟؟؟؟؟ لا صدق الظاهر اني مثل مايقولون شوكه في البلعوم ....
العنود: خخخخخخخخ عظمة في البلعوم مب شوكه ..
سيف صد صوبها و في عينه نظره حزينه: الله يسامحك يا سلطان ... ليتك ما قلتلي أي بدالك .. و ليتني تميت مكاني و ماسمعت هالرمسه من هالبنات اللي اعزهن و حاطنهن على راسي من فوق ..
البنات يطالعن بعض منصدمات .. شو السالفه شو قالوا ثرهن !!
غايه: عمييييييييييي !! انته ياي تساعدنا و جلبت علينا ؟؟ بس عاد عن الدلع ...
ساره: اسفه عمي ما بسأل عن سلطان ؟؟ راضي ؟
سيف سوا عمره ماشي عنهم و مره وحده رد صد صوبهم و اشر بسبابته عليهم و غمز : انفع ممثل صح ؟؟
ساره: لا ماتنفع .
العنود: هيه ماتنفع ..
سيف: ويييييييه !! عصبوا !! انزين سلطان طرشني بداله لأنه احتكر في الزحمه جان يتصل بي و شافني اقرب لكم .. خبروني شو السالفه ..؟؟
في هاللحظة طلع لهم وليد عشان يشوف شو السالفه ..
وليد: السلام عليكم اخويه ... شو السالفه ؟
سيف اتجدم و سلم على وليد : وياك سيف راشد ... عم البنيات ..
وليد: هلا اخويه سيف ... شو اتفقتوا ؟؟
سيف: تبا الصدق انا ماعرف شو السالفه ... بس فهمت انه السالفه فيها موبايل مسروق ..
وليد: هيه هاي كل السالفه ... و البنات اتهموا وحده من البياعات في المحل ... لكن ماشي دليل الا انهم شافوها ظاهره من غرفة القياس اللي كان فيها الموبايل ...
سيف: ممممممممم ... ليش ماتفتشون المحل ؟؟
وليد: اتفضلوا داخل المكتب عشان نتفاهم ..
العنود: سيف انا ابا اروح ....
سيف: منو اللي مسروق موبايلها ؟؟؟ العنود ؟
العنود: هيه انا !! لكن ساره مشتطه اكثر عني .... مايصير انا اروح ؟؟ ناصر بيذبحني لو عرف انه هالسالفه مستوتلي ...
سيف: ماعليج من سالفه ناصر انتي ... دامكم ويايه مابيقول لج شي ..
العنود وهي ضايجه: اوكي ..
دشوا داخل المكتب عشان يتفاهم سيف وياهم ..
سيف: ما قلتولي .. ليش ماتفتشون المحل .. ؟؟
وليد: ممكن نفتش ... لكن ..
سيف: لكن شو ؟؟ عادي .. هالطريقه الوحيده اللي بتكشف السارق ! على فكره وينها هاي اللي متهمينها ؟
حسين: خليناها تسير المحل و بنطلبها اذا احتجناها ..!!
سيف: لا والله !!! عيل ماشي مجال نكشفها اذا هي اللي سارقه !! اكيد سارت دسته ولا ظهرته برع المحل..
ساره: ماشي فايده خلاص !! وانا ما لاحظت انهم خلوها تسير .... خل نروح احسلنا !!
غايه : يا خسارة الوقت اللي ضيعناه ..
العنود: شفتوا ....... يلستنا بدون فايده.. قوموا نسير ..
سيف: لا شو ... لحظة لازم نتصرف ..
العنود: شقايل نتصرف بعد ... تراكم تقولون سارت ... يعني اختربت السالفه ...
رن موبايل ساره ...و كانت خالتها اللي هي والدة العنود ..
ام العنود: هلا ساره .. شحالج امايه
ساره: الحمدلله خالوه .. شحالج انتي ..
ام العنود: الحمدلله بخير و عافيه ... العنود حذالج ؟؟؟
ساره: هيه خالوه ... لحظة هكيه ..
و ناولت العنود موبايلها ..
العنود: هلا والله اميه ..
ام العنود: هلا عنادي ... شو يقولون مضيعه موبايلج؟
العنود: منو قالج ؟؟ سلطان ؟
ام العنود: لا .... اتصلوا بي من موبايلج ..
العنود: شوووو !!؟؟؟؟ خيبه .. سرقوه و بعد لحقوا يستخدمون البطاقه ؟؟
ام العنود: هاا ؟؟ سرقووه ؟؟ منو اللي سرقه ..
العنود: هالبياعه مالت المحل ..
ام العنود وهي مستغربه: عيل انا اللي دقت لي حرمة مواطنه ..
العنود: مواطنه ؟؟ شو قالت ؟؟
ام العنود: مافهمت شو السالفه بالظبط بس جنها حصلت الموبايل و ماعرفت شقايل ترده و حصلت رقمي فاتصلت ... خذي هالرقم سجليه عندج و اتصليبها الحين عقب ماتبندين عني و بتتلاقى وياج عسب ترده عليج..
العنود : اوكي .. سجلته في الموبايل .. مشكوره اميه..
ام العنود: يالله .. اتحملوا على عماركم .. و بسرعة ردوا البيت ..
العنود: اوكي امي ... ماعليه لاتحاتين . سيف ويانا ..
ام العنود: والنعم ... سلمي عليه و على البنيات ..
العنود: يبلغ ان شاء الله ... مع السلامه ..
سكرت الموبايل و ناولته ساره ..
ساره: شو السالفه ؟؟؟ شكلج منصدمه
العنود: هيه وايد ...... (( ووجهت كلامها للشرطيين )) لو سمحتوا سكروا الملف ... في سوء تفاهم حاصل ..
حسين: ممكن توضيح اكثر اختي ؟
العنود: انا بعدني مافهمت بس الواضح انه الموبايل عند حرمة و هيه اتصلت بالوالده عسب تخبرها انه عندها .. الحين بتصلبها و بشوفها عشان تردلي اياه !!
حسين : جيه السالفه عيل ..... خلاص مب مشكله حصل خير ....
سيف: كل هالسالفه و اخر شي مب مسروق ... ضايع .. بس شو السالفه كيف ضاع ..
العنود: مادري والله علمي علمكم ... الحين بسير اسأل ..
و قاموا بيظهرون و تم سيف اخر واحد يستسمح من الشرطه على الازعاج عقب لحق البنات ..
خذت العنود موبايل ساره و اتصلت بالرقم اللي امها عطتها اياه ... ردت عليها حرمه
الحرمه: الوو .... هلا منو ويايه ؟
العنود: هلا والله ... انا راعية الموبايل الضايع اللي عندج اختي ...
الحرمه: اوه .. هلا والله الغاليه ... شحالج ؟؟ السموحه منج والله
العنود: الحمدلله بخير اختي ... بس ليش تستسمحين مني ؟؟؟ و شو السالفه .. كيف حصلتي الموبايل .. نحن نتحراه مسروق و سوينا سالفه ..
الحرمه تلومت : اوووه !! اسمحيلي والله !! صدق اني سويت مشكله بدون قصد ..
العنود: ليش شو صاير ... مب فاهمه شي تراني ..
الحرمه: السالفه و مافيها اني كنت في المحل في غرفة القياس و و عقب ما قايست كمن قطعه ودرت اللي اباه في الغرفه ... عقب شفت انه القياس الوحيد اللي يناسبني هو في القطعه اللي ودرتها في غرفة القياس فطرشت بنتي الصغيرونه تسير تيبها .... و هيه سايره حصلت موبايلج اللي هو نفس موديل و شكل و لون موبايلي طايح على الارض تحت الكرسي في غرفة القياس فشلته ظنا منها انه مالي ... و هاي هي السالفه ..
العنود: اوووووووووووووه !!!!!!!!! بس انا دورت في الغرفه ؟؟ !!
الحرمه : ياختي الموبايل صغير و ممكن انه يكون مندس بين قطع الثياب ...
العنود: مادري والله بس انا دورت .. كيف ماشفته !!
الحرمه: مادري والله .. البنيه تقول شافته هاك الصوب ... مادري في الغرفه او برع .. مادري... هاي الصغيرونه تحب تتعبث و تستكشف ... فعادي تشوف اشيا احنا مانشوفها ..المهم . انتي بعدج في المول ؟
العنود: هيه الغاليه .... يالسين صوب المطاعم ..
الحرمه: انا هنيه بعد .. خلاص دقايق و بيي عندج ..
العنود: اوكي ... اترياج ... بس لحظة ... شقايل بعرف شكلج ؟؟
الحرمه: انتي يالسه بروحج ؟؟
العنود: لا ويايه اهلي ... شوفي ... احنا مجابلين ماكدونالد ... بتلقين طاوله عليها ثلاث بنات و ريال ...
الحرمه: ممممم ... اوكي ... وين .. هييه !! اشوفكم اشوفكم ... خلاص سكري يايتنكم ... باي ..
العنود: باي ..
يت الحرمه و كانت متنقبه و وياها بنتها الصغيره .. سلمت و عطت العنود موبايلها ...
العنود: مشكوره الغاليه ماتقصرين .. تعبناج معانا ..
الحرمه: انا اللي تعبتكم .. اسمحولي والله .... يالله انا مروحه .. تامروني بحايه ؟
العنود : لا سلامتج .... مع السلامه ..
بعد ماروحت الحرمه ..
سيف: شفتوا عاد !! ان بعض الظن اثم ....
العنود: قول حق بنات اخوانك ..
ساره: هذا يزاي اللي ابا ارد لج حقج ؟؟
العنود: مشكوره ماتقصرين .... نخدمج في الافراح ..
ساره: تطنزين ؟؟؟
العنود: اوهوو !! ساروه شو فيج ... خلاص قوموا نروح والله مزاجي زفت ...
سيف: منو يايبنكم ؟؟
العنود: ساره ..
سيف: خلاص قوموا روحو انتو ... شوي و بيأذن العشاء .. انتو صليتوا المغرب ؟؟
غايه: هيه ..
العنود: السالفه مستويه عقب المغرب ترا ..
سيف: اوكي انزين يالله برايكم .. يبتوني عالفاضي ...
ساره: اللي يسمع يقول شغلناك عن اشيا مهمه ..
سيف: ساروه يوم تطنجر لاترمسونها .... يالله قومي قومي ... سيري وصلي كزناتج .. خخخخخخ
ساره: اوكي ... قوموا بنات ...
وصلهم سيف لين الباركنات و ركبو سيارتهم و هو سار صوب البورش مالت سلطان..
غايه : حليله سلطان ماخذ الكروزر الجديم مال سيف و عاطنه البورش هههههههههه
ساره: تراه متراهن وياه يوم يلعبون مونوبولي ...
غايه: مالت عليهم ... صدق انهم تحف هههههه
طلع سيف بالبورش جدامهم و هرن و روح .. و هم كملو دربهم
بــــــه يفوق الوصف والطــــاري
وتحتصــــــن انفاســـه انفاسي
شروا ريـــــح المســـك والغاري
وبمـــــثيله احتـــــار مقـــياسي
أشهـــــد انه بس هـــــوى داري
يشغله قلـــــبي و احساســـي
-----
للتواصل والمزيد:
http://www.hawadary.com
زهرة_الآلام
26-04-05, 10:36 PM
هههههه :redface2 اسفييييييييييين يا نونوا ..والله كان لازم اطلع... و اهلن وسهلن بلمتابع الجديييد الغالي :clap ...
تفضلوا و اتمنى يعيبكم^_______ :) _____^>>>>>
الدنيا اسودت في ويهه !! مايشوف جدامه الا فيصل و اخته !! و ركض بسرعة صوبهم .... قبل ما أي حد يستوعب أي شي ...... مسك فيصل من مقدمة قميصه .. و عطاااه بووووكس على ويهه خلاه يطيح على الارض و هو متألم .... وسحبه فهد مره ثانيه من قميصه ورفعه من الارض اشوي..
فهد: يالحقيييييير!!!! واللـــــــــــــــــــــــه لأييب آخرتك يالجلب!!!
قبل ما أي حد يستوعب أي شي ...... مسك فيصل من مقدمة قميصه .. و عطاااه بووووكس على ويهه خلاه يطيح على الارض و هو متألم .... وسحبه فهد مره ثانيه من قميصه ورفعه من الارض اشوي..
فهد: يالحقيييييير!!!!
وعطاه بووكس ثاني على خشمه وطااح فيصل على الأرض من قوة الضربه!! فقد التوازن...
وبدا فهد يرفسه في بطنه رفسات متتاليه وفيصل يتألم من الضرب ويترجى فهد ويستسمح منه..بس فهد كان الموقف حارقنه وماكان يشوف شي جدامه الا صورة أخته غايه مع هالحقييييييير وهو لاصق فيها ويغازلها!!!
سلطان اللي تقرب منه عشان يمنعه من أي تصرف متهور !! يحاول يسحب فهد ويبعده قبل ما يجتل الريال من الضرب و غايه مسكت ويهها و تصيح: والللللللللله انا ماسويت شي!! والللللللله فهد والله مب انا اللي ييت هنيه !! انا قلتلهم ما ابا أي بس غصبوني! بس قبل ماتروم تبرر موقفها ياها كف محترم من اخوها اللي كان ممكن يسوي أي شي في هذي اللحظه !! عشان جيه مسكه سلطان و حاول يهديه ...
فهد يزاعج و هو معصب: شلوووووووووها من جدامي !!!! والله بجتلها !!!!
غايه تصيح وتصيح ........ بسرعة تقربن منها العنود و ساره و و خذوها عشان يطلعونها برع هالمكان ... اما سلطان فسحب فهد عشان يطلعون .. !!
فهد: اصبر !! انا ما خلصت شغلي ...........
وتصدد حوالينه ... توه ينتبه انه سوى فضيحه و الناس كلهم يطالعون و يتفرجون ..
فهد بصوت عالي : WHAT THE HELL U ARE LOOKKING AT !!!!!!!!!!
و ساار على طول صوب ميره و خواتها .... سلطان حس انه بيسوي مصيبه عشان جيه لحقه عشان يمنعه عن أي شي غلط .....
وقف جدامهن و رمس بصوت عالي وكان الكلام موجه بالتحديد لميره : شوووووفي !! احنا ناس محترمين !! عيال عرب و عارفين ربنا !!!!! مب مهيتين و لوووث نسير ونرد بدون رقيب و لا حسيب !!
ميره تحاول الدفاع عن نفسها : اسمع اخوي .......
فهد قاطعها: اخووج في عيييينج !!!! تخسين اكون اخوج ..... ما اخاوي شرات هالاشكال انا !!!
واطالعها من فوق لين تحت وكمل رمسته: شووفي انتي و هذيلا اللي وياج .. والله العظيم حلفت برب العالمين ... لو شفتج تقربتي من اختي ولا قلتيلها كلمه وحده و الله العظيم ماتشوفين خير في حياتج ..... بفضحج فظيحه و بوديج في ستين داهيه !!! تفووووو عليج و على امثالج ...(( وصد صوب ولد عمه)) سلطان قوم بنطلع ..
و طلع برع ... و سلطان لحقه لكنه سمع صوت يناديه .. التفت و شاف حصه اللي كانت تزقره فأشر على نفسه يسألها : تزقريني ؟؟
حصه : هيه بس ابا اقولك كلمه وحده ..
سطان عقد حواجبه : شوو بعد !!!!
حصه تقربت منه عشان ترمسه : بس بغيت اقولك انه غايه ماسوت شي غلط !! و فهد ظلمها باللي سواه بها !! لأنه كل هذا من تخطيط ميره اختي ... تبا تورطها وياها في هالسوالف مثل ما يرتنا انا و عهود وياها من قبل ........... قول حق فهد انه غايه مايخصها في شي ولا سوت شي موول ...... هذا كان مدبر .. ميره اللي خلت فيصل يتقرب من غايه ........... لأنها معجبه في فهد و تخطط انها تكسبه من خلال اخته !! ادري انه اللي سوته حقير و بغيض !! بليز خبر فهد انه غايه مالها خص الله يخليك .
سلطان حاس بوزه و هز راسه : ادري انه بنت عمي ماتسوي هالسوالف ...... غايه بنت عرب و قبايل !! و بنات العرب مايسون هالسوايا !!
عهود ردت بحزن و هي منزلة راسها: على فكره .. ترانا احنا بعد بنات عرب ... لكن الاخلاق مب عند العرب بس ... الاخلاق بالتربية .... واحمدوا الله انكم حصلتوا تربيه زينه ..
سلطان لمس الحزن في صوتها و غمضته .. قال في خاطره هيه والله .... اكيد هم ماعندهم حد يهتم فيهم و يوجههم للصح .... رد بسرعه و هو يلحق ولد عمه : الحمدلله على كل حال .. عالعموم شكرا على التوضيح .... باي
في الفندق كانت غايه طايحه على الشبريه و متلحفه باللحاف لين راسها و تصيح و تصيح ... وساره و العنود يحاولون يهدونها !! ومب رايمين يسكتونها ...
غايه تتكلم و مب رايمه ترمس و تناشغ : كييف تبوني اهدى !!! هاي اول مره حد يمد ايده عليه !!! ولامره حد ظربني ..!! واخرتها في مكان عام انظرب !!! حرام واللله فهد لازم كان يسمع دفاعي عن نفسي .... والله انا ماسويت شي ... هالكلبه الحقيره اللي ماتتسمى يرتني وراها !!
ساره يايه بتبطل حلجها عشان تقول تستاهلين .. لكنها صكته قبل ماتطلع الكلمه ... لنها ماتبا تزيد على بنت عمها اللي هي فيه لكنها تكلمت ..
ساره: غايه حبيبتي .. والله انه فهد خايف عليج ... ولو هو مب خايف عليج جان ماسوى اللي سواه ,, و جان خلاج تسوين اللي تسوينه !! تراج تشوفين هذيلا اللوث اللي رابعتيهن ....ماوراهن حد يحاسبهن ... عشان جيه ضايعات ... ويضيعن بنات الناس وياهن ..
نوك نوك نوك ... سمعوا الباب يدق ....
العنود: منوووه؟؟؟
سلطان من ورا الباب: انا سلطان ... افتحي ..
حطت السكارف على راسها و سارت تبطل الباب ... كلمها سلطان من عند الباب
سلطان: شو حالها ؟
العنود: والله وايد تصيح .. مب رايمين نهديها ...
سلطان: والله هي اللي جنت على عمرها !
العنود: حليلها والله ..... كانت ضحيه لبنات مايخافن ربهن .. شو عن فهد ؟؟
سلطان: فهد معصب وايد ...... مب رايمين نرمسه ... يفاتن على أي كلمه ..
العنود: لاحول ولا قوة الا بالله ....
سلطان: عالعموم انا ييت اخبركم اني اتصلت بسيف .. و قلت له ايي يتولى الموضوع .. لأنه هالموضوع اكبر مني و منج و منا كلنا !!! مممممم انا خذت تصريح من المشرفين .. و اتأكدوا انه سيف عم غايه و عادي يدش غرفتها .... فيوم بيوصل انتو خلوها بروحها وياه !! انزين ؟
العنود: والله زين سويت اتصلت به ... احس الليله مابتعدي .... اتمنى انه نوصل الشارجه على خير ...
سلطان: ماعليه بنوصل ان شاء الله .. بنزل اخبره عشان ايي ... يالله باي ..
و راح ...... بعد شوي دق الباب .. كان سيف ياي
سيف: السلام عليكم .... شحالكم ؟؟
العنود & ساره : الحمدلله .. شحالك انته ؟
سيف: بخير الحمدلله .. شحالها غايه ؟
ساره: والله مادري شاقولك ......... دش انته شوفها ... احنا بننزل الكافيه اللي تحت بنتريا.. طمننا بليز .. وشوي شوي عليها ...
سيف: افا عليج ساره ... ماعليج .. اطمني .. بتيج اخبار تسرج ان شاء الله ..
تم سيف بروحه ويا غايه .. اللي كانت ميته من الخوف انه عمها ايي يظربها بعد ... كانت مشاعرها مختلطه بين الخوف من الظرب .. والخوف من الفضيحه ... و بشعور الذل اللي عاشته اليوم ...
كان سيف من النوع الحنون .... من يوم كان صغير كان مهتم بعيال اخوانه .. لأنه كان اكبر منهم بشوي فهو اللي كان يعتني بهم في أي مكان يسيروله .. و بالرغم من الفارق العمري البسيط بينهم 4 او 5 سنوات .. لكن اخوانه الكبار كانوا وايد يثقون فيه ... و بعد عيال اخوانه كانوا يثقون بآرائه و قراراته في كل شي .. و مع انه وايد مرح و خريش و يحب المقالب .. لكن وقت الجد يعرف يتصرف و يمسك زمام الامور ...
يا سيف و يلس عدالها و حط ايده على جتفها ..
سيف: شحالج حبوبتي ؟
غايه ماردت لانها مفتشله موت من عمها ...
سيف: غايه ... قومي اغسلي ويهج .. و تعالي ابا ارمس وياج ..
يلست غايه و استندت على السرير وراها ووضمت ريلها لجسمها و نزلت ويهها على ركبتها و ردت دموعها تنزل بدون توقف ...
غايه : عمي انته ماتدري شو اللي صار .. والله اني مظلومه والله ....أناااا...أأأناااا..........
سيف: لا يا غايه ... انا بلغني كل اللي صار ... وكنت على علم بكل شي اول بأول ....
غايه : صدق؟؟؟؟؟؟؟؟؟؟؟
سيف: هيه صدق ....اعرف كل شي .....
نزلت راسها ومارامت ترفعه من الفشله ...
سيف: ارفعي راسج غايه و شوفيني .. حطي عينج بعيني و جاوبيني بصراحه على اللي اسألج عنه ..... شو رايج باللي صار ؟
غايه: انا قلت لك شو رايي ... انا مظلومه والله ............... هالسعودي هو اللي تم يتلزق فيني ... من بعد ماهذيج الخايسه اللي ما ابا اطري اسمها دزته علي .. والله ياعمي ماكنت ابا ادش هالمكان ولا طلبت منهم يعلموني...ماعطوني فرصه اتكلم!! والله ماعطوني فرصه عمي!!
سيف: احينه خايسه ؟؟؟ البارحه تتمدحين فيها و تدافعين عنها !
غايه: لاتذكرني عمي ... والله اني كل ما اذكر اتفشل...كيف وثقت فيهن!! كيف كنت مصدقه انهن محترمات وأخلاقهن زينه!!! كيف جذبتكم كلكم ووثقت فيهن!! .... آآآآآآآآه يا عمي ...( نزلت راسها ويودت راسها) قول لي احينه كيف بجابل اللي ويانا في الرحله ... كيف يوم بنرد البلاد و بنداوم .... الشباب اكيد بيرمسون و البنات بعد ... فهد هزأ ميرووه !! تستاهل الكلبه !!!!! عمي .. انا مابا ارد الجامعه .... بطلع .. بحول .. بيلس في البيت بس ما اقدر اجابل الناس عقب اللي صار ..!!!
سيف: انزين لاتصيحين بسج صياح ........ اقولج .. قومي اغسلي ويهج و قولي لا اله الله .. وان شاء الله بيصير كل خير ..
قالت غايه ان شاء الله .. و قامت تغسل ويهها ...و يوم ردت كانت تنشف ويهها بفوده صغيره و حطتها على الكرسي و يلست .... يا سيف و يلس وياها ..
سيف: شوفي غايه ... بالنسبه للفضيحه .. ترا ماصار شي ان شاء الله ...... فهد مب معصب .... ييت و رمسته و وايد هدا عن قبل ........ وعادي لاتقولين مابكمل و مادري شو لانه هذا مستقبلج ولاتدمرينه بديج ...وبعدين ماكان في حد من طلبة الجامعه اللي وياكم في هاك المكان اللي صارت فيه السالف .. مجرد هالبنات رباعتج !!
غايه : ربع بهم يني ان شاء الله .. لاتقول رباعتج عمي ..
سيف: ههههههههههه ... والله ضحكتيني .... ذكرتيني بابوج .... نفس الاسلوب ...
غايه مابتسمت و تمت منزله راسها ....
سيف: انزين اسمعي غايه .... هذا بيكون درس لج ..... الانسان طول عمره يغلط و يتعلم من اغلاطه ... ولو تم الانسان بدون تجارب مابيتعلم شي ...... انتي تعلمتي انه لازم الواحد يختار اصدقائه بعنايه ..... يختار الصاحب الخلوق المؤدب .... اللي سمعته طيبه بين الناس ... الناس توزن بعضها بأصحابها...والشخص يختار الصاحب اللي يرفعه اكثر واكثر .. مب اللي ينزله وياه للحضيض ..
غايه تمت حاطه ايديها في حضنها و منزله راسها تطالعهن ..والدمعه في عيونها
سيف: يا غايه الناس يوم تتنشد عن واحد .... يتنشدون عن ربعه !! اذا كانوا صالحين فهو صالح .. وان كانوا مب زينين .. فهو بعد مب زين .... (سكت...وشبك اصابعه جدامه ونزل راسه..ورد يكمل ) ... أنا ادري اني ابتعدت عنكم فتره طويله وعلاقتي فيكم يمكن مب قويه مثل قبل..ولها السبب مب عارف كيف ابدا معاج...
(رفع راسه وأطالعها في عيونها) كل اللي أقدر أعطيج اياه مجموعة دروب وانتي الحكم يا غايه...انتي اللي بيدج تختارين الدرب اللي يرضي ضميرج.....سمعي ....وأفهمي...وبعدين أختاري اللي يريحج...
بديت الشعر وبالمنطوق قلته .. واسمّع به امام السامعينا
سلامي لكم وبالاحسان خذته... بورد وفل وريح الياسمينا
دروب الخير في عمري سلكته .. وكفانا الله شر المبتلينا
انا المسلم كتابي قد سمعته .. وهديي في البشرمحمد نبينا
وخويي ان بغيت ف يوم شرته .. انا وياه ف الدنيا اجمعينا
صديقٍ وافيٍ ذا اليوم نلته .. ولا عشره اذا من الظالمينا
شهم وافي وضرغامٍ بصرته.. يلبّي لك في اوقات المحينا
اشاكي واشتكي همٍّ وصفته .. وهو زلّه وهو غصبٍ علينا
ضميت ومن السراب اربع شربته .. ضماي اشبه ضما صحرا سينا
ابكتب وعاجز الحرف ان كتبته .. وكم حرفٍ خطانا وناسيينا
واذا شفت اللئيم ادري عرفته .. نذل مسود وجهه من الجبينا
يحب الشر يقول للخير عفته .. يخرّب عقل اذا عقلٍ رزينا
دواه بسيف في عنقه ضربته .. وفي نارٍ جهنم هالكينا
فيا مسلم ابا نصح من نصحته .. وابا تختار من بين الثنينا
ابا تختار شخصٍ بك رفعته .. وبين اللي يردك سافلينا
وانت اللي مخير من صحبته .. وانا اخترت والله المعينا
غايه من سمعت القصيده منوو يسكتها ... ماقدرت توقف دموعها .... على طول سارت عند عمها و حضنته و تمت تصيح على صدره .... (( انا اسفه عمي .. سامحني .. والله اني غلطانه ))
مسح على شعرها : مب انا اللي اسامحج حبوبتي ... استسمحي من اخوج و ولد عمج و خواتج ... ترا هم اللي غلطتي في حقهم و فضلتي ناس مايسوون عليهم ....
رد لوى عليها وحضنها قووو: كنت حاس انج بتتخذين الدرب اللي يناسب التربيه اللي تربيتي عليها...تذكري انه ساروه والعنود خواتج...والخوات عمرهن مابيتمنن الشر لأختهن..وهن الود ودهن يشلونج على كفوف الراحه ويحمونج من كل صوب...لكن سنة الحياة تلزم الانسان انه يمر في هالتجارب ولا كيف بيتعلم ياغايه...
تم سيف مع غايه في الحجره يهديها..وماطلع الا عقب ماتأكد انها هدت...انسحب من غرفتها وسار يطمن فهد وسلطان عن حالها...
---------
المكان: غرفة سلطان وفهد
الزمان: 9:30 فالليل
نوك نوك نوك
سلطان نش يشوف منو عند الباب...وكان حاس انه هذا عمه سيف ياي ويايب وياه أخبار عن غايه..فتحه الباب ودش سيف..
سيف: السلام عليكم..
سلطان: عليكم السلام هلا سيف..
سيف: وينه فهد..؟
سلطان: يالس يجلب في القنوات ومب حاس بعمره...أرمسه وهو مطنش ومايرد عليه.
سيف: اهااا...انا بسير برمسه ...وانته بعد تعال ويايه..
سلطان: ان شاءالله..
دشو على فهد...وحاله مثل ماهو، يالس يجلب في القنوات وسرحان في عالم ثاني..والعبوس بويهه ومبين انه يفكر بأشياء سوده....خذ نفس سيف ودق الطاوله..
سيف: هوووود
فهد: هلا ... هلا عمي...هدا ...تفضل استريح
سيف: دام فضلك...شو تطالع..؟
فهد: والله ماشي..يالس اجلب في القنوات مب عايبني شي..
سيف:اهاااا ...(وصد صوب سلطان)...اونه مسوي عمره منتبه حق التلفزيون ويعرف شو يطالع من الصبح
سلطان: ههههههههههه...لواته تراااا
فهد مطنش وماعلق على الموضوع..نش سيف ويلس عند فهد وحط ايده على جتف فهد...
سيف: يابوي هونها و تهون...احمد ربك انها يت على جي مب اكثر...
فهد : وشو بعد اكثر عن جي!!!! مهونين السالفه واااااايد !!
سلطان: لا ياخوك....لا مهونينها ولا شياته!! بس السالفه عدت على خير..واحمد ربك اختك موجوده بيننا الحين وتحت نظرنا..
فهد: قصوووووورها بعد تسيرمكان!!! حراااااام لا اقطعها تقطيع!!!
سيف: اذكر الله يا فهد!!! اذكر الله!
فهد: اووووووووووف!!! لا اله الا الله...
سيف: فهد...هاي صغيره..والبنت اغترت فيهن وهي مارابعتهن الا لانها كانت حاطه في بالها انه مايعيبعن شي وانهن زينات....لكن الحمدالله انه ربك كشفهن على حقيقتهن قبل لايسحبونها اكثر عن جي!
فهد: صغيره!!!!!!!!!!! لا ياعمي...محد صغير على هالسوالف!!!! حتى الصغير يعرف الصح من الغلط!!!
سيف: ماقلنا شي، لكن البنت ماشافت مساوءهن...ودوم الصديج الشين مايظهر عمره من اول مره لازم يتحايل لين يتمكن.....والحمدالله انه غايه انسانه فاهمه..ومن نفسها عرفت حقيقتهن....والانسان يا فهد مايتعلم من دنياه لين ينقرص...وهي تعلمت درس مابتنساه طوول حياتها..
نزل راسه فهد وملامح ويهه بدت اتلين اشوي: سيف كل ما اذكر الموقف اللي شفته احس بطعنه اهني (ويأشر على قلبه) والله اهني يا سيف...ودمعت اعيونه
سيف: فهد....والله اللي يعورك تراه يعورنا كلنا....والموقف هذا لاهو سهل عليك ولا عليها ولا علينا كلنا...لكن شي صار وانتهى..والواحد اذا بيتم يفكر في الماضي عمره مابيتجدم، والحياه تجارب ودروس..وهذا أول درس لها..خاضت تجربتها بروحها بدون شريك..وتعلمت من هالموقف بروحها..
فهد....اختك مالها غنى عنك، هي الحين محتاجتلك اكثر عن قبل، لاتتخلى عنها في الوقت، لانها بأشد الحاجه لك...ولخواتها..
هز راسه فهد وحاس انه العبره خانقتنه...يا سلطان يلس على طرف الكرسي عدال فهد ومسك ايده...
سلطان: هي محتاجتلنا ونحن محتاجيلها... كل اللي نباه منك الحين انك تنسى اللي صار...أو على الأقل تتناساه لفتره...ترا انتوا مالكم غنى عن بعض وكل واحد فيكم يكمل الثاني...
تموا يسولفون وياه لين اقتنع انه يحاول انه يكون طبيعي مع اخته...ويحاول ينسى اللي صار ويفتح صفحه يديده...ويحاول انه يشل الحواجز اللي حاطنها في قلبه...لانه مهما صار بتم أخته..ومحد معصوم من الغلط...اهم شي انها عرفت غلطتها...وعرفت انه أخوها وعيال عمها مايبوم الا مصلحتها..
المكان: غرفة البنات
الزمان: 8:30 المسا
تمت غايه طول اليوم في الغرفه ماطلعت مووول..ساروه والعنود كانوا ايوون بين فتره وفتره يوايجون عليها...ويشوفونها متلحفه ومغطيه ويهها من فتره طويله...مابغوا يزعجونها بس المشكله انها تمت فتره طويله على هالحال...والوقت تأخر وهن يواعى و يدروبها ماكلت شي من الظهر وحرام ترقد بيوعها..
تجدمت ساره من شبرية غايه وحاولت اتوعيها بس العنود اشرتلها انه اتخليها راقده..بس ساره اصرت انها توعي غايه...حرام مب ماكله شي وحالتها تكسر الخاطر..حتى لو مالها نفس تاكل على الاقل تكون ويانا...عشان تطلع من الجو الكئيب هذا!!
ساره هزت غايه: غايوووه...؟؟؟ غااااايه؟؟؟ فديتج قومي بنسير ناكل
غايه واعيه وعيونها تدمع مب قادره تنطق بحرف واحد!! معقول عقب ها كله يون ويكلموني!! ياااااااااا اللـــــه!!! كيف سويت فيهن جي!!! عضت الشرشف عشان تكتم شهقتها..
ساره ما استسلمت: غاااااايه..؟؟ قومي بنسير نتعشى...انتي مب ماكله شي موول!
غايه: مب يوعانه
ساره: بسسسسسسسسس...............
العنود سحبت ساره عشان ماتحن عليها اكثر من جي...الظاهر انه غايه بعدها متكدره وماتبى ترمس حد...
طلعن من الغرفه وفي نفس الوقت شافوا الشباب (سيف وسلطان وفهد) طالعين من غرفهم بينزلون يتعشون بعد... نزلوا كلهم وساروا المطعم عشان يتعشون..أول ماوصلوا المطعم شافوا شلة ميره...بس ميره مب وياهم.. فهد صد بسرعه صوب ساره وساره نفس الشي...كأنهم حسوا انه ميره فوق عند غايه!! بس سلطان يود يد فهد وقاله انه مافي داعي يحاتي وايد...البنت شكلها مفتشله عشان جي مانزلت...خذ فهد نفس عميق ويلس على أقرب طاوله ويوا يلسوا كلهم عداله وتعشوا...
عقب ماتعشوا...نشن البنات وزهبن صحن حق غايه لانه يدروبها بتنش آخر الليل يوعانه ومابتحصل شي تاكله..دفعن الحساب وتجدمن قبل الشباب وسارن غرفتهن، والشباب عقب 10 دقايق نشوا وساروا صوب الكوفي شوب ..دخلوا و يلسوا..
سيف: ااااااااااااح ... اسميني كلت من الخاطر!! ايي بطني يعورني
سلطان: محد قالك تاكل هالكثر!! شو كالفنك ههههههههههه
فهد: عليك بالعافيه عمي
سيف: ياويلي انا على المحترم...هاك اليوم تزجرني سواااااااف واليوم عمي...سوالف انته هههههههههه
سلطان: هيه تعالوا.... توني لاحظت ههههههههههههههههه
فهد صد الصوب الثاني ولبسهم..
سيف: الساعه كم الحين؟؟
سلطان: حدود 10:30 ...
سيف: والله ؟؟؟ ياااااااااااا اللــــه!! ملل
سلطان: هيه والله صدقت...حتى الكوفي ممل ...ماشي بنات هههههههههههههه
فهد اخيرا نطق: بس؟؟؟ هاللي فالح فيه؟؟ بنات؟
سلطان وسيف نقعوا من الضحك عليه: ههههههههههههههههههههههاااااااااااااااااي
سيف: الله يقطع شرك!! والله ضحكتني ..مساعه نرمسه مب مسولنا سالفه والحين من سمع طاري البنت نطق هههههههههههههههههه
سلطان: هيه والله الواحد ماييسر يقول شي جدامه هههههههه
فهد: عيل لاترمس مره ثانيه جدامي
سيف: حووو .. حوووه ... ايييييييه انته! بس غير هالموود شو هالحاله!
خذ نفس فهد وصد الصوب الثاني وكمل الكوفي اللي يشربه...تموا 3 دقايق ساكتين ومحد متجرأ يرمس ويقول شي....أو بالأصح مايعرفون شو يقولون...وفجأه !!!! نش سيف من مكانه ودز الكرسي
سيف: أووووووووووووووووووووووووووووووووووووووووه!!!!!!
وطلع بسرعه من الكوفي شوب وظهر من الفندق...الكل استغرب من حركة سيف!! وفهد كان متلوم واااااايد...ويعاتب نفسه يقول ليش جي قلت!! زعل سيف وظهر وهو متضايق!!! اووووووووف شو سويت !!!
فجأه رد سيف وهو يبتسم...وبتسامته شاقه البووووووز!! وخاش وراه شي...استغربوا شو بلاه!! توه ظهر وشكله متظايق ورد الحين يبتسم!! شو السالفه..
سيف: نياهاهاهااااااااااااااااااااااااااااااااي....خمنوا شو يبت ويايه؟؟؟
سلطان: ممممممممم سلاح؟
سيف: سلااح قاال !!! خبله انته .. ههههه والله انا الغلطان لاني ماخصصت السؤال لمنو ههههههههههه...
سلطان: هههههههههههههه..انزين فرصه ثانيه دخيلك؟؟
سيف: لا لا راحت عليك... فهد دورك... شو داس ورايه؟؟
فهد يتأمل في ويه سيف: مممممممممم ... يمكن تذاكر مباراه ؟!
سلطان: اتصدقون....والله انا التيس لاني سألت ناس حمير مثلكم هههههههههههههههه
سلطان وفهد: هههههههههههههههههههههههه
سلطان: انزين ترانا نخمن مب سحار نحن! شو عندك... خبرنا
طلع سيف اللي داسنه ورا ظهره ويلس يهزه جدامهم
part 11
طلع سيف اللي خاشنه ورا ظهره ويلس يهزه جدامهم
سيف: ترااااااااااااااااااا تااااااااااااااااااااااااااااا .....مونوبولي
نقزوا الشباب من على الكراسي ويحاولون يسحبون اللعبه من ايد سيف...
سيف: دفعوا الحساب ولحقوني فوووووووووووق ...شي يلسه فوق جدا غرفكم....بنلعب اهناك... يالله اتبعوني...وركض
والشباب بسرعه دفعوا الحساب ولحقوه....دش سيف اللفت ويا بيصكه قبل لايون الشباب عشان يسبقهم فوق لكن فهد دز بعمره وخش عمره غصب عقب ما أنصك باب اللفت على جتفه ودش عقبه سلطان و تموا يضحكون على أشكالهم وهم يلحقون سيف...
أول ما وصلوا الصاله...انسدحوا ثلاثتهم و فتحوا اللعبه
سيف: الجووووووووووووووووتي محجووووووووز!!!
فهد: انا ابا الكوايه!!
سلطان: لا لا دخيلك انا ابا الجوتي!! اتفائل به وااااايد والله ههههههههههههه
سيف: يالله منااااك مناااااااك...
فهد: خذ السفينه ...انا مجربنها حظها اوكي يا ريااال
سلطان: ماشي ابا الجووووووتي... سيف دخيلك عطني اياه بليييز بلييز
سيف: يالله اجلب ويهك... ها الجوتي ويايه من 15 سنه وانته الحين ياي اتشله عني بكل بساطه!!! والله لو تعطيني مليووووون ما ببيعه
سلطان: خيييييييييبه ثرك شيبه سواف...ابرايك...خل الجوتي ينفعك عيل ...انا باخذ السفينه...السفينه عمرها ماتغرق وبتشوف منو اللي بيفووووووز .. هييييييييييلي يا مااااااااااااال ...
بدا اللعب...وبدا الحماس...الشباب بادين اللعب بحماس، كل واحد فيهم يراوي عضلاته مسوي عمره زعيم اللعبه، أول دور غلبهم سيف ومن طوف البدايه قام يشتري أراضي...وبعده فهد والاخير سلطان..
فهد: راعي السفينه.... أووووووووو يا ماااااااااااااال ... ههههههههههههههههههههااااااااااااي
نقع من الضحك سيف، وسلطان مغيض عليهم لانهم بدوا يطيحون على أراضي استراتيجيه وهو من بدا اللعب مايطيح الا على محطات..
سلطان: ابراااااااااايه !! عيبواا عيبوا!!! ترا العيب بلا!!!
فهد وسيف مب قادرين ايودون عمارهم...شكله سلطان وهو معصب يجتل من الضحك، كل ما يشوفون ويهه يضحكون زياده وهاكي يتحرطم...
من جهه ثانيه... البنات في الغرفه مب عارفين كيف يتصرفون ويا غايه...يبونها تسولف وياهن بس ماشي..مازالت على نفس الحال..متلحفه وساكته...مايندرى راقده ولا تمثل..
ساره: ماكلت شي...الاكل برد...بسير انش اوعيها
العنود: يلسي انتي... انا بسير
سارت العنود صوب غايه...ويلست على طرف شبرييتها.. وزجرت عليها
العنود: غااااااااايه...غاااااااااايه...قومي فديتج...قومي كلي لج لقمه..
غايه: مب يوعانه
العنود: كيف مب يوعانه وانتي من الظهر على لحم بطنج..!! قومي الغاليه...قومي كلي
غايه: صدقيني مب يوعانه
العنود: انزين برايه...عن خاطري كلي...يالله ...قومي...كلي بلييييز
غايه نشت ويلست على الشبريه ويابت العنود الصحن جدامها وفرشت الكلينكس عشان ماتتوصخ..
من شلت العنود الغطا عن الاكل...سمعت صووووووت بطن غايه ((اييييييييييووووواي )) ضحكن ثنتيناتهن...
العنود: ياااااااااااالله...زين مارفعوا عليج قضيه...ضرابه مستويع في بطنج هههههههههههه
غايه ابتسمت وردتلها العنود الابتسامه ويلست تلقمها وتدلعها....لين حست انها قدرت تظهر غايه من الحزن اللي هي فيه...
دشت ساره وشافت الموقف جدامها حست بغبنه...فديتج غايووووووووه والله مانستغنى عنج يالغاليه!
يت ساره ويلست حذالهن...
ساروه: اقووووووووووول...(وتطالع غايه) هالسيلانيه بكم مأجرتنها ههههههههههه
ضحكت غايه و نشت العنود وكفخت ساروووووه على راسها..وتمن يتضاربن و غايه تحايز من بينهن...وهن يضحكن على عمارهن..
نشت غايه تغسلت ويلست ويا خواتها يطالعن التلفزيون...تموا فتره يطالعون الفلم وفجأه قالت ساره: اقووول؟؟؟ وين هالشباب؟ انا من عقب العشا ماشفتهم!!
العنود: ما ادري...اتصلي غرفتهم..
نشت ساره واتصلت الغرفه بس محد رد عليها...اتصلت على تلفون سلطان بعد ما رد عليها...
ساره: محد يرد!!!
العنود: يمكن يتسبح....اتصلي في عمج...
اتصلت ساره في عمها سيف...رن كم من رنه وماشي رد...توها يايه بتبند رد سيف...
سيف: مرحبا والله
(سلطان وفهد يتناجرون)
ساره: الله عمي.... وينكم انتو؟؟ شو هالحشره؟؟؟ شو مستوي؟
سيف: نحن اهني في الممر يالسين نلعب مونوبولي ههههههههههههههههههههههههههه
ساره مصدومه: شوووووووووووووه!!! من وين لكم!!
سيف يزاعج على فهد: (اييييييييييييه انته لا تغش والله اشوفك...رد الخمسميه في البنك أحسلك) ...هااا ... شو ؟؟ اقوووووووووول... تعالوا جانكن فاضيات هههههههههه باااااااي
بندت عنه ساره...وصدت صوب البنات...
ساره: يلعبون مونوبولي!!
العنود وغايه: شووووووووووه!!! قوووووولي والله!!
ساره: والله .... شكله الدور حامي اسمعهم يتضاربون... هههههههههه يالله نسيرلهم
العنود: يالله .... فوووووووقه!
غايه نزلت راسها و الكل حس بشو تفكر ...يت ساره ويودت اديها...
ساره: غااااااايه... بس عاااااااد...انسي اللي صار... يالله قومي ويانا...والله بتستانسين... قومي ..عشان خاطري..
نشن البنات...ولبسن الشيل البيضا وطلعن من الغرفه...
ساره: اعنبووووووالناس رقود وهالثلاثه يالسين في نص الطابق مسوين زوبعه جانهم يالسين في الميلس ههههههههههههههه
العنود: هيه محتشرين... يالله اربعن عشان نلحق على السالفه
وصلن البنات عند الشباب وسلمن.. أول مارفع راسه فهد بيرد على السلام شاف غايه...لا اراديا ابتسم و هي يوم شافت ردت فعل اخوها ابتسمت...
فهد: غايه...تعالي يلسي حذالي
نشت غايه ويلست ورا اخوها على القنفه...وساره تتحرقص تبى تلعب..
ساره: اقوووووووووول... عيدوا الدوووووور ابا ألعب وياكم..
سيف: اونه عيدوا الدووووووور!!! يالله مناااااااك مناااااااك...تبين امسكي البنك...تراني ما أامن على أخوج...هههههههههههه
سلطان: لا الصراحه عرفت تأمن البنك على منو الحين... هاي سارو أكبر غشاشه
سيف: اوووووووه... نسيت انها اختك... ههههههههههههههههههه عندوووووووووه... يلسي ورايه وشللي البنك عن سلطوووووون.... انتي محل ثقه
العنود: لا والله؟ اشكرك الصراحه ... هاتووووووووا الفلوس
لعبوا الجماعه وتبدلت الأوضاع...صار الغالب فهد والمغلوبين سيف وسلطان..وكل واحد فيهم يشتري ويبني بيوت عشان يعدلون ميزانيتهم...الشباب طووول اللعب يتضاربون ويكفخون بعض...والبنات يضحكن عليهم..
سلطان: والخييييييييبه تخيبك!!! ههههههههه شو ها!!! ميزانية الدوله كلها عندك!!
فهد: اللــــــــــــه وكبر!!! من شر حاسدن اذا حسد!! هههههههه
سيف: هيه والله!! هذا سلطوووووون مايذكر ربه حاسد الناس على الخير اللي عندهم...لين فلست
سلطان: كله منكم!! لو عطيتوني الجوتي جان غدا حالكم أحسن عن جي هههههههههههه
سيف: عدااااااااااااال يا راعي السفينه ... اونه السفينه عمرها ماتغرق ...سييييييييييير العب بعيد يا رياااااال ههههههههه
سلطان: انزين ماعليه سيييييييييف!!! ماعليه...ها ويهي جان مايلستك على الحديده...مب اسمي سلطان بن محمد
سيف: ههههههههههههههههههههههههههههههههههاااااااااااااي
فهد: اقووووول... بسير ابدل ثيابي...ضقت تراني...
سيف وسلطان: سييير سيييييييير ...برايك ههههههههههههههه
فهد: ثوووووووووووور قالولكم أودر اللعب وأخليكم تغشون على كيفكم...بننش ضربه...يالله
سيف: اوكي انته اسبقنا وانا وراك....ظهرلي كندوره لاني مب يايب الشنطه ويايه...
فهد: اوكي...يالله
نش فهد وسار حجرتهم عشان يبدل ثيابه ويلبس له جلابيه بدل هالبنطلون....ومن جهه ثانيه الشباب (سيف وسلطان والبنات) يلسوا في الاستراحه وماتحركوا..
سيف: اقووووووووول عندوووووووه....فررري خمسميه...
العنود: لا لا ...ماشي
سيف: شووووووو ماشي انتي بعد... هاتي هاتي خمسميه
العنود: لا ...ماشي غش...مابعطيك
سيف: طاااااااااااالع!!! والله انا الغلطان وظفتج اهني.... باااااجر ابا اشوف أوراق استقالتج على مكتبي...فاهمه!!!
العنود: هي هي هي...ماااااباااااا
فهد: سيف ...يالله بسير ابدل...تباني ايب لك جلابيه؟ ولا ...
سيف: بنش وياك...هييد
نشوا الشباب وتمن البنات يحرسن اللعبه...عقب 3 دقايق رجعوا كلهم وكل واحد فيهم يلس في مكانه وكملوا اللعب... هالمررره اللعبه تحولت جد...ناس تبيع وناس تدفع وناس مديونه...طبعا سيف من الاشخاص اللي يبيعون..وفهد يبني..وسلطان مديون...
العنود تتثاوب: اقوووول ....بسير ارقد...تصبحون على خير..
ساره وغايه: يالله نحن بعد بني وياج....تصبحون على خير شباب...
الشباب طنشوهن لانهم كانوا مندمجين في اللعب....فر سلطان الزهر وياب 3 ،3 ...لعب ووصل عند صندوق الجماعه...أول ماسحب الورقه أعتفس ويهه وقبل لايرد الورقه مكانها سحب الزهر وبغى يلعب...حس سيف انه سلطان شكله طلع له (تقدم الى خانت ترافلجار) وهالأرض كانت ملك سيف... توه ياي بيلعب سلطان بس سيف سبقه...
سيف: أأأأأأأأأأأأأأأدفععععععععععععععععععععععع!!!!!!!!!! !!
سلطان فر الزهر بسرعه: ماشي لعبت خلاص هههههههههههههههههههههههه
سيف: والله مايووووووز!!! غش ها...ادفع يالله !! ادفع!
فهد وسلطان يضحكون...وفهد سحب ورقة ارض سيف(ترافلجار اللي بنا عليها 3 بيوت)..
فهد: سلطووووون...أدفع 750
سلطان: والعاااااااااااااااثره!!!!!!!!! ماعندي الا ميتين...اصبر علي يا ريال!!
سيف: ماشي...ادفع يالله ..كااااااااااش ههههههههههه
سلطان: لابركتن فيها من سفينه.... طلع محمل تجميع مب تيتانك ههههههههههههههههه
سيف: لاتغير السالفه...ادفع يالله ..
سلطان: انزين خذ هالـ 200 وأصبر علي اشوي...الحين مره بطوف البدايه وبعطيك 200 ..وانته الحين انشاءالله بتطيح في ((بال مال)) وبتدفع 450 هههههههههههههههههه
سيف: فاااااااااااال الله ولا فالك يا السباااااال!! ما عليه!! بمشيلك اياها هالمره...
لعب سلطان مره ثانيه وطاح في أرض سيف مره ثانيه....سيف لبس القحفيه اللي ويا جلابيته المغربيه وحطها على راسه: أأأأأأأأأأأأأأأأأأدفعععععععععععععععععععععععععععععع ععععع!!! ههههههههههههههههههههههااااااااااي (و يهز راسه)
سلطان: والخييييييييبه تخيبك انته وأراضيك فوقك!! ههههههههههههههههه انزين سجل على الحساب رفيق ههههه
فهد: شو حساب ماشي يالله بييييييع .. ههههههههههه
سلطان: ماببيع!!! ادريبك حاط عينك على ماينفير!!! ماببيعها لو الموت...ماعندي غيرها حرام عليكم خلوني أترزق منها
سيف: سمعت الهامور شو يقولك..بيع ...يالله بيع .. ههههه
سلطان: خلاص برهنلك اياها...اذا طاف الدور وماسددت ديني...لك الأرض.. شوقلت؟
سيف يفكر وحاط صبعه على شفايفه: مممممممممممممممم ... اوكي ..تم
سلطان: مال مقصه انته عمي...ها ويهي جان ماظهرتك قبلي من اللعبه
سيف: والله انا براويك.... تراهن!!
سلطان: ههههههههههه على شو؟ ماعندي أرض ثانيه .. ه
سيف: اوكي..اذا انا ظهرت قبلك...عشاكم باجر على حسابي في مطعم ايطالي..واذا انته طلعت قبلي من نرد لبلاد تعطيني البورش أحوطبها اسبوع كاااامل... موافق؟؟
سلطان: شوووووو ها..على كيفك هوو...
سيف: هاااااااا... موافق؟؟
سلطان: انزين... موافق.... !!
لعبوا... وزاد الحماس من عقب الرهان...الشباب شادين حيلهم، خاصة سيف وسلطان لانه وضعهم كان محرج اشوي...نص الأراضي باعوها...والباجي مرهونات وفهد يمشي ولا مفتكر...اللعبه لعبته وهو الهامووووور العوود...شل أراضيهم كلهم وصار ملك اللعبه...والكل يدفع له...
فهد يرمس سيف: أدفعععععع يا حبيبي...
هههههههههههههااااااااااااااااااااااااي ....يالله برع القيم بررررررررع
سيف: اييييه!! شو برع ... حرام عليك فهوووود...انا عمك
فهد: عمي ...اسمحلي...بس اللعب لعب...
سيف: انزين برهن لك ..
فهد: شو عندك عشان ترهن لي اياه...مفلس انته يالحبيب ..
سيف: مممممممممم...تاخذ الجلابيه؟؟
فهد وسلطان نقعوا من الضحك على سيف...
فهد: والله من صدقك انته؟؟ ههههههه
سيف: هيه بعد شو... ماشي الا هالحل جدامي ههه
فهد: خلاص... افصخها ههههههه
عق سيف الجلابيه وتم بوزار وفانيله وكمل اللعب ولا على باله وهو متحلف لسلطان انه الدور الياي بيكون دوره...بس توقعاته كانت غلط...وانجبر يتنازل مره ثانيه..
سيف: فهوووووود....تقبل الفانيله؟؟
فهد: والله سوالف انتوا.... هات هاااااااااات... هههه
الدور اللي بعده.. طاح سلطان في أرض فهد ورهن جلابيته عشان يكمل اللعب..
فهد: لا تحلمون اني أردلكم ثيابكم ههههههه
سيف: والله انا عادي عندي...مب مالي .. ههههههه
سلطان: العب انته...العب... اونه مب مالي... هالدور آخر دور لك...ماتم شي ترا هههههههاااااااي
مابقى شي...مسك سيف الزهر وقربهن من شفايفه وقال التعويذه...
سيف: أبراااااااكا دبرااااااااااا .... ياللـــــــــــــــه 5 ،2 .... ياللــــــه السجن...
سلطان: ماشي بتطيح في أرضه...محاصر انته ههههههه
فر الزهر ودش السجن....وصرخ سيف من الفرحه!!
سيف: أشكرك يااااااااااااااااا رب!!!
سلطان مغيض: ماعليه..الحين بتيب دبل وبتظهر ... لا تتفائل وايد..
لعب فهد...وعقبه لعب سلطان ووصل لخانة الفرصه (تقدم ألى محطة مرلبورو)..فر الورقه وسار فصخ الفانيله وفرها على فهد
سلطان: هاااااا الدور الفاصل...يا انا...يا سيفووووووو
سيف: سيفوووووووووو مسجون حليله....هههههه
ويا الدور الفاصل...محد يلعب في الساحه الا فهد وسلطان....خسر سلطان اللعبه ونش يتحرطم عليهم..
فهد: عااااااادي.... اقبل ...اقبل... هاته ...هههههههههههاي
سلطان: جـــــــــــــــــــــــــــــــــب!!! الله ينطبك...مب لاعب وياكم مره ثانيه..
سيف وفهد ميتين من الضحك على سلطان....خسر اللعبه وخسر البورش...مسكين حالك يا سلطان..
بس كانت هاللعبه أحلى لعبه لعبوها في حياتهم...استمرت لين الساعه 4:30 الفجر....سيف لبس جلابيته وترخص منهم..
فهد: ياااااااااالس عمي...؟؟ وين ساير!!
سيف: بسير الشباب يتريوني...مايصير ابات اهني
سلطان: سيييييييييير ابويه سييييييييييير ابرايك.... (وصد الصوب الثاني)
سيف: ههههههههههههه حليله راعي السفينه... لو ماخذ القحفيه ابركلك ..هههههه
سلطان معصب: هذا اذا لعبت وياكم مره ثانيه ...
فهد: اقووووووول...بتمشي في الممر بوزار بس؟؟ ههههههههههههههه
سلطان: حلال عليك! ههههههههه بس بصراحه...ماجد لعبت هاللعبه بهالحماس!! والله القيم كان فضيع
تموا يسولفون اشوي وعقبها صلوا الفجر جماعه وترخص سيف وسار عند ربعه...
المكان: رسبشن الفندق
الزمان: 8:30 الصبح
البنات لأول مره يجهزن على الموعد وهالشي خلا الشباب يستغربون وايد...ويدرون مب من الله ناشين من وقت وجاهزين...هاكله عشان السوق لانه آخر يوم لهم في أمريكا...وشكلهن بيخمن السوق من الخاطر.. يلسوا كلهم يتريون سيف في الكوفي شوب...كلها دقايق ووصل سيف وطلعوا كلهم ووداهم أحد المولات الكبيرة في مدينة نيويورك..
البنات من دخلن المول...غبرن وانتشرن في المحلات والشباب يضحكون على اشكالهن، كأنهم مب شايفين مول قبل..
بين كل ساعتين يردن البنات وينزلت الاكياس عند الشباب في الكوفي شوب ويردن يكملن الشرى..وتمن في المول أكثر عن 7 ساعات...من الساعه 10 ليت 8 المسا، لوتم عندهن كم مب بيزه جان ماردن عند الشباب وطلبوا منهم يردون الفندق...
سيف: انقووول مبروووووووووووووووك؟؟؟ خلصت بيزاتكن ؟ هههههههههههه
فهد: هاذي آخر مره تطبون فيها السووووووووق!! هاللي خذتوا يسدكن حق 4 سنين جدام!
سلطان: هيه والله صدقك!!! منو بيشل كل هذا!!
سيف: براااااااايه... اهم شي استانستن (وبتسم) وأهم من هاكله...شو خذتولي؟ هههههههههههههههه
ساره: والله ابدا عمي ماييت على الباااااااال ههههههههههه
سيف: قليلة أدب والله !! صدق ماتستحين...ههههههههههه شيلي الاكياس روحج عيل ..
ساره: لا عمي فديتك...كله ولا زعلك...تنقى القميص اللي يعيبك...حلال عليك
سيف: شووووووووفوا السباله...تقص عليه هههههههههههههههههههههه اونه اختار!! شو أختار لي تنانير ولا سكارفات يالعنز!!
ساره: عمي اسمحلي أقولك ...مخك تبن.. هههههههههههه اشتريت قمصان رجاليه حق سلطان...وقلت براويك اياهن وانته أختار اللي يعيبك..
سيف: قوووووولي والله!! فديتهاااااا انا ... يالله عيل...سرييييييييينا؟؟
الجميع: يالله..
ردوا الفندق واكتشفن البنات انهن مكدسين الاكياس الأوليه في الغرفه...قضوا الليل كله يرتبون شنطهن ويحطون الأغراض اليديده في الشنط..وزين انهن خذن شنطتين زياده حق الأغراض اليديده...
المكان: مطار نيويورك الدولي
الزمان: اليوم الأخير، 8 صباحا
كل الطالبات والطلاب متيمعين في قاعة الانتظار، يتريون النداء عشان يتوجهون للطياره...نش سلطان يدور على عمه سيف، لانه سيف كان مقرر انه يرد وياهم، بس لين الحين مابيين!! خاف سلطان انه سيف ماحصل حجز، ولا انه دش في الزحمه ومب قادر يطلع منها..
انتبه له فهد، وشاف انه سلطان وايد متوتر..سار له ومسكه من ذراعه..
فهد: سلطوووووووون....بلاك؟
سلطان سرحان: هاااااه؟؟ لا ... ماشي..اتريا سيف
فهد: توه اتصل وقال انه في الباركنات ويا اربيعه...
سلطان: اهااااااا...خلاص عيل...خفت انه ماحصل حجز ولاشي..
فهد: لا ماعليك...ماينخاف عليه هذا....في بلاده ههههههههههههههههه
عقب 5 دقايق ياهم سيف..شكله كان متغير لانه حلق اللحيه وخلاها خفيفه ومسوي قفل (سكسوكه)، ماعرفوا الربع لأنه شكله كان متغير وااااايد، طالع سعودي بهالشكل اليديد واللبس...كان لابس بنطلون (مخمل) رمادي فاتح، والقميص ابيض ومخطط بعنابي ورمادي..وكان لابس نظارته الارماني وحاط شال على ارقبته...وكان شكله وااايد كييووت...
سيف: مرحباااا قايز وقايزات..ههههههههههههه
سلطان مبحلق في عمه: ياااااااااااااااااااااااااااااااااااااا ويلي عليك يا عمي!!
فهد: الله ... مرحب بااااااااااجي...هلا والله ..
سيف: اتحيرت عليكم؟
في هالأثناء ساره والعنود وغايه يالسين في الكوفي شوب يتريقن ويسولفن...وفجأ شهقت ساره
ساره: اوووووووووووووه!!! عمي سواااااااااف!!
ودرت الشله وسارت صوب عمها، وتمت تتمدح في لبسه وشكله وأخوها مغيض عليها لانها ماعلقت على لبسه ولا قالت شي..والحين يايه تتمدح في عمها سيف وماخلت كلمه مديح ماقلتها..
سيف: اشكرج والله.. الانيق يميز الأناقه..
سلطان: أيوااااااااااااااا .... حكمة اليوم هذي؟
فهد: هههههههههههههههههههههههههههههه ... اسميه مغيض الريال...ههههههههههه
سلطان: لا مغيض ولا شي...هاي أصلا ماعندها ذوووق... بمعنى أصح ذوقها ما أدري كيف...
ساره: لااااااااااااا والله!! انا اللي ذوقي ما أدري كيف؟؟ اللي بيعطيك القمصان يا سلطووووووون!!!!
لفت ساره وردت حق الشله تكمل عصيرها...عقب 3 دقايق توجهوا كلهم للطياره ويلسوا في أماكنهم...سلطان وفهد يتضاربون على الاماكن مره ثانيه...هالمره سلطان اللي فاز في الجوله عقب ماتموا يتكافخون ويتداززون بعنف...
البنات يلسن في النص...وسيف ماحصل مكان جريب من الشله فانجبر انه يرد ورا ويلس عند الدريشة...بس الكرسي اللي عنده كان فاضي... وتم سيف يلعن حظه ويقول في خاطره من بدايتها نحاسه!! عافانا الله!!!
طلبت المظيفه من الجميع ربط حزام الأمان، وفي هالأثناء يت وحده من لبسها مبين انها خليجية ويلست عند سيف....سيف تشقق وماقدر ايود عمره...أول مايلست عداله ابتسم لها..
البنت: هااااي...هور يو..؟
سيف: أووووفر ذا موون ... ثانكس فور أسكن ..
ابتسمت البنت وماشكت انه خليجي...لانه لغته الانجليزية قويه واايد بحكم كونه يدرس في أمريكا كم من سنه...
البنت تمت ساكته ساعه كامله...حس سيف انه البنت ماشكت انه خليجي...وتم يتحرقص كيف يبين لها انه اماراتي...مايصير جي مانستغل السالفه! ضغط على الزر وزجر المظيفه وطلب ببسي...يابت له المظيف الببسي...
شرب سيف يغمه منه وشرق: اااححح ... كح كح ... شيييييت!!! حار ..
تعمد سيف انه يتكلم بهالطريقه عشان يلفت انتباهها...وفعلا البنت صدت صوبه وكانت منصدمه انه طلع خليجي...بس ماعلقت..
طلب ثلج ويابت له المظيفه ويلس يشرب الببسي...وهو يشرب يقول في خاطره يالله رمسي...علقي...قوولي شي!! ماااااالت!
البنت: مممممممم ... انته خليجي؟
سيف ابتسم: هيه نعم ... من الامارات..
البنت: اهااا...تحريتك امريكي ..
سيف: لا وين بتحصلين امريكي غااااااوي ههههههههههههههههه
البنت ابتسمت وماعلقت...سيف قال في خاطره طاااااعوووا!! يالس اقردن عمري!!! شو هالمصخره!!
سيف: انتي تدرسين في الجامعه الامريكية؟
البنت: لا ....ليش؟
سيف: اهاا .. لا ماشي...بس لانه أغلب البنات اللي في الطياره هذي من الجامعه الامريكية...(تتدارك كلامه...شو اغلب البنات!! الحين بتقول عني مغازلجي!!).... اقصد يعني انه عيال أخويه يايين رحله لأمريكا ويدرسون في الجامعة الامريكية....قلت يمكن انتي وياهم...
البنت: لا لا ... انا يايه علاج مب دراسه؟
سيف: علاااااااااج؟؟؟ خير الشيخه!!
البنت: الوالد تعبان اشوي...وياي امريكا يسوي العمليه...والحمدالله نجحت العمليه وبإذن الله بيرد الشهر الياي..
سيف: تستاهلين سلامته الشيخه...الله يخليلج اياه ويعطيه طوولت العمر..
البنت: تسلم والله ...
تموا يسولفون لين وصلوا مطار هيثرو في لندن، ومن عقبها ردوا ركبوا الطياره المتوجهه لمطار دبي...بس هالمره النظام تغير، سيف مكانه صار ويا ربعه والبنت يالسه روحها ومحد وياها، تم سيف واقف مب طايع ييلس وفهد يسحبه يقوله مكانك اهني وسيف مطنش يطالع منو اللي بييلس عندها...سمع المظيفه ترمس واحد من طلاب الرحله..كان خالد ربيع سلطان وفهد، سحبه سيف من قميصه عشان يلتفت له خالد...
سيف: اقوووووووول خللوووود...تبادل؟
خالد مستغرب: اوكي...ماعندي مانع..
سيف: لانك غمضتني الصراحه ربعك اهني وانته ما ادري ويين بيفرونك...هات بطاقتك...انا بسير اييلس مكانك..
خالد ابتسم: لا عادي والله..ابرايك خللك وياهم
سيف: لا لا ......هات البطاقه يا خويه...عادي عندي والله ...
استسلم خالد وعطى بطاقته حق سيف وشكره على هالتضحيه...وسيف شاااق البوز ويدق خالد على جتفه ويقوله افااا عليك ماقمت الا بالواجب..
عطى سيف المظيف البطاقه وتبعه...وهو يمشي وراه يقول في خاطره نيايايهاااااااااااااي يايينج يا حلوه...
شل سيف الهاند باج مالته وحطها في المكان المخصص له، وهو مسوي عمره مب منتبه للبنت ولا حس بها..وأول ماصد شاف البنت تطالعه تبتسم...سوى عمره متفاجئ ، ابتسم ويلس عدالها..
سيف: شوووووو هالصدفه!!
البنت: ههههههههه ...صدفه حلوه صح..
سيف: وااااااايد والله ... (وفي خاطره يقول اسميني لوووووووتي...ما ادري طالع على منوو)
كان مبين على البنت انها وايد فري .. و سلطان قال بستغل السالفه و بجزر وقتي شوي ..
كانت الرحله حلوه وااااااايد وممتعه بالنسبه لسيف...ولا الباجين رقوووووود وخبر خييييير..طاف الوقت بسرعه ووصلوا مطار دبي ونزلوا كلهم...ساروا يختمون على الجوازات ومن عقبها ساروا يدورون على شنطهم...فهد وسلطان عينهم على سيف، يشوفونه يتلفت يمين ويسار يدور حد...
فهد: اقووووووووول
سلطان: قووول بن عمي..
فهد: عمك شي ورااااااااااه
سلطان: لاحظت انته بعد..؟
فهد: اعنبوووووووووووو الحمار بيلاحظ ..
شلوا الشباب أغراضهم وتوجهوا للبوابه..في هاللحظه لمح سيف البنت وترخص من فهد وسلطان وسااار...
سلطان وفهد يراقبونه بعيونهم والفضول مقطعنهم شو ورااه سواف؟؟؟ لين شافوه وقف عند وحده..
سيف: هااي
البنت: اووه ..هلا
سيف: محتاجه مساعده..؟؟
البنت: لا تسلم الشيخ...
سيف: الله يسلم غاليج...ممممممممم...في حد يترياج ولا...
البنت: هيه اعتقد خالتيه تترياني خاري..
سيف: اهااا...زين..زين ... خلاص عيل...انشوفج على خير الشيخه
البنت: ان شاء الله ...
سيف يتحرقص مب عارف شو يسوي...يرقمها؟؟ يخاف تهفه اب كففففففففف وتسويله فضيحه...انزين يسألها عن اسمها؟؟ يخاف تواجعه!! البنت حست انه سيف ياي عشان يسألها عن شي بس شكله مب عارف كيف يبتدي...وحبت تسهل له الأمور..
البنت: ماتعرفنا عليك؟
سيف ابتسامته غدت شبريييييين ونص: اسمي سيف بن راشد...من الشارجه
البنت: والنعم...انا شمسه..من دبي
سيف: عاشت الاسامي...
البنت: عاشت ايامك...
سيف: خلاص الشيخه....اقصد شمسه....انشوفج على خير ان شاءالله ..
البنت: بحفظ الله..
لف عنها وتجدم خطوتين...وعقب فكر في خاطره...دبي روحها بلاد...شو ظمن لي اني بشوفها مره ثانيه!! ماخلته يفكر وايد لأنها زقرته....
شمسه: على فكره..
سيف صد بسرعه: عوونج...
شمسه: هاي البزنس كارد مالي...اذا بغيت انتم اصدقاء...
سيف استانس وايد و قال في خاطره اوه هاي اسلوبها وايد امريكي : افا عليج الغاليه .. اصدقاء اصدقاء ؟؟ خلاص ان شاءالله بنكون على اتصال (مد ايدها وخذت الورقه)...
شمسه ابتسمت : يالله مع السلامه
سيف: حفظج الرحمن الشيخه..
سار صوب الشله وهو ميت من الوناسه..يا وقف وياهم ويلس يتريا اخوانه يوون يشلونهم...وطول الوقت يالس يصفر والابتسامه شاقه البووووووووز...طبع سلطان وفهد شافوه يسولف ويا البنت وبشكل عام فهموا السالفه بس يتريون التفاصيل..
فهد: هااااااا شو صاار و يا المزيونه
سيف بقق اعيونه واطالع فهد: والخيييييييييييييييييييبه!!
فهد: اتخيبك... اعنبوووووك ماكملت في لبلاد 5 دقايق على طوووووول رقمت؟؟؟
سيف نقع من الضحك: ههههههههههههههههههههههههههههههههههههههههههههههههه اسكتوا انزين هي اللي رقمتني ..
سلطان: اللهم لك الحمد والشكر...وانا اقول طالع على منوووووووو عشاااااااااق؟؟ ثرني طالع عليك عمي ههههههههههههههه
فهد: عيل على منووه !! الحمدلله اني انا ماورثت هالشي ...
سلطان: مالت عليك انته .. ههههههههه ..
تقربو البنات منهم و سألوهم ليش يضحكون .. و خبروهم ..
ساره: عمييييييييي ... ماتفوت انته .. ههههه ... مالت عليها هي ترقمك ..
سيف: حليلها شو ترقمني ... عطتني البزنس كارد مالها بس ..
ساره: اوكي اوكي .. ههههه .. انزين على فكره ترا ابويه و عمي بو فهد برع يتريونا في الباركنات يالله ..
وصلوا اخوان سيف (بو سلطان و بو فهد) وسلموا عليه وعلى عيالهم، وحملوا الاغراض في السياره ووصلوا البيت...
هاي السالفه اليديده من سوالف هوى داري و هاي السالفه بعنوان الموبايل المسروق
Enjoy
part-1
المكان: غرفة غايه
الزمان: 3:30 الظهر
غايه طايحه على السرير و تطالع السقف ... تفكر في السوالف اللي صارت في امريكا .... اووه ! مر اسبوع من ردينا البلاد و حاسه انه بس البارحه ... والله انه الرحله كانت شرات الكابوس !! اولها كان تمام و حلو .. لكن ليش يا ربي سرت ويا هالبنات !! ليش انخدعت فيهن .. ليتني سمعت رمسة بنات عمي .. الحمدلله انه السالفه عدت على خير بس بعدني بتم احاتي لين تمر فترة طويله على السالفه..
غمضت عيونها و ابتسمت .. و في خاطرها تتفدى اخوها فهد .... الحمدلله انه الله عطاني اخو متفهم شراته .. ولا غيره مابيسوي سالفه و بيجتلني حزتها ...
ردت كشرت يوم تذكرت انه بعد يومين بيداومون ... وين بودي ويهي من نظرات الطلاب !!! يارب انه محد عرف بالسالفه يااااااااااااااااارب ...
وتمت تدعي و تدعي في خاطرها انه محد يكون استخبر .. بعدين ردتلها الهواجس ...... يا ربييه والله لو حد عرف و لا نغز والله مابيلس في الجامعه .... بحول جامعه ثانيه او بيلس في البيت ابرك لي .... والله حرام مستقبلي على شفى الهاويه ... !! و السبب منووه !! هالبنات الله ياخذهن !! الله يجازيهن على اللي سووه فيي ... الله يجازيهن يا رب .... الحين عقب هالاحلام اللي بنيتها اني بستوي اعلاميه ناجحه و معروفه .. اخرتها تتحطم في غمضة عين ................
و هي غارقة في افكارها و هواجسها كانت نوره اختها الصغيره يالسه تزجرها .... و غايه في عالم ثاني ... لين يت و دقتها على جتفها .. هني فزت غايه من الزيغه ... و تمت نوره تضحك عليها ..
غايه و هي مكشره: بسسسسسسس انزين ويا هالويه !! مايضحك انزين؟؟؟؟؟؟؟؟؟؟
نوره و هي بعدها تضحك: ههههههههههههههههههههه .. والله يضحك .... انتي خفتي مني صح ؟؟ هههههههههههههههه ...
غايه يوم شافت اختها الصغيره جيه تضحك يلست تضحك وياها : ههههههه هيه زغت !! اشحقه جيه دقيتيني .. انزين ازجريني على الاقل؟؟
نوره بحزن : والله حلاااااااام ... انا تميت اصارخ غاايوووو غايوووه و انتي مادري ليش مارديتي علي ....
غايه يوم شافت هالنظره في عيون اختها عفدت عليها و رصتها و تمت تبوسها : فديييييييييييييييييييييييت هالويه انا .. ياعلني ماخلى منج يا ربي .....
نوره تضايجت من قوة الرص و دزتها عنها و هي مبوزه: سييييييييييييييييلي عني .... اول شي تصارخ على و بعدين تبوسني .. ..
تمت غايه تضحك على اختها: ههههه والله انج فلللللللللللللته نواري ... انزين ماقلتيلي شو تبين ؟؟
نوره حطت صبعها السبابه على يبهتها و تمت تطالع فوق و تذكر ليش هي كانت يايه....
غايه تريت شوي بس التفكير طال : هااا شوو كل هذا ؟؟ ايكوسان ؟؟
نوره: شوو ايكوسان ؟؟؟
غايه: ماشي ماشي .. ها رسوم مال اول مب مالكم ... انزين خبريني شو يايبنج يالله خلصيني عاد ..
نوره يوم لمحت التلفون تذكرت و حطت ايدها على ثمها: اوييييييييييييييييييه !!!! اوييه اويييه !!!!!!
كان الذعر باين على ملامحها !!! خوفت غايه : ايييه شوو السالفه ؟؟؟؟ زيغتيني !!
نوره: سااااااااااااالوووووووووووووووووووووووه !!!
غايه: بلاااااااااااااها سااروووووووه !!!!!!!!!!!!!!!
نوره : كانت في التلفون تباج !!!!
غايه ماتت من الضحك يوم عرفت سبب خوف نواري ..... لأنه ساره كانت وايد دفشه ويا اليهال ... و اكيد انها تكون مهددتنها انه اذا ما زجرت غايه بسرعه بييها شي !! عشان جيه كانت الصغيرونه ميته من الخوف ..
نوره هدتها: لا ماعليج حبيبتي .. انا بقول لها ماتسويلج شي ..... بس عطيني بوسه اول ..
يت نواري و باستها على خدها و روحت ......
غريبه ليش ساره متصله على تلفون البيت ... ليش مادقت عالموبايل ....
جيكت عالموبايل و شهقت .... 4 مكالمات ..... نست انه كانت حاطتنه على السايلنت .. اتصلت على طول بساره اللي كانت معصبه ..
غايه: اسمحييييييييييييلي سارووه !! والله كان على السايلنت ..
ساره: ويااا هالويه ..!!!! لو الوزير مابيذلني جي !!!
غايه: انزين قلنا اسفيين !! زين انج طرشتي نواري ..
ساره: هييه !! نواري .. هاي بعد بيبين منها يوم بشوفها !!
غايه: حرام عليج سارووه .. فديتها لو شفتيها شقايل كانت زايغه منج !! صدق بتموتين عليها ..
ساره: هههههههههههه ... اوه .. ماكنت ادري اني مسويتلها ارهاب جي !!
غايه: ارهاب !!! قوولي افلام رعب !!! ههههههههههه فديتها نواري شبيهتي ..
ساره: هيه مب من الله هالحب ... عسب شبيهتج ... ههههه
غايه: لا حليلها اختي الصغيرونه و دلوعة البيت .. انزين خبريني ... شكلج بغيتي مني شي ضروري .. صح ولا انا غلطانه ؟
ساره: لا عداج الغلط بنت عمي .. انا كنت بقولج تتزهبين لأنه سايرين شوبنج و سينما ..
غايه: شوووووو ..!! شوبنج شو بعد .....
ساره : انا مايخصني .. هاي عندوه اونه تبا تتسوق .......
غايه: حرااام !!! تبين الصدق انا والله اللي عندي من امريكا بيسدني لين الحول .. ماباخذ شي بصراحه ..
ساره: انا بعد انزين .... بس شو تقولين حق العنود ... هاي جان ماسوت فيضان ملابس في بيتهم ماترتاح ..
غايه: هههههههه .. والله بالغت صدق .... انزين أي فلم بتسيرون ؟؟
ساره: بنسير فلم كوميدي ... كان نازل و احنا في امريكا و الحين طايف عليه اسبوعين تقريبا .. سو مابيكون زحمة و بناخذ راحتنا ...
غايه: هههههههههههههههههههههههه ... هيه والله .. احلى بارت هذا .. انه ناخذ راحتنا ..
ساره: هيه اريح من الحشره .. انزين يالله ... نص ساعه و بمر عليج ..... خبري ماماتج و تزهبي .. باي ..
سكرو التلفون و كل وحده سارت تبدل ثيابها ..
و بعد ساعه كانوا كلهم نازلين صحارى مول .. صعدن السلم و سارن فوق ياخذن التذاكر .. و حصلن انه بعده باقي نص ساعه عن الفلم .. فقررن انهن ينزلن يشوفن المحلات شوي و يردن عقب فوق ..
العنود: اقووول ..... بنسير ماركس سبنسر شوي ... بنطالع شو يايبين يديد .....
غايه: اطالعي بس لا تشترين !! هههههههه
ساره: مايحتاي جان هي مابتشتري ... ههههههههه
سارن صوب ماركس سبنسر .. و دشوا يتفرجون لين يطوف الوقت ... اول مادخلوا شافوا بنت من اللي كانوا وياهم في الرحله ..كانت هالبنت لبنانيه و وايد حبوبه و طيبه .. من النوع اللي ينوثق منه وايد .. اول ماشافتهم البنيه يت صوبهم ...
غايه: اووه مييرنا !!!!! شحالج ؟؟
يت ميرنا و سلمت على البنات ...
ميرنا: اشنأتلكككككككن كتيير صبايا !!! كيفكن .. ان شاء الله مرتاحين
غايه: الحمدلله بخير .. اخبارج انتي ؟؟
ميرنا: والله عال العال .... كيفكن صبايا ؟؟
ساره & العنود: والله بخير الحمدلله ....
ميرنا دقت غايه على جتفها و غمزتلها: اييييييه والله نسيت .... عندي إلكوون خبر بمليون دولار ..... هو بالزات لغايه ..
غايه رفعت حاجبها: خبر و لي ؟؟ و بمليون دولار ........ خير ان شاء الله
ميرنا: خيير و الف خير كميينااا !! بس اول شي بدي المليون .. ههههههههه
العنود: قووووووووولي عاااد ...
ساره للعنود: انزين انتي اشلج ؟؟ قالت غايه ههههههههه اسميج فضوليه
ميرنا: ماعليييش ... اوكي ... اسمعوا منييح ...... بتتزكروا شلة الفساد ؟؟؟ مييره و عهود و حصه ؟؟؟
البنات من سمعن طاري هالشله انجلبت ويوههن . ..
ميرنا : هههههه ... والله كنت متأكده من ردة الفعل هاي ..... بس شو بدي اعمل .. مضطره خبركوون .. هالشلييي انفصلت من الجامعه !!!!
من سمعوا البنات هالخبر كلهن ويا بعض زاعجن: صــــــــــــــــــــــــــــــــــــــــــــــــد ق ؟؟؟؟؟؟؟؟؟؟؟!!!!!
ميرنا تمت تضحك على هالرد: اييه والله صدق !! اسمعوا السالفه (ترمس اماراتي) .. في شلة شباب مواطنين كانوا معنا بالرحلي .. اذا بتزكروا شاب اسمو خالد و معوو اتنين ...... ميره و شلتها عملوا معهن حركات .. و الشباب كتبوا تقرير و سلمووه لإداره الجامعه ... و توقع من الاساتذه المشرفين اللي لاحظوو الحركات ... ازا بتزكروا ماكانوا يروحو معنا الرحلات .. و دايما يتهربوا لأسباب واهيه ..... عشان هيك ..
غايه بعدها مش مصدقه: يعني انفصلوا نهائيا ؟؟ كيف .. اتوقع لازم عالاقل انذار او لفت انتباه !!
اطالعنها العنود و ساره باستغراب : شوووو لفت انتباه ويا ويهج !!! احمدي الله انه افتكينا من شرهن
غايه: مب جيه ... بس مادري ..
ميرنا : شوو بتفكري انتي ..... اصلا هالبنات عندون ريكورد اسود بالجامعه .... مافي داعي اصف لكن بلاويهن .. اول شي مابدي اكسب زنوب .. و تاني شي ( تطالع ساعتها) انا تأخرت .. صاحبتي تستناني بالكوفي شوب .... تفضلوا معنا ..
ساره: اووه !! صدق خذتنا السوالف و احنا بعد قاصيت تذاكر حق الفلم ... يالله خلاص نشوفج بعدين
ميرنا: ان شاء الله في الجامعه .. يالله باي صبايا ..
غايه و العنود و ساره: بااااي
طلعوا من ماركس سبنسر سايرين صوب السينما
العنود: والله هالخبر ... صدق انه يستاهل مليون دولار ......
غايه: والله ماتدرون اشكثر ارتحت ...... والله هم و انزاح
ساره: فديتج غايه والله حاسين بج ..
وصلوا فوق .. و بعده 10 دقايق .... مروا ستاربكس ياخذن فراب ..
كان في اثنين شباب يالسين داخل ... و اول مادشن البنات تموا مبحلقين فيهن .... حتى ساره انقهرت منهم و تهامست ويا البنات: وااااع ... والله ما اداني يوم خسوف يتمون يبحلقون فيي !!
غايه: ههههه اذا حلوين عادي هاا !!
ساره: مب عادي بس اقل عن الخسوف .. هههههه
العنود: اسكتوا انزين ينسمع صوتكم ..
تجدموا بيطلبون و شافوا الفلبيني ..
الفلبيني: heeey ma'ams, how are you today ?? long time no see u
ساره: مسكين حاله اتوله علينا ههههههه
العنود: we're fine thanx for asking, we were abroad
الفلبيني: ohhh….. nice .. what did u get for me ??
ساره: طاعوا هذا اونه شو يبتولي .. هههههههههههههه فقدتك ...
الفلبيني درا انه ساره تضحك عليه و سكت خذ الطلب : ok mam .. what for u ?
العنود: one frapeccino caramel with coffe
سمعوا تعليق من الشباب اللي وراهم : شييييييييييييت مانروم علإنجليزي !!!
ساره شوي و بتموت من الضحك .. الفلبيني من صوب و هالثور من صوب .... شو هالناس اللي ماعندهم سالفه..
صد الفلبيني صوبها و شكله مغيظ عليها: for you ma'am?
ساره و حلجها ماتروم تصكه من الضحك: mocha frapiccino with caramel
شلوا الطلب و ساروا السينما .... عطوا الريال التذاكر عشان يقصهن و دشن السينما اللي كانت فاضيه موول مافيها حد ... تمن يسولفن بصوت عالي و ضحك .... لين اكتشفن انه في اثنين يالسين ورا اخر شي .... كانوا ريال و بنيه .... و بدا التعليق الصدقي الحين !!!!
part-2
بعد 5 دقايق بدا الفلم .. والبنات يطالعن الفلم ... لكن كان عندهم فلم ثاني ورا ... كل شوي يطالعن ورا ....و ميتات من الضحك على حركات هالاثنين .....و بعد ماخلص الفلم قامن بسرعة عشان يطلعن اول شي و طافن جدام هالاثنين الصيع .... جان تقول ساره بصوت مسموع : اسسسسسسسسستغفر الله !!!!!!
و كلهن ميودات ظحكتهن !!! يوم طلعن من باب السينما انفجرن من الضحك ..
العنود: هههههههههههههههههههه والللللللللله العظيم انج زعيمه ..... احس افتشلوا
غايه: ويين افتشلوا هاذيلا .... مافيهم دم !!
ساره: هيه والله صدقج .. لو عندهم دم و يخافون الله جان ماسووا سواياهم ..
العنود: اقوولج .. كانت متغشيه يوم طفنا .. وقبل كان ظلام مارمت اشوف شكلها ..... بس صراحه مبين من لبسها انها كشيخه ..
ساره: هيه شفته ... عباتها مفتوحه بدون عقم حتى .... لابسه بنطلون و قميص نص بطن ..
غايه: وييييييييييييييييييع .. بليييز لاترمسون .. احس بزووع ..
ساره: الله ياخذها الخايسه ..
العنود: بس في خاطري اعرف شكلها .. اكييد خسفه ..
غايه: الله يخليكم اسكتووووا .. يالله بنروح ..
العنود: وين نروح ... بعدنا بنتسوق ..
غايه: انتي من صدقج ؟؟ سووق شوو بعد .. وين الثياب و البدل اللي يايبتنهن من امريكا
العنود: ياختي تعرفيني شكثر احب اتشرى ...
غايه: زين يالله ترا ابا ارد البيت من وقت... بيحطون فلم ابا اطالعه ..
ونزلوا تحت .. دشو كمن محل ... يطالعن ..
العنود: هالقميص وايد حلو ...... بسير اجربه ..تعالي ويايه سارووه
سارت العنود صوب غرفة القياس .. و لحقتها ساره ..
دشت تجرب القميص .. و زجرت على ساره عشان تي تطالع لكنها ما ردت عليها ...
العنود تتحرطم بروحها : اوهوو .. هذا وقته سارووه ....
و طلعت موبايلها بتتصل بها ... سمعت دق على الباب .. فنزلت الموبايل على الكرسي ..
العنود: ساره ؟؟
ساره: هيه انا .. سوري غايه في الغرفه الثانيه تقايس فسرت اطالع ..
فتحت العنود الباب شوي و راوتها القميص ..كان عنابي .. وعليه تطريز بخرز عنابي على على الصدر كامل ..كان وايد انيق
ساره: وااايد حلو والله ... انا بعد ابا شراته ..
العنود: خذي انزين ... ههههههههه
ساره: اوكي بسير اطالع ....
و روحت .... و العنود خلصت شغلها و طلعت من الغرفه .... سارت عند ساره و فجأه ..
العنود: اويييييييييه !! تلفوني مادري وينه ..
ساره: لايكون نسيتيه في السينما ..
العنود: لا لا ..... كان عندي واحنا ظاهرين .. ماشفتيني يوم رمست اميه ؟؟
ساره: هييه صدق .. وينووه عيل .. دوري عدل في الشنطه
العنود: دورت !!
و في هذه الاثناء طلعت غايه من غرفة القياس و شافت وحده من اللي يشتغلن في المحل تدخل تلم الثياب الطايحه على الارض في كل الغرف المفتوحه ..
سارت صوب البنات و شافتهن يدورن ..
ساره: اكيد عيل في غرفة القياس ..... طلعتيه من الشنطه ؟؟
العنود دقت يبهتها كأنها تذكرت : هييييييييييييييه !! صدق صدق ..... في غرفة القياس .... كنت بتصل بج و حطيته على الكرسي .. اقوول .. انا بسير اشوفه و انتي دقي عليه عشان اشوفه وين ..
وسارت على طول غرفة القياس .... دشت لكنها ماحصلت الموبايل ... قالت يمكن مغلطه في الغرفه دشت الثانيه والثالثه ... ماشي ...
ساره: هاا حصلتييييييييييه ؟؟
العنود: لا والله !!! ماشي ..
ساره: معقول .. وين بيسير ... انا اتصلت مغلق
العنود:شوووو !! مغلق !!؟؟ انا من 5 دقايق كنت بستعمله و كان شغال عادي ما غلقته!!
ساره: غريييييييييييييبه !!! يمكن ماشي ارسال ..
ودشت ساره تشيك .. بعد ماحصلته ..
العنود: معقوول يكون انسرق ؟؟!؟
غايه: اكيد هاذيج صرقته !!
العنود: منو هاذيج !!
غايه: مادري صراحه مابحط في ذمتي .. بس وحده من هاللي يشتغلن هنيه كانت اتدش الغرف تلم الثياب ... يمكن هي !!
ساره: أي وحده فيهن ..؟؟
غايه تمت تتلفت و تدور عليها .. حصلتها ترتب بعض الملابس : هااذيج اللي هناك عند البناطلين الزرق
العنود: مممممممم .... اخاف نظلمها
ساره: شو تظلمينها ... المحلات فيها كيمرات ... بنخليهم يجيكون ..
العنود: اووه !! بتستوي سالفه .. لا خلاص
غايه: شو خلاص ... تلفونج يديد ماكمل شهر !! و غالي بعد ... خلهم يدورون !
ساره: تعالوا بنرمس المديره ...
وساروا طلبوا المديره ...يتهم المديره و هي تبتسم ..
المديره: اهلين صبايا .. شوو في مشكلي ؟؟
ساره: هيه في مشكله مدام .... موبايل انسرق من عندنا في المحل
المديره بطلت عيونها : شوووووه !! موبايل مسروووء ؟؟!! كيف .. مابيصير
ساره: شو مابيصير ..... توه من 5 دقايق بس انسرق
المديره: لاا شو هالحكي ديموزيل ..... هون كل الستاف ثقه !!
ساره: انزين انتوا عندكم كيمرات .. نبا نشوف اللي مصورينه في المحل لأنه صراحه احنا شاكين في وحده ..
كانت مبين على المديره انها مرتبكه: والله ؟! لأ صبايا اكيد انتوا غلطانين .. بليز دوروا بالجزدان(الشنطه) او يمكن انتوا نسيتووه بشي محل تاني !!
العنود: لا !! كان عندي لين دشيت غرفة القياس .. و من عقبها اختفى !!
غايه: هيه و على طول اتصلنا حصلناه مغلق !! شو معناة هالكلام !!
ساره: اعنبوووووه خمس دقايق ما كملنا مودرينه !! على طول انسرق !!
المديره مرتبكه اكثر و اكثر و تمت تتحايل وياهم انهم مايكبرون السالفه عسب سمعة المحل ... لكن ساره و العنود كانوا مشتطات و إلا يوصلون الموضوع حق شرطة المركز...
المديره: اوكي .. بس حرام لا تتهموا البنت !! شوفوا التصوير بالأول .. و بعدين احكموا!!
غايه: اسمحيلي مدام ... لكن انا شفتها ساعة السالفه طالعه من نفس الغرفه اللي بنت خالتي كانت فيها!
المديره و هي فاقدة الامل: يعني مصريين ؟؟!! اوكي راح ناديها عشان تروح معكن..
و راحت تناديها .... البنات تمن يراقبون ردة فعل البنت .. لقوها مصدومه و شوي بتصيح .. يوم شافتها جذي العنود غمضتها : بنات !! حرام والله .. خلاص ماباه الموبايل باخذ غيره .. كله ولا اظلم البنيه حرام.. شوفوها شوي و بتصيح..
ساره: سييري لاه !!! هذيلا دوم جيه يمثلون .. شو بتسوي مثلا ؟ بتظارب؟؟
العنود: مادري ..بس والله كاسره خاطري .. انزين احين وين بنسير؟؟ غرفة الشرطه صح ؟؟
ساره: هيه .. اللي في الطابق الاول ..
غايه: يا سلاام !!! من زمان في خاطري ادش هالغرفه اراقب الناس ههههههههههه
العنود: ههههه حليلج والله .... بتتحقق امنيتج اخيرا !!
ساره: بس اسكتوا هكم يايين صوبنا .... الله يخليج عنادي قسي قلبج .. مانباج تصيحين وياها !! ههههههه
غايه: انا و عنادي بنصيح وياها ..
ساره: مالت عليكم انتو الهنتين ...... الموبايل موبايل عندووه .. و الشاهده الوحيده غايووه و انا ابروحي المشتطه هنيه يالسه ادافع و اطلع براهين و ادله !! تدرون ! انا غلطت يوم دشيت بزنس .. المفروض ادش كلية الحقوق .. ههههههه
وصلوا المديره و البنت اللي تشتغل ..
البنت كان اسمها ساندرا ..
ساندرا كانت صاخه و ماترمس بس مبين على ويهها انها مضايجه موت .. اتصلت بريلها عشان اييها ... ساروا كلهم فوق عند غرفة التلفزيونات مال الشرطه .. اول مادشوا سلموا على الشرطه ... كانوا اثنين .. اول ماشافوا ساره و العنود و غايه متجدمات ويا المديره نشوا من كراسيهم ...
الشرطي: هلا هلا وعليكم السلام .... خير ان شاء الله !! عسى مافي مشاكل ان شاء الله !!
البنات تمن صاخات .. لأنه اول مره يمرن بهالموقف ..
ساره تساسر العنود: اعع .. شو ها قبل 3 اسابيع شرطه و الحين بعد ... بستوي من اصحاب السوابق انا !!
العنود ميوده ضحكتها: بس انزين عن يسمعون !
المديره تكلم ساره: تفضلوا احكوا مع الشرطه !! انتوا اصحاب القضيه ..
ساره بصوت واطي للعنود: شفتي ..!! قضيه .. اقولج انا مكاني غلط في البزنس ..
العنود: اخويه انا انسرق عني موبايل في هالمحل مالهم ....
الشرطي: اوه سالفة موبايل بعد مره .. !! اوكي .. ان شاء الله خير.. تفضلوا بنات ...
و سحب لهم كراسي .. و خلى المديره و البياعه واقفات .... شكله متعود عليهن ..
الشرطي: ماعليه خواتي ... ان شاء الله مافي الا الخير..... معاكم العريف حسين.. و هذا زميلي العريف وليد ان شاء الله بنتعاون وياكم عشان نرد لكم حقكم ...
ساره شوي و بتنقع من الظحك على الاسامي ....
العنود: اسكتي حرام عليج !!
ساره: انزين اوكي .. اوف ...
العنود: انزين بنت خالتي شافت هالبياعه في المحل طالعه من ال(fitting room)غرفه القياس اللي انا كنت ناسيه موبايلي فيها .. و شاكه فيها ...
حسين: اها ..!! ساندرا .. !!
استغربوا البنات انه يعرفها ....
حسين: شو ردج على الموضوع ساندرا ؟
ساندرا: ماراح احكي تا ييجي زوجي ..
حسين: شو بيسووي زوجج ... انتي اللي بتطلعين عمرج ... مب هو ..
ساره: انزين اخوي .. بليز طلع لنا الفيديو اللي تصور ...
سار وليد عشان يظبط الفيديو ... و يعيد الشريط اللي مصورتنه الكاميرات اللي في المحل .. و قبل مايطالعون الفلم يلس حسين يسألهم كمن سؤال ..
حسين: منو منكم اللي انسرق موبايلها..؟؟
العنود: انا !
حسين: ممكن اسمج لو سمحتي ؟
العنود: العنود أحمد عبيد ..
حسين: عاشت الاسامي .. و العمر ؟
العنود: tweny one
حسين رفع حاجبه: يا عيني على الانجليزي ..
ساره بصوت واطي: بياكلونا هذيلا !!
غايه: ههههه شو ها ... لا ترمسن انجليزي بليز ..
حسين : اححم ... صف كم !! اقققققققصد المستوى التعليمي الشيخة ؟
ساره هالمره صدق بتموت ان ما ضحكت .... بس بعد مسكت نفسها ..
العنود: انا في الجامعه ..
اتدخل وليد في السالفه: أي جامعه اختي ؟
غايه بصوت واطي : انته اشلك ..
العنود: الامريكيه
وليد يكلم حسين: ههههههههههههههههه .. كنت حاس ياخي
ساره و البنات يطالعن بعض .. شو هالخبايل ..
حسين : احححححم ... عشان جيه الانجليزي اوكي .. المهم الشيخه .. رقم التلفون لو سمحتي
ساره بصوت واطي : اووه بدا شغل المغازل ..
وليد تدخل مرة ثانية : لا الغاليه احنا ماتغازل ... هذا شغلنا ..
قفطت ساره انه سمعها .. و عرفت انه سمع كل شي ...
العنود : أي رقم اخوي ؟؟ اللي في الموبايل المسروق ؟؟؟
حسين دق يبهته : اووووه .. نسيت انه مسروق .. انزين أي رقم ثاني .. رقم وحده من خواتج ( واشر على غايه و ساره)
ساره صخت ماتبا تعطيه رقمها ..و لا غايه ..
ساره: سجل رقم اخوي ..
حسين: اوكي ...كم ..؟؟
وليد: اخوج اللي هو اخوها ؟
العنود: لا ولد عمي ...
وليد: اوكي سجلته .... نبا رقمج بعد .. المسروق ..
عطته الرقم ......
ساره: مابنشوف الفيديو ؟؟
وليد: اوكي ثواني ..
و ياب الريموت و شغل الفيديو .... كان الفيديو مافيه شي مول .... الكيمرا اللي كانت برع غرفة القياس .... لأنه ممنوع يحطون كيمرات داخل الغرف ...... فشافوا انه ماشي فايده .. نفس الصوره على باب الغرف ...
طول هالوقت و ساندرا صاخه ... المديره استأذنت لأنهم طلبوها في المحل ..
حسين: ها ساندرا مابتعترفين ؟؟
في هاللحظه دخل زوج ساندرا البياعه .. و سارت ترمسه و هي تصيح .. و عقب دقيقتين الريال رمس ويا الشرطه يتفاهم وياهم و يدافع عن حرمته و في هاذي الاثناء اتصل ساره بسلطان
ساره: الوووه !! سلطان الحقنا والله متوهقين ..
خاف سلطان من نبرة صوت اخته : شووو السالفه خوفتييني !!!! ارمسي
ساره: هااااه ؟؟ شووو سلطوون ماسمع !! حشره عندك !
سلطان: هيه ترانا في الخيمه ويا الشباب .. نطالع مباراه..
ساره: اوييييييه !! المباراه !! منووو فااز !!
سلطان: بعدهم متعادلين !!! انتي خلي المباراه و خبريني !! شوووو صاير ؟؟!؟؟!
ساره: والله سالفه خايسه ياخويه ...
و عقب ماخبرته السالفه قال لها انه بييهم ...
الشرطي وليد يزجر ساره: اختيي لو سمحتي ؟؟
ساره: هلا اخويه ؟
وليد: انتي شاهده على السالفه .. .. و ساندرا مب طايعه تعترف ..... و هاي السالفه مب اول مرة تصير في المحل .. على فكره تراها ثالث حاله من نفس النوع في هالشهر !! هل بتخلون القضية مفتوحه و لا بتتنازلون ؟؟
ساره: العنود انتي شو رايج ؟؟
العنود: مادري .. انا بصراحه اشوف ماله داعي نتأخر اكثر عن جيه برع بدون فايده ... بسير اخذ موبايل ثاني بعدين ...
ساره: تعالي ويايه شوي برع .. لو سمحت اخ وليد دقيقتين ..
و سحبت العنود وغايه و ظهروا برع ..
ساره : يالغبيه يقولج الشرطي انه مب اول مرة ..!!! يعني عندهم سوابق !!
العنود: دام انها مش اول مرة .. ليش مايقبضون عليها !!؟؟
غايه: هيه والله ليش!!
ساره: بسيطه !! ماعندهم دليل !! رواحكم شفتوا انه ولا شي ظاهر في الفيديو !! يعني مايرومون يقبضون عليها !!
العنود: انزين شو نسوي احينه !! خلاص مابا شي انا ....ابا اسير ,,
غايه: هيه والله !! خذيلج موبايل ثاني !! تأخرنا وايد والله !!
ساره: ماشي !!! ماتسيرون !! انا اتصلت بسلطان و بيي احينه !!
العنود: و سلطان شو بيسوي ؟؟ساروووه نبا نروح .. والله لو اخواني يدرون اني عند الشرطه و الله ليشرشحوني!!
في داخل الغرفة ماكان موجود الا الشرطيين ... اما البنات كانوا بعدهم يتشاورون اذا بيتنازلون و لا بيتمون مواصلين في السالفه . . كانت العنود بين انها تتنازل و تروح البيت و بين اصرار ساره انهم يستمرون ! و بينما هم يتشاورون كان هالحوار يدور داخل الغرفة ..
وليد: يا سااااتر !! اسميها هالبنية لسانها طويل !!
حسين: هههههه ..اي وحده ؟؟ الطويله ؟؟
وليد: منو غيرها ؟؟ تقول لها كلمه ترد عليك بعشر !!!
حسين: ههههههههههه صدقك والله !! بس عليها عيوون ماشاء الله عليها !!
وليد: صدقك ... بس ماحبيتها !! الثانيه اللي وياهم حلوة !!
حسين: هييه مبين عليها صغيرونه هاذيج ماترمس ... واللي مسروق تلفونها بعد اوكي !! تعال انته !! احنا نرمس عنهم و هم برع اخافهم سمعونا !! هههههههه
وليد: و يسمعوون !! شو اسوي يعني ...
حسين: شكلك مغيظ وايد انته علي ام عيون !!
وليد: ام لسانين الا قول .. ههههههه
و في خارج الغرفة:
العنود: افففففف !!! سارووه خلاص سوي الي بتسوينه !!! عنبووه مب موبايل هذا !!! بقول حق ابويه و بياخذلي غيره !!
ساره: ردت لي على هالسالفه !! يا ماما السالفه مش سالفة بيزات !! السالفه سالفة مبدأ .. يعني لو خليناها جيه مابتوقف ... كل يوم بتسرق لها موبايل !!
غايه: انزين احنا مب متأكدين انها اللي سارقه سارووه !!
ساره: لين احينه 90% هيه اللي سارقه ... و بنتأكد بعدنا ... خلو سلطان ايي و احنا بنتصرف ..
العنود: مالت عليكم انتوا الاثنين ... كونان الامارات !! ههههههههههه
ساره: لو سمحتي عن الغلط .. سلطون كونان .. انا ران خخخخخخخخخخخ
غايه: هيه تشبهينها .. طويله و هبله .. خخخخ
العنود: بسكم انتووو من المناجر و خلونا ندش
غايه: لا مب داشه انا
ساره: لا لا واع مب داشه ..ريحة جقاره !! و بعدين بنتريا سلطان لين ايي ..
و في هاللحظة طلع لهم حسين:
حسين: ها شو اتفقتوا بنات ؟؟
نقزت العنود من سمعت الصوت وراها !!
حسين مسوي عمره جامد: اسمحيلي اختي مب قصدي ..
العنود احمر ويهها من القفطه: لا ماعليه اخويه ..
حسين: انزين تفضلوا داخل ؟؟ ليش واقفات هنيه ؟؟
ساره: ماعليه بنتريا لين ايي اخويه ...
حسين و هو راد يدخل الغرفه : برايكم .. و علي فكره بنرشلكم عطر لو الريحه مب عايبتنكم ..
ساره: اويييييه !! يالفشله ! سمعني !!
غايه: عشان تتعلمين تيودين لسانج ..
العنود و هي تشم عباتها: انزين صدق ..ريحة الجقاره الي داخل وايد قويه ... حتى احس انه الريحه عالقة في عبينا !!
عقب دقيقتين وصل سيف ...
استغربوا البنات !!
ساره: عمي سيف ؟؟!! ليش وين سلطان !؟؟
سيف: سلمي اول انزين !! ويا هالويه !!
ساره: اوه صح.. اسمحلي عمي بس استغربت انك ييت .
سيف : خييبه !! شو هالكثر مب مرغوب بي ؟؟؟ خلاص يالله فمان الله !!
و سوا عمره مروح !!
ساره: عمييييي !! وين ساير .. تعال عن الدلع ؟؟!!
سيف يمثل انه زعلان: دلع ؟ و بعد اهانه ثانيه !! الظاهر انه ماشي احترام بين الريال و بنات اخوانه هالايام !!
ساره حست انه السالفه صدق و انها ضايقت عمها .. و غايه حاولت تتدخل
غايه: عمي ساروه ماتقصد شي ... حتى احنا استغربنا انه سلطان مايا و انته اللي ييت بداله !!
سيف يمثل الصدمه: حتى انتي ؟؟؟؟؟ لا صدق الظاهر اني مثل مايقولون شوكه في البلعوم ....
العنود: خخخخخخخخ عظمة في البلعوم مب شوكه ..
سيف صد صوبها و في عينه نظره حزينه: الله يسامحك يا سلطان ... ليتك ما قلتلي أي بدالك .. و ليتني تميت مكاني و ماسمعت هالرمسه من هالبنات اللي اعزهن و حاطنهن على راسي من فوق ..
البنات يطالعن بعض منصدمات .. شو السالفه شو قالوا ثرهن !!
غايه: عمييييييييييي !! انته ياي تساعدنا و جلبت علينا ؟؟ بس عاد عن الدلع ...
ساره: اسفه عمي ما بسأل عن سلطان ؟؟ راضي ؟
سيف سوا عمره ماشي عنهم و مره وحده رد صد صوبهم و اشر بسبابته عليهم و غمز : انفع ممثل صح ؟؟
ساره: لا ماتنفع .
العنود: هيه ماتنفع ..
سيف: ويييييييه !! عصبوا !! انزين سلطان طرشني بداله لأنه احتكر في الزحمه جان يتصل بي و شافني اقرب لكم .. خبروني شو السالفه ..؟؟
في هاللحظة طلع لهم وليد عشان يشوف شو السالفه ..
وليد: السلام عليكم اخويه ... شو السالفه ؟
سيف اتجدم و سلم على وليد : وياك سيف راشد ... عم البنيات ..
وليد: هلا اخويه سيف ... شو اتفقتوا ؟؟
سيف: تبا الصدق انا ماعرف شو السالفه ... بس فهمت انه السالفه فيها موبايل مسروق ..
وليد: هيه هاي كل السالفه ... و البنات اتهموا وحده من البياعات في المحل ... لكن ماشي دليل الا انهم شافوها ظاهره من غرفة القياس اللي كان فيها الموبايل ...
سيف: ممممممممم ... ليش ماتفتشون المحل ؟؟
وليد: اتفضلوا داخل المكتب عشان نتفاهم ..
العنود: سيف انا ابا اروح ....
سيف: منو اللي مسروق موبايلها ؟؟؟ العنود ؟
العنود: هيه انا !! لكن ساره مشتطه اكثر عني .... مايصير انا اروح ؟؟ ناصر بيذبحني لو عرف انه هالسالفه مستوتلي ...
سيف: ماعليج من سالفه ناصر انتي ... دامكم ويايه مابيقول لج شي ..
العنود وهي ضايجه: اوكي ..
دشوا داخل المكتب عشان يتفاهم سيف وياهم ..
سيف: ما قلتولي .. ليش ماتفتشون المحل .. ؟؟
وليد: ممكن نفتش ... لكن ..
سيف: لكن شو ؟؟ عادي .. هالطريقه الوحيده اللي بتكشف السارق ! على فكره وينها هاي اللي متهمينها ؟
حسين: خليناها تسير المحل و بنطلبها اذا احتجناها ..!!
سيف: لا والله !!! عيل ماشي مجال نكشفها اذا هي اللي سارقه !! اكيد سارت دسته ولا ظهرته برع المحل..
ساره: ماشي فايده خلاص !! وانا ما لاحظت انهم خلوها تسير .... خل نروح احسلنا !!
غايه : يا خسارة الوقت اللي ضيعناه ..
العنود: شفتوا ....... يلستنا بدون فايده.. قوموا نسير ..
سيف: لا شو ... لحظة لازم نتصرف ..
العنود: شقايل نتصرف بعد ... تراكم تقولون سارت ... يعني اختربت السالفه ...
رن موبايل ساره ...و كانت خالتها اللي هي والدة العنود ..
ام العنود: هلا ساره .. شحالج امايه
ساره: الحمدلله خالوه .. شحالج انتي ..
ام العنود: الحمدلله بخير و عافيه ... العنود حذالج ؟؟؟
ساره: هيه خالوه ... لحظة هكيه ..
و ناولت العنود موبايلها ..
العنود: هلا والله اميه ..
ام العنود: هلا عنادي ... شو يقولون مضيعه موبايلج؟
العنود: منو قالج ؟؟ سلطان ؟
ام العنود: لا .... اتصلوا بي من موبايلج ..
العنود: شوووو !!؟؟؟؟ خيبه .. سرقوه و بعد لحقوا يستخدمون البطاقه ؟؟
ام العنود: هاا ؟؟ سرقووه ؟؟ منو اللي سرقه ..
العنود: هالبياعه مالت المحل ..
ام العنود وهي مستغربه: عيل انا اللي دقت لي حرمة مواطنه ..
العنود: مواطنه ؟؟ شو قالت ؟؟
ام العنود: مافهمت شو السالفه بالظبط بس جنها حصلت الموبايل و ماعرفت شقايل ترده و حصلت رقمي فاتصلت ... خذي هالرقم سجليه عندج و اتصليبها الحين عقب ماتبندين عني و بتتلاقى وياج عسب ترده عليج..
العنود : اوكي .. سجلته في الموبايل .. مشكوره اميه..
ام العنود: يالله .. اتحملوا على عماركم .. و بسرعة ردوا البيت ..
العنود: اوكي امي ... ماعليه لاتحاتين . سيف ويانا ..
ام العنود: والنعم ... سلمي عليه و على البنيات ..
العنود: يبلغ ان شاء الله ... مع السلامه ..
سكرت الموبايل و ناولته ساره ..
ساره: شو السالفه ؟؟؟ شكلج منصدمه
العنود: هيه وايد ...... (( ووجهت كلامها للشرطيين )) لو سمحتوا سكروا الملف ... في سوء تفاهم حاصل ..
حسين: ممكن توضيح اكثر اختي ؟
العنود: انا بعدني مافهمت بس الواضح انه الموبايل عند حرمة و هيه اتصلت بالوالده عسب تخبرها انه عندها .. الحين بتصلبها و بشوفها عشان تردلي اياه !!
حسين : جيه السالفه عيل ..... خلاص مب مشكله حصل خير ....
سيف: كل هالسالفه و اخر شي مب مسروق ... ضايع .. بس شو السالفه كيف ضاع ..
العنود: مادري والله علمي علمكم ... الحين بسير اسأل ..
و قاموا بيظهرون و تم سيف اخر واحد يستسمح من الشرطه على الازعاج عقب لحق البنات ..
خذت العنود موبايل ساره و اتصلت بالرقم اللي امها عطتها اياه ... ردت عليها حرمه
الحرمه: الوو .... هلا منو ويايه ؟
العنود: هلا والله ... انا راعية الموبايل الضايع اللي عندج اختي ...
الحرمه: اوه .. هلا والله الغاليه ... شحالج ؟؟ السموحه منج والله
العنود: الحمدلله بخير اختي ... بس ليش تستسمحين مني ؟؟؟ و شو السالفه .. كيف حصلتي الموبايل .. نحن نتحراه مسروق و سوينا سالفه ..
الحرمه تلومت : اوووه !! اسمحيلي والله !! صدق اني سويت مشكله بدون قصد ..
العنود: ليش شو صاير ... مب فاهمه شي تراني ..
الحرمه: السالفه و مافيها اني كنت في المحل في غرفة القياس و و عقب ما قايست كمن قطعه ودرت اللي اباه في الغرفه ... عقب شفت انه القياس الوحيد اللي يناسبني هو في القطعه اللي ودرتها في غرفة القياس فطرشت بنتي الصغيرونه تسير تيبها .... و هيه سايره حصلت موبايلج اللي هو نفس موديل و شكل و لون موبايلي طايح على الارض تحت الكرسي في غرفة القياس فشلته ظنا منها انه مالي ... و هاي هي السالفه ..
العنود: اوووووووووووووه !!!!!!!!! بس انا دورت في الغرفه ؟؟ !!
الحرمه : ياختي الموبايل صغير و ممكن انه يكون مندس بين قطع الثياب ...
العنود: مادري والله بس انا دورت .. كيف ماشفته !!
الحرمه: مادري والله .. البنيه تقول شافته هاك الصوب ... مادري في الغرفه او برع .. مادري... هاي الصغيرونه تحب تتعبث و تستكشف ... فعادي تشوف اشيا احنا مانشوفها ..المهم . انتي بعدج في المول ؟
العنود: هيه الغاليه .... يالسين صوب المطاعم ..
الحرمه: انا هنيه بعد .. خلاص دقايق و بيي عندج ..
العنود: اوكي ... اترياج ... بس لحظة ... شقايل بعرف شكلج ؟؟
الحرمه: انتي يالسه بروحج ؟؟
العنود: لا ويايه اهلي ... شوفي ... احنا مجابلين ماكدونالد ... بتلقين طاوله عليها ثلاث بنات و ريال ...
الحرمه: ممممم ... اوكي ... وين .. هييه !! اشوفكم اشوفكم ... خلاص سكري يايتنكم ... باي ..
العنود: باي ..
يت الحرمه و كانت متنقبه و وياها بنتها الصغيره .. سلمت و عطت العنود موبايلها ...
العنود: مشكوره الغاليه ماتقصرين .. تعبناج معانا ..
الحرمه: انا اللي تعبتكم .. اسمحولي والله .... يالله انا مروحه .. تامروني بحايه ؟
العنود : لا سلامتج .... مع السلامه ..
بعد ماروحت الحرمه ..
سيف: شفتوا عاد !! ان بعض الظن اثم ....
العنود: قول حق بنات اخوانك ..
ساره: هذا يزاي اللي ابا ارد لج حقج ؟؟
العنود: مشكوره ماتقصرين .... نخدمج في الافراح ..
ساره: تطنزين ؟؟؟
العنود: اوهوو !! ساروه شو فيج ... خلاص قوموا نروح والله مزاجي زفت ...
سيف: منو يايبنكم ؟؟
العنود: ساره ..
سيف: خلاص قوموا روحو انتو ... شوي و بيأذن العشاء .. انتو صليتوا المغرب ؟؟
غايه: هيه ..
العنود: السالفه مستويه عقب المغرب ترا ..
سيف: اوكي انزين يالله برايكم .. يبتوني عالفاضي ...
ساره: اللي يسمع يقول شغلناك عن اشيا مهمه ..
سيف: ساروه يوم تطنجر لاترمسونها .... يالله قومي قومي ... سيري وصلي كزناتج .. خخخخخخ
ساره: اوكي ... قوموا بنات ...
وصلهم سيف لين الباركنات و ركبو سيارتهم و هو سار صوب البورش مالت سلطان..
غايه : حليله سلطان ماخذ الكروزر الجديم مال سيف و عاطنه البورش هههههههههه
ساره: تراه متراهن وياه يوم يلعبون مونوبولي ...
غايه: مالت عليهم ... صدق انهم تحف هههههه
طلع سيف بالبورش جدامهم و هرن و روح .. و هم كملو دربهم
بــــــه يفوق الوصف والطــــاري
وتحتصــــــن انفاســـه انفاسي
شروا ريـــــح المســـك والغاري
وبمـــــثيله احتـــــار مقـــياسي
أشهـــــد انه بس هـــــوى داري
يشغله قلـــــبي و احساســـي
-----
للتواصل والمزيد:
http://www.hawadary.com
تسلمين و الله
وانا معاج على الخط
زهرة_الآلام
26-04-05, 11:19 PM
السموووووحة .... على هذا الخطاْ.... كان مخرف كمبيووووتري... مادري كان يعلق و كنت اتحراااه مايثبت شي؟؟؟؟
على العموووم .. ادريبكم تقولوون شو ياينها هاي وايد نزلت .. بس علشان مشغووولة ويا بعض الامتحانات..و مابحد تقريبن اسبووووع .. و علشان نونوا ماتكلني :redface2 بنزل اللي اقدر علييــــه ^___________________^
و على فكرة هذي الجامعة اللي يبووني هلية اسييرلها :rolleyes: احس ماتناسبني؟ امريكية الشارجه شووو رايكم ؟؟
part-1
المكان: في الكلاس
الزمان: 9 الصبح
الكلاس كان هادي وايد، ماينسمع أي صوت ثاني غير صوت البورفسور باتريك و صوت المكيفات...اللي يدش الكلاس هذا يتعجب من شكله...البرفسور شيبه ومكرش ويالله يالله ينش ويكتب شي على السبوره...والشباب كل واحد في عالم ثاني... فئة قليلة يسجلون الملاحظات، و فئة مشغلين البلوتوث ويرسلون مسجات ويجيكون الليسته...اما سلطان وفهد فكانوا يعلقون على أي شي اتطيح عينهم عليه، وخالد حاط يده على يبهته ومنزل راسه وميود القلم في ايده...يسوي عمره يسجل ملاحظات ومناك رااااااقد في سابع نومه... سلطان شاف شكل خالد وأشر لفهد انه يصد صوب خالد ويشوف شكله، وتموا يضحكون عليه...
طبعاً سلطان مايفوت هالمشاهد على طول ياب الموبايل وصور خالد وهو على هالوضعيه....وخالد حليله مايدري انه حركته مكشوفه...على الاقل جدام سلطان وفهد، وما وعى الا على صوت موبايله..
خالد كان لابس كاب، وحاطه سماعه بلوتوث في اذنه، وهالشي ساعده انه يرد على المكالمه من دون ماحد يشك انه يرمس بالتلفون...
خالد: هلا
الطرف الثاني: بالمهلي...مرحب والله
خالد: انا في الكلاس..
الطرف الثاني: اوووه...سوري والله ...انزين واشحقه اترد على التلفون يوم انك في الكلاس؟؟ ههههههههههه
خالد: يالله جلللللللدي جلللللللللللللدي...شو الموضوع..؟؟
الطرف الثاني: انا في جامعتكم...بترياك في ستاربكس...يالله فداعت الله
خالد: بااااااااااي
سكر خالد التلفون ورفع راسه .وانتبه انه البرفسور عينه عليه...توهق وحس بعمره احمرررررر وقام يصب عرق من الزيغه...
البروفيسور: khalid؟؟
خالد: yes sir !!
البروفيسور: what did u say؟؟
خالد: aa .. aa .. Nothing!!
البرفسور تجدم وسار صوب خالد...وخالد مرتبك ومب عارف كيف يتصرف، ألتفت صوب سلطان وفهد، وشاف فهد ماسك دفتره ورافعنه....مكتوب عليها ( I said What? I didn’t know that the answer is so easy! )
البرفسور: سمعتك تقول شي....( I heard you saying something? )
في هالاثناء قرا خالد الكلام اللي كتب له اياه فهد في الدفتر وهو يبتسم في ويه الدكتور ومن تحت اريوله تتنافض!!
خالد: قلت ماتوقعت الاجابه جي سهله!! ( I said I didn’t know that the answer is so easy )
ضحك البرفسور وحط ايده على جتف خالد...وعقبها سار صوب السبوره مره ثانيه...في هالاثناء صد خالد صوب فهد وسلطان ورفع ابهامه لهم وهو يبتسم...وتم يهز ايده ،يقوللهم انه زايغ وكان يرتجف...ضحكوا عليه وردوا يكملون اللي كانوا يسوونه ....
بعد 10 دقايق...ظهر البرفسور وكتب لهم كم من مسأله على السبوره وقاللهم يحاولون يحلونه في البيت ويفكرون فيها.....طبعا منو اللي متفيج يفكر في المسأئل دام انه مب واجب عليهم....اكييييييييييييييييد طااااف
من خلص الكلاس، ظهر خالد بسرعه وسار صوب الكافيه و تلفت شوي يدور على اللي كان وياه على التلفون .. لقاه و سار صوبه..
خالد: أحمدوووووه !!! والله وهقتني يا رياااال !!! البروفسور جكني و انا ارمسك !! لكن زين منهم الشباب انقذوني .. ههههههههه
أحمد: هههههههههههه .. والله تستاهل .. حد قال لك رد على التلفون !!! اسمييه ويهك لووح انته !!
...و من جهة ثانيه بعد كانوا سلطان و فهد سايرين الستاربكس عشان ياخذولهم كوفي قبل مايبدا الكلاس الثاني .. و هم واقفين يتريون الاوردر سمعوا حد يزجر ... كان خالد يأشر عليهم انهم ايون ييلسون وياه وويا الريال اللي وياه .. خذوا الكوفي و ساروا جداهم .. تموا واقفين بما انهم مستعيلين .
خالد :هلااا والله شباب ...أحمد هذيلا الاثنين لهم الفضل في عدم طردي من الكلاس اليوم ..خخخخخخخ
فهد: ماسوووينا شي يا ريال ....
خالد: ههههههههه والله متواضع !!
سلطان ظرب جتف فهد: انا لي قلتله يكتبلك !! خخخخخخ انزين ما عرفتنا على الريال
خالد: اووه .. نسيت ... هذا اخويه أحمد ..
أحمد يقاطعه : لو سمحت النقيييييب أحمد ..
خالد: لا اله الا الله !!! هذا توك من ساعتين مبلغينك بالخبر و جيه !! عقب مايرقونك صدق شو بتسوي ههههههههه ..
أحمد: بحتفل بعد شوو .... ويا ويهك .. مشكله الغيارين .... انزين ماعرفنا منو الشباب ..
خالد: اووه .. نسيتني الله ياخذ ابليسك .... هذيلا ربعي سلطان و فهد ... خبرتك عنهم وايد؟؟ مال رحلة امريكا ..
أحمد: هييه !! اسمييه حش فيكم حش !!
خالد بقق عيونه: وقسسسسسسسم بالله ما حشيت !! الحين هذا ياي يخرب بيني و بين ربعي ..
سلطان: ههههههههههههههههه .. لا احنا نعرف خالد كيف اخلاقه !! مايحش فينا ..
أحمد: هيه مايحتاي !! ههههههههههه
خالد: شو بلاكم وايد رسميين ؟؟؟ شو زغتوا من النقيب ؟؟ ههههههههه .... ترا هذا توه الا امرقينه و من اكثر عن شهر ناشر الخبر و مسمي عمره نقيب .. ههههه حليله ياي يبشرني اول واحد ... هههههه
احمد ظربه على راسه: احمد ربك مسولك سالفه و مخلنك اول واحد يعرف انزييييييين !! انا الي ماعندي سالفه عاطنك ويه ..
سلطان: لا شوو ... يسولف وياك خالد .. حليله مايقصد .. ههههه
أحمد: ههههههه اعرفه هذا اخويه وانا ادرى الناس به ... انزين ايلسوا ؟؟! ليش واقفين ؟؟
فهد: ماعليه وقت ثاني ان شاء الله .. بس علينا كلاس الحين....
خالد: الله يعينكم على هالكلاسات !!! بصراحه انا ماخذ وياكم كلاس واحد من الهندسه و جيه لايعه جبدي ... !!! وين لو متخصص !!
فهد: ههههههههه ترا انته مب ويه هندسه .... خل الهندسه لأصحابها .. (( صد صوب سلطان وكمل)) من طلب العلا... ؟؟
سلطان كمل الجمله : سهر الليالي .. هههههههههههه محفظني هالحكمه من ايام الثانويه ..
أحمد: هههههه هيه والله من طلب العلا سهر الليالي ... ماشاء الله انتو ربع من ايام المدرسه ؟؟
حط سلطان ايده على جتف فهد و ابتسم ابتسامه بريئه : من ايام الروضه ..
فهد شل ايد سلطان: ماعليك منه .. هذا ولد عمي .. هههههههه يالله نستأذنكم احنا .. و ان شاء الله لنا لقاءات ثانيه اخويه النقيب أحمد ..
خالد: هههههه يالله على الكلمات المنمقه ..... انزين اقولكم ترا احمد بيي عقب يومين في الجلوبال داي .. يعني بتملون منه
أحمد: شو جلوبال داي ؟؟ ماقلتلي عنه ؟؟ (( و صد جدا الشباب و هو يأشر على اخوه)) ماعليكم منه وايد يألف..هههههه
خالد: الجلوبال داي يا خي ... والله قايللك عنه من كمن يوم ...
احمد: اشدراني والله .. من استوت سالفة الترقيه و انا ما اركز في شي من الوناسه هههههههههههه
خالد: ما صارت ترقيه هاذي .. يوم بتعرس شو بتسوي ؟؟ ههههههه
سلطان : عاد العرس شي ثاني الله يهديك يا خللوود !!! ههههههههههه يالله برايكم شباب .... نشوفكم عقب ..
خالد&أحمد: فمان الله ..
--------
المكان: الجامعه الامريكيه
الزمان: 10 صباحا
كل الطلبه والطالبات متحمسين للجلوبل داي، الجامعه كانت مثل خلية النحل، الكل متحمس وفي قمة من النشاط. العنود و ساره كانوا من ضمن المشاركين في هذي الفعاليه مع مجموعه من البنات والشباب...العنود ومجموعه من البنات عينوهن مشرفات في الفعالية، ووظيفتهن يتأكدن انه كل شي مرتب وجاهز للقلوبل داي. كانت متحمسه وايد لانه هذي أول مشاركة لها في هذي الفعاليه، وكانت مسيطره على الامور بطريقه منظمه، بس بالنسبه لساره كان الوضع مختلف.
ساره: مااااااااباااااااااااا!!
محمد: شو ماتبين..؟ مايصير ساره لازم انتي اللي توقفين وتستقبلين الزوار في ركن الامارات!
ساره: اقوووووولك مااااباااااا!!! اونه استقبل!! دوروا حد ثاني ..
محمد: يا ساره!! الكل عارف شغله ودوره في الركن...وانتي قلنالج من البدايه انج بتكونين في الاستقبال..
ساره: لا !! مااااابااااااااا...انا بكون مسؤولتكم...انتوا يبالكم حد ينظمكم...ترا انتوا الرياييل ابدا مب منظمين...
محمد مستغرب: شووووووه!! اونه مب منظمين.... يا ماماا نحن صارلنا 3 سنين انشارك في القلوبل داي...مب شراتج اول مره اتشاركين ويايه تعلمينا ههههههههههه سمعي الكلام وخليج في الاستقبال منعاً للاحراج...
سمعت خلود المشاده اللي صارت بين محمد وساره...وتدخلت في الموضوع كونها من ضمن الطالبات المشاركات في ركن الامارات..
خلود: شو بلاكم...؟؟
محمد: ساره مب طايعه توقف في الاستقبال...مع انه يوم عرضنا عليها انها تشارك ويانا قالت اوكي وراضيه بأي شي....الحين قامت تتشرط..
ساره معصبه: شووووووو اتشرط!!! ياخي مااابا اوقف في الويه!! خلوني داخل
خلود ضحكت: هههههههههههه....خلاص ياجماعه....ابرايها محمد، انا باخذ مكانها يمكن البنت تستحي ومب متعوده على انها توقف في الاستقبال، لكن انا متعوده، على قولتك خبره هههههههههههههه
تأفف محمد وقاللها اللي تشوفونه سووه...ومن جهه ثانيه ساره كانت مستانسه لانه خلود خذت محلها...كله ولا تكون في وجه المدفع...المشكله انه ساره من النوع العصبي وايد وصعب تمسك اعصابها...احسلها اتم داخل على الاقل بعيده اشوي عن الزوار...
دخلت غايه تدور على العنود وساره، حصلتهن يسولفن مع مجموعه من البنات. اول ما شافوا غايه يايه صوبهن، استأذنن من البنات وتقربن من غايه..
غايه: هاااا....شو اموركن..؟
العنود:والله تمام الحمدالله...
ساره: انا مسيطره على الوضع تماماً..(وترفع الابهام)
العنود: اونه مسيطره على الوضع...عقب ماعفست الدنيا وتضاربت ويا الخلق..ههههههههههه
ساره: انتي بالذات مابا اسمع حسج!! ابا اعرف كيف عينوج مسؤوله على القرى كلها!! كييف!!!
غايه: والله صدق؟؟؟ ماشاءالله اوكي!
العنود: عووووووذ بالله!!!! انتي ليش جي حاقده!!
ساره: لاني متأكده انه في شي ورا هالسالفه...! كيف مرشحينج!! خبريني...
العنود: والله ابد مافي شي.....شافوني استاهل ههههههههههههههههه
غايه:ههههههههههههههه
ساره: هي هي هي ... وتضحكين انتي بعد (تضرب كتف غايه) قومي عني انتي...
العنود: ياااااااااااااالله...جان هالشغله بتفرقج عني يا بنت خالتي..
ساره: اعتبري اللي مبينا منتهي بعد... وصلة الرحم اللي مبينا (وتسوي بصبوعها شرات المقص) قصيييييييييييتها ....
سارت ساره صوب الكافتيريا والبنات ميتات من الضحك...يدروبها ساره تتمصخر وياهن بس مشكله يوم تمثل وتنكت وهي معصبه....
عقب ماتريقن البنات، العنود وساره ردن مره ثانيه ركن الامارات علشان يكملون تجهيزاتهم مع باجي الطلبه، اما عن غايه فردت البيت لانها خلصت كل كلاساتها وما عندها أي شي اتسويه في الجامعه...البنات تمن في الجامعه لين المسا، العنود رفضت ترد البيت لين تتأكد انه كل القرى جاهزه ومستعده لباجر...تجمعت مع مسؤولين القرى الثانيه وعقب ماتأكدت انهم مستعدين وكل شي جاهز وعلى أكمل وجه قررت تروح البيت وترتاح وتستعد للقلوبل داي....
----------
المكان: شرطه الشارقه
الزمان: 2 الظهر
أحمد كان في مكتبه متملل، مابقى شي على الدوام الا نص ساعه، وماشي شغل، دش اربيعه المكتب ويلس مجابلنه ويسولف وياه...
سعيد: خلصت شغلك..؟
أحمد: هيه نعم...ماتشوفني حاط ايدي على خدي ومتملل..
سعيد: ههههههههههههه...غريبه!! أحيدك تدور على شي يشغلك حتى لو باجي على الدوام دقايق... شو ياينك اليوم..
أحمد: سلامة راسك، ماشي والله...
سعيد: معقوله!! ماظن هههههههههه
أحمد: ههههههههههههه...ليش يعني...
سعيد: ما أدري....ممممممم...يمكن مواعد وشكلك مهموم وايد من السالفه...
أحمد نقع من الضحك: ههههههههههههههههههههههههههه...هيه صح مواعد...ليش ماتدري انه الجامعه الامريكيه عندهم قلوبل داي... يعني أشكال وألوان هههههههههههههههه
سعيد: قلنالك وراك شي... خبز ايدي وأعرفك هههههههههههههه
أحمد: الله ينطبك هههههههههههه... (وألتفت يطالع ساعته) أقووووووووول بوعسكور...اسمحليه بترخص عنك...بسير البيت برقدلي ساعتين...ورانا شغل المسا هههههههههههههه
سعيد: ههههههههههه...الساعه كم يبتدي القلوبل داي هذا؟؟؟
أحمد: ليش..؟؟ هههههههه
سعيد: اترياني عند البوابه، بندش بنطمش يا ريال هههههههههه
أحمد: ههههههههههه خلاص تمام...نترياك المسا عيل... يالله فداعت الله...
طلع أحمد من المكتب وسار صوب سيارته...من شغل سيارته على طوول رن التلفون، يوم شاف منو اللي متصل نقع من الضحك...
أحمد: هاااااااااااااااا شو عندك بعد...؟
سعيد: ماقلتلي الساعه كم...؟ هههههههههههههههههههههه
أحمد: هههههههههههه قلنالك المسا..
سعيد: انزين يعني الساعه كم؟ هههههههههههه المسا يبتدي من 6 الين12...اشدراني متى مساك يبتدي ههههههههههههه
أحمد: ههههههههههههه والله ماأدريبك...متى ماتبى بوعسكور
سعيد: طاااااااعووووا!! مايبى يقول... والله يا بوشهاب بتشوفني معسكر في الجامعه من خمس الا ربع...انا ولا انته ياالسبااااااااااااااااااااااال
أحمد: هههههههههههههههههههههههههههههههههههههههه
سعيد: ضحكت بلا ضروس..أجلب ويهك يالله!! (وصك الخط في ويه أحمد)
أحمد مب قادر ايود عمره من الضحك، تم يضحك طول الدرب لين وصل البيت...من وصل البيت سلم على أهله ودش غرفته، تسبح وظهر يتغدى ويا أهله...وعقب استأذن منهم وسار غرفته، حط راسه وقرر يرتاح ساعتين ولا ثلاث قبل ما يسير الجامعه ...
------------
المكان: الجامعه الامريكيه
الزمان: 6:30 المسا
بدوا الناس يتهافتون من كل صوب، عدد الزوار اللي يوا الجلوبال داي هالسنه أكثر عن السنوات اللي طافت، والحماس باين على ويوههم، الكل متوقع انه هالسنه بيكون أحلى عن السنه اللي قبلها، واربش....
كل قريه كانت احلى عن الثانيه، كانوا مسويين مجموعه من الدول من ضمنها (دول الخليج وبلاد الشام، واليمن والعراق بالاضافه للقريه الهنديه والباكستانيه)
الطلاب كانوا مجهزين عمارهم عدل، وكل مجموعه عارفه دورها وفعالياتها ومستعده لليوم هذا...طبعا الكل كان على أعصابه، لانه هاليوم يوم مهم وايد في الجامعه، وهم الحين يمثلون الجامعه جدام آلاف الناس والزوار اللي يايين من كل مكان عشان يحضرون الجلوبل داي.
في هالاثناء نزلوا أحمد وخالد من السياره وتوجهوا صوب مباني الجامعه علشان يشوفون الفعاليات اللي الطلاب والطالبات مسوينها...
خالد وقف في نص الساحه عند النافوره وأشر بإيده: هالقرى كلها اللي مسوينها السنه...وين تبانا نبتدي..؟
أحمد: ممممممم..والله ماأدري، ابا أربش قريه ههههههههههه
خالد: تبانا نبدى بالاماراتيه؟
أحمد: قال اماراتيه أونه...شو فيها الاماراتيه...مابتشوف فيها غير سرود وحاطين عليه دلة قهوه وتمر هههههههههههههه...لا لا انسير اللبنانيه
خالد مبقق اعيونه ويطالع أخوه: اونه سرووود!! ايييييييه ها تراثك يالسبال... بتخبرك انته متأكد انك اماراتي؟
أحمد: ههههههههههه لا..انا مهجن ابويه سوري وامي لبنانيه...ههههههه يالله بدي اروح لعند مـامـا هههههههههههههه
خالد: والله فيوزاتك ضاربه انته... يالله سرييينا لعند المـامـا هههههههههههه
في هالاثناء العنود وساره واقفين في القريه الاماراتيه يتأكدون انه كل الطلبه المشاركين موجودين وانه كل شي منظم وماشي أوكي....فجأه انتبهوا لصوت ينادي العنود ...
موزه: عندوووووووووووه!!! لحقي علي!!
العنود وساره ألتفتوا بسرعه جهة الصوت....
العنود: خييييييييييير!!!! شو مستوي!!
موزه: العنود تكفين لحقي علينا!!! العرس اللي مقررين انسوييه في القريه القطريه بيبتدي عقب 10 دقايق ولين الحين مريم مايت!! شنو انسوي!!
العنود حست بغثيان!! ياللــــه ليش!! كل شي كان ماشي اوكي!!!
العنود: كييييييييف مايت!!!! وينها!! عندج رقمها!!
موزه: اييه...انا اتصلت فيها...بس ماترد علي!! مادري شو صاير عليها!
العنود: عطيني رقمها...انا بتصلبها!!
اتصلت العنود وحرقت التلفون لكن ماشي رد!! والعنود على أعصابها مب عارفه كيف تتصرف...
موزه: كيف نتصرف الحين؟؟؟
العنود تحاول مره ثانيه تتصل بمريم وبعد محد يرد...
العنود: موووووووزه....ماترد علي هذي!!! ماشي الا انج تاخذين مكانها!!
موزه: شنووووووووو!! انا!!! لا تكفين انا ماعرف شي!!
العنود: شوووووو متعرفين شي!! مايباله شي...انتي العروس يعني كل اللي بتسوينه انج تمشين وبتييلسين على الكوشه!!
موزه: بـسسسسسسسسس
العنود: دخيلج..ماشي وقت....ترا كل شي في ويهنا!! دخيلج لاتحطينا في هالموقف...بليييييز
هزت راسها موزه ووافقت انها تاخذ دور العروس. وتحركن ثنتيناتهن صوب القريه القطريه، والعنود كلمت الطلاب المشاركين في القريه واتفقت مع المجموعه انه موزه هي اللي بتاخذ دور مريم وشرحوا لها على السريع شو لازم اتسوي موزه..
الحمدالله كل شي مر على خير وكان العرس أكثر من روعه، ومجموعه كبيره من الزوار شهدوا العرس وشافوا الفعاليه في القريه القطريه والكل كان مستانس ومستمتع بها، ومن ضمن اللي كانوا واقفين يطالعون خالد وأحمد...
أحمد: اتصدق...ماكنت أدري انه أعراس القطريين مثلنا؟!!
خالد: ليش كيف كنت تتوقعها..؟
أحمد: يعني ...مثل البحرينيين...انه يزفون المعرس و العروس مع بعض، بس ابدا ماتوقعت انهم مثلنا...كوشه وعفسه. يعني الواحد اذا يبى يفتك من مخاسيير أعراسنا لايفكر ياخذ قطريه لانه الحال واحد هههههههههههه
خالد: ههههههههه الله ينطبك...ليش مفكر تاخذ قطريه؟
أحمد: لا لا لبنانيه ههههههههههههه ...تعال مب مسوين عرس لبناني؟ خلا انشوف أعراسهم عشان الواحد ياخذ فكره قبل ما يبتلش بعد هههههههههههههههههههه
خالد: اسميك انته...ماظن مسويين عرس...اظن دبكه بس..
أحمد: أحلف!! يالله فوووووووووووقه!!
خالد: يالله..
خذوا الأثنين جوله في القريه اللبنانيه، وقفوا يطالعون الدبكه اللي سووها الطلاب، وكل اشوي حد من الزوار يدش وياهم، وكان الجو حلو ومساعد انه الناس تتحمس وتتفاعل معاهم..أحمد أشر على لبنانيه ترقص مع المجموعه ويأشر حق خالد بصبوعه انه بيخطبها، وخالد ميت من الضحك عليه...ماوعى أحمد الا بضربه قويه على جتفه وزعج ....
أحمد: وخيييييييييييييييييييييييييييبه!!!!
سعيد: تخيبك يالسباااااااااال!! وين اللي بيمر عليه وبيوقف لي عند البوابه هااه!!!!!
أحمد يوم شاف الشرار يتطاير من عيون سعيد نقع من الضحك في ويهه ويلس يتأسف له
أحمد: هههههههههههههههههههههههههههه سوري والله سوري...ههههههههههههههههههههه
سعيد: يعللك المــااحي!!! لكن ماعليه انا براويك..!!
أحمد مب قادر ايود عمره من الضحك، ميود ايد اخوه ومنزل راسه ويضحك...انتبه سعيد انه في حد ويا أحمد..
سعيد: يالخوااااااااان!! ماعليه!!!
أحمد: ههههههههه هذا اخويه خالد... خالد...هذا اربيعي سعيد ويايه في الدوام..
خالد: هلا ، يا مرحب والله..
سعيد: يا مرحبابك... (والتفت صوب أحمد) عيل يالس تأشر على اللي لابسه وردي هااا... انا براويك يالسبال....خلووووووووووود...تعال ويايه انته..
سحب خالد ودشوا ويا المجموعه وتموا يرقصون وياهم، وسعيد تعمد انه يوقف عند اللي أشر عليها أحمد و يوود اديها ورقص وياها، ويرفع حاجبه كأنه يقول حق أحمد (هااا...شرايك ) وخالد ميت من الضحك على حركات سعيد، معنه سعيد مايعرف للدبكه لكن مشى حاله وياهم...
استمر الرقص في القريه اللبنانيه تقريبا نص ساعه، وعقبها توجهوا الشباب للقريه الاماراتيه عقب ما أصر خالد انهم يمرون ويشوفونها..
وصلوا القريه الاماراتيه وأحمد معتفس ويهه وماله خاطر يدش يطالع، وكان يتحرطم على أخوه وعلى ربيعه سعيد لأنهم مصرين يدشون القريه الاماراتيه، تم أحمد يتحرطم ويتحرطم ويتذمر..
أحمد: يعني سؤال...؟ شو فيها القريه الاماراتيه؟ ماقد شفتوا سرود؟ولا السحاره ولا دلة قهوه؟ ولا الصمعه؟ ولا المعننز يالعنز!! صدق انه ماعندكم ســـــــــــالفــ............
ضاع الكلام اللي كان بيقوله أحمد، وحس بالدنيا تدور به، حس أنه ريوله مب قادره تشله!! قبض ايد خالد بقوه...وكتم شهقه كانت بتفلت من لسانه...لاااااااا مب معقول اللي أشوفه!!! أخيرا!!!! أخيرا شفتج يا بـدر التمـامـي!!!!!!
عقب ما شاف أحمد ساره تم مبهت !!
بعده أحمد مب مستوعب اللي يشوفه قدامه!! حلم ولا علم!! تم ضاغط على يد خالد بقوه، كأنه يبى يختبر نفسه و هو في حلم ولا علم...خالد حس بضغط أحمد على يده، وهالشي خلاه يلتفت لأخوه...
خالد: أحمد...بلاك..؟
أحمد تم ساكت، والعبوس مبين على ويهه، التعبير اللي في ويهه كان غريب،استرجع الليله اللي صار فيها الحادث، عقب ماعطى ساره الليسن توجه لسيارته وهو يفكر في العيون العسليه اللي سحرته. اتصل به سعيد في هاك اليوم وقاله انه ويا شباب ويتريونه في صحارى، وفي نفس اليوم شافها مره ثانيه ودعمته... اووووووووف لو تدرين شو سويتي فيه هاك اليوم، والله انج حرمتيني من النوم، وحرمتي البال من تفكير بأي شي دونج ......
رد خالد يسأل اخوه..
خالد بحزم: أحمـــد!!
قطع خالد حبل أفكار أحمد. ابتسم أحمد وصد صوب أخوه: تصدق...! شفت واحد كان يدرس ويايه في الكليه...بسير بسلم عليه وبردلكم..دقايق أوكي..
خالد: مب مشكله..
ترخص أحمد من أخوه ومن ربيعه سعيد، وعينه ابدا مافارقت البدر اللي شافه...عيونه كانت تسابق خطواته، وكل ماتقرب زادت دقات قلبه...ياااااااااااا ربي عليج!!! والله اني للحين مب مصدق اني شفتج..!! يالظالمه اكثر عن شهر وأنا أدور عليج؟؟؟ لكن وين بتسيرين مني!!! والله مابهدج!!
في هالأثناء ساره كانت واقفه مع مجموعه من الطلاب وشاله دفتر وقلم، كانت تناقش الفعاليات وياهم وتقول لكل مجموعه عن وقت فعاليتهم وتشخط في الدفتر..تقرب أحمد منها ووقف عدالها وهو مرتبك، مب عارف كيف يبتدي...أسلم عليها..؟؟ ولا بس أزجر عليها وهي روحها بتعرفني!! ولا أدعمها!!! كيف أكلمها..!! شو اسوي!! اووووووووووف خلاص بزجر عليها وبرمسها واللي فيها فيها!! تقرب أكثر وخذ نفس عميق...
انتبهت ساره انه حد يزجر عليها: لو سمحتي!!
صدت جهة الصوت وشافت واحد من الطلاب اللي وياها في ركن الامارات يزجر عليها...
ساره: هلا عبدالله...أمر
عبدالله: مايامر عليج عدو....خلود تباج اتساعدينا اشوي...لأنه عندها زوار داخل القريه الاماراتيه ومحتاجه مرشده تساعدها وتشل مجموعه من الزوار عنها...
ابتسمت ساره: ان شاءالله أخويه..
لفت ساره وطافت من دون ماتنتبه لشخص اللي واقف عدالها....أحمد كان مرتبك وايد معصب!! يعني وقته انته تي وترمسها وتخرب عليه لابركتن فيك!!! اوووووووف وين سارت هاذي!!! مممممممم امري لله ...وراهاا!!!
دشت ساره القريه الاماراتيه وأحمد كان يتبعها طول الوقت، من دشت القريه شافت خلود ومعاها 4 حريم وريالين، وأشكالهم من جنسيات مختلفه، تجربت ساره من خلود وقالتلها انها بتكون مرشدة الحرمتين وخلود تكون مرشدة الاربع الباجين لانهم كانوا من جنسية أجنبيه.. خذت ساره الحرمتين وياها وعرفت بنفسها ووقفت عند أول ركن من القريه ويلست تشرحلهن عن تاريخ الامارات..
طوول هالوقت وأحمد يراقبها من بعيد، ويتبعها من ركن للثاني، مرتبك وخايف، ويحس انه ريوله هي اللي تسوقه جداها...وقفت ساره تشرح الأدوات المعروضه اللي كانوا الأوليين يستعملونه وبعض الصور اللي التقطوها في هذيج الفتره مثل صور البيوت، والعزب، والبر وغيرها من الصور الجديمه. أحمد واقف وراها يتسمع وهو يفكر براعية الصوت العذب...ساره كانت تتكلم عن الحكام اللي حكموا الامارات قبل الشيخ زايد الله يطول بعمره، وكانت صورهم معلقه وراها، فجأه أتفتت ساره وراها وكانت تأشر على صور حكام الامارات الاوليين، أرتبك أحمد لانه شافها صدت وهو مرره كان واقف وراها...
بسرعه ألتفت الجهه الثانيه ونزل راسه عشان ماتنتبه له...خطفت ساره عداله وهي تشرح وتكمل كلامها من دون ماتحس به. من شافها أحمد ابتعدت وسارت الجهه الثانيه ألتفت صوبها وكانت دقات قلبه تدق بقوه....كانت فرصته انه تشوفه وتعرف أنه الشخص اللي دعمته قبل شهر وموجود اهني، في الجامعه، وواقف عدالها!! بس........
تم أحمد متسمر مكانه ويراقب ساره وهي تبتعد عنه اشوي اشوي، عيونه كان فيها ألف سؤال وسؤال، وقلبه كان يحثه على ألف حيله وحيله...لكن ريوله....أبدا ماتحركت من مكانها ..، في هالاثناء يت وحده من البنات اللي مساهمات في القريه ويت تصاصر ساره وتكلمها...أحمد يراقب بس مب قادر يفهم الموضوع اللي يتكلمون عنه...فجأه احتشرت ساره وتمت تزعج على البنت وتتحرطم...
أحمد ماقدر ايود عمره...ضحك ولف ويه الصوب الثاني عشان ماتحس انه يضحك عليها....والللللللللله ياناس عسل!!! مزاجيه! بسرعه تضحك وبسرعه تعصب!! بعدها ملسونه ماتغيرت! هههههههه
استسمحت ساره من البنت وردت للمجموعه وكملت الشرح، اشوي اشوي ساره تبتعد عن الأنظار وهو يراقبها وتم النظر يتبع البدر وهو يغيب وسط الغيوم...
بعد 5 دقايق ظهر أحمد من القريه الاماراتيه، وكان يمشي في الساحه وهو مب عارف وين يسير، باله مشغول في البنت اللي شافها..أنتبه له خالد وكان واقف مع ربعه في الكلاس ومع سعيد وزجر عليه علشان ينضم الهم...سار أحمد صوبهم وسلم على ربع خالد ووقف عدالهم...تموا يسولفون ويرمسون عن القلوبل داي والفعاليات اللي مسوينها...
خالد: لا لا ...أحلى شي القريه الاماراتيه..
سعيد: اسمحلي بو وليد...أنا اشوف القريه اللبنانيه مسكته السنه....ولا شو رايك بوشهاب..؟؟ (يغمز)
ضحك أحمد: ههههههههه...هيه صح انا وياك...
اربيع خالد (محمد) تدخل في الموضوع: لا ماعليكم...الحين بتشوفون الربشه...نحن منظمين الفعاليات اللي في القريه الاماراتيه ومستحيل نخلي أي قريه ثانيه تغلبنا...دقيقتين ولا ثلاث بالكثير وبتشوفون العجب....
تجمعوا مجموعة من الشباب في ساحة الجامعة جدام القريه الاماراتيه، وبدا الرزيف على الاغاني الشعبية والوطنيه، بعد 5 دقايق بالضبط صار تجمع خيالي في القريه الاماراتيه. الناس يتهافتون من كل صوب ومن كل الجنسيات..مجموعة من الناس واقفه تتطمش، ومجموعه تصفر، ومجموعه تحمسوا ودشوا ايولوون ويا الشباب...
الكل كان مندمج ويطالع الرزيف واليواله الا واحد، كان عقله وتفكيره منصب على البنت اللي واقفه الجهه الثانيه وتراقب الشباب ايولوون...أحمد ماشل عينه عن بدره التمامي، يسأل نفسه ألف سؤال..شو تسوي اهني..؟ وين كانت كل هالمده؟؟ تذكرني..؟؟ولا نستني..؟؟؟
ساره كانت مندمجه في شغلها، واقفه وعلى استعداد تام لأي ظرف ممكن يصير، كونها مشرفه على القريه.. في هالوقت سعيد سحب أحمد وطلب منه انه يدش ويا الشباب وايوول وياهم...
سعيد: احمدوووووووووو...تعال ويايه..
أحمد: وين ايي وياك.؟؟؟!! برايك سييير!
سعيد: تعااااال...دخيلك مايعيبني أيوول بروحي! طلبتك بوشهاب!
أحمد: والله اسمحلي بوعسكور..مايعيبني ايوول جدام الناس..
سعيد: شو بعد مايعيبك؟؟ نسيت عمرك يوم تيوول في عرس خلووووووف ربيعنا!! نسحبك نبى نيلسك وانته مب طايع تييلس ههههههههههه
أحمد: ههههههههههه عاده هاك عرس اربيعي مب قلوبل داي هههههههههههههه
سعيد: والله عيااااار!! يالله قم قم !! هههههههه
أحمد: بوعسكور برايك ياخي...سيير روحك...ولا أقولك شل خلووووووود وياك..
سعيد: والله ما أدري ليش انا مخاونك!! مالت عليك يالسبال
أحمد: هههههههههههههههههههه
سار سعيد وسحب خالد وياه، ودشوا ايولوون ويا الشباب. خالد كان ايوول بالخيزرانه ويدور بها، وسعيد خذ سلاح من واحد من الشباب اللي يايين مع الفرقه، وقف سعيد مجابل خالد وتموا ايولوون ويدورون مع بعض. هذا بالسلاح والثانيه بالخيزرانه..كانوا ماخذين الأضواء والكل يطالعهم ويصفقلهم...ساره كانت واقفه وتراقب خالد...مشاءالله عليه يوالته حلوه، في نفس اللحظه بنتين واقفات وراها ويتصاصرن، ويرمسن عن خالد..
البنت الأولى: شوفي هذا اللي لابس كندوره بيج ومتعصم بغتره حمرا!! يجنن
البنت الثانيه: هذا اللي على اليمين؟؟ أظن ويانا في الجامعة!!
البنت الأولى: والله صدق؟؟ أول مره اشوفه في الجامعة؟؟ أول كورس له في الجامعه؟
البنت الثانيه: لا لا!! جديم بس ما أعرف أي دفعه...أعتقد ماخذ كورس ويا حمدووه
البنت الأولى: آآآآآآآآه ياحيها والله! بس صدق ما شاءالله عليه مسكت!!
ساره تتسمع وتحاول تكتم ضحكتها ببتسامه، بس ماقدرت، وفي النهايه ضحكت. طول هالوقت وأحمد يراقب...ياربيييييي محلاها! ومحلا ابتسامتها!!
صدت ساره صوب خالد وبتسمت له، خالد شافها ورد عليها ببتسامه...أحمد انصعق!!!!!! كيف؟؟؟؟ من وين تعرف خالد؟؟؟ وخالد مب من النوع اللي يهتم في البنات ولا يضحكلهن!!! كيف ابتسملها!!! يعرفها؟؟؟ شو مبينهم؟؟؟؟
عقب فتره، ردوا خالد وسعيد ووقفوا عند أحمد وهم مستانسين من أداهم ومن رد فعل الناس من يوالتهم، وكل واحد فيهم يمدح عمره ويخق بحركاته واحمد يضحك عليهم..استمر الرزيف في القريه لمدة ساعتين، ومن عقبها بدت الأجواء اشوي تبرد اشوي والقرى هدت، والزحمة خفت...فقرر أحمد انه ينسحب ويرد البيت لأنه الوقت تأخر ووراه نشه باجر الصبح لازم يخلص كم من شغله عنده في الدوام ويراجع ملفات قبل لا تتسلم للرائد...
أحمد وخالد وسعيد كانوا يتمشون ويا بعض متوجهين صوب الباركنات، وهم ماريين على القريه السعوديه شافوا مسوين امسيه شعريه، وقفوا اشوي يتسمعون...كل واحد يسحب الميكروفون ويعد قصيدته، والناس تصفق...
تواعدن ساره والعنود وغايه انهم يتلاقون عند النافوره. ساره خلصت شغلها قبلهن وسارت صوب النافوره تترياهن، وكانت تسمع مستمتعه بالقصايد اللي يقولونها...وصلن البنات وسلمن على ساره
غايه والعنود: سلام عليج..
ساره: عليكن السلام والرحمه...طولتن!
العنود: صخي عني!! انا هلكانه! مافيه شده اتم اكثر عن جي..قلت حق البنات اني مروحه ووحده منهن بتنوب عني...
غايه: والله انا فاكه عمري من الصدعه ههههههههه
العنود وساره: يحيج والله..
ساره: شفتوا الرزيف في القريه الاماراتيه؟
العنود: هيه انا وغايووووه واقفين الجهه الثانيه ونطمش...زحمه بس خشينا عمرنا...تعرفين عاده بطاقة الـ في أي بي تسوي شغل..هههههههههههه
غايه: هيه والله اقولج الناس تتروع وتعطينا درب ههههههههههههه
ساره: ههههههههههه..حليلكن والله.. انا مكاني كان استراتيجي..مررره في الويه ههههههههههه
في هالاثناء سعيد ترخص من الشباب وقاللهم انه بيروح، ألتفت احمد صوبه وانتبه لساره من بعيد واقفه مع بنات، ابتسم وصد صوب خالد
أحمد: ابا أعد قصيده...
خالد: والله؟؟ تبى المايك؟؟
سعيد: لا لا ولدنا خجول...مب راعي مايكات ههههههههههههههه
أحمد: جب انته جب هههههههههههههه
خالد: فالك طيب اخويه...اصبر
تلفت وشاف واحد سعودي يعرفه يالس ويا الشباب..زجر عليه
خالد: نوااااااااف؟؟ نواااااااااف!!
نواف: هلا خالد....سم!!
خالد: سم الله عدوووووووووووووك...بغينا المايك، اخويه بيعد قصيده..
نواف: من عيوني يالغلا..
نش نواف وياب المايك، خذ خالد المايك من اربيعه وشكره وسلم أحمد المايك...
أحمد: احممممممم ... مشكورين والله.. (يلس في الخيمه وهو صاد صوب ساره وكمل)..هالقصيده كتبتها لانسان غالي، الكلام بحد ذاته مايوصف غلاه...لكن اتمنى انه يسمع الاهداء.....
عينه على ساره، ويوم شافها ألتفتت كمل...
مهداه إلى بدر التمامي...
مرحبا ترحيب من خالص فوادي***** للعيون السود توصف بالكحيله
مرحبا مليون قمر بدر التمامي ****** في ليالي السود نوره مستحيله
حرفها باهي على مطلع جبينه ****** والحروف الابجديه بهاا قليله
فصل خامس من فصول العام كنّه ****** من مطرها صارت اشجاره طويله
ولو مشت غارت ورود وفل منّه ****** بعطرها ريحان ونرجس تنثني له
باهيه بالحسن من بين العذارى ****** ما وصل ذا العصر من يبهى بجيله
ان نظر سبحان ربي معطينّه ****** نظرةٍ من طرفها تشعل فتيله
اذكره لي غرد طيور الكناري ****** وبالاصيل الخيل لو ابدا صهيله
غار منّه الصبح وابدى بانعكاسي****** لانها نسمه في اوقات العليله
نجمةٍ شعّت في اوقات الليالي ***** بارزه للكون في وقت المقيله
من هو غيرك بلسمي ودواه جرحي ****** وانته للعطشان ماي يروي غليله
لو وزنها قوت وزمرد وماسي ***** كالت الكفة ورجحت المكيلة
هي قصه خالده افكري وظني ***** ما بتلقاها في دمنه والف ليله
هي عسل مسكوب من بين الخلايا ***** لا نحل يابه بشتّات الوسيله
تامر وتطلب وانا لامره ملبّي ***** لو تبا نجم الثريّا تنهديله
ابتسم لو ابتسامتها عريضه ***** والدموع لحزنها فعيني مسيله
حبها في القلب شامخ للعياني **** ما تهزه رماح وسيوفٍ سليله
يعجز الشاعر في وصفه لو وصفها **** الجمال والحسن قدامه دليله
عاجز بشعري وبامثالي وفنّي **** ما لقيت شروا وصوفه له مثيله
ويلي من ذاك الجمال اللي فتنّي **** ويلي من طبع الفرايد آه ويله
في سؤال احترت وياه ارجو الاجابة **** كيف خل يصبر على فرقا خليلة
وســوالــم
كل اللي يالسين صفقوله وخالد كان متحمس وايد ويصفر وسعيد يزعج باسم أحمد...ابتسم أحمد ونزل راسه، وسلم المايك لربيع خالد (نواف) وظهر من الخيمه...رفع راسه وصد جهة ساره، شافها هي ورباعتها يطالعون صوب الخيمه...ابتسم ويقول في خاطره ترا الاهداء هذا لج انتي...انتي بدري...انتي بدر التمامي...
غايه وساره والعنود تحركن عقب هالقصيده وسارن صوب الباكنات..وهن يسولفن
غايه: الصراحه أخر قصيده...قويه
العنود: لا وأونه مهداء لبدر التمامي...اكيد حبيبته هههههههههههه
ساره: هيه اكييييييييييييد...تشوفينها واقفه وتتسمع وهو اونه اهداء..مايندرى صارق القصيده من منو هههههههههههه
العنود: هيه والله صدقج...وهذيج الهبله تتحراه شاعر هههههههههههههههه مقصه هالبنات هههههههههه
غايه: انزين يمكن امه!! ليش جي تشكون في الناس...مب زين والله
ساره: اونه أمه!! ايييييييه انتي وين تبين!! أقص ايدي اذا القصيده مب حق القلب ههههههههههههه
العنود: ههههههههههههههه
ساره: بس الصراحه...تبون الصدق؟؟؟ طويل الريال وزقرت...مبين عليه حلوو
العنود: ماتبين ملامحه سويييييييير!! بس صدقج زقرتي...أحس به حلووو... ايييييييي هااااااا !!! يابختها والله بدر التمامي .. ههههههههههههههههههه
ساره وغايه: ههههههههههههههههههههه
------
لا تننسون انه في الجامعه الامريكيه يومين للجلوبال داي ..
المكان: بيت بوأحمد
الزمان: 3 الظهر
بو أحمد وأم أحمد وخواتهم شيخه و عاشه يالسين على السفره ويتريون الشباب ينزلون من غرفهم..
أم أحمد: عاشه أمي...زجرتي على أخوانج؟؟
عاشه: هيه امايه...زجرت عليهم، خالد دقيت عليه الباب مليون مره ومارد علي. وأحمد قالي دقايق وبنزل..
أم أحمد: يااااااااا ربي!!! طفروبي هالعيال!! مبطأهم!!! لكن تعرف بوأحمد!! الشرهه عليك مخلنا نترياهم!!!
بوأحمد: اذكري الله! دقايق وبينزلون...أحمد حليله ياي من الدوام بيبدل وبينزل، وولدج هاكي راقد البارحه على آذان الفجر...اظني يالس يصلي الظهر وبينزل ويا أخوه...
أم أحمد: شو ميلسنه لين الفجر!!! أكيد مجابل الكمبيوتر!!
بوأحمد: تلقينه يحل واجباته ولايسوي شغل الجامعه..
أم أحمد: هذيله يوم عندهم دوام مايسوون شغلهم...تبى في الاجازات يسوون واجباتهم!! مابغييييت !!
شيخه: لا أمايه..حليله أكيد يحل واجباته
أم أحمد: اسكتي انتي بعد..اونه واجباته، تتحرونا مانعرف نحن شو تسوون انتوا.. مجابلين هالكمبيوتر والانترنت!
بوأحمد: عيالنا أكبر عن هالسوالف أم احمد...
أم احمد: ماعليك من عيالك...ترا لواته!! من يسمعون حس واحد فينا بدل البرامج...شايفتنهم انا يجلبون في الكمبيوتر...
في هالأثناء خالد وأحمد نازلين من فوق وسمعوا العيوز تتحرطم عليهم..
خالد: والله مب سهله أمايه!! تعرف انزل الصفحات ونغطي!! وانا اللي مسوي عمري عنتر وفاهم السالفه ههههههههههههههههه
أحمد: دوااااااااك....عيل حد يلعب على قماشه هههههههههههههههه
يلسوا و عاشه نشت و ناولت أخوها العود الصحن وغرفتله العيش...وخالد يضحك على تعليق أخوه...
بوأحمد: هااااااا!!! كله ولا أمكم!! ما أرضى عليها!!
أحمد: هيه اشعليييييييك! مب من الله تدافع عنها!! القلب....هههههه
خالد: والله عادي ييك القب الحين على راسك...هههههههههههههه
أحمد: لا لا... وين مافيها شده ......
وما وعى الا بضربه قويه على راسه...حس بدوخه ونقع من الضحك، وكلهم يضحكون على أحمد وعلى أمهم...صدق هالأثنين يوم ايلسوون في مكان واحد جنهم توم و جيري!!
عقب الغدا، الكل نش وسار غرفته، حد منهم سار يرقد، وحد يطالع التلفزيون، وحد يتجلب على السرير. طبعا أحمد باله كان مشغول في بدره التمامي...كان متحسف لانه ضيع فرصته انها تشوفه! مع انه كان ساير صوبها علشان يشوفها وتشوفه، بس ضيع فرصته برتباكه، وبدل لايمشي على قلبه، خله خجله يمشيه على كيفه...بس الفرص تتعوض...وأنا أعاهدج يافلانه!! انه اليوم ما بطلع من الجامعه لين تشوفيني وأشوفج!!!
المكان: الجامعه الامريكيه
الزمان: 6 المسا
وصلوا أحمد وخالد الجامعه، وقفوا السياره في الباركن ونزلوا، على طول أتصل خالد في فهد وقال انه وصل ووين يتلاقى وياهم؟
خالد: اقووووول بوشهاب...أتحيد اللي شفناهم هاك اليوم في ستاربكس وسلمت عليهم؟؟ فهد وسلطان؟ يتريونا في ستاربكس بنتمشى ضربه...
دشوا ستاربكس وسلموا على الجماعه..
أحمد وخالد: السلام عليكم..
فهد وسلطان: وعليكم السلام والرحمه...
فهد: مرحبااا والله...
خالد: يا مرحبابك...اشحالك..؟ عساك بخير
فهد: والله يسرك الحال...حي الله النقيب، اشحالك؟
أحمد: ههههههههه.. طااااب حالك...ما شاءالله بعدك تذكر
سلطان: يابوك روعتنا هاك اليوم!! زجرنا عليك بأحمد واجعتنا...أونه النقيب أحمد هههههههههههه
أحمد: لا أفا عليك...ما بينا رسميات...بس يوم تشوفون وحده خاطفه ولاشي...هاذيج الساعه ازجروا عليه بالنقيب أحمد هههههههههههههه
سلطان: والله هذا الولد عيبني ههههههههههههههههه
فهد: هيه لازم....حصلت لك وليف وعلى دقتك!
خالد: أحلى دقه بعد هههههههههههههههههه
سلطان: يوم الا جي...شو رايك نبتدي بالقريه القطريه ترا يمدحونها (ويغمز حق أحمد) ههههههههههههههههه
أحمد: خلووووووووود...اسمحلي بس اربيعك هذا... ابييييييييييييييييه!! هههههههههههههههههههه
طلعوا الشباب وساروا صوب القريه القطريه، نفس الفعاليات اللي سووها البارحه بيسوونها اليوم، فرصه للي ماحضر وماشاف الفعاليات اللي استوت في الجامعه أول يوم، يشوفها في ثاني يوم...
من وصلوا القريه القطريه، شافوا العرس، بس هالمره مريم هي العروس مب موزه، وهالتغيير لفت انتباه أحمد...
أحمد: خلووووود!!! مب جنه غيروا العروس؟؟؟ يلعن يووووووووومه!!! ماخذ ثنتين!!! ورا بعض!! ههههههههههههههههه
خالد: ههههههههههههههه هيه والله تعالوا!! هي غيرها!!
فهد: ليش انتوا ييتوا البارحه؟؟
خالد: هيه...بس مب هذي غيرها!!
سلطان: صدقه بوشهاب....عاده البارحيه كانت مؤقته، وهذي الأصليه..
فهد: ماعليكم منه مايعرف شي هذا...يالس يألف عليكم...
سلطان: والله اني ما أألف انزييييين!!! أقولك الأصليه ماقدرت تشارك البارحه، واليوم يت، هذي هي العروس الأصليه...
أحمد: حلوه هاي الأصليه ههههههههههههه
سلطان: خخخخخخخ...صخ عني ياريال...اليوم سرت باخذلي سماعه حق التلفون، وانا شاك في السماعه شكلها أي كلام!! والهندي ساير وياي يقول اصليه واصليه. أظن الا علقت الكلمه في لساني ههههههههههههه
يلسوا فتره يراقبون ومن خلص العرس سألهم سلطان ويين بيسيرون..
أحمد: مممممممم مابتسيروون الاماراتيه؟
خالد: طالع! مب انته اللي تقول مافيها شي؟؟ الحين تقول بتسيرون القريه الامارتيه!
أحمد: حشى!!!!! كلتني!! ياخي كان سؤال عابر!! ههههههههههههه
سلطان: لا لا....انسير التونسيه.... يمدحونها (ويغمز حق أحمد)
فهد: لا حول ولاقوة الا بالله!
أحمد: هههههههههههههههههه والله عيبني هالولد...حبيته هههههههههههههههههههه
ساروا القريه التونسيه، ماكان فيها أي شي مميز، عشان جي قرر فهد انهم يسيروون القريه الاماراتيه...شاف فهد الناس متيمعين اهناك، فسحبهم كلهم وياه، وأحمد كان في الصداره، متجدمنهم كلهم...
كانوا مسوون يلسه شعبيه وشلات...الناس كلها متيمعه هناك....الشباب كانوا يصفقون ويصفرون، أما أحمد فكان يدور على ويه مألوف له من بين الويووه هذي كلها، بس للأسف ماشاف أي شي. وهالشي خلاه يتحسف زياده لانه ضيع الفرصه اللي يته البارحه!! ةتندم لانه ما ألتفت أو حتى زجر عليها عشان يلفت أنتباها...بس لحظة .. كيف ازجر عليها .. شو الدنيا سايبه !! اكيد مابترد علي ... هي انسانه محترمه مابترد على كل واحد يسولف وياها !! يمكن بتتحراني واحد يسأل عن شي .. اكيد بترد.. اووف ليش ماسويت عمري بسأل عن شي!
كل مايدشن بنات ويوقفن، يصد أحمد جداهن على أمل انه وحده منهن تكون ساره.....بس بدره مابان لين الحين واشوي اشوي بدى يحس انه مابيشوفه مره ثانيه...
زجر سلطان على أحمد وسحبه ويا الشله... سار أحمد وياهم منساق لانه فقد الأمل انه يشوفها الليله....وخلاص ضاعت فرصته الوحيده.....
مشى أحمد ويا المجموعه، وهو متضايق لأنه حس أنه الحظ مب واقف وياه...آآآآآآآآآه ياحظ!! لعبتها صح، خليتني أحس في لحظه انه اللي ترييته أسابيع صار واقع جدامي، بس للأسف، في آخر لحظه، دارت الصدف وضاعت فرصتي اني اشوف ساره وهي تشوفني..!!
حاول أحمد أنه يندمج مع الشله، خاصة انه سلطان، وفهد وخالد مجموعه مرحه، والسوالف وياهم حلوه، وقفوا الشباب عند القريه اليمنيه، والتفت سلطان صوب الشله يرمسهم...
سلطان: بتمرون اتشوفون شو مسوين في القريه اليمنيه؟
خالد: ماحصلت الا اليمنيه عاده الله يهديك؟؟
سلطان: ياخي ليش انتو جي؟؟؟ موطنكم ومنبع ساسكم من اهني...ليش الخقه بعد ههههههههههههههه
وقف أحمد جريب من سلطان وكتَف يده..الشي اللي لفت انتباه سلطان وخلاه يوجه الحوار له..
سلطان: شو فيك انته بعد، واقفللي هالوقفه، كأنه الكلام مب عايبنك..
أحمد وهو يبتسم: لا ماشي...كنت سرحان...هههههههههه
سلطان: سرحان؟ شو وراك يالنقيب؟ شايفللك شوفه من وراي؟ هههههههههه
أحمد: لا حشى علي!!! اييسر انا اشوف شي من وراك؟؟ ولا انته ماشاءالله عليك تعطي فرصه!!
سلطان: فديييييتني...شو اسوي يوم اني سريع الملاحظه ههههههههههههه
أحمد: قال سريع الملاحظة اونه ...انته بس عينك علي..من شفتني تلفتت يمين ولا يسار...فريت رقبتك تراقب...اعنبوووووووك مووووووول مب عاطي مجال لحد!!!
سلطان: ههههههههههههههههههههههههههههه
فهد: الحين بدل لا تشوفون الفعاليات واليمعه...يالسن تتفرجون على خلق الله!! صدق انه ماعندكم سالفه!
خالد: بالله عليك هذيلا اشكال ناس يشوفون الفعاليات ولا يتعرفون على ثقافات وعادات الدول الثانيه؟؟ والله أظن انه هذيلا يايين اهني بس عشان يعلقون على الخلق..ههههههههههههههه
سلطان: والله وكبرت ياخالد...وقمت تعطي حكم..هههههههههه
سمعوا الشباب صوت دق وعزف وراهم، نلفتوا وشافوا ريالين متسفرين ومعلقين الخناير ويرقصون ويا بنت لابسه لبس يمني...القريه اليمنيه مسويه رقصه شعبيه تعبر عن التراث اليمني، الرقصه كانت عباره عن رياليين وحرمه يدورون مع بعض في نفس الاتجاه، البنت جدام والرياليين وراها يلحقونها، ويهزون اياديهم...
طبعا ربعنا أول مره يشوفون هالرقص جدامهم، ماقدروا يتمالكون عمارهم ونقعوا من الضحك، خاصة سلطان وأحمد...
أحمد: سلطوووووووووووون!! ألحق ألحق على ولد عمك... هههههههههههههههههه
سلطان: عمى بعينه الا هو!!! ههههههههههههه هذا ولد عمك انته مب ولد عمي شكلك الا مغلط ههههههههههههههه
أحمد: كيف ولد عمي...مب انته تقول هذا أصلكم...هااااااااا...اشوفك قمت تتبرى من أصلك هههههههههههههههههه
سلطان: جـــــــببببببببببببببب يالسبال ههههههههههههههه لا أصلي ولا أعرفهم ههههههههههههه
أحمد: يا ريااااااال...راجع ذكرياتك؟؟ تذكر أيام الطفوله يوم تسير الدكان اللي في صنعاء وانته حافي عشان تشتري لبن أب هههههههههههههههههههههههههههههههههههههه
---------------
انتهى هالجزء و ما التقى أحمد بساره !!
هل في امل يلقاها ؟؟
و شوو سالفة سلطان في صنعاء !!
تابعوا الجزء الياي من هوى داري ..
ههههههههه بسكم
See You Later ^______^ :clap
wish me Luck :P
زهرة_الآلام
28-04-05, 10:51 AM
part 4
أحمد: يا ريااااااال...راجع ذكرياتك؟؟ تذكر أيام الطفوله يوم تسير الدكان اللي في صنعاء وانته حافي عشان تشتري لبن أب هههههههههههههههههههههههههههههههههههههه
فهد: هيه صح...أحيد هالسالفه...ابويه كان يرمس عنها واااااااايد خخخخخخخخخخخخخخ
سلطان: بس جــــــببببببب انته بعد محد طلب رايك هههههههههههه
خالد: أحمدووووووو...خبرنا شو سالفة اللبن أب ههههههههههههههههههههه
أحمد: الله يسلمك يقولك سلطووووووون مره سار................
يقاطعه سلطان: عن التألييييييييف انزين....والله لا أشرشحك هههههههههههههههههههه لاتيلس تقرض ماتروملي
أحمد مطنش: يصيييييير خير.... انزين خلووووود يقولك مره سلطون ساير الدكان في صنعاء بيشتري لبن أب وبفك عمان هههههههههههههههههههههههه
فهد: بفك عمان؟؟؟ آخافك تطري مسقط مب صنعاء هههههههههههههههههههههههه
أحمد: لا ماعليك...كل شي يتصدر لليمن...حتى بفك عمان ههههههههههههههههههههههههههههههههههههه
سلطان: ايواااااا تذكرت هالسالفه، مب انتوا اللي كنتوا ساكنين عدالنا وكنت دوم تظهر من بيتكم وتتمشى فيالفريج بشورت وفانيله خخخخخخخخخخخخخخخخخخخخخخ
خالد: ااااااااااااااااااي بطني...والله ماروم بس ههههههههههههههههههههههههههههه
أحمد ميت من الضحك: هههههههههههههههه..عليييييييييييك نووووووووووووووور...شكلها الا الذاكره ردتلك.... انزين عيل تحيد يوم أنهدوا عليك الجلاب ومن الزيغه عقيت نعولك وخشيتهم تحت باطك وركضت طررررررررررررررررررررررر للبيت؟؟ ههههههههههههههههههههههههههههههههه
سلطان: في عينك الا....ماخاف أنا من الجلاب خخخخخخخخخخخخ
فهد ألتفت صوب أحمد: ماعليك منه جذااااااااااب ....والله ماحيد منو اللي ساير الكافتريا أونه بياخذله سندويج كيمه، وجيه مايشوفله جلب بوليسي اللي على كيف كيفك، واللللللللللللللله يغبر بن عمي ويطر السكه، وحياتك السندويجه في ايده لين وصل البيت هههههههههههههههههههه ماعقها، ومن وصل البيت كملها خخخخخخخخخخخخخخخخخخخخخخخخخخخخخخخخخخخ
أحمد ميود بطنه من الضحك: هههههههههههههههههههههههههههههههههااااااااااااااااا ااي
سلطان: والله اني كنت يوعان هاك اليوم...هههههههههههههههههههههههههه
خالد: والله اني اتخيل شكلك.....هههههههههههههههههههه والله غمضتني هههههههههههههههههههه
تموا الشباب يضحكون على سلطان ويعلقون عليه، وسلطان حليله يدافع عن عمره اشوي بس المشكله انه أحمد ماينغلب، يوم يطيح في الواحد يغسل غسال...
تحركوا الشباب وساروا صوب القريه الكويتيه، من وصلوا القريه الكويتيه، سحبولهم كراسي، ويلسوا في الكوفي شوب مجابلين القريه، منه يشربون كوفي ومنه يطمشون...
خالد: والله انه نشف ريجي من الضحك......هههههههههههههه
فهد: هيه والله انا بعد أحس انه راسي بينفجر والله...ضحكت من خاطري اليوم....اسميك أحمد جتلتنا من الضحك!! هههههههههه
سلطان: لاماعليه....ترا الدور الياي دورك...شكله الا بوشهاب بيمشي علينا بالدوووووور ههههههههههه
أحمد: والله تبى الصدق، بس كفايه قطعناك....الحين دور حد ثاني برع الشله هههههههههههههه
طلبوا الشباب كوفي، ويلسوا يسولفون ويضحكون، استغل أحمد الفرصه وتذكر موضوع الترقيه وشاف انه فرصه مناسبه انه يعزمهم ويرمسهم عن العزيمه، خاصة وانه الحواجز طاحت من بينهم وكأنهم ربع من سنين...
أحمد: تذكرت سالفه...(نزل كوب الكوفي على الطاوله ورفع راسه)...ترا انا عازمنكم.......
مالحق يكمل كلامه، قاطعه سلطان: قووووووول والله؟؟ يا ريال عادي افا عليك شال فلوس ويايه مايحتاي تدفع عنا!!!
أحمد مبقق عيونه ويطالع سلطان!! شو فيه هذا!!!
سلطان رد يكمل: والله يا ريال مامبينا هالسوالف...ماعليه هالمره خلها على خلوووود...والعشى عليك...
نقعوا الكل من الضحك....شكله سلطان داش عرض ومب فاهم السالفه...
أحمد: والله انته شو حياتك! كل شي تفهمه بالمجلوب...مب زين جي ههههههههههههههه
سلطان انحرج: ليش...شو كنت تقصد؟
خالد: أحمد ناوي يسوي عزيمه بمناسبة الترقيه اللي حصلها...
سلطان رد على ورا وحط ريل على ريل أونه واثق من نفسه: انزين ادري...أنا فاهم السالفه...بس أستهبل...(سحب كوبه ويلس يشرب الكوفي وهو مغطي ويهه)
فهد: ههههههههههههههههه ودر عنك...والله انه ويهك فاضحنك...طماطه ههههههههههههههههههه
سلطان يكمل الكوفي: جــــب جـــب!!
أحمد: ههههههههههههههههههههههه...فديت الطماطه انا ههههههههههههههههه
سلطان: احم...انزين وشو كنا نقول (اونه يغير الموضوع)
أحمد: سلامة راسك... مثل ماقالك خالد...ان شاءالله ببلغكم بالضبط متى العزيمه....ومب ماتووون؟؟؟ بزعل عليكم
سلطان: لا فديتج انتي عاده....كله ولا زعلج...
أحمد: ياااااااااااااا عيني!! يااااااااااعيني على اللي يقرض أنا ياعييييييني ههههههههههههههههههههه
رن تلفون فهد .. و كان سيف على الخط ..
سيف: اييييييييييه يالدنيا ... هناكي في امريكا معززيني و شاليني على روسهم... و اهني ...آآآآآآآآه ,,, انا شو اللي ردني جان تميت هناااك ...
فهد: اييه .. سواف .. بلاك ... مسولي فلم هندي ! ههههههه
سيف: بلااااي ؟؟؟؟؟؟؟؟؟ شي جلوبال داي و لا تخبروني ولا تعزموني !! افا يا فهد افا !!
فهد: ههههههههههه ..... والله اسمحلي ... والله مايا على بالي انك مهتم بهاالسوالف ....
سيف: جببببببببب يالله !! مب مهتم اونه !! ويينووه سلطون....حتى هاكي مافيه خير
فهد: سلطوون موجود هكوه حذالي .. لحظة ..
يعطي سلطان الموبايل و يرمس بصوت واطي : يااااااااك المووووت يا تارك الصلاه .. خخخخخخخ
سلطان: احححححم .. الوووو ... هلا هلا والله بالغالييين ... هلا بهالحس هلا ..
سيف : جبببببب يالسبال !! لا هلا ولا مسهلا !!
سلطان: افاااااااااااااا .. عمي ... شقايل جيه تقولي انا ... سلطان ولد اخوك اللي يحبك وايد
سيف: فديييتك انا !! تحبني و ماعزمتني ؟؟؟؟؟
سلطان : والله عمي ما يا على بالنا ... و بعدين ليش قووم ساارووه ماقالولك ... تراهم من المنظمين !!
سيف: ترا هن اللي قالولي يالخونه .... لا و بعد يالسين جدام القريه الكويتيه يتقهويون !!! مالت عليكم !
سلطان يتصدد
فهد: شو بلاك .. شو تدور ؟؟
سلطان يأشر بصبعه على الموبايل : شكله موجود في الجامعه
سيف: الووووه !! وين سرت ... و شو بلاك تتصدد !!
سلطان: واابووويه !! وين انته !! لايكون عندك الكوره السحريه و انا مادري !! ههههههههه
سيف: ها ها ها .. ينكت بعد .... انا جدامك .. صد جدام
سلطان بعده يتصصد: وييين !!
سيف: ماقلت يمين يالكبش .... جدااااااااااااااااااام ...
و مره وحده طلع في ويهه : بووووووووووووو!!
اتفاجأ سلطان و رد على ورا : بسسسسسسسسسسم الله الرحمن الرحيم!! سااااااااااااحر والله العظيم ساحر !! خييييييبه اتخيبك من وين نطيت انته ...
سيف:ههههههههههههههههههههههههههههه مايخصك ....
و سلم على الجماعه اليالسين ..
فهد: ماشاء الله ... اكتملت ..
سيف: شو الي اكتملت !
فهد: ههههههههههه اليلسه طال عمرك .... كنت انته اللي ناقصنا بس
سيف رفع حاجبه: شو قصدك ... تتطنزززززز ؟؟؟؟؟
فهد يكلم أحمد : احمد ؟؟ تشووف كيف سلطان يفهم الامور بالمجلوب .... ترا هالطبع وراثي في العايله ..هههههههههههههههه
أحمد: هههههههههههههههههههههههههههههه... هيه والله اشوف انا بعد ... ماعليه يا اخويه ..ترا هالطبع ممكن يعالجونه مع مرور الزمن ..
سيف يبتسم ابتسامه على صوب: ههههه حلوه ..... ماتعرفنا على الطيب .... اكيد وياهم في الجامعه ؟
احمد ابتسم ابتسامه واثقه: هههههه .. انا اكبر عن جيه .. ولا انته شو شايف ..
سيف: لا والله شكلك صغير ..
خالد: سيف . هذا اخويه العود أحمد ...
سلطان: النقيييييييييييييييييييب أحمد ..
أحمد ظرب سلطان على جتفه : تعجبني .. ههههههههه .. بس ماله داعي الحين
سيف: ماشاء الله نقيب ......عيل انا صغرتك وايد هااه .. هههههه ..
سلطان: هيه نقيب .. و عازمنا على العشا بمناسبة ترقيته .. هههههههههههاي فظحناه
أحمد بثقه: لا ليش فظيحه ... كلكم معزومين ..
سيف: اهااااا .. توك مترقي ماشاء الله .... يوم اقولك شكلك صغير .. يعني ما بعدت وايد يوم اتحريتك تدرس وياهم في الجامعه..
أحمد: هههههههه حليلي . اوني بيبي فيس .. بس تدري .. ليتها ايام الدراسه ترد ..
سيف: هيه والله صدقك .. انا توني ماكملت سنه من خلصت و مشتاق للدراسه .. شكلي الا بكمل ماستر هنيه عندكم في الجامعه ..
فهد: هههههههههههههههاااي .. صدق بتكتمل ان ييت عندنا !!
سيف سوا عمره معصب: هذا شوو بلااه ساير رااد بتكتمل !! شوووووووووو عندك فهوود ؟!؟
فهد و نظره بريئه على ويهه : ماشي عميييي ...
ظحكوا كلهم
سلطان: أوووووووووه!! طالع هذي!!! أحمدوووووو...دخيلك لف لف!!
أحمد تلفت: وين؟؟؟
سلطان: ورااااااااك!! شووووووف هذي...
أحمد: هاي أم الثوب؟؟
سلطان: اطالع شو لابسه....ثوب وتحته جنز!! يلعن ابو التطور يانااااااااس..
أحمد وفهد وخالد: ههههههههههههههههههههههههههههههه
سلطان: والله عجيبه هالموضه الصراحه...هالكويتيات عليهن فناتك هههههههههههههههه
أحمد: يا رياااااااال....انته اطالع هااااااكي بو بنطلون ضيق وقميص مخصر...ههههههههههههههههههه
سلطان: ياااااااااااااااا ربي انا!!! ياخي شو هاللبس الفنان...يبالي أضوق كندورتي اشوي
فهد: ههههههههههههههه..أتخيل شكلك والله
سلطان: لا ماعليك....جسمي مخصر انا....أعيييييبك خخخخخخخخخخخخخخخخخ
أحمد: شو رايك باجر انسير العربي الممتاز...ونفصل كناديير يديده مخصره...نحطم السوق تحطييييم بالموضه اليديده هههههههههههههههههه
خالد: والله ما أستبعد يقلدونكم! ترا هالزمان الناس ماشيه على حكمة (كوبي بيست)..
سلطان: هيه والله صدقك..
أحمد: سلطوووووون، شوف هذا اللي قاص شعره وصابغنه...تقوووول ديييييييج ههههههههههههههههههههههههههههههه
سلطان: بسم الللللللله!!! شو ياينهم الناس استخفوا!!
فهد: والله مايندرى منو اللي أستخف...ولا يمكن الناس كلها تطورت الا نحن بعدنا رجعيين..ههههههههههه
سيف: خلالالالالالالالالالالالالاص...ولاتزعل فهووووود، من باجر بيي الجامعه وبطر البنطلون من على الجنب..وبحطلي كركش....أونه شي يديد ومستورد ههههههههههههههههه
سلطان: باجر ويييين!! ماشي قلوبل داي...خلص ههههههههههههههههههههههههه
سيف: يااااااااااااااااااا ريااااااال!! جان قلتولي!!!
سلطان: والله ماكنت أدري انك تبى تسوي جي....كنت بقولك والله خخخخخخخخخخخخخخخخخ
فهد: والله انتوا الاثنين مب صاحيييييين...
شربوا الكوفي ، ودفعوا الحساب عقب ضرابه، كل واحد فيهم يقول انا اللي بدفع...الوقت طاف بسرعه هاليوم، طبعا بالنسبه للكل.. لأنه مثل مايقولون .. الاوقات الحلوة تمر بسرعة ..
نزل راسه فهد يجيك على الساعه، وأشر حق الشباب على القريه الامارتيه، ساروا الشباب ومن وصلوا صوب القريه شافوا تجمع كبير ورزيف، شرات الليله اللي طافت...تقربوا الشباب وخشوا عمارهم غصب عشان يشوفون الأجواء داخل...اشوي وارتبشوا الشباب، دشوا أول شي فهد وسلطان، كل واحد منهم شال الخيزرانه في ايده وايوول ابها، فهد وسلطان يمكن مايتشابهون في التصرفات، بس من ناحية الشكل، فيهم شبه ملحوظ، ومبين انهم من دم واحد...
سلطان وفهد كانوا ايولوون بنفس الطريقه، نفس الحركات ونفس الخطوات، ميودين الخيزرانه ويدورون بها، ويمشوون ويا بعض بكل ثقه وهم عارفين انه العين عليهم، خاصة وانهم من الجامعه ومعظم اللي واقفين يعرفونهم... أما سيف فشل الخيزرانه و دش بينهم ..و طبعا كان مايعرف ايوول عدل بحكم انه من زمان برع البلاد .... بس كان يمشي الحال ..
سلطان يزاعج: سواااااااااف !!! فضحتنا شو هالحركات .. ههههههههه
سيف: اسكت انته و بتشوف الحين الشغل العدل ..
و تم ايول و شوي و تبدا تظهر المواهب .... شل المسجبه و ايول بها ..و يفرها فوق .. .. بصراحه شل الاضواء من الكل .... بس ماتم وايد ... 10 ددقايق و انسحب سار يوقف حذال أحمد..
تموا سلطان و فهد و خالد ايولون ربع ساعه، وفي هالوقت أحمد عينه على الناس، كل ماشاف بنت أو مجموعه من البنات تتقرب، تلفت صوبهم يدور، وكل مره يخيب أمله، لين استسلم آخر شي ويلس يتفرج على سلطان وفهد... وعقب دقايق ردوا وقفوا سلطان وفهد مكانهم عند ربعهم..يا سلطان ووقف عند أحمد ...
كل اشوي حد يدخل في الساحه وايوول ويا الشباب، الناس كلها متحمسه وتتطالع..سلطان زجر على أحمد يطلب منه انه يدش ويرزف ويا الشباب، هز راسه احمد بالنفي وقاله مايبى...
سلطان: ليش انزين؟؟؟
أحمد: والله مايعيبني!
سلطان: مالت عليك...شو مايعيبك...خل ويهك لوووووح ههههههههههههه
أحمد: مارووووووووم الصراحه...صعبه ههههههههههههههههه
سلطان: ماعليه...بشوف لين متى بتم مرتز جي خخخخخخخخخخ
و دق سيف على جتفه: بصراحه طلعت محترف .. شو تيولوون هناك في امريكا ؟؟؟ هههههههههه
سيف: ويا هالويه ... صح اني مب وايد امارس هالشي .. لكن ماتحيدني قبل كيف اقطعكم ؟؟ هههه بس المشكله ماشي ممارسه ... حلاتي والله ايول و ارزف في امريكا ههههههه ...
ضحك أحمد ويلس يراقب الفرقه ويطمش على رزيف الشباب....فجأه لمح ثلاث بنات يحاولون يدخلون وسط الزحمه، تم أحمد يدقق فيهن ويدقق، لين لمح وحده منهم وعلى طوول شق البوز! يا سلام عالحظ!! والله اني مب مصدق!!! عقب مافقدت الامل!! وغسلت ايدي اني اشوفج مره ثانيه!! تطلعيلي !!!
ابتسم أحمد وهو يقول في خاطره، أنا عاهدت نفسي اني ما أطلع الليله لين اشوفج واتشوفيني...واليوم غصبن عنج اتشوفيني!!!! يااااااااااااااللله كيف اتصرف!!
ساره وغايه والعنود يوا علشان يصورون رزيف الشباب، ويشوفون يوالت سلطان وفهد، وقفت ساره تدور على أخوها..
ساره: ماشوفه سلطان؟؟ طرشلي مسج يقول انه كان هو و فهد ايولون في القريه الاماراتيه.
العنود: زحمه! وين بتطلعينه!! اكيد هو بيشوفج وبيدش ايوول ويا فهد
غايه: اقوول...ترا المكان موول مب شي!! ماينفع حق التصوير...بسير اوقف اهناك..
لمحت ساره عمها سيف ويا الشباب .. لكن ما أشرت له منعا للاحراج ..... بس هو اهبل ناسي انه بين عرب ... اشر الها من بعيد يسلم عليها... فرفعت ايدها و بابتسامه خفيفه حيته ..
هني تخبل أحمد .. كيييييييف ...بعد تعرف سيف !! ليش و على أي اساس ....
سلطان شاف غايه من بعيد واقفه وشاله الكيمرا في ايدها وتصور، تجرب من فهد وصاصره وقاله انه البنات وصلن وشالين الكيمرا وياهن...ويايات عشان يصورونهم...في نفس اللحظه كانوا يغنون أغنية عيضه (راس المعزه)، نش سلطان وسحب سيف و أحمد وياه وفهد ويا خالد وقبل مايدشون سمع أحمد سيف يقول حق سلطان: سلطووون .. شفت اختك ساره و يا البنات .. اشكالهن يصورن .. يالله it’s the shooooooooooow time ههههههههههههههههه...ودشوا في نص الساحه..
من سمع أحمد هالكلام !! مخه تم يستغل بسرعة !! بدر التمامي اسمها ساره !! هيه اسمها ساره ... و هيه اللي اشرلها سيف ..... و قال حق سلطان انه اخته ساره هنيه !!!!! يا اللللللللللللللللللله !!! بدر التمامي تكون اخت سلطان !! والله انا غبي .... كيف ما ربطت بينهم .. الشبه بينهم كبيييييييير !! نفس العيون و لون البشره ... نفس طريقة الكلام و الحشره !!! صدق اني غبي ....
و بعده في تفكيره العميق ولا يشوف سلطان يسحبه بقوووووووه : أحمدوووه بلاااك متنح !!! يالله يالله راونا مهاراتك ..... بنشوف احنا ولا سيفوووه الخقاق .. ههههههه
سالفة الجلوبال داي-018
كلهم كانوا مطقمين، لابسين كنادير بيض ومتسفرين بسفر حمرا، كلهم كانوا متعصمين الا أحمد و سيف ، كان متغترين ..
أحمد وسلطان كانوا ايولون بالخيزرانه، أما فهد وخالد و سيف فكانوا ايولون بالسلاح...أنتبهن البنات لفهد وخالد وسيف، ساره زجرت على غايه عشان تصورهم، وعقب انتبهوا لسلطان، بس اللي وياه كان عاطينهم ظهره وماعرفته منو!!
هنيه فكر احمد انه خلاص ... اكيد ساره شافته .. لكن في الحقيقه انها ماشافته .... في الحقيقه انها ماتذكر شكله عدل ... و بعدين هيه تشوفه من بعيد .. فمافي مجال تذكره ...
كانت غايه تصور الرزيف و تصور اخوها و عمها و ولد عمها و يا الشباب ... و تسوي زووم عشان تقرب عليهم ...و من جهه ثانيه كانت العنود تصور بكيمرة الديجيتال الفعاليات اللي دايره .. و من ضمنها الرزيف و الفرق الشعبيه في ركن الامارات كجزء من النشاط ..
العنود تقربت من ساره: ساروووه .. بصراحه عمج سيف مسسسسسسسكت !! شوفيه شقايل ايول ماشاء الله !!
ساره ابتسمت: هيه ماشاء الله .. ماجنه عايش من زمان في امريكا ... بس تدرين اتفشلت مساعه يوم أشر لي يسلم عليي ... زين ما زجرني باسمي بعد ...
العنود: وحليله اكيد مانتبه !! ولا مابيأشر ..
ساره: في واحد كان واقف حذاله !!
العنود: ماعليه اكيد يعرف انه يقربلج .... يالله عاد لاتكبرين الامور سارووه !! خليج كوول .. ههههه
ساره: عادي انا كوول .... المهم انتي صوري صوري .. لاتضيعين هالصور الحلوه .. عشان نحطهم في سايت الكاونسل ( مجلس الطلبه) ..عندووه .. ركزي على اخويه .. هههههههه ماشاء الله عليه والله مسكت ..
العنود: يالله على التحيز .... كلهم يوالتهم حلوه ماشاء الله ... سيف و سلطان و فهد و ربيعهم خالد وهاكي اللي ايول وياهم بعد ..
ساره: منو ايول وياهم ..ربيعهم ؟؟
العنود: لا شووفي ... هذا اللي ايول ويا خالد الحين .. الي متغتر ... الله .. كشششششخه .. هو و خالد يسوون نفس الحركات ... حتى يتشابهوون ... اكيد أخوه ..
بس كل ماكنت ساره تبا تطالع هاللي تأشر عليه العنود يكون صاد الجهه الثانيه ...
ساره: أي واحد .... هذا خالد ..
العنود: بسم الله عليج ساره .... اطالعي عدل .. هم خمسه مب اربعه .. شو اثنين خالد ؟؟ ههههههه
ساره: ههههه ماادري شو بلاهن العدسات ياختي ... مب رايمه اشوف عدل منهن ..
العنود: ههههههههههه حليلج والله ...... انزين تعالي بنتقرب شوي .. اووووووه !!!
ساره: شووو !! شووو فييج !
العنود: ماشي .. جنه هذا اللي اقولج عنه راعي القصيده البارحيه !!
ساره: بدر التمامي ؟؟؟
العنود: ههههههه هذا هوو !!! هيي والله هوو .... ماشاء الله طلع ربيع قوم فهد و سلطان !
ساره: اقوولج .. تعالي بنتقرب شوي .. الا اشوفه هذا انا .... الله ياخذ هالعدسات أي نقطة غبار تدش عيني تبهدلني !!!
العنود: لا سارووه مابا اتقرب .. وايد شباب ... خلنا هني بعاد شوي احسن .. الكيمرا فيها زوم عادي ..
ساره: فكككككككككره !!
العنود: خير !!
ساره : باخذ كيمرة الفيديو من غايووه و بشوف ..
العنود: هههههه هيه ,, دوربيين ..
ساره: هيييه !! تحيدين يوم في السفر ... ناخذ كيمرة الفيديو و نطالع خلق الله الي في العمارات الثانيه !؟؟
العنود: ههههههههههه الله يخس ابليسج ... والله كله من افكارج الهبله هاي ..... امخلتنا جواسيس !!
ساره: ههههههههههههههه كنا يهال يختي ..
العنود: لا والله .. و الحين شو بتسوين .. تراج بتراقبين ...
سا ره: مابراقب .. بس ابا اشوف هالشخص ... ياختي الفضول ذابحني ..
العنود: اوكي اوكي .... هكي غايووه شكلها يايه جدانا .... اشري لها ..
رفعت ساره ايدها تأشر على غايه انها تي عندهم .. ولين استوعبت غايه السالفه و يت سنه !!
ساره: مابغييييييتي !!
غايه: والله مافهم شو تقوليلي .. ههههههه .. انزين شو بغيتي .. خربتي علي التصوير .... بصراحه سلطان و ربيعه مسوين ثنائي عجييب !!
ساره: اوووووووه !! بعد انتي .... انزين عطيني الكيمرا انا بصور ..
غايه: لا ماعليه انا بصور .. بعدين شو انتي بعد ؟؟ مافهمت !
ساره يرت الكيمره من يد غايه : عندوووه فهميها ...
خذت الكيمره و بدون ماتشغل الريكورد بس تمت تسوي زوم على اخويها والي حذاله .. كان عاطنها ظهره
ساره: اوهووو !! شو السالفه ... شكله زعلان مني عاطني ظهره طول الوقت ..
غايه: ههههههههه يوم انا اصور دوم يكون صاد جداي ..
ساره: اوييه .. هكووه بيصد .... يااللللللله صد لاااااااه !! شيييييت !! هذا خالد يالسبلان ..
غايه & العنود: هههههههههههههههههههههههههه حليلج والله ... مب من نصيبج تشوفينه ..
ساره: اللي يقول ملك جمال العالم .. ميته عليه انا مثلا !!
و مره وحده سكتت ساره ! و نزلت الكيمرا !!
ساره: اويييييييييييييه !!!!!!!!
غايه: شوووووووو !!
ساره: اوييه اوييييييييه اوييييييييييييييييييييييه !!!
العنود: بلااااااااااج اويه و اويه !! شو صااار!!! اكيد عيبج ؟؟ ههههههههههههههههههه
ساره: ههههههههههههههههههه .. والله العظيم اويه ..
غايه و العنود يطالعن بعض مب فاهمين ..
ساره: لحظة خل اتأكد ... ( وردت تطالع بعدسة الكيمرا ) هوووو والله هووو !!
العنود: منووووووووووو عاااااااااااد ذليتينا سااروووه !!!!!
ساره نزلت الكيمرا و عطتها غايه : هذا أحمد !!! عندووه .. تذكرينه انتي .. اللي دعمني !!
العنود: ههههههههههههه اللي دعمتيه قصدج ..
ساره: واتيفار !! بس هوو هذا ..... هههههههههه زمان عنك يا نقيب ..
غايه: زمان عنك اونه !! لي يقول لاعب وياها وهي صغيره !! هههههه
ساره: لا مب جيه .. بس مادري .... ويه شقايل مانتبهت له ...
العنود : ترا عدساتج فيهن شي خخخخخخخخخخخخ
ساره: هيه والله .. حليله .. عيل طلع ربيع قوم سلطان ....
العنود: هذا شكله اكبر عنهم !! كيف جيه ..
ساره: ممممممم تذكرون في امريكا يوم اقوللكم انه خالد يذكرني بأحمد ؟؟؟ ماتلاحظون الشبه ؟؟
العنود تمت اتدقق: ممممممم ..... هيه والله نفس الشي .. بس خالد على اصغر ..
غايه: هيه صح نفس الملامح .... بس خالد اسمر شوي عن احمد ..
ساره: جنه . مادري بس اشوفهم نفس الشي .. ههههههه انزين كملوا تصوريكم انتوا ... انا ميته من التعب و بروح عقب شوي ..
العنود : خبرتي المسؤول ؟؟
ساره: أي مسؤول .. انا مسؤوله ..
غايه: ههههههه مصره انها مسؤوله ... حليلج سارووه والله .... عالعموم الساعه 8 الحين ... نص ساعه و بنروح كلنا ... انتي بتوصلينا صح ؟
ساره: هيه بس انا راسي يعورني محتاجه اشرب كوفي ..
العنود: خلاص .. سيري ييبيلج قهوه .. وايد كوفي شوبس هنيه ...
ساره: تعرفين ماتعدل راسي الا قهوة ستاربكس ..
العنود: يا ربي يا هالراس ... خلاص .. سيري ييبيلج .. و ييبيلي انا بعد .. لين نرتب شويه امور انا و غايه ويا الجروب و بييب اغراضي و بنروح ..
ساره: اوكي ... غايه انتي تبين بعد ؟؟
غايه: لا ... باخذلي سفن اب ...
ساره: اوكييك .... بتصل يوم برد ..
و في الجهه الثانيه صوب الشباب سيف ترخص و روح ... و سلطان روح وياه لأنه ابوه بغاه ... اما خالد و أحمد و فهد فيلسوا في نفس الكوفي شوب مال القريه الكويتيه يرتاحون .. خالد و فهد يسولفون عن الفعاليات .. و يمدحون التنظيم و يقولون انه مافي جامعه ثانيه تروم تسوي فعاليات و انشطه بمستوى جامعتهم .. اما أحمد فما شل عيونه عن ساره .... وهيه واقفه تسولف ويا غايه والعنود .... بس مسوي عمره مع الشباب عشان مايشكون .. خاصه بعد ماعرف انه فهد يصير ولد عمها ... مايبا يسوي شي يهز صورته جدام فهد أو سلطان ......
فهد: شكلك موووووووووووووليه مب ويانا احمد ..
خالد: هيه والله .... نرمسك تهز راسك او تقول هيه و لا بس !!
احمد: اسمحولي شباب صدعت ...
في هاللحظة شاف ساره ابتعدت عن البنات ... قال في خاطره .. هااي هي فرصتي ... دور علثه (حجه) يتعلثبها للشباب عشان يسير .... مابيقول قهوه .. لنه هم في كافيه ..... فكره !!
أحمد : اقول شباب ... شوي بس حاله طارئه..
خالد: ههههههههههه ... روووووح !!! اونه يترخص بعد ..
أحمد: اسكت لاتفشلنا .. وين الهذا مالكم ..
فهد: اختارلك أي مبنى و دشه بتحصل الهذا مالك ..خخخخخخخخ
احمد: اوكيييك .... سيي يووو افتر ذا برييك .. خخخخخ
خالد: ههههههههه اطالعوا هذا ..بريك اونه .. سير يابويه ..
أحمد قام و بسرعة مشى في الجهه اللي سارتها ساره ... ماكان في وايد ناس .. فكان سهل انه مايضيعها ... تم وراها لين وصلت ستاربكس ... دش وراها ... وهي وقفت تطلب .. وقف شوي بعيد عنها
الفلبينيه: هاااااااي سارااا
ابتسمت ساره: هلووو .. تو اميريكان بلاك كوفي بليز..
الفلبينيه: ohh u drink a lot of coffee Sara .. this is no good for u
ساره: هههه جود ولا نو جود ماعليج انتي ... don't worry viola just serve them quickly plz
الفلبينيه:sure darling
و سارت فيولا تحظر الطلب ... هنيه اغتنم احمد الفرصه و تقرب من ساره شوي ... ساره ماحست به .. تحرته أي واحد يبا يطلب ... لين سمعته يتنحنح شوي ...
أحمد : كح كح ........ احم اكسيووزمي ...
يت فيولا : يس سير ؟؟
أحمد: دبل شوت بليز ..
فيولا: sure sir … 3 mints plz
أحمد في خاطره يقول خذي راحتج..
أحمد: كح كح ....
ساره ما كان لها بارض تتصدد ولا تشوف حد .. وقفت تتريا الطلب بدون ماتصد يمين ولا يسار .. و أحمد كل مايحاول يبطل حلجه يرد يصكه ... يخاف تفشله او ماتذكره !! وين بيودي ويهه هذيج الساعه .. شكله أحمد غير رايه .. تم موخي يسوي عمره يقرا المينيو اللي ملزقه على الطاوله ...
جهز طلب ساره ... خذت الكوبين و و شلتهن كل كوب في ايد ... مانتبهت تطلب من الفلبينيه تحط لها الاكواب في كيس عشان ماتتبهدل .... وكان موبايلها في ايدها ... يعني شلت كوب و الموبايل بإيد .., و الكوب الثاني بيد ثانيه .. و سارت صوب باب الكافيه .... خذ أحمد الكوفي ماله و طلع وراها على طول .. و هو يلعن حظه و يلعن خجله و تردده ... خلاص !!! زييييين جيه احين !! راحت عليك .. ماشي مجال تشوفك ولا تكلمك ..!! خل خجلك ينفعك يا أحمد يا غبي ... لكن لاأأأأأأأأ!!! لازم اسوي شي ....... ساااااره !!
مانتبه انه قال ساره بصوت عالي .. وكان قريب من ساره اللي وقفت مرة وحده عند الباب و صدت تطالع الي زجر اسمها !! و مانتبهت للبنيه الي كانت داخله من الباب .... و حدث التصادم ... !! اكواب الكوفي طاحن من ايديها و التلفون بعد طاح و تفكك !! ساره حست انها ممكن تجتل هالانسان اللي كلمها !!! يعني مالقيت وقت الا الحييييييييين تزجرني !!!!!!!!!
نزلت تاخذ تلفونها اللي شكله مامنه امل بعد ماتففكت اجزائه .. الكفر في صوب و البطاريه في صوب .. والي زاد الطين بله انه القهوه انسكبت عليه ... و على الجزء السفلي من عبايتها ..... كانت مشاعرها مختلطه .. مشاعر غضب من الشخص اللي سبب هالفوضى كلها .. و مشاعر تعب ...و مشاعر حسافه على موبايلها اللي تكسر ... و بحركه مفاجأه التفتت لأحمد !! وبدون ماتتعرف على الشخص الي جدامها ..
ساره: عججججججبك اللي سويتيه!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟
و هنيه انصدمت .. لأنها شافت انه أحمد !! و عضت على اسنانها و قامت واقفه بدون ماتزيد ولا كلمه !! يعني شوو .. كل ما تشوف هالانسان تصير مصيبه !!
أحمد: أنا اسف !! والله أسف !! ماكان قصدي ..
كانت الشياطين تتراقص جدام عيونها! و ردت عليه وهيه راده داخل الكافيه عشان تاخذ كلينكس تنشف عمرها من القهوه : لوووو سمحت بليز مابا اسمع أي كلمه !!
أحمد: انزين افهميني .. مب قصدي والله !! باخذ لج كوفي ثاني تريي بليز .. انا اسف والله
ساره تمت تنشف اللي ممكن تنشفه و وقفت الي تسويه و شافته بنظره حاده : ماابا كوفي !!! قلت لك يا اخي ما ابا اسمع أي كلمه ثانيه.. .. كسرت تلفوني و جبيت عليي القهوه !! و خيست البنيه ... برايك .. مسموح .... بس هدني ..
قالت هالكلمه و طلعت من الباب .. و سار وراها احمد و هو شال كلينكس وياه و اجزاء الموبايل و حاول يمشي عدالها و يعتذرلها ..
أحمد: ساااره .. ساره بليز وقفي ....... موبايلج !!
ساره: صدت ورا و شافته بنفس النظره : ماباااه !!!! عقه في الزباله !!! ولا اقوولك !! خله حقك !! عشان كل ماتشوفه تذكر تتعلم ماتكون دفش !!
أحمد: انا مب دفش الغاليه .. والله بس مادري شووووووووو اللي صار ... انزين اتريي ليش تركضين !!! خذي الكلينكس احتياط اذا بتحتاجينه !!
ساره : مابا كلينكس !! مابا شي ... انا مروحه الحين .. فكنييييي ارجووووووووووك !!
و وصلوا لساحة القرى .... وقفت ساره و لا كأنه حد حذالها !! و تمت تتصدد ....
ساره: اوووووووووووووه !!!!!!!!!!!! كيف بتصل الحين !!
ظهر أحمد تلفونه: افا علييييج الغاليه !!!! تلفوني يفداج ..
ساره : مشكور ما احتاج!
ابتسم احمد: حلفت عليج تاخذينه !!
ساره : ماباخذه !!
أحمد: انا حلفت !!
ساره ابتسمت ابتسامة سخريه: حد جبرك تحلف ؟؟
في هاي اللحظة شافت فهد من بعيد واقف ويا خالد .. فسارت صوبه و قبل لاتوصل له بمسافه اشرت له انه ايي ...
فهد: هلا ساره !! شو السالفه .. شكلج معصبه !!
ساره و هي تعض على اسنانها : هيه الا قول ميته من الغيظ ......
فهد: خير شوو السالفه !!
ساره: ماشي .... واحد غبي جب عليي القهوه و كسر تلفوني ..... !!! وين تلفونك بتصل بغايوه عشان نروح !
فهد طلع موبايله و ناولها اياه: كيف جب عليج القهوه و كسر تلفونج ..
ساره و هي تدق رقم غايه: ماشي كنت شاله التلفون و الاكواب .. و زغت من صوته و جان ادعم بنيه و و طاحت الاغراض مني ... اففففففففف ....
فهد: هدي هدي .... ماصارا الا الخير ..
ساره: أي خير يا فهد .. اففففف و هاي غايووه ماترد بعد !!
فهد: اتصلي بالعنود انزين !!
ساره: يالسه اتصلبها .....................لحظة ردت .. الوووه !! عندووه !! انا ساره لااه .... اوهوو عندوه عن الاسأله الزايده بترياكم في السياره .... باي ..
عطت فهد موبايله و سارت صوب الباركنات و هيه فيها صيحه ... ركبت السياره و شغلتها و تمت تصيح ... شوي و يتبطل باب السياره و دشت العنود و تفاجأت بصياح ساره اللي كانت يالسه تمسح دموعها ..
العنود: ساروووه !! فديتج شو بلاج !! ليش تصيحين !!
ساره: ماشي !!! تعبانه !
العنود: عليي يا ساره ؟؟؟ توج زينه مافيج شي !!
ساره: اوووف عندووه بموت من الغيظ ... غبي هذا شووو !!
العنود: منوووه !!!
ساره: هذا احمدووه !! اففف كل ما اشوفه تيني مصيبه !!!
العنود خافت من هالكلام : ساروووه والله زيغتيني ..!!اي احمدووه !! خبريني شو صار !!
هنيه دخلت غايه السياره ,,,,
غايه : سوري كان في شوية شغلات لازم اسويهن ...
ساره: ماعليه ...
غايه حست انه في شي : سارووه !! شو فيج ؟؟!!
ساره: ماشي واحد غبي دعمني ... اقصد خلاني ادعم و انجبت علي القهوه و طاح تلفوني و انكسر !!!
العنود: هذا بس ؟؟؟ أحمد ؟؟ اخو خالد ؟؟
ساره: بس ؟؟؟ شو بس !!! افف ماتحسين بغيظي !!
غايه: ماعليه ساره .. مايحتاي كل هذا .. الا موبايل .. و عن العباه بتسيرين و بتتسبحين الحينه ..
العنود: هيه صدقها غايه .... امسحي دموعج غناتي ...... خلي عنج احمد و غيره ...
ساره تمت صاخه ....
العنود ترفع على المكيف شوي على ويهها : آآآه ما اصدق انه خلصنا .... صدق تعب تعب ...
غايه: هيه والله ... صدق تعب ... بس مقابل هالتعب شوفي التنظيم كيف !! ماشاء الله ماعليه كلام .. احلى فعاليات كانت في القريه الاماراتيه ... صدق اتوقع تفوز بجائزة افضل تنظيم .. شفتوا كيف كانوا الشباب متيمعين عليها ..
العنود: هيه صدقج والله ..... الحمدلله انه الله وفقنا ..
تمت ساره سرحانه ...... وتفكر باللي سوته ..
العنود: احس بج وايد بالغتي في ردة فعلج سارووه .. مب هذا أحمد لي كنتي متلهفه لشوفته ؟؟
جود الحزن
29-04-05, 06:26 AM
الله القصه وايد حلوة ننتظر الاجزاء الجايه بفارغ الصبر
زهرة_الآلام
01-05-05, 09:13 PM
السلام عليكم ....
حياجالله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم .. قبل اللل ايحد يقرأ التكملة........ ادعووولي الله يوفقني في الامتحانات :rolleyes:
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
زهرة_الآلام
01-05-05, 09:19 PM
السلام عليكم ....
حياجالله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم .. قبل اللل ايحد يقرأ التكملة........ ادعووولي الله يوفقني في الامتحانات :rolleyes:
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
مغسي زهرة الآلام
و احنا ناطرين الجزء الياي
زهرة_الآلام
03-05-05, 07:38 PM
السلام عليكم ....
حياجالله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم .. قبل اللل ايحد يقرأ التكملة........ ادعووولي الله يوفقني في الامتحانات :rolleyes:
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
زهرة_الآلام
03-05-05, 07:45 PM
السلام عليكم ....
حياجالله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم .. قبل اللل ايحد يقرأ التكملة........ ادعووولي الله يوفقني في الامتحانات :rolleyes:
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
زهرة_الآلام
03-05-05, 07:53 PM
السلام عليكم ....
حياج الله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم .. قبل ما ايحد يقرأ التكملة........ ادعووولي الله يوفقني في الامتحانات :rolleyes:
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
زهرة_الآلام
14-06-05, 08:26 PM
السلام عليكم ....
حياجالله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم القصة طاحات من عيني .....وهذي التكمله للي يبا
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
السلام عليكم ....
حياجالله ختيه سووسوو ^___^
و وييينج يا نونوا اشتقنالج...
بس حبيت اقووول شي...انا فلبداية كنت متحمسة وايد لهذي القصة ...بس عقب..الاحظ انه
البنات وايد ماخذين راحتهن..يعني نحنه و بالتحديــــــــــــد في لبشارجه ..البنات عندنه..مايظهرن و يقعدن في كافيات و هسوالف..صح في..بس وايد نادر..
علعمووووم القصة طاحات من عيني .....وهذي التكمله للي يبا
part-1
الزمن: الساعه 10 مساءا
المكان: غرفة أحمد
على سريره كان أحمد منسدح على ظهره و يفكر بالموقف اللي صاره اليوم ... يا ويلي عليج يا ساره يا بنت محمد .... ليش هالعصبيه ليش ...... ماخليتيني ارمس و اوضح الموقف عدل ... صح اني انا الملوم في السالفه لكن مب قصدي .. انا شدراني انه في وحده بتكون داشه الكوفي .. و اشدراني انه انا في هاذيج اللحظه بزقرج بصوت عالي .... ماقول غير آآآه بس يا ساره .. الله يصبرني عليج ...
هني صد صوب موبايلها اللي كان حاطنه حذاله على الشبريه و جد ركبه من اول ويديد و لصقه ... لكنه ماطاع يشتغل .. بسبب قوة الرظه(الطيحه), و القهوة الي انجبت عليه ......و شل بطاقة الرقم في بصبوعه و يلس يتأملها .... وقال في خاطره: عنبوووه من زوود الغيظ الي فيها مافتكرت اتشل بطاقتها من الموبايل المكسر ... !!
نش و ياب موبايله و حط بطاقتها في موبايله عشان يشوف شو الرقم ... (( ثرك مب هين يا احمد)) و ياب موبايله الثاني و شغله عسب يتصل من بطاقة ساره و يشوف رقمها ... لكن في اخر لحظه هون .. تدرون ليش ... لأنه مايرضى على وحده من خواته جيه يستويبها ... عسب جيه رد و حط البطاقه في بوكه و نش سار غرفة اخوه خالد .. دق الباب مالقى رد ... شويه و يسمع خالج يقوله يدخل ..
أحمد: السلام عليك اخويه .. شو مشغول اشوفك ..
خالد بابتسامه : اسمحلي اخويه كنت بيت الراحه ..
أحمد دخل و تيلس على الشبريه:هههه ماعليه خالد مسموح .... انزين خلود .. بغيتك في سالفه..
خالد: آمر الغالي .. عيوني لك جان تباهن ...
أحمد: فديتك الغالي ماباهن عيونك خلهن لك بتحتايهن هههههههههههه
خالد: فقدتك انته محد يسويلك سالفه .. هههه انزين خبرني شو تبا .... (( وسار يلس على كرسي مكتب الكمبيوتر و جابله))
أحمد: مممم مادري شقايل ابدا السالفه ..... (( ونش بيروح) اقوولك ماعليه عقب بنرمس .. باجر ان شاء الله
خالد يوده من ذراعه: ايلس .. والله ماتسير بدون ماعرف شو الي يايبنك ... خبرني اخويه .. انته من لك غيري ؟؟
أحمد: لا والله ؟؟ قوول من لي غيرك مب من لك غيري .. والله لي يبوني واااااااايدييييييييييييييين .... ههههههههههههههههه
خالد نش و سحب الكرسي جدا الكمبيوتر و جابل الكمبيوتر: برايك عيل .. تصبح على خير !!
أحمد: وييييييييه !! عصب اونه .. هدي هدي ياخويه والله اسولف ..
خالد: ماعليك لا عصبت ولا غيره ... امبونك تبا تسير خلاص برايك ... نايتي نايت
سارله احمد و يوده من جتوفه و تم يهزه على ورا و جدام : وييييه زعووووول ...... يلل عااااد ..... ((اونه يراضيه لكن مصخرته الثجيله خلت خالد يشل ايدين احمد من على جتوفه )) : أحمد لوو سمحت بلا هالمصخره ..... خلاص لي تبا تقوله سر قووله حق اللي يبونك اونه !!
احمد: يللا عاد خالد .. مب كلمه قلتها ... بس كنت اسولف و ياك ... و بالاصل كنت ياي بقولك سالفه في خاطري من زمان لكني مارمت اقولها لحد و لا رمت اطلعها من خاطري لين يومك ... عسب جيه كنت متردد .. ولا انا منوو لي غيرك فديتك يالغالي ..
ابتسم خالد
أحمد: هيه جي اباك .. ابتسم .. والله هالظروس ماتسوى جيه اتم مدسوسه عن خلق الله .... تدري انته ؟؟ انا عندي واحد من ربعي يشتغل في التلفزيون ... في مال الدعايات و جيه .... شو اتوسط لك يخليك تسوي دعاية لكووس أب ؟؟؟ ( وسار عنده و فتح له حلجه من الطرفين)
خالد و هو يشل ايد احمد للمره الثانيه: اوهووو أحمدووه ... خوز عني .. بتظربني بعين ... وانا راس مالي هالظروس ..
احمد : راس مالك هالظروس ؟؟؟ فقدتك مخبل كل بنات الجامعه و اونه متواضع بعد... على فكره تراني ما امدحك .. امدح عمري ...(و غمز له) خخخخخخخخخخخخ (( لأنه كان خالد نسخه من أحمد لكن على اسمر شوي ))
خالد: فقدتك انته ....
احمد بحزن: ماعليه راضي ... تفقدني ... ادريبك غيران من وسامتي .. بس ماعليه شو نسوي .. كله بحسابه ..
خالد: يوووز عن هالسوالف أحمدووه و خبرني عن سالفتك .... يالله ..
أحمد: هيه والله ذكرتني .. ذكرك الله بالشهاده قول آمين ..
خالد: آمين .. يالله شو عندك ؟
أحمد طلع بوكه من مخباه و طلع البطاقه منه وراواها خالد: تشوف هالبطاقه ؟
خالد: هيه بلاها ؟
أحمد: ممممممم ... يودها .. خلها عندك ..
خالد: شوو ها .. شاري رقم يديد ؟
أحمد: لا لاقنه .. اصبر شوي اوكي ... براويك شي و بحاول افهمك شو السالفه (( وكان احمد ناوي يفهم خالد بكل شي ))
سار غرفته اللي كانت قريبه من غرفة خالد .. و فتح سدة المكتب و شل ورقه عووده بحجم ورقة الطباعه و ياي بيرد عند خالد شافه وراه ..
أحمد: بسم الله ... يااااا الله على اللقافه .. انزين اتريا شوي ..
خالد: لا ماروم ... حرقصتني .. شو بتراويني ؟؟
أحمد: وين البطاقه ..
راواه اياها خالد: هاذييييه موجوده في الحفظ والصون ... تباني احطها في الموبايل ؟؟
احمد : اتحمل اتسوي هالشي !!
خالد باستغراب: اشحقه ؟!؟! اوكي برايه .. (( و خلاها في ايده )) شو هالورقه ؟؟
أحمد و هو يبتسم: مخالفه..
خالد: مستانس بعد ؟ شرطي و مخالف .... صدق يوم قالو حاميها حراميها
أحمد: والله انها هيه الغلطانه ....... مممممم امسك اقرا الورقه ..
مسك خالد الورقه و قراها : ممممممم .... هيه صح .. ظاهر هنيه انك انته الطرف المتضرر !! اوكي انا اسف اخويه ... ظلمتك .. (( و رد الورقه على أحمد))
أحمد: ادري انزين .... برايه اسفك مقبول .... بس اسمعني .. انته قريت الورقه عدل ؟ ( و ردها عليه)
خالد: هيه قريتها ليش شو فيها !! مممم لحظه لحظه .......... ساره محمد راشد !!!!!!!!!!!!!
أحمد: عرفتها ؟
خالد: شقايل ماعرفتها .. هاي ساره اخت سلطان .. !
أحمد: عليك نوور !
خالد مصدوم: كيف تعرفها ؟!
أحمد: سالفه طويله .. وهاللي ياي اخبرك عنه ..... تشوف البطاقه اللي في ايدك .. هاي بطاقتها ... !
خالد منصدم وايد و افكار تييبه و افكار توديه .. ماظن انه ساره من النوع اللي تعرف شباب !!
أحمد حس باللي في بال اخوه فقطع افكاره : ويين وييييييين ... يا بووك لاتفكر واايد .. ادريبه فكرك سار لبعييد .... هيد يابويه .. انا بخبرك السالفه كامله من طأطأ لسلامو عليكم ...
----------
المكان: صالة بيت بو سلطان
الزمان: 10 مساءا
ساره يالسه على القنفه و تتكلم بتلفون البيت
ساره: وانا اشدارني عندووه .. لاتمين تلوميني جيه .....
العنود: يعني شو هالغباء .... كيف تنسين بطاقتج عنده .. عنبووج برايج خلي الموبايل يولي .. لكن البطاقه .. شليها على الاقل !!
ساره: والله عندوه مانتبهت .. ماركزت .. كنت ميته من الغيظ و في حاله مايعرفها غير ربج ... متلخبطه و مب عارفه كيف اتصرف .. والله اني ندمانه على الرمسه لي قلتها له ...... مايستاهل بصراحه ما كانت غلطته ...
العنود: الحين ؟؟ مالت عليج !! توج الا افتكرتي ... مليون مره اقولج عن هالعصبيه !!
ساره: هههههه مالت عليج انتي ... انتي اخر وحده ترمسين عن العصبيه ... صح اني ساعات افقد اعصابي لكنج انتي شراره !!
العنود: ههههه محد يعرفني شراتج .. اوكي انزين سارووه احين شو بتسوين .. كيف بتيبين البطاقه؟
ساره: برمس سلطان بقوله ضاع التلفون عني و بخليه يقطع الرقم و يطلع لي بدل فاقد !
العنود: ممممم زين والله ...... مممم تدرين
ساره: شوو ..
العنود: اخافه يستخدمها و يطلع الرقم !
ساره: شو يبابه ويا ويهج !
العنود: شو شويبابه ... شي طبيعي يكون عنده فضول انه يعرف الرقم ..... يمكن يتصل يرمسج .. خخخخخخ
ساره : هب هبيتي يالعنز ... تبيني ارمسه بعد ... والله لو يموت ..
العنود: خييبه انزين هدي والله اسولف ..... بس مادري من رمستج حسيت انه مهتم يعني عادي يطلع الرقم ..
ساره : ويطلعه انا مايهمني .. المهم انا برمس سلطوون .. لين الحين مارد البيت ويا ابويه ... يوم بيوصل بقول له ..
العنود: على هواج فديتج ... اونه مب مهتمه ..
ساره: شوو اونه مب مهتمه .... تنغزيين حظرتج ؟؟
العنود: هههههههه لا لا ما انغز .. بس مادري منووو الي كانت دوم حلييله احمد ... ويينه احمد ... من زمان ماشفنااه احمد ... ماجنها شايفتنه الا مره وحده
ساره انحرجت: مرتين !
العنود: مرتين مرتين ..... بس انتي مهتمه ..
ساره: مممم مب مهتمه .... بس اقص عليكم اسوي عمري مهتمه ...
العنود: هههههههه ادري ادري ... مالت عليييييييييج
و انفتح باب الصاله و دش ابو سلطان اول عقب سلطان ..
بو سلطان و سلطان : السلااااااااااام عليكم ..
ساره: و علييكم السلام و الرحمه .. هلا ابويه .. هلا اخويه ..
العنود: شكلهم يوو اهلج ...سلمي سلمي .. خلاص برايج بشوفج باجر اوكي ..
ساره : اوكي عندووه ... يبلغ ... مع السلامه .. ( وسكرت)
يا سلطان و يلس حذال ساره و سار الابو فوق عسب يريح ..
سلطان: حليله ابويه مستهم و يحااتي !!
ساره: افاا!! شووو صاير !
سلطان: تعرفين حد من اهلنا في العين ؟؟
ساره: هيه .. مممم الي يستوون حق قوم خالتي ... من اهل امايه صح ؟
سلطان: هيه هم هذيلا .. ترا بعد في منهم يستوون حق اهل ابويه لكن من بعيد شوي .. المهم ترا في واحد منهم مابقول لج شو الصله الي بينا و بينه لأنج بتتشربكين و تبين الصدق انا بروحي ماعرفها بالضبط .. المهم هذا الريال يسمونه علي .. فقدته مفشل ابويه فشيله !
ساره: اوييه ! ليش عااد ! شقايل !
سلطان: الريال منبونه صايع و راعي مشاكل .. و ابويه سوا خير في ابوه من كمن سنه و اتوسط له حق واحد من الاهل بعد في دبي .... و خلاه يوزه وحده من بناته .... عشان يصطلب اونه ....
ساره: انزيين !
سلطان: و الحبيب ياب منها ولد و بنت ..... و اخرتها تعرفين شو سوا !! خذله مغربيه و طرش بنت العرب ويا عيالها بيت اهلها !! والحيينه ابويه ميت من اللوم !!
ساره: فققققققققققدته الكبش !!! مايستحي على ويهه هذا !! عاد يفضل مغربيه على بنت العرب !!
سلطان: انا اشدراني ... والله مادري شقايل هذيلا جذي يسوون ...... تبين الصدق انا مب مهتم منه !! يزوول .. بس سالفة العيال ... واللي هامني اكثر ابويه .... والله يقول لي واحنا في الدرب انه ماله ويه يجابل الناس.... اونه ساير بيعدل الامور ... هاكي مب طايع يرمس حد ... ولا يرد على المكالمات ... ابو البنيه يخبرنا يقول انه اتصل به .. جان يخلي حرمته اليديده ترد عليه و تقول له : على مب هنييه .. ولا تتصل مره ثانيه ...!! تخيلي ساره ريال عوود جذي ترمسه وحده ماتسوا !
ساره: اخ عليه والله .. والله لا هو و لا حرمته يسوون بيزه ... خس الله ويووههم !! يعني انتو من المغرب لين الحين في دبي عند اهل البنيه ؟؟
سلطان: هيه والله .. سالفه معقده .. الله يعديها على خير ..
ساره: آمين !! سلطان ..
سلطان: هلا اختي
ساره: اخويه بغيتك في سالفه ...
سلطان: امري .. شو تبين
ساره: اخويه بغيتك تسير اتصالات اتطلع لي بدل فاقد.. ضاع موبايلي اليوم ..
سلطان : وين ضااع .. شو بلاكم انتو على الموبايلات ... امسات العنود و اليوم انتي ...
ساره: مادري والله سلطوون ... بس صدق غصبن عني ... مادري ,,, تبا الصدق طاح عني و انكسر و كنت مغيظه فما رديت اخذه .. ادري غلطانه لكن هذا اللي صار ..
سلطان: عقييتييه !!! اسمييج انتي بطرانه و ماتفكرين ...... اوكي ماعليه باجر اول ما انش بسير اقطعه موووليه !! انتو مب مال موبايلات !!!
ساره: شووووووو .. سلطوون عاد انا قلتلك الصدق و ماجذبت و قلت انه ضاع .. سلطون الغالي لاتسويبي جيه ...... روحي مضايجه من عمري ...
سلطان نش ساير غرفته: بفكر ....
ساره: شو بفكر ... سلطان بلييز ....
سلطان مارد عليها .. كان مغيظ على حركتها ... دلع بنات ! اونه طاح و انكسر و خلته و روحت .. !!
--------------
عوده لغرفة أحمد :
يلس احمد يقوله السالفه من اول مادعمته ساره .. و شافها في المول ... و عقب يوم تمت في باله .. ويوم شافها في الجامعه و اخر شي الموقف البايخ اللي صار بينهم قبل ساعات قليله ..
تم خالد يتسمع و هوو سااااااااكت مب عارف شو يقول ولا شو يرد ..
قطع احمد الصمت: ممممم ماشي جواب ؟
خالد: مادري شاقولك ياخويه بس .... يعني انته احين عايبتنك ساره؟
أحمد بنظره حالمه: آآه يا خالد .. كلمة عايبتني وايد قليله ......داشه خاطري البنيه ... و ودي ارمس ابويه و اميه انسير نخطبها ....
خالد: مممممم خطبه مره وحده .. لا شكلك تحبها انته ...... تبا الصدق ..ساره والنعم فيها بنت عرب و ماعليها زود... انته بروحك شفت اخوها و ولد عمها و عمها ..
أحمد: ههههههه ... عاد لوفي حد مخرب بيكون هذا سيف ... تبا الصدق حسيتبه شوي اهبل ..
خالد: فديييته والله هالسيف .... مافي منه ... يانا هناك يوم كنا في امريكا .. و صدق استانسنا وياه ... ريال طيب على نياته ...
أحمد: وحليله ... انزين شو قلت في الموضوع ؟
خالد: الخطبه قصدك ؟؟ انته تشوف انها تميل لك ؟؟
أحمد: تميل لي ؟؟؟ والله العظيم هالشي الوحيد الي ماروم استنتجه !! وايد هاجمتني اليوم ...اتروعت منها يابووك ..!! حتى الموبايل اقوللها شليه عني ... تقولي ماباه فره في الكجره ولا خله عندك عسب يوم تشوفه تتذكر ماتغدي دفش ! نست حتى تاخذ البطاقه !!
خالد: هههههههههههههههههههه .. حليلها والله هاي الساره ... امرره شرات اخوها ...ماعليه انا بعطيها اياها!
أحمد (بغيره) : لا والله !!!!
خالد: شو عيل ؟؟ انته بتعطيها ؟؟
أحمد: مممممم ودي والله لكن شقايل ... ماروم اخافها تصمني طراق ياخوي ..
خالد: ههههههههههههههههه اسميها ساره مزيغتنك .... حليلها .. ماعليك انا بعطيها فهد ولا سلطان و بخليهم يوصلونها لها!
احمد: شوو تقوول انته ... قال فهد و سلطان قال !!! يابويه السالفه فيها قبايل و قطع رقاب ! لا و بعد بطاقة تلفون ....... تخبلت انته
خالد: هيه والله صدقك .. والله اسمحلي اخويه مب مركز شوي نودان .... انزين شو الحل ...
أحمد: مممممم ... مادري والله يا خالد ... وبعدين بخبرك .. هي ماتدري انك اخويه...؟؟
خالد: شقا بتدري يعني !؟ الا اذا من الشبه
احمد: هيه ... لو هيه لماحه بتشوف الشبه بينا !!
خالد: حتى لو مب لماحه .. مبين وواضح وضوح الشمس التشابه الي بيننا .... جنا توأم ..
احمد: ههههههه توأم و اكبر عنك بأربع مادري خمس سنين !!
خالد: هههههه مايبين والله ... انزين اسمعني على طاري العمر .. انته تعرف ساره كم عمرها ؟
احمد: هيه .. 21
خالد: اعتقد جيه .. مكتوب في المخالفه صح ؟؟
احمد: هيه انزين شو دخل العمر الحين !
خالد: شقايل شو دخل العمر .... بينك و بينها تقريبا ست او سبع سنوات !!
احمد: و سوو ؟
خالد: شو سوو ! الفرق كبير... يعني ممكن ترفضك او يرفضونك اهلها بسببه !
احمد: فال الله ولا فااالك يالسبال .. جيه من كبري يعني !! بعدني في عز شبابي ( و دق على صدره)
خالد: فديتك محد قال شي ... المهم انته رمس الوالده .... ولا اقولك ليش ماتخلي وحده من خواتك ترمسها!
احمد: شووووه !! حرام ليفضحني خواتك .... لا ماعليه .. انا برمس الوالده و بخليها ترمسهم و تتخبر عنهم ..
-----------
الزمان: اليوم الثاني ( يوم الجمعه)
المكان: بيت بو أحمد
كانوا كل الاهل متيمعين في الصاله عقب ماتغدوا .... ابو و ام أحمد ..و أحمد و خالد و خواته عاشه و شيخه .. و ا ختهم العوده المعرسه موزه (اكبر من احمد بسنه) وبنات موزه الصغاريه امل و اسما ..
موزه: تسلم ايديج امايه على الغدا الحلو .... صدج اني ماتعلمت الطبخ الحلو الا علي ايديج .... تدرين راشد دوومه يتشكر فييج و يدعيلج .. يقوول فديت عموووتي اللي علمتج هالطبخ السنع ..
بو احمد: فدييت ام العيال انا ... يعلني ماخلا منها ..
شيخه: اووووووووووب اوووب ... مانروووم بصراحه ..
أم احمد: اسكتي عني شييخووه !! تراني منحرجه ..
ضحكوو كلهم على الام ... اونها بعد تييب الفاظ يديده ...
نشت أم أحمد بتسير المطبخ تييب الشاي و القهوه و السويت ... و نشت وراها موزه ...
الابو و خالد يطالعون التلفزيون .. حاطين على خطبة الجمعه في مكه .. ويتسمعون .... والبنات وياهم .. الا احمد كان في عالم ثاني .. كان يفكر باللي صار اليوم اللي طاف .. لين سمع صوت بنت اخته الصغيرونه يالسه على ريوله و ترمسه ..
امل: خاااالي ..... ليش ثاكت .. ؟؟
أحمد اتفاجا: من متى انتي هنيه !! ههههههه
امل: من ذماان خاليييييييييه ... انزين خالي ابا اثير المحطه ..
أحمد: خلي خلوود يوديج ...
امل بحزن : خلوود مايبا يوديني ..
خالد يتدخل: خلوود في عينج !! قولي خالي !
أمل ببراءه: خاالي ..
أسما: خالي أحمد انا بعد ابا اسير وياكم ..
أحمد: ليش انا قلت بودي اختج عشان اوديج ؟؟
كانت اسما اكبر عن امل بثلاث سنين.... اسما عمرها 7 سنوات و امل 4 سنوات ...
أسما: انزين بخلي بابا يودينا ...
احمد: هيه احسن ..
أمل: بابا محد... ثافر ... انا ابا خاالي يودينا !! خالي يالللللللللا نثييييييير ...
أحمد غمضته اموله لأنه ابوها مسافر برع دوره من 4 شهور: يا الله !! انزين قومي بوديج و امري لله ...سيري ترخصي من ماما ....
اسما : انا بعد ؟؟
احمد: هيه انتي بعد .... يالله بسرعة بعد لين عشره اذا ماييتوا ماشي محطه ..
اسما و امل نشن يترابعن صوب المطبخ .... وعلى طول ردن ..
اسما: ماما قالت سيروا و ردوا بسرعة ..
احمد: اوكي ... يالله قوموا ....
شلهم و ساار بيوديهم المحطه الي في منطقتهم ,,, في السياره يته فكره .... انه يسوي حركه شيطانيه ... ... عقب قال لعمره لا مب شيطانيه بس الا جيه لعب ... محد بيتضرر .. ..
نزل البنات المحطه عشان يتشرن .. و قال لهن بينزل وراهن .. طلع بطاقه ساره من بوكه و حطها في موبايله .. و فتح لستة الارقام .. يدور رقم بيتهم .. اول شي دور (البيت) ما حصل .. شاف اللسته كلها بالانجليزي .... معلوم بتحطها بالانجليزي ... مال الامريكيه ... عقب دور على ((home .. ماشي بعد شو السالفه مب مسيفه رقم البيت ... نزل نزل ... لقى (Oh God Home!) ضحك من خاطره ..... اسميه اسم .. المهم سجل الرقم عنده و بدون مايشوف أي رقم ثاني غلق الموبايل و طلع البطاقه و ردها في بوكه ... و نزل يطالع بنات اخته شو سون .... لقاهن جد خمن كل شي .. ماخلن حلاوه و لا عصاير و لا كيك و لا شبس .... المهم حاسب و ظهر ... في السياره كانت اسما يالسه جدام ..
أحمد: أسامي ... انتي تحبين خالج ؟
أسما ببراءه: خالي خالد ؟؟ هيه احبه ليش ؟
أحمد: ههههههه .. فديتج والله .. لا اقولج تحبين خالج احمد ... انا يعني تحبيني ؟؟
امل اللي كانت يالسه ورا و جد بطلت قرطاسة الكاكاو و يلست تاكل و بفم مليان: انا احبك وااااااايد خالي احمد ..
أحمد: هههههههه فدييييت رووحج والله ... والله انج عسل .... بس لاتخيسين السيت دخيلج ههههه
أمل ردت تاكل .. و رد احمد يرمس ويا اسما ..
احمد: ماقلتيلي تحبيني ولا لا
اسما: هيه خالي وايد احبك .....
احمد: وتسويلي أي شي ؟
اسما: هييه أي شي
أحمد: ااوكي ... بس هالشي ماتقولينه لاي حد انزين ؟؟ حتى حق ماما !
اسما: انزين خالي مابقول حق حد ...
كانت اسما من النوع المطيع ... اللي وايد مؤدب و ذرب .. وفوق هذا وذاك واثقه من نفسها على صغر سنها
احمد: اوكي . اسمعيني .. بتصل من الموبايل اوكي .. و بعطيج ترمسين .... اول ماحد يرد عليج قولي لو سمحت ابا اكلم ساره .. اوكي ؟؟
اسما: منوو ساره ؟
احمد: هاي من الاهل .... انتي بس سوي اللي قلتلج عنه ..
و شل الموبايل و اتصل برقم بيت ساره (( وهم كانوا واصلين البيت )) نزلت امل وفي ايدها اكياس المحطه و مخلفه وراها كيس تشبس ماكول نصه و بسكوته تحت .... و تموا احمد و اسما في السياره في حوي البيت ..
يوم سمع احمد انه الرقم يالس يرن حطه على السبيكر و عطاه اسما ..
اسما: الوو .. سلام عليكم ..
البشكاره: واليكم سلام ....
اسما: لو سمحتي ابا اكلم ساره ..
البشكاره: ساره ؟؟ اوكي .... دقيقه ..
سارت البشكاره و زقرت ساره من فوق ... و قالت لها انه في بنيه صوتها جنها بيبي على التلفون .... استغربت ساره و نزلت بترد ..
ساره اتناولت سماعة التلفون : الووووه ؟؟
هنيه عطت اسما الموبايل لخالها لأنها ماتعرف شو بتقول لها واصلا هو ماقال لها الباقي ..
ساره: الووووه؟؟؟
تم احمد مرتبك و يشاور عمره يرد ولا لا ...
ساره: لاحوول .. قلنا الووه ..... مابتردون برايكم.. باي .. (يايه بتسكر)
احمد: لحظه لاتبندين
ساره استغربت .... احين هذا الصوت القوي صوت بيبي ؟؟
ساره: هلا ؟ منو ويايه ؟
احمد تم مرتبك و موول مب مجمع شو بيقول : لحظه لحظه ..
بند السبيكر و قال حق اسما تنزل .. نزلت اسما ويا اكياسها و رد هو يرمس ..
احمد: الوو .. سوري الغاليه
ساره: شو السالفه منو ويايه ؟
احمد: انا احمد ... اللي البارحه .. ممممم تعرفين (( مارام يكمل من كثر اللوم))
ساره انصدمت صدمه شديده !! صدقج يا عندووه يوم قلتي انه بيشغل بطاقتي !!
أحمد: اسمحييلي والله مارمت ارقد البارحه من كثر التفكير .... والله اني متلوم كثر شعر راسي على اللي صار و بعد اسمحيلي اني ظهرت رقم بيتكم من البطاقه والله العظيم اني ماظهرت رقمج ولا اباه !! بس كنت محتاج اني اعتذر ...
ساره: حصل خير ..
استغرب احمد من لهجتها المسالمه: هااه ؟
ساره يتها ضحكه من ال (هااه) : شو هاه ؟
احمد: لا ماشي الغاليه ... السموحه مره ثانيه على الازعاج
ساره: ماعليه ... اقول ابا بطاقتي لو تسمح .. لأني متوهقه ..
احمد: افا عليج ماطلبتي .. بس كيف اردها لج ؟؟ اعطيها خالد ؟
ساره افتكرت انها اذا خذتها مره ثانيه سلطان بيشك و بيقول كيف ردتها : اقوولك .. لا ماعليه ... بس طلب بليز ..
احمد: عيوني لج .. تم
استغربت ساره من الاسلوب .... وايد ودود.. الغاليه .. و عيوني .. شو السالفه : تسلم اخويه .... بس اكسرها البطاقه لو سمحت .. بطلع بدل فاقد ..
احمد: اشحقققه بدل فاقد ... مافي داعي ساره .... بردها ..
ساره: تراك قلت تم ؟
احمد: هيه والله قلت تم .. واللي قلتيه امرره بيستوي ...... يالله الغاليه اسمحيلي والله ..تامريني بشي ؟
ساره: سلامتك احمد .... انته بعد اسمحلي على اسلوبي البارحه تراني كنت تعبانه ..
احمد: مسموووحه طال عمرج .... مع السلامه ..
ساره: مع السلامه ..
بعد ماسكر التلفون تم متنح في الموبايل في ايده .. قالت لي أحمد !! قالت اسمي .. اول مره !! اه محلى اسمي يوم نطقتيه يا ساره
Part-2
الزمان: يو م السبت الساعه 8:30 الصبح
المكان: غرفة ساره
نشت ساره من الرقاد الساعه ثمان و نص لأنه اول كلاس عندها الساعه 10 .. مريحه هالسمستر ماتحاتي لا سهر و لا نشه من وقت ....اتزهبت و نزلت لقت امها و ابوها تحت يتريقون ..
ساره: السلام عليكم .. شحالكم ؟؟
الام و الابو: و عليكم السلام هلا الغاليه .... تعالي تريقي ويانا ..
ساره: ياامممي .. شو مسويين .. جباب .... والله انه في خاطري من البارحه .. تعرفون في الجلوبال داي كانوا يسونه في القريه الاماراتيه .. و وايد كنت اخذ منه....
الام: جان قلتي .... بسويلج مب الا جباب ... جباب و لقيمات و كل اللي في خاطرج ..
ساره: ابا جباب و وياه جبن و عسل ... يعلني ماخلا منج والله امايه الحلوه
الابو: البنت سر امها .. ههههههه
ساره: شوووووو قصدك ابوويه ؟؟؟ امايه شووفييه اكيد يلمح لشي ..
الابو: حشا عليه .. بس قصدي انكم هنتيناتكم حلوات و تتشابهن . هههههههههههه
ساره و الام: هيييه نتحرا شي بعد ههههههه
الابو: اسمييكن انتن ..... عوووووذ بالله من السنتكن .. ههههه
ساره: هههههه فديتك ابويه الا سوالف ... يالله انا بسير ... اخاف اتأخر ..
الام و الابو: الله يحفظج الغاليه .... تحملي على عمرج وهالله هالله بالسواقه السنعه . مب تطيرين السياره ؟؟
ساره بابتسامه : ان شاء الله افا عليكم ... يالله فمان الله ..
و نشت بس قبل ماتوصل عند الباب سمعت امها تزجرها ..
ساره: هلا امايه ؟؟
الام: تعالي بعطيج شي ... اخوج قايللي اوصله لج ...
ساره: شوو امايه ؟؟ بطاقه صح ؟
الام: هيه ... يابلج البطاقه اليوم الصبح سار اتصالات و يابها ... انا عزرت عليه الا يسير من غبشه .. تدرين لازم نتطمن عليج ...
ساره: فديتج والله امي ... انزين اوكي بطاقه لكن ماشي موبايل ....
الام: خذي موبايلي تصبري به اليوم .. وفالليل ان شاء الله بنسير انا وانتي باخذ لج موبايل يديد .. كم ساره عندي انا ..
الابو: ماشي بيخرب العيال غير تدليعج لهم يا ام سلطان الله يهديكم بس
الام: يوم مابدلع سوير ... بدلع منوو . سلطون ولا خلوود ؟؟ فديتها بنيتي الوحيده ..
ساره: احم احم .. ابويه عاد لاتجرج امايه عليه .. اخافها عقب تغير رايها و ماتاخذلي موبايل يديد ... امايه ابا اخر نوكيا .... فيه بلووتووث و تصويره روعه ... فيديو و عادي ...
الابو: شفتي ؟؟؟؟ تبا اخر واحد بعد ... اسمييييييييكم انتو مخاسير ... هكووا موبايلي ماتشوفونه شقايل .... شارنه ب700 درهم و ماشاء الله الحين من 3 سنوات عندي ولا محتاي اغيره !!
ساره: ابووويه انتو غير .. واحنا غير .. يالله فمان الله (( عقب ماركبت البطاقه في موبايل امها ))
طلعت ساره من البيت و الابو يرمس الام عن المظاهر و حب الشباب لها .. هيه نفذت بجلدها قبل ماتيها محاظره طويله عريضه عن هالموضوع ...
---------------
الزمان: 12:30 الظهر
المكان: كافتيريا الجامعه
طرشت ساره مسج حق اخوها تشكره فيه على الخدمه السريعه ... و سارت ويا غايه و العنود الكافتريا عشان يتغدن ( من وقت) و كانت ساره تسولف لهن عن اللي صار اليوم اللي طاف .
العنود: شفتيي سارووه ؟؟ شو قلتلج انا ؟
ساره: والله من استوت السالفه قلت في خاطري صدقج يالعنود ..
غايه: انزين هو متصل يعتذر ... وانا اقولكم مابيتصل مره ثانيه .. انا متأكده!
ساره: و شوو اللي مخلنج جيه متأكده ؟
غايه: مادري .. احسه خلوق ومتربي ... و هو عود بعد مب مال هالسوالف ... انتي تشوفين شقايل خالد .. وهذا اخوه !! يعني نفس الشي .. عيال ناس و متربين عدل ..
العنود: اووووب ... كل هالمديح ... اشحقه عاطينج شي تتوسطيلهم ؟؟ هههههههه
غايه: مب لازم حد يعطيج شي عشان تذكرينه بالخير ..... الله بيعطيني اجر ..
العنود و باحراج: هيه والله صدقج .. افحمتيني ...
ساره: ههههههه حليلها العنود .. غايووه انتي دوم جيه في الويه ؟
غايه: الساكت عن الحق شيطان اخرس !!
ساره والعنود: عووذ بالله من الشيطان ...
العنود: سارووه تخيلي ايي يخطبج ؟
ساره حاست بوزها : ماظني
العنود: وليش يعني ماتظنين ؟
ساره وهي تحرك عيونها تفكر: مممممم مادري بس ماظني !!
العنود: انا اقولج بيي يخطبج..
غايه: منجمه الاخت ؟؟ هههه
العنود:انتي اسكتي .. هههههه منجمه قالت ...فلتقل خير او لتصمت !! وييييييو
غايه: هيي هييي هييييييييييييي
ساره: هههههههههههه بلاكم انتوا كل وحده يابتلها مثال .... ممممممممم لو تلف الكون ديره ديره .. ما بحصل شرات الشارجه ديره ... و لو ساكن في خرابه مافيها غير حصيره .. خخخخخخخخخخخخخ انا اعرف اقول امثال بعد هههههههه
غايه و العنود بتطالعن بعض: الله يكملج بعقلج .. خخخخخخخ
--------
الزمان: الساعه 8 مساءا
المكان: صالة بيت بو احمد
كان احمد يالس بروحه يجلب في قنوات التلفزيون .. ملان مافي شي جذب انتباهه .... يت اخته موزه و يلست حذاله ..
موزه: يعطيك العافيه اخويه .. شكلك تعبان ..
أحمد: والله شقولج يااختي .. الدوام تعب .. الله يعينا عليه ..
موزه: امين يا رب ........ أحمد ؟
أحمد: هلا
موزه: شخبارها ساره ؟؟؟ ( و غمزتله)
احمد انصدم .. و على طول اشتغل مخه ... كيف اخته بتعرف عن ساره !! خالد بيقووووللها ؟؟؟؟؟؟؟
موزه: خيييييييييبه تخيب العدو !! اسمها بس سوابك جيه ؟؟؟ هههههه
احمد يسوي عمره هادي: لا انتي فاهمه غلط اختي .....
موزه: شو فاهمه غلط .. انا اصلا ماعرف شي ههههه حليلك يا احمد .
احمد توه تذكر انه ممكن اسامي هي اللي خبرت امها : اسميها اسموو مشخله .. ماتيود شي هاا !
موزه: حليلها والله اسامي .. والله ما رمست و لا قالت شي ...
أحمد: عيل ماشي غير خلوود !! دواك عندي يا خلوود يال CNN
موزه: والله خالد مانطق بكلمه !
أحمد: لا والله !! عيل منوو ؟ مثلا كنت ارمس وانا راقد ؟؟
موزه: هههههههههه .. اوه انته تفكر بها هالكثر عشان ترمس عنها و انته راقد ؟؟
احمد: يووزي عن سوالفج موااز !! شقايل عرفتي ؟؟
موزه: ماتحيد عمرك رمست جدام حد ثاني ؟؟
احمد متأكد انه مارمس جدام حد الا هالاثنين : لححححححححححححححححظه لحظه !!!! في نتفه كانت يالسه في السيت الوراني !!!!!!!!!!!!!! امــــــــــــــــــــــــــــــــــــــــــلووووو وووووووووووووووه!!!!!
موزه نقعت من الضحك: ههههههههههههههههههههههههههههههههههههههههه .... هذي هي .... انته ماتدري انه لازم ماترمس جدام هالنتفه ؟؟؟
احمد مفتشل: لا والله مادريت .. زين انج خبرتيني بهالمعلومه ..
موزه: انزين ماقلتلي منو هاي ساره ؟
احمد: تخبري بنتج !!
موزه: حليلها زين يوم تذكرت الاسم .... خبرني انا اختك العوده ؟؟
احمد: اوكي ... زين يوم يت منكم .... انا ابا اخطب هالبنيه ..
موزه: من وين تعرفها ..
أحمد: دعمتها من فتره و عيبتني .... و شفتها في الجامعه ايام الجلوبال داي الاسبوع اللي طاف ,, و تبين الصدق داشه خاطري وايد ..
موزه: ممممممممممممم احمد بقولك شي ...انته هالشي عارفنه عدل لكن اظن انك نسيته او تناسيته في ظل هالظروف الي تمر بها ....
بان الاهتمام على ويه احمد و اعتدل في يلسته: شو اختيي ؟؟؟ زيغتيني !!
موزه: انا اشوف تنسى عن البنيه اريح لك و لنا !
احمد انصدم من هالجواب المباشر والصريح : انساااااااااااهاا !!!؟؟؟؟؟ ليش ؟ شو السبب !!
موزه تمت تشرحله انه عايلتهم من النوع اللي ماياخذون من برع الاهل ... بس الاهل .. و بنات خالاتهم و عمومتهم مكودات و كل وحده احلى عن الثانيه ... فمستحيل لا ام احمد و لا ابوه انهم يوافقون على هالزواج!
انصدم وايد احمد من هالشي ..... اللي كان يعرفه لكن شرا ماقالت اخته تناسااه !!
احمد: يعني مافي مجال اني اغير لهم رايهم ؟؟
موزه سوت بشفايفها حركه دلت على اليأس: ماظني ......!
احمد: انا برمس امايه
موزه: سو اللي بتسويه ... بس انا اقولك من الحين تنسا .. و لو مابتنسا بتتعب وايد احمد ...
قالت هالكلمه و نشت بتطلع تيلس في الحوي شوي .. و خلت احمد متلته في افكاره ... مايعرف شو يسوي .... يسير يفاتح امه ولا ينسى السالفه ... تم يفكر طول الليل شو بيسوي في هالسالفه ... هو خلاص كبير و معتمد على نفسه .. و اللي قده عرسوا و يابوا عيال ... هو كان يتريا يلقى البنيه الي تناسبه و من شاف ساره حس انها هيه الانسب له ... مايدري ليش بس هو متأكد في قرارة نفسه انها هي الي بتسعده و بيبني وياها اسره صالحه .... ... هل يحاول و هو يعرف انه فرصة موافقه اهله بسيطه ؟؟ او يتمسك بحلمه و يمشي كلمته هو .... رقد عقب ما صلى الفجر وهو متوصل لقراره الاخير الي هو انه يكلم امه في السالفه عقب مايرد من الدوام .. واللي فيها فيها ..
اليوم الثاني نش احمد وهو مول مب شبعان رقاد لأنه رقد بس ساعتين و نص ... قام و طلع من البيت.. حصل خواته توهن ظاهرات بعد ويا الدريول بيسيرن الجامعه ...ماكان له بارض يسلم و لا شي .. فركب سيارته و توكل ..
----------------
الزمان: الخامسه مساءا
المكان: سيارة فهد
كان فهد مودي اخته غايه محل الكمبيوترات عشان تاخذلها طابعه يديده ..
فهد: الله يهديج غايوه جان يبتيها نخليهم يصلحونها .. لازم يديده ؟
غايه: هيييه لازم يديده .. والله اني ضجت من هاي الجديمه في خاطري ارظخبها على اليدار .. بصراحه كل يوم مبهدلتني و رافعتلي ضغطي .. وبصراحه انا وحده عندي واجبات و تقارير لازم اطبعهن كلهن ..
فهد: انزين ماعلينا ...... ( و تم ساكت)
غايه: شي فيك فهد ؟
فهد: شو بيكون مثلا؟
غايه: مادري احس بك مهموم و مضايق ..
فهد: لا ماشي ..
غايه: والله فيك شي ... خبرني ..
كانوا واقفين في زحمة السيارات ....... يالله يالله تمشي السياره متر واحد ..
فهد: ماتشوفين الزحمة شقايل ؟؟؟ هالشي برايج يسر الخاطر ولا يهمه ؟
غايه: ممممم الزحمه عمرها ماهمتك هالكثر فهد ...
فهد تم ساكت ...
غايه سكتت بعد ...
وصلوا المحل و نزلوا و خلصوا شغلهم ... و في السياره في طريجهم للبيت اتصل سلطان بفهد ... و كان كلامه مبين انه متضايق من واحد من ربعهم ...
فهد: تبا الصدق سلطون .. لين احينه مب مصدق السالفه ... والله !
سلطان: ماعليييييييييك بن عمي .. والله انه مايسوى ظفر ريلك ...
فهد: سلطان هذا كان غير ....... كان انسان و نعم الصاحب ... وانته ادرى الناس بعلاقتي الطيبه وياه .. و اخرتها جيه !!!! عنبوووه مب مصفي النيه ...
سلطان: اقوولك .. ياما حذرتك من صحبته ... و الحين الا عرفت معدنه ... طلع جليل اصل ..
فهد: هيه والله جليل اصل ....... الله يسامحه ..... مع اني احس اني مابسامحه على الحركه الي سواها فيي ..
سلطان: عله المااحي .... والله والله مايسوا تكدر خاطرك عشانه ... اقوول انا بترياك في الكافيه .... خلص شغلك و تعال ...
فهد: ان شاء الله .... مع السلامه ..
عقب ماسكر .. تم صااخ و غايه كذلك ..
فهد: اظن انج عرفتي ليش مضايج
غايه: هيه
فهد: ......
غايه: شو سوا ؟
فهد: مافي داعي اذكر شو سوا ..... خله يولي ..
غايه : دام خله يولي ليش تضيق بعمرك ؟
فهد: مهما كان ... اذا رفيجتج و لا صديجتج تسوي فيج حركه خايسه اكيد بتحطين في خاطرج ..... تدرين غايه ..... هالانسان مريض ... وكان محتاج حد بجنبه ...... انا كنت له شرات الاخو ... لكنه صدق والله صدمني .... تم يظهر اشاعات و يرمس عني جدام الشباب بكلام عاطل .... ماتتصورين يا غايه شو قال ... والله لو توصل الرمسه للاهل مادري شو بيسوون ... ابويه اهم ماعنده سمعته .. ومب انا اللي باي اخرب سمعته في هالعمر ....
غايه انفعلت:والله انه جليييييييييل اصل ... صدق انه مايستحي على ويهه .....
فهد: خله يولي .. عله مايعود ان شاء الله ..
وصل فهد اخته البيت و سار عند الشباب ...
--------------
الزمان: السابعه مساءا
المكان: غرفة ام احمد .
ام احمد: شوووووووووو !!!!!!!!!!!!!؟؟؟؟
أحمد: شوو شوو ياامايه ؟؟
ام احمد: بعد تسأل ؟؟؟؟؟؟؟ عقب كل هالانتظار تيني و تقولي ابا وحده غريبه ؟؟؟؟
احمد: منوو غريبه امايه ... كلنا عيال دار وحده ...
ام احمد: قال لي دار وحده !! يابوويه اشحقه تودر بنات خالاتك و عموومتك و تسير تخطب الغريبه ..... و كل وحده منهن احلى عن الثانيه و اغوى عنها .....
احمد: امايه انا قايللج مابا اخذ من الاهل ... يا امايه اباها البنيه ...
ام احمد: وانا اقولك ماتاخذها ..... يا احمد يا ولدي انا والله اتريا هاليوم الي تيني و تقول لي فيه انك تبا تعرس ... ابا اشوفك معرس و و اشوف عيالك .. وتعرف ما بقى من العمر الا القليل ..
احمد: الله يطول بعمرج امايه فديتج لا ترديني .. انا ابا اخذ هالبنيه .. والله لو تشوفين اهلها شقايل طيبين ...امايه سيريلهم و شوفيهم ... سيري انتي و خواتي .. واطالعوهم ... الله يخليج امايه عشان خاطري ..
ام احمد : مممممممم .... بتشاور ويا ابوك ..
أحمد: فديتج امايه لاتعاندين ....... رمسي ابويه و ردي عليي باجر ... (( و حب راسها و ظهر ))
------------
Part-3
الزمان: الساعه 3 الظهر
المكان: بيت بو سلطان-غرفة الطعام
كانوا كل افراد عايلة بو سلطان يالسين على الغدا ..
سلطان: امايه اليوم المسا عندج شي ؟
الام: المسا ..... لا والله ماعندي شي .. اشحقه تسأل؟
سلطان: بيونج عرب عيل ...
الام باستغراب: عرب ؟؟ منو ماشاء الله ؟؟ محد اتصلبي ..
سلطان: أهل واحد من الربع .... يبا اهله يتعرفون عليكم .. على قولته حبنا ويبا يوطد العلاقات ..
الكل استغرب من هالشي ... بهالطريقه ... شو السالفه كل واحد تم يتساءل من جهة ..
الاب: يوطد العلاقات ؟؟ لبده يبا يخطب ؟
ابتسم سلطان: ههههه يخطب منووه ؟؟ ماحيد عندنا بنات ينخطبن ..
انحرجت ساره و استدركت الام الموضوع: ويدييه ؟؟ ماشي بنات ينخطبن ؟؟ وهالقمر الي يالسه حذالك شوو ثرها ؟؟؟
سلطان: ههههههههه اسووولف والله .. اطالعو ويه سارووه شقايل غدا ...
ساره: اسكت اسكت والله ماتستحي على ويهك ..
الاب: انزين يابويه ماقلتلنا .. ماقال شو يبا ؟؟ ......
سلطان: لا ابويه والله ماقال الا اللي قلتلكم عنه ..... انتوا اجهزوا عقب المغرب .. وانا بتأكد منه متى بيون ...
الام: الله يهديهم جان قالولنا من وقت شوي .. بنزهبلهم عشاء زين ..
سلطان: ماعليج امايه .. سووا الي ترومون عليه و انا بييب لكم بعد من المطعم .. بتصلبهم احينه عسب يجهزونه وقت العشاء ..
الام : بارك الله فيك الغالي ..
عقب المغرب كان كل شي جاهز لاستقبال الضيوف, ميلس الحريم مدخن و مرتب و صياني القهوه و الشاهي و الحلوى والكاكاو كله جاهز ..
وقفت ساره في نص الميلس تشيك على كل شي .... و هي ترمس بالموبايل ويا غايه..
غايه : وايد متحمسه سارووه .. ماحيدج تسيرين تشرفين على ترتيب الميلس اذا حد بييكم ...
ساره: ويا هالويه والله غصبن عني .. امايه تقول اكيد هذيلا ياين يطالعوني اونه تقول بيخطبوني ... وانا اقول لها لا امايه كل ما حد يانا يعني يبا يخطب ...
غايه: هههههههه شكلها خالوه تبا تفتك منج ..
ساره: ههههههههه هيه شكلها جيه .. اسميها تغيظ يوم ارد واحد من الخطاطيب ..... اتقولي انتي محد يمزر عينج ..
غايه: هيه والله صدقها انتي محد يمزر عينج .. والله شروطج تظحك ...
ساره: والله من حقي احط شرووووطي .... والله انتي شو رايج .. ؟ ماتستاهل ساره بنت محمد ؟؟
غايه: تستاهل و نص !! ههههه تمي بيت ابوج ..
ساره: هههههههه .. فديته ابويه والله لو اتم عنده مايقول شي .. الا امايه الله يهديها هي الي تبا تيوزني ..
هني دخلت الام الميلس و شافت ساره يالسه على القنفه و يالسه تاكل من الباتشي و حلاوة فواله ...
الام: سارووووه ... هاللي مطرشنج تعدلين !! وانتي خلصتي الكافي عن العرب ..
ساره: ههههههههههههههههههه حليلي والله امييه ماكلت شي .. ( و جدامها يمييع القراطيس)
الام: هيه حليلج .. انزين سيري تجهزي .. سلطان يقول الحريم بين عقب صلاة العشا..
شافت ساره ساعتها و بندت الخط عن غايه و سارت غرفتها تبدل ..
الزمان: الساعه 8:30 مساءا
المكان: ميلس الحريم
كانت ام احمد يايه ويا بناتها الثلاث موزه و عاشه و شيخه و كانن كل وحده اكشخ عن الثانيه ... من الام لين اصغر بناتها .. و في المقابل بعد اندهشوا من مستوى الاثاث و الديكور في بيت ابو سلطان ... كان الميلس واسع وايد .. و مقسوم لثلاث اقسام بينهم ممرات مفتوحه بدون ابواب يعني كل واحد في أي قسم يقدر يشوف الي يالس في الاقسام الثانيه .. اكبر قسم كان هو عباره عن الميلس ... قنفات انيقه وايد .. الوانها فاتحه و جدام كل ثلاث او اربع قنفات طاوله صغيره من خشب الماهونجي و عليها زجاج ... في نص الميلس سجاده كبيره و وايد فخمه .... القسم الثاني الي شوي اصغر كان عباره عن غرفة الطعام . الطواله و الكراسي فيها نفس ستايل الطاولات الي في الميلس ... اما القسم الصغير فكان عباره عن المغاسل و فيها انواع كثيره من الصابون المعطر و المطهر الخ .. وكان ستايله بعد وايد حلو ... الاضاءه هي الي محلتنه اكثر...
دخلوا ام احمد و بناتها و يلسن يطالعن الميلس و يعلقون فيما بينهم على اناقته و فخامته .. قبل ماتدخل ام سلطان الي كانت عاطيه تعليماتها للبشاكير انهن يدخلن الحريم الميلس اول مايوصن عسب مايوقفن برا ..
ام سلطان: السلام عليكم .... يا هلا ومرحبا والله .... حيا الله من يانا ..
وقفن الحريم و وويهتهن ( سلمت عليهن) ام سلطان و يلسن ....
ام احمد : و عليكم السلام هلا والله الغاليه .... مرحبابج ..
ام سلطان : شحالكم .. عساكم بخير ..... حياكم الله ..
ام احمد : والله بخير و سهاله .....
وقفت ام سلطان و صبتلهن الشاهي و ناولت كل وحده كوبها ..
ام احمد ماكانت مرتاحه من الوضع : اولادي وايد يطرون ولدج و ولد عمه يمدحوونهم و عزروا علينا الا ني نتعرف عليكم ..
ام سلطان : ماشاء الله .. حتى سلطان يطري اولادج ... يقول متعرف عليهم في رحلة امريكا ؟
ام احمد : هيه اكيد هذا خالد الصغير ولدي ... في الجامعه ويا سلطان .. اما الثاني عود ... ضابط في الشرطه ..
ام سلطان: ماشاء الله عليهم .. الله يخليهم لكم ان شاء الله ....
ام احمد: اميين يا رب و يخليلج عيالج ان شاء الله .....
رن موبايل ام سلطان و كانت ام فهد على الخط قالتلها انها يايتنها عقب شوي (بيتهم قريب وايد) و يوم عرفت انه حريم عند ام سلطان قالت بتي تطالع الوضع .. ام فهد من النوع الوايد اجتماعي و تحب تتعرف و تسولف ويا الناس ...
ام سلطان : اسمحوولي هاذي ام فهد على التلفون كانت .. و قالت بتي تسلم عليكم ...
ام احمد: حياها الله ....
ام سلطان : ليش ماتسولفن بنات ؟؟ اكيد مستحيات ....
موزه ابتسمت : لا خالوه ....
عايشه: وين بناتج خالوه ؟
ام سلطان: ما عندي غير بنيه وحده فديتها ...... والله مادريبها ليش مايت .. بنتنا شوي خجوله ويا الناس الي ماتعرفهم .. بس ماعليه بتستانسون عليها .... بقوم ازجرها
ام احمد : استرييحي ام سلطان ... تريي اكيد بتي عقب شوي ..
ام سلطان: لا هاي يبالها حد يسحبها سحاب .. ههههههههه عن اذنكم ...
طلعت الام بتزجر ساره..
عايشه: شكلها فنانه الام وكشييخه ... ماشاء الله اسلوبها حلو في الرمسه
موزه: هيه ماشاء الله ..... تعالي انتي تستهبلين اونه وين بناتج ؟؟ تدرين انه ماعندها الا بنت وحده
عايشه:هههههههه ماعرفت شقول والله ...
شيخه: بنشوف البنيه شقايل ..... انا اتوقعها غاويه
موزه: هيه انا بعد .. ماشاء الله الام مبين عليها حلوه و مب عوده وايد ما اعطيها اكثر من 35 سنه ..
ام احمد: الي عنده بيزات و عايش في العز وين بيبن عليه العمر ؟
موزه: هههههه فديتج امايه و انتي شو عليح من قصور ؟؟
ام احمد : ماعليه قصور الحمدلله .. بعدين الي عنده خمسه غير عن الي عنده اثنين ..
موزه: امايه عندها 3 .... ولدين و بنيه ..
سكتوا كلهم يوم سمعوا الباب يتبطل .. دشت ام سلطان و وراها على طول ساره ... كلهم تموا يطالعونها بفضول .... يطالعون البنيه الي متخبل عليها احمد ... كانت ساره لابسه بدله بسيطه وايد لكنها انيقه جدا و مبين عليها انها ماركه .. كانت عباره عن تنوره لونها بني غامج ضيجه من فوق و توسع كل مانزلت تحت (A-line ).. و قميص بيج على ذهبي حريري .. و عليه جاكيت قصير نفس لون التنوره ... اكسسواراتها عباره عن سلسله ذهبيه رفيعه و قلب صغير الماس .. و خاتمين صغار ذهبيات بعد في كل يد واحد.... اما عن شعرها فكانت رافعتنه بمشبك الشعر و مسوتبه حركه حلوه .... ماكانت حاطه الا جحال و جلوس .... اول مادشت سلمت على ام احمد و عقب البنات و يلست حذال امها ..
ام سلطان : هاي بنوتتي ساره ....
ام احمد: ماشاء الله عليها .. الله يخليها لج و يسعدها ..
ام سلطان : اميين ان شاء الله .. و يخليلج بناتج يا ربي ....... (( وجهت كلامها لساره الي كانت مستحيه)) قومي ساره جان بتسولفين ويا البنيات ...
ابتسمت ساره : وين تدرسون ؟؟
ام احمد: ماشاء الله اول سؤال عن الدراسه ؟؟؟ ثرج دريسه هاا
ساره: لا خالوه . بس مادري ماعندي سؤال عشان ابدا الحديث .. هههه
عايشه: ماعليج .. انا كنت بسأل نفس السؤال .... احنا في جامعه الشارجه .. انا و شيخه اختي ..
موزه: انا طبعا برا الموضوع .... هههههه
عايشه: هيه انتي آوت .... ههههههه
ساره : ليش ؟؟ ماتدرسين ؟؟
موزه: لا انا مخلصه من كمن سنه و و يالسه في البيت ..
ساره: آها ... اريحلج ..
شيخه: انتي وين تدرسين ؟؟
عايشه (( اخرش وحده)) : اقوولج ساره .. تعالي ايلسي حذالنا ..
قامت ساره و سارت تيلس حذال البنات .. و تمن يسولفن عن الجامعه و و كم باقلهن و هالسوالف .. و عقب يلسن يسولفن عن الموضه و الازياء و مبين جدا انه البنات حبن ساره وايد لأنها شرحه و مسولفجيه ......
شيخه: ماشاء الله وايد حلوه بدلتج ....
ساره: مشكووره والله من ذووقج الحلو ..
شيخه: انا احب البساطه و الاناقه في نفس الوقت .. مايعيبني يوم جيه وايد معنقش و ملون و فوولك و هالسوالف الي الحين هابين فيها ..
عايشه : نعم نعم .. !! شو قصدج .. هههههههههه
ساره: ههه ليش انتي تحبين هالسوالف عايشه ؟؟
شيخه : الا اتمووت فيها .... دوم تدور على الانترنت عن هالسوالف بالذات ... .
ساره: كشخه .. انتي بعد تاخذين من الانترنت ....
عايشه: انتي بعد تاخذين ؟؟ شو المواقع ..؟؟
ساره: وايد والله .... ما اذكر بس كله مسيفتنه في الفيفيرت ...
عايشه : اها .. شو الماركات الي تاخذينها اكثر شي ؟
ساره: والله مب دووم اخذ ماركات .. عادي ساعات احصل لبس حلو و مرتب و مش ماركه معروفه .. بس عموما اكثر شي في اللبس احب روبيرتو كافالي و دولتشي & جابانا ..
عايشه: اللللللله D&G .. وايد فنان ....
شيخه : هييه على دقتج يالعنقاش .. خخخخخخخ
ساره: حليلها .. والله انها ستايليش ....
من جهة ثانيه كان الحديث بين الامهات شوي رسمي .. و مبين انه كان في الجو شوي كهربا .. على الاقل من صوب ام احمد الي كانت يايه غصبن عنها ...... مرت ساعه الا ربع و وصت ام فهد و كانت يايبه غايه وياها الي دشت و سلمت و يلست ويا البنات يسولفن .. و يلست ام فهد ويا الحريم ...
ام فهد: مرحبا الساع والله .. حيا الله ام احمد ...
ام احمد: حياج الله ..... اكيد انتي ام فهد ربيع خالد ..
ام فهد: هيه والله .... خالد الي تعرفوا عليه في امريكا ؟؟؟
ام احمد: هيه هذا هو ... دوم يطري سلطان و فهد و يمدحهم ماشاء الله ..
ام فهد: من اصله الطيب والله ...
و تموا يسولفون عن السفر و عن الطباخ و و العيال و الديكور ... (( رمسة حريم))
ام احمد: تشتغلون ماشاء الله ولا ربات بيوت ؟
ام سلطان: انا اشتغل و ام فهد بعد ..
ام احمد: ماشاء الله ... اكيد مدرسات ؟
ام فهد: هيه انا مدرسه .. الله يتووب علينا من هالمهنه ..
ام احمد: هههههه هيه والله مهنه متعبه ! الله يعينكم والله
ام فهد: امين يا ربي ......
ام احمد: هنتيناتكم اتدرسن في نفس المدرسه ؟؟
ام فهد: لا ام سلطان مب مدرسه .. هاي اعلاميه ..
ام احمد بطلت عيونها: اعلاميه ؟؟؟ شقايل يعني ؟
ام سلطان : سلمج الله انا كاتبه .. اكتب مقالات و هالسوالف .. تبين الصدق انا ما اداوم دوام منتظم .. لكني مثل ماتقولين موظفه لكن اشتغل من مكتبي في البيت ..تدرين انه بو سلطان رئيس تحرير في المجله . فقلت اشتغل وياهم احسن لي من اليلسه بليا فايده ...
ام احمد وهي مستغربه زياده : هييه ماشاء الله يعني انتي عندج شهاده في هالسوالف ؟
ام سلطان: هيه .. انا عندي بكالوريوس في الصحافه .. عاد على هاذيج الايام يوم بغيت اداوم شوي استوت ظروف .. و عقب بو سلطان لقالي هالحل ... انه ماا داوم دوم في المجله ... متى ما اكتب مقالاتي و جيه اطرشها بالفاكس ولا الايميل .. و هم يتصرفون ..
ام احمد: هيه ماشاء الله ....
ام فهد: و بنتي غايه ماشاء الله تدرس اعلام على قولتها تبا تشتغل ويا خالتها في الجريده ...
ام احمد: ماشاء الله عليكم .. طموحين ..
ام سلطان: الحمدلله ... عمره الطموح ماتعارض ويا مبادئنا .... و انتي يا ام احمد ؟؟ اكيد مدرسه ؟
ام احمد: لا والله حشى علي .. لا مدرسه و لا اشتغل ... ماشي من الحريم عندنا يشتغلن والله ..
ام فهد: والله انكم مرتاحات ..... الله يهنيكم ..
تمن يسولفن لين يا وقت العشا و ساروا كلهم غرفة الطعام يتعشون .. و كان على المائده كل مالذ و طاب من المشاوي و المعجنات و الارز و المحاشي ......
على الجهه الاخرى كان احمد طالع ويا خالد و سايرين الكوفي شوب .. عقب يوهم سلطان و فهد و يلسوا يسولفون وياهم ...
سلطان: ماطعتوو الشور و يبتوا الوالد يتعشا عندنا .. جان خلينا مب الا الحريم يتعرفن .. بعد الرياييل ونستوي اهل ..
احمد في خاطره يقول ليتنا نستوي اهل : هييه والله ... ان شاء الله مره ثانيه ... في البيت عندنا يوم العزيمه
سلطان: هيه والله العزييمه .. خخخ نسيت عنها
احمد: فقدتك .... اونك ناسي ... انته اول واحد بتي .. هههههههه
فهد: هيه هذا سلطون يموت في العزايم عسب الاكل ... خخخخخخخخخخخخ
سلطان: خخخخخخخ هيه والله ..
احمد: اسميييك انته .. اونه هيه والله بعد .... هههههههههههههه ثرك ياهوووش (( اكوول وايد)) ...
فهد: هههههههههههههههههههههههههههههههه والله انه هالكلمه اتظحكني .... سلطوووون ابوك دوووم يقووولك اياها .. هههههههه
احمد: حتى ابووك ؟؟؟ ههههههه عيل صدق انك ياهوش ..
سلطان: والله من كثر ماتقولووون عني ياهووش و شرهااان احس عمري بضعف ..
خالد: لا يعني على الاكل الي تاكله مايبين عليك والله ماشاء الله
سلطان: هييه يالله انته بعد انظم لفريق الحساد ..
خالد : هههههههههههههههههههههه حساد اونه والله اني قلت ماشاء الله
فهد: ههههه ماعليكم منه .... محد يعطيه بعين هذا ... ضد العين ...... ههههههه
احمد: الله واكبر ... قووول ماشاء الله يا ريال .... محد بيحسد ولد عمك غيرك .. !!
فهد: ماشاء الله .. ههههه
سلطان: زين يووم قلتله ..... جان ماقال ماشاء الله مووول ... خلاص بعينك محامي .. هههههه
احمد: ويا هالويه تراني دارس حقوق انا .. اروم استوي محامي ..
سلطان: هييييييييه والله صدق ....... يا متر انتا .. انا بعد كان في خاطري اكون محامي .. لكن تدري طموحات الاهل ...
احمد : يالله محد ياخذ غير نصيبه ..
عقب شوي اتصلو اهل احمد يسألونه متى بيمر .. و قام اترخص هو و خالد و ساروا يمرون على اهلهم ..
من ركبت الام السياره كان شكلها مب مطمن بعكس البنات الي كانن يضحكن و يسولفن و هن مبسوطات ..
------------------اتمنى ان البارتات عيبتكم... انشووووفكم على خير انشاءالله---------------------
صدوق الود
18-12-05, 02:54 AM
تسلمين ع القصة حبيبتي
وسلمت اناملك اختي
أختك
صدوق الود
صدوق الود
20-12-05, 05:29 AM
لو سمحتي اختي متى بتنزلين الاجزاء الباقيه
والله القصة حلوووة وانا متحمسه وايد عشان اكملها
حبي وتقديري
أختك
(( صدوق الود ))
جود الحزن
01-01-06, 10:49 PM
امممممممممممممممم
ترى احنا ننتظر التكمله اختي
vBulletin® v3.8.7, Copyright ©2000-2012, vBulletin Solutions, Inc.